عندنا نقص فال....

[أم راضية ~_]

السلام عليكم ورحمة الله وبركاته

إن شاء الله لاباس وبخير؟
---
عندنا حنا الجزايريين بصفة خاصة نقص فالتعبير عن المشاعر و الحنانة و ما تبعهما..
تلقى في لي فامي ماكانش اخ يقول لاختو نعزك ,(هكدا بصريح العبارة..)
ولا اب يقول لوليدو يا وليدي العزيز راني نحبك
ولا ام مع بناتها
-المهم فالأسرة ما نلقاوش هاد الامور-
وعلاش؟؟؟
الله أعلم
وهاد الشي الي حبيت نفهمو :s

وعلاش حنا الجزايريين ما نقدروش نعبرو مع للي قراب لينا مالgري الي ما نعرفوهمش نتعاملو معاهم مليح و بظرافة وكلش
متلا واحد يهدر مع اختو غير بالخشانة و يعطي غير الاوامر و تلقاه برا غير انعم اختي ,اتفضلي ,ماكانش مشكل بلا ما ننساو الظراافة وروح الدعابة والمزاح و غيرها من الامور بلا ما نفصل فيها..
وتلقى شي آباء -ربي يسمحلهم- مع بناتهم جافيين و جايبينها غير قباحة و وعارة وبرا ... :down:
الي حبيت نوصلو :
ماهيش عيب و لا حرام ادا الانسان كان لبق كيما برا مع الناس يكون ظريف ولطيف مع اهلو واهل بيتو
دوك أسكو توافقوني على واش قلت ؟
بمعنى هل نتوما تانيت شايفين بلي الجزايريين ناقصين حنانة مع أهاليهم وماليهم ؟ و يعانو من الفراغ العاطفي ؟؟؟؟
و في رايكم واش هو الحلّ باش نقضيو على هاد الطبيعة ؟

اسمحولي ادا غلطت وشكرا على قراءتكم للموضوع :regards01:
---
السلام عليكم
سبحانك اللهم وبحمدك أشهد أن لا إله إلاّ أنت أستغفرك وأتوب إليك
واللهم صل على محمد وعلى آله وصحبه أجمعين​

 

[حفيد هواري بومدين]

موضوعك باهي ===> هاني عبرتلك على مشاعري بصراحة ههه

 

[أم راضية ~_]

موضوعك باهي ===> هاني عبرتلك على مشاعري بصراحة ههه

شكرا على الاعتماد
- مع أني هادا وين كنت رح نستفسر على سبب عدم اعتماده ؟ -​

 

[قناص الغرام]

موضوع في الصميم مانعرف كاين الي تجيه صعيبة كي يقول لاختي نعزو
مانعرف علاه بورتون حاجة عادية
​

 

[رضوة الجزائرية]

عند ك الحق ماعندى ما نضيف شحال من مرة نقولها بنفسي مانلقاش الاجابة هداالجفاء ياختى​

 

[!≈[سُِـِيٌــِـِفّ اٌڷِخً‘يٌـرُ]≈!]

و لله يعطيك اللصحة اختي

و لله شيئ هذا هو لي يخلي بعض الأمور تخرج عن السيطرة

لله غالب هذي الطبيعة والفناها واش نديرو

مي لازم انا و انت ولي راه معاك في لقصة هذي

إذا كتب ربي يجي نهار وين تكون عندو اسرة

كلمة لي نقولها لي تحرمت منها انت ما تحرمش منها اولادك

انا و لله وعدت روحي خاصة في شيئ هذا و ولش تحرمت كامل

و إلا كتبلي ربي و ربي يقدرني ما نقصرش في أولادي

شكرا لك على الموضوع

يستاهل التقييم
​

 

[virus2015]

و لله يعطيك اللصحة اختي ​

و لله شيئ هذا هو لي يخلي بعض الأمور تخرج عن السيطرة ​

لله غالب هذي الطبيعة والفناها واش نديرو​

مي لازم انا و انت ولي راه معاك في لقصة هذي ​

إذا كتب ربي يجي نهار وين تكون عندو اسرة ​

كلمة لي نقولها لي تحرمت منها انت ما تحرمش منها اولادك​

انا و لله وعدت روحي خاصة في شيئ هذا و ولش تحرمت كامل ​

و إلا كتبلي ربي و ربي يقدرني ما نقصرش في أولادي ​

شكرا لك على الموضوع ​

يستاهل التقييم​

ربي يرزقك خويا العزيز
ويحققلك واش تتمنى​

 

[ماكانش]

يعطيك الصحة على الموضوع الباهي
لازم نفرقو واشي هوا الحنان ألي تقصديه
إذا الظرافة ايه
وغذا يقول لختو راني نشتيك وو هاذي لا
​

 

[أم راضية ~_]

موضوع في الصميم مانعرف كاين الي تجيه صعيبة كي يقول لاختي نعزو
مانعرف علاه بورتون حاجة عادية
​

إيه حاجة عادية يكون ظريف مع يماه و خواتاتو و خاوتو
بصح دوكا قلبوها الي يكون مليح مع لبنات الي يقراو ويخدمو معاه هو الشاطر والgالون..
انقلبت الموازين
شكرا على الرد و المرور​

 

[أم راضية ~_]

عند ك الحق ماعندى ما نضيف شحال من مرة نقولها بنفسي مانلقاش الاجابة هداالجفاء ياختى​

الله يهديهم و يهدينا
شكرا أختي على المرور والردّ​

 

[أم راضية ~_]

و لله يعطيك اللصحة اختي

و لله شيئ هذا هو لي يخلي بعض الأمور تخرج عن السيطرة

تمااااااااااما وما قدرتش نعبر عليها مليييج فالموضوع / راحولي الكلمات تالمون الشي صعيب..
​

لله غالب هذي الطبيعة والفناها واش نديرو

هِيا من العادات الفاسدة الي توارثوها
​

مي لازم انا و انت ولي راه معاك في لقصة هذي

إذا كتب ربي يجي نهار وين تكون عندو اسرة

كلمة لي نقولها لي تحرمت منها انت ما تحرمش منها اولادك

هادا هو الصواب :up:
بصح الي شفتها انا تقول العكس وهادي الي تغيض و نعطيكم متال حيّ و من الواقع :
ام و اب في زوج عاشو ناقصين حنانة من عند ماليهم , هيا يماها مطلقة و تربات عند عمتها و هو يماه ماكانتش مسؤولة كيما لازم وما اعطاتوش واش يسحق.. ولما تزوجو و جابو ولاد , طبقو قاعدة :"فاقد الشيء لا يعطيه " وين كان من المفروض واش انحرمو منو ما يصراش في ولادهم
ونخليلكم ليكم تتصورو حياة بلا عطف و حنانة الوالديين
إدا الوالدين ما اعطاوهاش لولادهم , من عند شكون نسناو تجيهم؟ من الجيران؟ ​

انا و لله وعدت روحي خاصة في شيئ هذا و ولش تحرمت كامل

و إلا كتبلي ربي و ربي يقدرني ما نقصرش في أولادي
إن شاء الله ربي يقدرك

وهادا الي لازم يكون كل واحد عندو عقل يخمم بهاد المنطق , ماشي يقول : كيما انا ماعشتش و ما شفتش الامور هادو و نورمال لازم ولادي نربيهم هكدا ..
​

شكرا لك على الموضوع

شكرا على المرور والردّ
​

يستاهل التقييم
​

أكتر حاجة تهمني كي لحق الميساج و فهمتو كيما لازم الحال
​

:regards01:

 

[أم راضية ~_]

ربي يرزقك خويا العزيز
ويحققلك واش تتمنى​

آمين
بصح ما عندكش كلمة بخصوص الموضوع؟​

 

[أم راضية ~_]

يعطيك الصحة على الموضوع الباهي
لازم نفرقو واشي هوا الحنان ألي تقصديه
إذا الظرافة ايه
وغذا يقول لختو راني نشتيك وو هاذي لا
​

نقصد بيه الظرافة و السلاسة فالتعامل وكل ما يتبع ذلك
ماشي شرط التصريح
الامور هادي تظهر في المعاملة والحياة اليومية أما الكلمة الي تتقال حسنة في سنة ولا حتى وتكون دايمة ما عندها ما تدير ادا ماكانتش المعاملة مليحة
شكرا على المرور والردّ​

 

[!≈[سُِـِيٌــِـِفّ اٌڷِخً‘يٌـرُ]≈!]

نقصد بيه الظرافة و السلاسة فالتعامل وكل ما يتبع ذلك
ماشي شرط التصريح
الامور هادي تظهر في المعاملة والحياة اليومية أما الكلمة الي تتقال حسنة في سنة ولا حتى وتكون دايمة ما عندها ما تدير ادا ماكانتش المعاملة مليحة
شكرا على المرور والردّ​

كيما انا عندي اخت وحدة في دار

كل يوم تقريبا كي نرجع لدار من لخدمة او في الليل لازم ندخلها معايا حاجة في يدي

ماشي شرط نقلها راني نشتيك يا اختي

المباردة بأي حاجة
​

 

[lemia23]

وعليكم السلام اختي موضوع روعة
هادي العفسة يديروها غير الجزاائريين ممكن تجيه
كبيرة ولا يحشم كي يقول ل اختو راني نحبك ولا نعزك
مي هو في قلبوا راه يموت علاها ويخااف علاها
المشكل تع العائلة الجزائرية متحبش تبين بالهدرة
كيما حنا في عيلتنا الحمد لله الهدرة لملاحة كل نسمعوها من
عند ماما وبابا من نحبك ونعزك ونموت عليك
مي حنا لخااوة جاامي نبينو هاد الحب
انا نقول تجي كبيرة يوقف الطفل يقول ل اختو نحبك ولا نعزك
ربي يجيب الخير وخلاه
مشكورة اختي على موضوعك لمليح
وتقبلي مروري

 

[mohgladiator]

انا عن نفسي
نقوول لختي نعزك و نحبك
و نغلط معاها نرضيييها
ونلعب معااها و نمسخر
وكلللللللللللللللللللللش
و نووووورمال

​

 

[هبة الرحمان2]

موضوع جميل جداااااااااااااااااااااا.

 

[بنت الـ25]

صحيتي يلدز احسنتي الاختيار
بصفة عامة تقدري تقولي الشعب الجزائري والعربي بصفة عامة منقولوش ناقص حنانة ولا ميعرفش يعبر
مي ممكن يكونو يحسبو هاد الهدرة عيب ولا تنقص فالرجولة ولا كي يقلها نحبك ونعزك طيح لقدر
وهدا بالتاكيد تفكير غلط × غلط
احنا في دارنا الحمدلله بابا ولا خاوتي نتعاملو مليح وهاد الهدرة توجور حاضرة
مام يما انا وهي اكتر من الصحابات والحمدلله
المشكل يا يلدز مشكل ولف وعادات نشانا عليها وقناعات موحال تتبدل بين ليلة ونهار

​

 

[la_safa]

السلآم عليكم و رحمة الله و بركآته

جمعة مبآركة حبيبتي + موضوع في الصميم ..

اممم والله عندكـ حق شبآبنآ و شآبآتنآ وصلت بيهم مع يدخلو للدآر
يكشوو تقول مآنعرف وين دآخلين وآحد لآ يقدر وآحد خلي يآ يتفكرو الظرآفة ..
أنآ الحمد لله سيرتو مع مآمآ هآذي الهدرة كآمل كآينة المشآعر ديمآ حآضرة :-r ..
مآفهمتش ممكن هآذي طبيعة فيآ انآ مع خوآلي خآوتي ديمآ الضحكـ
و التمسخير ، سآعآت بركـ وين يدخل بينآتنآ الشيطآن .. هآذي بين الخآوة كآمل :d

سيرتو الذكورآ ديمآ تلقيهم يتعآملو مع خوآتآتهم بعنف ..
أمآ من الجيهة لوخرى تحضر المشآعر كآمل ....... نظن فآهمتي وش نقصد ..
آآآ ثمآ تلقآي المحبة و الظرآفة كآمل طآحت عليهم ..
و هو مع أمو مستخسر فيهآ كلمة نحبكـ ..

الله يهديهم هذآ مآكآن ..
​

 

[la_safa]

صحيتي يلدز احسنتي الاختيار
بصفة عامة تقدري تقولي الشعب الجزائري والعربي بصفة عامة منقولوش ناقص حنانة ولا ميعرفش يعبر
مي ممكن يكونو يحسبو هاد الهدرة عيب ولا تنقص فالرجولة ولا كي يقلها نحبك ونعزك طيح لقدر
وهدا بالتاكيد تفكير غلط × غلط
احنا في دارنا الحمدلله بابا ولا خاوتي نتعاملو مليح وهاد الهدرة توجور حاضرة
مام يما انا وهي اكتر من الصحابات والحمدلله
المشكل يا يلدز مشكل ولف وعادات نشانا عليها وقناعات موحال تتبدل بين ليلة ونهار

​

اهلآ طآطآ لينآت لعزيزة لغآلية لحبيبة هههه نكمل ولآ :$ ..
اممم حبيت بركـ نقلكـ على لي سطرتلكـ عليهآ و لونتهآ ..
لآلآ والله غير في دزآير و دول المغرب تونس و المغرب أمآ دول المشرق
بالعكس الظرآفة و هآذ لكلآم لحلوو عندهم كي الشتم عندنا :d ..
عندي خآلي كآن في سوريآ صدقيني لكلآم الزين كآمل عندهم كيمآ رجع هنآ حآر :-o
في أي حآجة لكلآم لحلو حآضر رآهم غير هنآ لي الظرآفة غآيبة
و سقسي أي وآحد من هآذيكـ الجوآيه يقولولكـ ..
​