هنتكلم انهارده مع بعض عن اتيكيت الخطوبه والبنات المخطوبات
وازاي تتعاملي مع خطيبك في فترة الخطوبه ان شاء الله
الموضوع ينول إعجابكم
أول حاجه هنتكلم فيها هي أهم حاجه كمان :
إحترام كل طرف للآخر وفهم وجهة نظره حتي مع الإختلاف في وجهات النظر بمعني أوضح التفاهم وعدم التسرع في إبداء الرأي والتزمت والتعنت في إبداء رأي طرف علي الآخر لازم يكون في عقلانيه طبعا في العلاقه-الخطوبه دي بتكون فتره بتتعرفوا فيها علي طباع بعض فاحرصي على عدم افسادها بسوء تقدير وتصرفات غير مقصودة.
تاني حاجه :
البعد كل البعد عن المقارنات سواء علي المستوي الشخصي
أو العائلي.
تالت حاجه :
عدم محاولة إقحام الأسرتين في مشاكلكم الشخصيه لا قدر الله لآن كل لما الموضوع بيكبر و المعارف بيتدخلوا بيخلق مشاكل وأزمات لاحدود لها
فحاولي انك انتي وخطيبك نحلوا مشاكلكم بينكم وبين بعد علي قدر المستطاع .
رابع حاجه :
الحرص كل الحرص علي تجنب الكلام عن أي علاقه سابقه لكلا الطرفين ولا انتي تسأليه ولا هو المفروض يسألك كمان علشان برضه حتة الغيره اللي كلنا نعرفها دي.
خامس حاجه :
أنكم لازم تكونوا عندكم حتة الصراحه في كل شيء وده طبعا من قبل الجواز علشان لاقدر الله بعد الجواز مش نكتشف شيء مش بنحبه ونرجع نقول ياريت اللي جري ما كان .لازم كل واحد يكون علي طبيعته ولا نسمع الكلام اللي بيقول عازه يدلق عليا وعاوزه ....الخ ليه يا حبيبتي خليكي علي طبيعتك أحسن.
سادس حاجه :
عدم الانشغال دائما بالكلام عن المال كل واحد يدي فرصه للتاني يتعرف علي شخصيته أكتر من الكلام عن الفلوس وشقة الزوجيه .
سابع حاجه :
عدم تعصب طرف علي الآخر أثناء الحديث التعصب ممكن يودي لسكه غير مرغوب فيها خالص وممكن يستخدم فيها ألفاظ جارحه فبلاش من العصبيه أحسن .
أرجو أني أكون قدرت أساهم ولو بجزء بسيط من فهم طبيعة العلاقه بين المخطوبين و إتيكيتها
