ماذاآ ستطبخين اليوم آنستي _سيدتي الجزء °°25°° تبارك الله ماشالله

[ibtesem]

بصحت الجميع​

 

[كوثر الوهرانية]

ندوشة غداك يشهي و السلاطة ميميم و هديك المسكوتشة تسخف بعتيلي طرف باش نتقهوا
بصحتكم يا لحبيبة و بصحة ندوشة و رائيدوا
روعة اليوم مبانتش

 

[كوثر الوهرانية]

بسومتي المطلوع هاااااايل بصحتك العدس وين راهي البطاطة ولا بطلتي مدرتيهاش

 

[oumsif]

مساكم بالخير لبنات جمعة مباركة للجميع
صح غداء الجميع ويعطيكم الصحة لبنات كل شي يشهي
ام منصف عيد ميلاد سعيد لعقوبة لمئة سنة

 

[ibtesem]

ام اسحاق واسراء الحمد لله على سلامة الوالدة صداقة مقبولة ان شاء الله يوم جمعة

 

[imane27]

مرحبا يالعضوات الشاطرات
اللي تعرف طريقة ناجحة لطاجين الجبن تمدهالي تعيشو
عييت نديرو و يجيني ناشف و رقيق

ندى ايام طريقتى فى طاجين جبن

فى طنجرة طيبي جاج مع بصل ملح فلفل اسود وقرفة ومرقى وخليه يطيب
ونفس الوقت قطعى بطاطا قطع صغيرة وقليها وصفيها
وكى يكون طاب لجاج نحى من المرقة وفتتيه وخبي المرقة
فى صحن كبير حطى لجاج وبطاطا مقلية وضفى معدنوس وكسرى حوالى 5 حبات بيض وكمية كبيرة من فرماج تاع فاش كيرى مقطع مكعبات وضفى كمية من مرق الدجاج وضفى شوية برك ملح وفلفل اكحل وفرغيه فى مول ودخليه للفور يطيب ويحمار مليح
انشاء الله تنجحى فيه وكى نعاودو انشاء الله نديرو موضوع

 

[nada242008]

الله يسلمك فريدة ربي يخليك ويعطيك الصحة على وصفة الصابلي جاك روعة
سموحة اطباق رائعة بصحتكم
رغودة عشا خفيف ظريف وهايل تسلم الايادي
ميمي هههه المرة هذي ديتي تهاني هههه يعطيك الصحة على لمحاجب جاوك مذهبين يهبلو اممممم
يوم 23 فيفيري ههه اليوم العالمي للاباء انا ثاني بابا عيد ميلادو ههههه يا محاسن الصدف
بسوم بصحتك العدسون والخمرون هههه

 

[imane27]

امممممممممممم شهيتونى مع الصباح
لبارح عشايا عدس كل ودس

 

[كوثر الوهرانية]

لويزة نفاهمتي نتي و بيسوا على العدس بصحتكم
شكرا على وصفة طاجين الجبن راهي من مكوناتها باينة بنينة
ندوشة عيد ميلاد سعيد للوالد الكريم ربي يطول في عمره

 

[ام تقى الدىن]

 

[imane27]

لبنات رانى درت شوربة عدس موضوع
شوربة عدس على طريقة دارنا من مطبخى

 

[منتهى الجنة]

السلام عليكم
مشكورين جميعا على كل الاطباق الى قدمتو دائما الجديد والاهم كلها رائعة
في ميزان حسناتكم

 

[ibtesem]

من جديد نعود ههههه
وقت القهوة الله الله
ندى مسكوتشو امممممممممم سخفتينا فيها
شهرورة تاني
انا جبتلكم حليب بنكهة النيسكافي

بصحتكم

 

[ميس مرام]

يعطيكم الصحة وبصحتكم
انا رايحة نكثر على ام ندى، اسمحيلي حبيت طريقتك في لعدس:$

 

[ام منصف]

om siraje الله يسلمك اختي وطريقتها ساهلة طول حليها رقيقة وحطي الحشوة نتاعك ولوي شكليها دائرة وقصيها ديروندال بلاما تلحقي للطرف الاخر
واذا عاودتها نصورها ان شاء الله
nada242008 صحى غداكم اممممم يشهي والكيكة هايلة بالصحة
ibtesem الله الله على هذيك الخميرة راح تنطق الله يبارك وبصحتكم العدس والحليب بنكهة النسكافي وهذيك الخميرة مسامياتو بالصحة
samora68 الله يخليك سميرة شكرا ليك
imane27 جماعة الماريكان متفاهمة على العدس بصحتكم

​

 

[ibtesem]

اختي ام تقي الدين الصورة لم تضهر وقيل اخطاتي في تحميل
ادا كانت اكلة بصحتكم اختي

 

[nada242008]

يعطيكم الصحة وبصحتكم
انا رايحة نكثر على ام ندى، اسمحيلي حبيت طريقتك في لعدس:$

الله يسلمك ميس ماكثرتي ماوالو اطلبي وعاودي تحت امرك :d
العدس ساهل مافيه والو
ترابي سنات ثوم وديري 2 مغارف زيت شوي ملح و مغرف صغيرة فلفل احمر حار ونص مغرف صغيرة راس الحانوت حبة طماطم صغيرة مرابية تقليهم مع بعضاهم وتضيفي لعدس واذا عندك طرف عظم يطلق البنة واذا ماكانش مش لازم وتمرقي وتغلقي الكوكوطة
كي تلقاي العدس طرا زيديلها مغرف طماطم مصبرة وعاودي اقفلي عليها حتان تطيب في الاخير حطي قرن فلفل وخليها تغلي غلية وطفي النار
والله يجي هااايل بصح لا شنشفاتك ماماك انا خاطية :d

 

[imane27]

ندى ولا تشنتشفتها ماماها تزيد تعاود دريلها قدرة من شوربة عدس هههههههه ولا زادت تشنشفت الله غالب

 

[nada242008]

ندى ولا تشنتشفتها ماماها تزيد تعاود دريلها قدرة من شوربة عدس هههههههه ولا زادت تشنشفت الله غالب

لا شنشفتها نبعثها لموضوعك تاع شوربة العدس ههههه

 

[ziassia]

هذا الغراتان نتاع العشا نتاع ام ندوووش يعطييك الصحة
​

وهذاا مشري​