مـآذآ ستطبخيــن اليـوم سيدتــي / آنستــي الجزء 24

[نور الرحمان]

الله الله سخفتوني يا لبنات مشاء الله عليكم ياشاطرات
اناليوم حضرت عيد ميلاد بنت خالي

 

[ibtesem]

الله الله نور الرحمان يابنتي الطفلة لي لابسة الروبة حمراء هههه خلعتيني تقول بنتي سبحان الله نفسها من كل شئ

عيد ميلاد سعيد كل عام وهي بخير

 

[ibtesem]

ام اسراء واسحاق سخفتيني في الفول ههه عندي بواطة ايا عطيتها الحس

زائرتي تفضلي رانا منا فينا مكانش البراني
::::::::::::

‏Ahlem&mou اهلا حلومة واش راكي هدي غيبة

 

[MĺŹǾ žĕĥÔŖ]

السلاااااااام عليكم واش رايكم لبنات؟

تورحشتكم بزااااااااااف

وع هادوك الأطباق يمي يمي يشهوووووو يعطيكم الصحااا

المهم جبتلكم اليوما طمينة والقاطوو ديال أختي كيما ولدت والدوزان الي مديناه للضياف

​

كلشي مكموندي :p

ممبعد راني رح نحطلكم كلشي بالتفصيل وحاجة بحاجة إن شاء الله باش تشوفوا أفكار وديكورات رح تعجبكم:p
​

 

[ibtesem]

بصحتكم ميزو مبروك على اختك ان شاء الله يتربي في عز والديه
انت خالتو تربجي بيه

 

[ام اسراءواسحاق]

ابتسام و ايمان ربي يخليكم و الله حتى حكيت مع يما باش تهنيت
نور عيد ميلاد سعيد لبنت خالك
زهور مبروك عليكم المزيود و يتربا في عزكم ان شاء الله
الاخت السعيدة بربها سارة ان شاء الله المانع خير .
سلامي للجميع.

 

[oumsif]

مساكم بالخير لبنات يعطيكم الصحة اطباقكم كلها روعة تسلم ايديكم
ام اسراء واسحاق الحمد لله علي سلامة الوالدة
ahlem& mouعلي سلامتك واش هدا الغيبة توحشنا اطباقك

 

[mimi53]

لبنات يعطيكم الصحة
كلشي يشهي
شهرورة اممممم على البريوش خرجلك هايل
ميزو مبروك على اختك بزيان السعد انشاء الله ويترباو في عزها
مدابيك نقرعجو شوية كاش جديد كاش عفايس
وبيان sur نعاااااااااااااااااندووووووووووووووووو
الاكيد الاكيد
ههههههههههههههه
نور الرحمان عيد ميلاد سعيد ولعقوبة تفرحو بيها انشاء الله
اختي ندى اممممممممممم ليسكالوب اممممممممم يعطيك الصحة
حبيبتي ابتسام اطباق تشهي ربي يخليك
اختي ايمان كي العادة اطباق مميزة ورائعة
ام اسرء واسحاق يعطيك الصحة اطباق تفتح النفس
اختي ام كوثر واو تطبيق رائع يعطيك الصحة
ام سيراجو اممم تسلم ايدك حبيبتي
بوح المشاعر حبيبتي واش راكي يالغالية انشاء الله بخير
ويعطيك الصحة على اطباقك
حدة يعطيك الصحة يالغالية
احلاموووووووووووووووو واش راكي حبيبتي هادي غيبة توحشت طيابك ايا اتحفينا باطباقك الرائعة ولا راكي تتقلشي علينا واقيل
هههههههههه

انا راني دايرتها غير جام جام وخلاص باش نطيب والو الله غالب راني نتوحمو
هههههههههههههههه
لبنات والله صدقوني راني وليت ندخل للكوزينة ندوخ كرهت نسيي ولا ندير يدي معلاباليش واش جاني على الكوزينة

اختي امنياتي- السعيدة بربها سارة راهم غايبين انشاء الله المانع خير انشاء الله

 

[shahrazad]

سلامووو
بووحة حبيبتي الله يحفظك على كلامك بصحتكم الدوبارة والمرقاز يمييييي
ايمانوو بصحتكم لوبيا الله الله
ابتسام الحووت والبطاطا يقرمشووو وفكرتيني فالبطيييخ يييييي بصحتكم
ام سيراج ختي ماشاء الله راكي قمتي بضيافك الله يبارك كل شي هايل
ام اسحاق الحمدلله على سلامة الوالدة ربي يحفظها وبصحتكم الطاجن والفول اممممم
زهزوووهتي مبرووك على ختك وعليكم ربي يكبرو في عزكم كل شي بالبع يا خااالتوو

صح عشاكم
وهادي تحية لجنود الخفاء االي راهم مع الزواار :p

هدا هو عشانا بصحتكم

​

 

[mimi53]

شهرورة يا الشاطرة ابرونشيلي كاش خيط منعندك باش يفطني نولي نطيب
هههه
يعطيك الصحة وكلشي يشهي تسلم ايدك

 

[shahrazad]

شهرورة يا الشاطرة ابرونشيلي كاش خيط منعندك باش يفطني نولي نطيب
هههه
يعطيك الصحة وكلشي يشهي تسلم ايدك

الله يحفظك

اوااااه ميمي كاش ما دارولك غير روحي اجري على رووحك :p ههههه
​

 

[ibtesem]

شهرزاد بصحتكم الدولمة والمعقودة
ميمي يا ميمي واش بيك تفنينتي هدي لايامات

 

[oumsif]

نور الرحمان سنة حلوةلبنت خالك ربي يطول في عمرها
ميزوا مبروك علي اختك يتربي في عز والديه
شهرازاد صح اعشاك يالفحلة

 

[mimi53]

ههههههههههههه
والله يااختي ابتسام انا بروحي مفهمتش كيفاش حبيتيني نفهمك
على حساب الشوفة اعراض لوحم ههههههههههههههههه
راني غير نقصر بلاك تقولو صح
انشاء الله هادو ليامات نفطن ونوافيكم باحلى واروع الماكولات
ههههههههههه حوحو يشكر روحو

شهرورة ياوخدتي غدوة نروح كاشي طالب على روحي يعلقلي حبة قمح ونبيتها 3ايام نهار الويكاند نخلعكم
هههههههههههه

 

[روعة2005]

تحياتي المسائية لكل الغاليات رائدات الركن وزائراته
السلام عليكم ورحمة الله وبركاته
نحب نقول بااااااااااااااااااااااااارك الله فيكم جميعا وتسلم الايادي الطيبة
وتحية خاصة للغالية شهرزاد اخجلتني رسالتك وكلماتك الطيبة شكرا ياطيبة ​

 

[mimi53]

على سلامتك اختي روعة واش راكي حبيبتي انشاء الله تكوني بخير
توحشناك وتوحشنا اطباقك يالغالية

 

[nada242008]

روعة2005
اهلا والله بها الطلة اشتقنا لعيونك والله .. عذبنا فراقك يالغالي خاف الله فينا وخاف الله :$
------------
نور الرحمان عيد سعيد وكل عام وهي بخير طارطة هايلة
شهرا امممممم عشاك يشهي يعطيك الصحة يالفحلة
ابتيسو بصحتك الفول نموووووت عليه
ام سيراج عرضة رائعة قوليلي كيفاه خلاك سيراج طيبي هذا كل هههه
ميمي يا ميمي واش هذا التفنيين لي طاح عليك كنت عنجيبلك عريس وبطلت ههههه

​

 

[ibtesem]

روعة2005

اهلا والله بها الطلة اشتقنا لعيونك والله .. عذبنا فراقك يالغالي خاف الله فينا وخاف الله :$
------------
نور الرحمان عيد سعيد وكل عام وهي بخير طارطة هايلة
شهرا امممممم عشاك يشهي يعطيك الصحة يالفحلة
ابتيسو بصحتك الفول نموووووت عليه
ام سيراج عرضة رائعة قوليلي كيفاه خلاك سيراج طيبي هذا كل هههه
ميمي يا ميمي واش هذا التفنيين لي طاح عليك كنت عنجيبلك عريس وبطلت ههههه​

ندى لمرا تتوحم انت تجبيلها عريس اخا هيهيهيهيهي:p
عفاف راهي تحت درك تقتلك :d

 

[nada242008]

صورة تذكارية

حالياً الأعضاء النشيطين الذين يشاهدون هذا الموضوع : 48 (28 عضو و 20 ضيف) ‏nada242008, ‏KHAOULA 24, ‏Fįŋėŋėşs, ‏ساندريلا زماني+, ‏عفاف الجزائرية+, ‏ibtesem, ‏زائــــــــرة حلوة, ‏s_luna, ‏ziassia, ‏fati mosta, ‏nassima88, ‏wijdane, ‏أم سارة, ‏نور الرحمان, ‏عائشة حسان, ‏fatima der, ‏lina20, ‏أمونة المتألقة, ‏hasna23, ‏عاشقة الوردة, ‏sarah11, ‏Ahlem&mou+, ‏nour mary, ‏om siraje, ‏نهلة2013, ‏imane27, ‏ميس مرام, ‏ام نسيبة

 

[عفاف الجزائرية]

من مدة ما دخلتش عليكم بكاش حاجة
ليوم حشمت وجيت
اولا حبيت نقلكم ربي يبارك عليكم كاملين كاملين كاملين حللو حللو حللو كيما تقولها فلة
تاني حاجة مرحبا ومراااحب بكل الي كانو غايبين وطلو علينا
ثالث حاجة اسفة انه وصلتني لبارح رسالة من روعة وقاتلي سلمي على البنات وانا نسيت والله
واخيرا نقلكم بصحتكم عشاواتكم
تفضلو معايا اطباق فاتو وعشاء ليوم

وربي يهنيكم كاملييين
​