استفسارات العروس حول أنواع الحلويات والأطباق وطرق تزيين وتقديم الأطباق لعام 2013

[ام الحلوين]

ربي يهنيك حنونة
راني هابطة في 10 اوت ادا كتب ربي .

 

[سمية25]

وانا عرسي في 11 اوت و12 اوت يدوني لقالمة و13 تصديرتي ودخلتي
ممكن نطلب منك تعطيلي حلويات بسيطة وسهلة .
المقروط والبقلاوة والمخبز والتشاراك مسكر و القريوش هذو رايحة نصنعهم باينين نديهم معايا مي حبيت نزيد نوعين اخرين يكونو سهلين و ماهمش معسلين ولا مسكرين
واش رايك في الجلجلانية
انتظر ردك وياريت تجيبيلي وصفات مع الصور اذا امكن
رني تعبتك معايا اسمحيلي

 

[ام الحلوين]

مافهمتش قصدك سمية النوعين تاع القاطو حابة زيدي تديهم و لا تخدميهم للدار ؟؟؟؟
و علاه ماديريش الدخلة نهار لي يدوك ؟

 

[سمية25]

وانا عرسي في 11 اوت ان شاء الله في الشلف و13 اوت في قالمة
ان شاء الله تجي بخير وسلامة وتشرفيني بحضورك
حبيت نسقسيك على نوع حلويات للاعراس تكون ناشفة كيما يقولو
راني قررت ندي بقلاوة ومقروط التمر والمخبز والتشاراك مسكر والقريوش
وحبيت نزيد نوع اخر يكون مليح مي ماهوش مسكر ولا معسل

 

[ام الحلوين]

سمية سامحيني حنونة كنت مع العشا و الدراري و مانقدرش نبعثلك على الخاص لان مشاركاتي قليلة .
تفضلي شوفي هدو الحلويات في 2 شابين

هدا موالفة نخدمو يجي بنين

 

[سمية25]

اهلين اختي الشلفاوية كيراكي لاباس والصحة غاية
شابين هذو النوعين سيرتو التاني عجبني قاوي اعطيلي المقادير نتاعو
ياك زوجي يحب هذي الانواع من الحلويات
على ذيك قلت نديلو نوع على حسب ذوقه
ميرسي حنونتي

 

[ام الحلوين]

اهلين اختي الشلفاوية كيراكي لاباس والصحة غاية
شابين هذو النوعين سيرتو التاني عجبني قاوي اعطيلي المقادير نتاعو
ياك زوجي يحب هذي الانواع من الحلويات
على ذيك قلت نديلو نوع على حسب ذوقه
ميرسي حنونتي

سلام سمية شوفي حنونة انا المقادير نحط من راسي .
حطي 500غ زبدة طرية +2 بيض + نص كاس سكر( انا مانحبش نكثر السكر لان الحشو يجي حلو)+ لفاني + 1 خمارة و لمي بالفرينة ثم خدي كرة صغيرة من العجينة و فرشيها في المول واثقبيها بالفرشيطة واطيبيه ثم خلطي لوز او كوكاو (انا مانحبش اللوز رغم قيمتو عند بعض الناس) يكون مرحي بصح ماشي بودرة + حلوة الترك + جلجلان ادا تحبي و لمي بالعسل او مربى المشمش واعمري بيه القاطو و لصقي مع بعض (عمري نصف فقط و لصقيه مع النصف الاخر) و زيني كيما تحبي من الفوق .
و كاين شكل مشابه لهدا اسمو (حلوة البابيون ) كتبي في قوقل و شوفي الشكل تاني شباب .

 

[سمية25]

ميرسي حنونة على الوصفة راني تعبتك معايا
اسمحيلي حننننح
ربي يعطيك صحتك ويرزقك ذرية صالحة ان شاء الله

 

[miss miss]

سلام خياتي انا نهار جاو ختبوني اول مرة طيبة 4 انوع قاطو هاو ليكم و مع العصير شريت ملفاي

اعطيوني رايكم فيه

 

[سمية25]

الله يبارك اختي راكي تسلكيها فالقاطو وقيلة نكموندي من عندك لعرسي
ههههههههههههههههههههه
ميرسي ختي والله غير شابين وشابة صنعة يديك

 

[miss miss]

مشكورة حنونتي

 

[خولة الصحراوية]

وانا عرسي في 11 اوت و12 اوت يدوني لقالمة و13 تصديرتي ودخلتي
ممكن نطلب منك تعطيلي حلويات بسيطة وسهلة .
المقروط والبقلاوة والمخبز والتشاراك مسكر و القريوش هذو رايحة نصنعهم باينين نديهم معايا مي حبيت نزيد نوعين اخرين يكونو سهلين و ماهمش معسلين ولا مسكرين
واش رايك في الجلجلانية
انتظر ردك وياريت تجيبيلي وصفات مع الصور اذا امكن
رني تعبتك معايا اسمحيلي

اهلين اختي سمية اسمحيلي شفت موضوع اليوم برك لخاطر عندي مدة مرانيش ندخل المهم حبيت نساعدك بلي نقدر و شفتك راكي رسيتي على انواع و تاني راكي مصرة على الصابلي عندك الحق حنونة خمي على راجلك على هكذا جبتلك مودال نتاع صابلي هو عجينة واحدة مي انت بما انو نتاع عروس غير في الشكل و لا واشش رايك ؟؟؟ شوفيهم و نتمنى نكون ساعدتك و انا سمية تخمامي راحوا على القاطو كيفاه رايح يوصل بعد التعب راني غير نخمم كيفاه مع الطريق رايح يصرالوا هههههههه انشاء اللهه بنات اللمة ولا اخواتي يصيبونا فكرة كيفاه نديرولوا

 

[خولة الصحراوية]

سلام لبنات وشراكم مزالكم تخموا سمية شوفي هاد لي صابلي شابين و فيهم دي مودال انا هبلت عليهم مكلاه ينتكلوا نتفرجواااااااا برك مودال جديد واش رايكم

 

[el-dareb]

السلام عليكم
اشكركم على الاقتراحات التي تاهمون فيها
انا في القريب العاجل سيتم العقد وبما انني لم اقم حفلة الخطوبة اريد ان اقوم بها في العقدولهذا احتاج للمساعدة :
ماهي الاطباق التي تقدم
لدي بعض المشكلة وهو ان بعض المعازيم لديهم مرض السكر ولا اريد احراجهم ماهي الاطباق التي اضيفها اليهم وماهو العصير والفواكه التي ياكلونها
ارجو افادتي

 

[امل فريال]

رد: استفسارات العروس حول أنواع الحلويات والأطباق وطرق تزيين وتقديم الأطباق لعام 2013

merciiiiiiiiiiiiiiiiiii

 

[سمسومة خالد]

رد: استفسارات العروس حول أنواع الحلويات والأطباق وطرق تزيين وتقديم الأطباق لعام 2013

الف مبروووووك الموضوع الجديد حبيبتي
والله بتسآعدي لبنآت بزآآف هآآك
لعاقبةان شآء الله لفرحك حبيبتي
ونفرح بييك عن قريب يآ رب
بآرك الله فيك على مجهودك غآليتي

 

[السلطانة]

رد: استفسارات العروس حول أنواع الحلويات والأطباق وطرق تزيين وتقديم الأطباق لعام 2013

الف مبروووووك الموضوع الجديد حبيبتي شوشو
والله بتسآعدي لبنآت بزآآف هآآك
لعاقبةان شآء الله لفرحك حبيبتي
ونفرح بييك عن قريب يآ رب
بآرك الله فيك على مجهودك غآليتي

بلامزية مني اختي
ان شاء الله جميع من تحتاج مساعدة تلقى ضالتها هنا
الله يحفظك
آمين ولجميع لبنات يارب

 

[Bouchra zarat]

رد: استفسارات العروس حول أنواع الحلويات والأطباق وطرق تزيين وتقديم الأطباق لعام 2013