ماذاآ ستطبخين اليوم /آنستي سيدتي/ الجزء 26

[somo_81]

ابتسام مبروك على بنتك العام الجديد و كل عام و هي بالف خير ربي يدهالك تبارك الرحمان و متنسايش تسلمي على عيسى و قاع الدار

 

[somo_81]

يشدهالك الشين مخرجتش

 

[somo_81]

أنا راني نجرب في كيكة المورانغ إدا خرجت مليحة راني نصورها و إدا مرجتليش راني نضرب النح :d

 

[زائــــــــرة حلوة]

ابتيسو كلش الله الله يعقوبة ل100 سنة لبنتك يا لغالية:up: ربي يخليك ليهم ونتي تدوري وتعكلي :p

 

[imane27]

ميس ميسو مبروك عليك الغوز واطباق تحفة يعطيكم الصحة
ام علاء الدين تطبيق ممتاز يعطيك الصحة انا صراحة شهانى المطلوع
بسومة امممممممممم ايه دا كلو كون غير عرضتينى معاكم

 

[somo_81]

:cray02::cray02::cray02::cray02: لتيت نكتبلكم حرقتها من الفوق ماعلاباليش بلي خفيفة تمتم تحمار

 

[imane27]

صاحب راجلى صخف على قرنطيطة ايا شمرت على يديا ودرتلو سنوة راهى سخونة ترقص وتعيط لهريسة

 

[عفاف الجزائرية]

مساكم بالخير يا حراير
فكرتني هاذ الكلمة في غنية ورانا جيناااك ويدوم فرحك ويزيد هناك ناري يا ناري هههههههه
عفوف والله اني نجري على كواعطي كيما قالها عثمان عريوات واقيل رح نرجع للخدمة ربي يسهل برك راه ما عنديش راي ساعة نقول نرجع وساعة نقول راني في الدار خيرلي ومانعرف
بسوم والله لبارح برك نشوف في الفيديو نتاع فوفة كيما عيد ميلادها وناضو البنات يغنولها لعام اللي فات
ولافوتو نتاعها كي رافدة لاتارت نتاعها نتاع العام اللي فات
سبحان الله العمر كيفاه راه يجري بينا وكل يوم يزيد عام في عمرنا
ربي يكبرها على الطاعة والشفاعة وتفرحك في كبرها
قلها قاتلك طاطاك فوفة الزاوجة كي تجي للبلاد تساليني غداء لبرا في افخر ريسطورا اطلبي وتمنى (وانا من درك نلمد شكارتي ههههه)
واش حنقول تاني ميس سوسو مبروك عليك الاشراف اني باركتلك لهيه
وو البنات كامل ربي يهنيكم ويناولكم واش في بالكم
بلا ما ننسى حتى واحدة امنياتي لويزة حدة شريفة شهرورة ميمي رغودة صومو نور الحبوبة شهيبك فريدة ام علاء الدين ام سيف نور الرحمن سمورة
وخاتمتها حبيبة القلب اللي تربعت فيه وطرحت تفتل في البربوشة الغالية الحلوة نتاعي :love01::love01: ان شالله تكوني بخير يا طيوبة
​

 

[somo_81]

واقيل راني صوفيتها نحيت المورانغ المحروق و عاودت واحدوخر

 

[زائــــــــرة حلوة]

وخاتمتها حبيبة القلب اللي تربعت فيه وطرحت تفتل في البربوشة الغالية الحلوة نتاعي :love01::love01: ان شالله تكوني بخير يا طيوبة
​

عفوفتي لعسل :$ ربي يخليك ويعطيك قد قلبك الطيّب :love01: كي تعودي فرحانة نعودو متهنّيين :up:وتحيّة بسكرية لناس المسيلة الخيار :regards01:​

 

[ibtesem]

هههههههههههه زيزو وحدك يالشيطانة
راني تعكلت البارح يزيني ههههه
مزال تعكيلة لوخرى في مارس ههههههههههههه

 

[hadda0425]

ميس سوسو حلويات ماشاء الله يعطيك الصحة
ام علاء مطلوع يمي يمي والكيكة روعة بصحتك
ابتسام عيد ميلادسعيد لفوفة عقبال 100 سنة وبصحتها التقلاش
لويزة بصحتو القرنطيطة المرة الجاية انا لي نسخف عليهاو ديريهالي ههههههه
في بالي كل يوم نقول نديرها مزال ما كتبتش
عفاف شفيتي كي هدرت معاك وقتلك ارجعي لخدمتك خير مليحة الخدمة للمرا تنحي الغبينة ربي يوفقك حنونتي
صومو قتلتيني بالضحك بردودك هاتيلنا سع الكيكة ومن بعد اهدري هههههههه
​

 

[shahrazad]

ابتساام ربي يخليلك فوفة يا عمري شحال مسرارة الله يبارك ربي يحفظها وسلمينا على عيسى...كل شي هايل
ميس سوسو الحلويات تهبل بصحتكم
ايمان قرنطيطة تشهيي بصحتو الي ياكلها
ام علاء امممم المطلوع هايل بصحتكم
صوموو ايييه يا شاطرة اتلهاي بالهدرة واحرقي ماكلتك ههههه
هدا الفطور

​

 

[عفاف الجزائرية]

عفاف شفيتي كي هدرت معاك وقتلك ارجعي لخدمتك خير مليحة الخدمة للمرا تنحي الغبينة ربي يوفقك حنونتي

​

والله يا حدة خواتاتي كامل يقولوهالي ارجعي لخدمتك
وانا ما يعطينيش قلبي نخرج الصباح ونخلي امآ وحدها تعافر في بشرى وفي الدار وخلي المغطي مغطي
الواحد قلبو واجعو خليها على ربي

 

[shahrazad]

عفوفة حنونتي ربي يسهلك الخدمة مليحة كي تكون لمرا مش مزوجة والله غير ولي لخدمتك
وكي ربي يجيب نصيب تريحي فالدار
المهم ربي يكتبلك كل خير ان شاء الله ياالزينة
​

 

[SAMIRA25]

بصحتكم لبنات كل شيء يشهي من يديكم ربي يعطيكم صحتكم و يهنيكم

 

[hadda0425]

والله يا حدة خواتاتي كامل يقولوهالي ارجعي لخدمتك
وانا ما يعطينيش قلبي نخرج الصباح ونخلي امآ وحدها تعافر في بشرى وفي الدار وخلي المغطي مغطي
الواحد قلبو واجعو خليها على ربي

عفاف ربي يقدرك خيتي معليش هي شوية وكي تروحي انت شوية وخلاص بشرى راهي تمشي دك يعني ما تعبش بزاف ديما ديما تحكمي خدمتك تعاوني روحك ربي يخليلك ميميتك
شهرة بصحتك الغداوالله يا الزليقو ولا الماشطو كيما يسميوه خرين يبان هايل هاك نحبو مممممممم
يعطيك الصحة

 

[عفاف الجزائرية]

عفوفة حنونتي ربي يسهلك الخدمة مليحة كي تكون لمرا مش مزوجة والله غير ولي لخدمتك
وكي ربي يجيب نصيب تريحي فالدار
المهم ربي يكتبلك كل خير ان شاء الله ياالزينة

كيما قلتيها اختي شهرورة مليحة للمرا ربي يجيب الخير برك ويجيبلك انتي تاني خديمة اللي تتهناي بيها
​

 

[somo_81]

سمحولي ندخل روحي يا معليش
أختي عفاف بالاك تخلي خدمتك عازبة و لا متزوجة و الله الخدمة مليحة للمرأة راني نبكي عليها دوك مليح تكوني مستقلة ماديا ماتحتاجي حتى واحد و حتى كي تتزوجي و الله تاني مليحة بعيد الشر عليك تكوني مقلقة منو تروحي للخدمة تنساي شوية ويماك إذا ماشي عاطلة و لا مريضة تدير لي تقدر عليه و كي تدخلي تكملي الباقي و إنشاء الله ربي يكون في العون
إنشاء الله ما نكون دخلت روحي في ما لايعنيني:-r

 

[somo_81]

حدة يا العزيزة و الله صوفيتها شوية البطاريات تاع لباراي فرغو راهم يتشارجاو غير يتشارجاو نويريلك المصوفيا هكدا راني سميتها
قولولي وين راهي بسومة راهي سامحة فيا اليوم