هل يمكن أن...؟؟؟

[hopeful girl]

السلام عليكم

صرات حاجة البارح و حبيت نعرف رايكم
البارح رحت أنا و زوجي لدارهم لقينا خالته و بنت خالته وهذي بنت خالته كان زوجي خاطبها لكن هي خرجت عليه الطريق كانت تقرا في الجامعة و كان يديرلها كيما تحب وهي كانت تخدع و كانت تروح تسهر و أمور بزاف المهم هو حبس معاها و الحكاية قديمة بزاف ومع الوقت هي تزوجت و طلقت مرتين و عندها ولد هي انسانة متكبرة بزاف و غير خلوقة و الناس كامل تشهد بهذا الشي و لكن كانت حبه الأول. أنا الحكاية هو حكاهالي في بداية زواجنا.المهم أنا تصرفت عادي قدامها بصح هي كلاتني بعينيها حتى زوجي انتبه لهذا الشي و كانت أول مرة نتلاقاو معاها مع بعض .على كل حال المشكل ماشي هنا ..المشكل راهو في زوجي أنا بانلي البارح متغير و كي نهدر معاه يلصق فيا و في الليل يهدرغير عليها عقلو ماشي معاه أنا نهدر معاه و هو عقله بعيد كي نقولو وين راك يقولي و الله ماعلبالي انا مافهمت والو.
أنا متأكدة زوجي يحبني و دايرة فيه الثقة التامة بصح علاه البارح كان متغيرو تصرفاته غير عادية ..
حبيت ناخذ رايكم اذا نحكي معاه في الموضوع هذا ولا نتصرف عادي مع العلم أني نبقى مقلقة وتعبانة حتى نفهم والبارح مقدرتش نرقد..
وهل يمكن للرجل أن لاينسى الحب الأول ؟؟؟؟
​

 

[بنت الـ25]

السلام عليكم أختي

قال أبو تمام
نقل فؤادك حيث شئت من الهوى *** ما الحب إلا للحبيب الأول

مش قصدي نزيد عليك لكن الحقيقة المجمع عليها هي أنه لا يمكن نسيان الحب الأول
لكن لا تهلعي فبما أن زوجك هو من تركها فاعلمي انه لم يعد يرغب فيها
ولو كان يرغب في زواجها لما كان نفر منها أين كانت أمام عينيه ولم يمنعه عنها شيء
كوني واثقة انه ما اختارك إلا لأنه يرى فيك الحبيبة والزوجة التي يريد أن يكمل معها مشواره
وينجب منها أولادا صالحين
لا تتأثري لما حدث أثناء تلك الزيارة فهي مجرد فترة عابرة
نعم يقال أنه:
يمكن تناسي الحب الأول او الاغفال عنه
ولكن نسيانه صعب جدا
فحين تكون في حضرة الحب الاول تنسى كل حب جديد

لذا فما حدث مع زوجك أمر طبيعي لا تدعيه يعكر صفو عيشكما
ففي جميع الأحوال وأسوء الاحتمالات لا يمكنه التفكير في الارتباط بها فكوني مطمئنة


​

 

[hopeful girl]

شكرا أختي الكريمة على الرد
​

 

[::أبرار::]

و عليكم السلام و رحمة الله تعالى و بركاته

ختيتي الغالية دام راكي متأكدة من حبو ليك و واثقة فيه، علاش تقلقي روحك؟؟،،،،، تأكدي مهما كان يحبها فهي تبقى جزء من ماضيه و أكيد كي يشوفها يتفكر الماضي، و لو كان مازال قلبو فيها ما يديكش انتي في حلالو تأكدي

أما كي كان بالو مشغول فربما لم تعجبه نظراتها إليكي، و يمكن حس منها الغيرة و الحسد و هو ما يقبلش عليك أكيد

فقط حبيت نقوللك إنساي الأمر هذا و خللي كل شيء كما راه، أحسن ما تلفتي إنتباهو لماضيه و تعودي في مشكلة أنتي في غنى عنها لا سمح الله

و إن شاء الله ربي يريح بالك ختيتي و ربي يهنيك و يديم المحبة و التفاهم بينك و زوجك

تحياتي
​

 

[hopeful girl]

عندك الحق أختي أبرار و شكرا على الرد الجميل

​

 

[!≈[سُِـِيٌــِـِفّ اٌڷِخً‘يٌـرُ]≈!]

ممكن كي شافها رجع سنوات وتفكر .........الخ


عادي ما تقلقي روحك ما والو يرجع عادي

وما تحكي معاه في لموضوع ما تكبره في مخو نصيحة

ربي يقدرلك الخير
​

 

[aya2009]

ماتهدريش عليها قدامو، ديري روحك كأنك لم تنتبهي لتغير نفسيته بعد ماشافها، يعني
الماضي ماضي مايقدر حتى واحد ينساه لكن الحاضر بيدنا ، و كوني على يقين حتى لو حن لماضيه مايقدرش يرجع ليه لان الظروف هي لي تحكم و ماكانش واحد يلقى راحتو مع زوجته و يقلب على البلاء بيديه
تحياتي ليك اختي الكريمة
​

 

[M3TaZ eLLMa]

السلام عليكم

أهلين باختنا الطيبة ونرحب بيك في قسمك ومنتداك وبيتك الثاني

ندخلوا في الموضوع :

أخت الطيبة الذي حص لمع زوجك هي مجرد استرجاع لذكريات جميلة وتشوش الافكار لديه كثيرة هي الامثلة عن الحب الاول

ما الحب إلا للحبيب الأول

نفسرو شوي هذا المقولة

الحب الاول يتغلغل في كل شيء في الشخص سواء المرأة أم الرجل لأنو ينشيء أول ذاكرة للسعادة الاولية في حياة الشخص وهذه الذاكرة يصعب محوها أو نسينها لأنها واقعية ولا تحمى إلا لوفاة شخص .
وعليه نستنتج أن الحب الاول له أبعاده الخاصة التي تدوم طول الدهر وهذا ناتج عن الوقائع الجميلة والتعيسة في نفس الوقت وشخص مهما كبر ومهما تنسا الامر فالعودة إلى ذكريات الماضي واردة لأنها سعادته الاولى وهي راسخة في ذاكرة خاصة لكل شخص .

نرجع لموضوعك

ما حصل مع زوجك امر طبيعي أخت وما تقلقيش روحك عليه نهائيا لأنها أوهام لا غير وأما بخصوص أنو زوجك يتحدث عليها فهوشعور لا إرادي منه وهذا شيء لازم تعتزي به لأنو صارحك ومخباش عليك هذا الشعور وعلاه قتلك تعتزي قصدي هنا اخت هو أنو زوجك لو أخفى عنك الامر هنا قد ارتكب خطأ وهي تزعزع الثقة بينكم لأنك لحظتي عليه هذا الامر لنفترض أنو زوجك ما خبركش شكوك كانت راح تجننك وكنت راح تعملي مشكل من دون قصدك لا إرادي وهذا طبيعة كل فتاة غيروة وووو افترضي معي المقولة وشوفي . لكن هنا زوجك اخبرك هذه دلالة على وفائوا ليك وثقة الكبيرة التي بينكم .

أخت الطيبة لا تنهاري أما تفهات الحياة ومتتسرعيش في قرارتك اتحكمي فيها . على بالي راح تقليلي ما نقدرش ولازم نهدر راهي تضرني أوك نقلك هذا طبع راه موجود في أي فتاة لكن ما عليه حولي تسيطري عليه قدر المستطاع وين راح المشكل برك حولي تتنساي الامر وتتقبليه بكل روح رياضية وحولي فقط تحطي روحك في مكان زوجك واش راح تعملي أوكي راح تقليلي ما جربتش شيء هذا ما عليه الحل موجود سقسي المجربين برك ستجدين الجواب عندهم .


أكتفي بهذا القدر وأترك المجال لأخوة للتعليق على موضوعك

ونشكر كل منرد عليك لأنو ردودهم واقعيا 100/100


ونتمنى نسمعوا منك أخبار مليحة لي تفرحك وتفرحنا أخت الطيبة


ربي يوفقك ويعطيك ما تتمني يارب


بالتوفيق ​

 

[مع محمد و عمر]

السلام عليكم
أريد أن أضيف شيء فردود الأعضاء رائعة و خاصة البسيكولوق معتز اللمة الذي نعتز به
ولست أتفق فقط مع المشرفة المتميزة مينات
فالشيء الوحيد الذي يستحيل هي إعادة الحياة للإنسان الميت
أما غير هذا فكل شيء ممكن
فصحيح الحب الأول صعب النسيان ولكنه ليس مستحيل
فأعرف أناس كثيرون إستطاعوا نسيانه
وبدأو حياة جديدة
وما يمر زوجك الآن شيء عادي
لأن في تلك الحالة قلبه غلب عقله
وأصبح كأنه سكران
فلا تقلقي فإنها ومضات فقط و تذهب
وحاولي أن لا يراها لكي لا تأثر فيه
وإن شاء الله نسمع أفراح سارة منك
وتقبل تحياتي :regards01:
​

 

[Ranim.Hadille]

I do not think that the only thing that is impossible to restore life to man Dead
As is this everything is possible
First true love is difficult oblivion but it is not impossible
I understand a lot of people were able to forget
And have begun a new life
What passes your husband now a normal thing
Because in that case his heart thinks his mind
And became like a drunk
Do not worry, it just flashes and go
And try not to see it for not affected by the
And, God willing, You hear the joys gladdening

With it I do not know about these things and you still small I hope I have reported even to lift morale
And accept greetings
:d
:regards01:

 

[aya2009]

tas traduit en anglais ce que vient de dire mohamed et 3abdou
mais bon je te dis merci pacqe tu nous as pousse a lire plus langlais
merci hanin et continue comme ca

 

[عابر سبيل12]

نقولك حاجة اختي العزيزة
مافيها لاحب اول لا ثاني ولاهم يحزنون وكل هاد الحكايات فارغة وباطلة وخبيثة ومامنها حتى فايدة
الانسان يحب اللي يحبو ...والراجل يحب بنت الفاميليا والمرا اللي تسترو وتخاف عليه

واللي خرجتلو افعى من بعد مادار فيها لامان هادي ماراحش تبقالها بلاصة في قلبو
واذا شافها ممكن من كرهو ليها والا ممكن من الذكريات السيئة اللي هازها منها تخليها ماهوش في وضع طبيعي فقط
يعني هي مش كيف اي انسان اخر هي انسانة ارتبط بيها في وقت من الاوقات وخرجتو شيطان من بعد ماكان في بالو راهي ملاك
وهنا فقط راح يتشوكا منها وممكن ماهوش حاب يشوفها خلاص وممكن استرجع ذكرياتو معاها ...نقولو ممكن
المهم نقولك الصح خليها من هاد الافكار اذا زوجك راجل اوليد فاميليا صج ويحبك وتحبيه وعايشين في الستر
ماراحش تخافي من انسانة كيف هادي على خاطر كيف ماراك تحكي ماعندهاش وزن في قاموس الانسانية

الله يكمل بالخير وتهلو في رواحكم
سلام عليكم
​

 

[ahlam02]

نعم اختي والله غير ينسى وانت برك راكي تطلعي وتهبطي .....ننصحك ماتفتحيش الامر معاه باش ماتعطيلوش الفرصة يهدر عليها وتزيدي توسوسي..

 

[وصال]

اختي شوفي ربما تقلق كيشافها في داركم ولاقاه المكتوب بيها قدامك ، انا ماشكيتش يبقى يحب واحدة كيما قلت خارجة طريق ، بالاك هو مسكين خاف انت تكوني فهمتي حاجة على هاديك بقى مشوكي وخايف من ردة فعلك .
شوفي حنونة بالعكس انت متبينيلوش بلي راكي دايرتها في بالك هكذا هو يرتاح .
اما انو مازال يحبها انا هاذي منامنهاش بويسك الراجل مرهوش فدال كيما المراة على حساب واش نشوف في الواقع والله اعلم .

 

[hopeful girl]

Ya3tikom saha 3la rododkom eljamila kol kalma goltouha kant fi mahalha wrayahtouni..

 

[فتاة حساسة]

مممممممممممممممممممممممممممممممم ممكن رجع لسنوات الماضي ..مي مدام تزوج بيك خلاص..ربي يكمل بيناتكم ويرزقكم