كيفاش اطيبو البروكلو -الشوفلور-

[أم أمين23]

ها قد عدت والعود احمد
واليوم راح نعملو اكلة جديدة الا هي البروكلو والا الشفلور عرفتوه والا لا هاي صورتو الا ما عرفتوهش:

الطريقة التقليلدية اطيبيه في الماء وتمريه في البيض والفرينة وتقليه وتعمليلو مرقة بالحمص واللحم
بصح اليوم حبيت نحط طريقة اخرى عملتها في الكوشة
غليت البروكلي وصفيتو ومعستو بالفرشيطة
وجبت اللحم مرحي مع البصل والمعدنوس الملح والبهارات الي تحبي واطيبيه ومن بعد تزيديه للبروكلي الممعوش وتزيدي عليه البيض وشوي حليب والحبن وتدهني البلاطو بالزبدة وتحطي الخليط تاعك وادري عليه الفرماج من فوق وللكوشة وهاي ليكم الصورة ساهلة ماهلة ونبدلو الطريقة التقليدية والا عندكم طرق اخرى ما تبخلوش بيها علينا

سلامي لكن

​

 

[amira94]

يعطيك الصحة أم امين طريقة رائعة وسهلة جداااا
باذن الله نجربو في أقرب وقت مناه نحب البروكلو بززززززاف
​

 

[أم أمين23]

ان شاء الله اميرة ونرتيني بمرورك اكيد بصح ما قلتيلناش كيفاش انت تعمليه؟؟؟؟

 

[SAMIRA25]

الحمد لله على العودة و يعطيك الصحة ام امين
انا نطيبو كيما قلتي بالطريقة التقليدية نقليه في البيض و الفرينة و نديرلو صوص حمرة بلا حمص
و الا قراطان في الفور باللاصوص بيشامال و الجبن

 

[amira94]

أختي أنا نغليه في الماء ومن بعد نمرغو في البيض والفرينة ونقليه ومن
بعد نحطو في المرق يعني الطريقة التقليدية
​

 

[أم أمين23]

اهلا سميرة نورتيني ومشكورة حنونة
واهلا اميرة للعودة مرة اخرى ومشكورة للتعقيب ومستنيا تجيربك لهاد الوصفة ورايك فيها

 

[amira94]

ان شاء الله أختي

ونديرو ثاني بطريقة أخرى تقريبا كيما الطريقة التقليدية لكن هذه في الفرن
نغليه في الماء ثو نمرغو في البيض والفرينة ونقليه
نجهز المرق باللحم + الجزر ثم في صينية الفرن نضع البروكلو مع المرق و الجزر
وندخله الى الفرن لأن الفرن يعطيه بنة
​

 

[أم أمين23]

صح يقولو بالفرن يكون ابن والمرق يكون اقل يعني ناشف انا راه ابو امين ما يحبوش مهما نديرو وباي طريقة ما يعجبوش يحبو برك مقلي ولازم ممعوس هدا كليتو غير انا وحدي ههههههه

 

[amira94]

ايه يكون المرق قليل وبنين
هههه أيا بصحتك مام أنا بابا مايحبوش خلاص
​

 

[ندى الورود]

اهلا ام امين
شوفي نديرو بالطريقة التقليدية اللي هي نحط بيض + فرينة + حليب + توابل كيما الكمون مليح مع الشوفلور
+ فلفل احمر بودرة + فلفل اسود + ملح ونحط أزهار الشوفلورفي الخليط ونقليها ونديرلو مرقة بالدجاج أواللحم
مرات حمراء ومرات بيضاء حسب النفحة
بنفس التوابل الي حطيتها في الخليط وكي يطيب اللحم نحي قطع اللحم ونحط اأزهار الشوفلور
تتشرب المرق تقريبا 3 دقائق ومن بعد نقدموه في صحن التقديم مع اللحم ويزين الطبق بمعدنوس
مفروم
وتاني نديرو غراتان تقريب نفس وصفتك وكاينة وصفة أخرى للغراتان نديرها نغلي قطع الشوفلور
أو نفوروهم و نصوطيه في شوي زبدة
نحضر مرقة خاثرة بيضة بالدجاج ومن بعدما يطيب الدجاج نفتتو ونحتفط بالمرق
نقشر 2 حبات بطاطا ونقطعهم دوائر ونقليهم
نحط في بلا تاع الفرن طبقة من الشوفلور وطبقة من البطاطا وطبقة من الدجاج المفتت
نخلط المرق مع 4 حبات بيض + معدنوس مقطع + فلفل أسود + شوي ملح
ونسكب الخليط على البطاطا والشوفلور ونحط من فوق فرماج مبشور وندخلها للفرن
حتى يحمر الوجه قليلا
بصح عزيزتي موضوعك لازم ينقل إلى منتدى المطبخ العام
وهو تابع لسلسلتك كيفاش نطيبو
​

 

[ibtesem]

ام امين انا شفلور نعملو عجيجات
او كيماراه ونقليه نعملو غرتان مع الخصار
او نحطو في فرينة والبيص نعملو مرقة بيضة او حمرا
او غرتان مع البطاطة

 

[أم أمين23]

اهلا ام امين
شوفي نديرو بالطريقة التقليدية اللي هي نحط بيض + فرينة + حليب + توابل كيما الكمون مليح مع الشوفلور
+ فلفل احمر بودرة + فلفل اسود + ملح ونحط أزهار الشوفلورفي الخليط ونقليها ونديرلو مرقة بالدجاج أواللحم
مرات حمراء ومرات بيضاء حسب النفحة
بنفس التوابل الي حطيتها في الخليط وكي يطيب اللحم نحي قطع اللحم ونحط اأزهار الشوفلور
تتشرب المرق تقريبا 3 دقائق ومن بعد نقدموه في صحن التقديم مع اللحم ويزين الطبق بمعدنوس
مفروم
وتاني نديرو غراتان تقريب نفس وصفتك وكاينة وصفة أخرى للغراتان نديرها نغلي قطع الشوفلور
أو نفوروهم و نصوطيه في شوي زبدة
نحضر مرقة خاثرة بيضة بالدجاج ومن بعدما يطيب الدجاج نفتتو ونحتفط بالمرق
نقشر 2 حبات بطاطا ونقطعهم دوائر ونقليهم
نحط في بلا تاع الفرن طبقة من الشوفلور وطبقة من البطاطا وطبقة من الدجاج المفتت
نخلط المرق مع 4 حبات بيض + معدنوس مقطع + فلفل أسود + شوي ملح
ونسكب الخليط على البطاطا والشوفلور ونحط من فوق فرماج مبشور وندخلها للفرن
حتى يحمر الوجه قليلا
بصح عزيزتي موضوعك لازم ينقل إلى منتدى المطبخ العام
وهو تابع لسلسلتك كيفاش نطيبو
​

مشكورة على التفصيل في الوصفات وتاع الدجاج والبطاطا جديدة عليا
اوك حبوبة انقليها للمكان المناسب والله في بالي حطيتو في بلاصتو اسفة المرة القادمة ان شاء الله ادقق قبل ما نزل جيدا

 

[أم أمين23]

اهلا بيسو نورتيني ومشكورة واكيد تقصدي نفس طرق ندى الورود والعجيجات هاداك اكثر حاجة نديرها انا لخاطر مولا بيتي يحبو غير هكاكا

 

[samah06]

لبنات يعطيكم الصحة راني قريت طريقة كل واحدة اما انا هاهي طريقتي ولو معندكش اللحم تكلي بروكلو بنين
غلي البروكلو وصفيه وقطعيه بالموس عشوائي ومن جهة حطي بصلة مرابية وثوم وحمريهم في مقلا ومن بعد زيدي طماطم حب مع ثوم مقطعين صغار وشويازيتون بعد ما تغليه وتقطعيه ومعدنوس وملح وفلفل اخضر مقطع رقيق وكي يطيبو زيديهم للبروكلو وخلطيهم اعدليهم في مول يدخل للفور
ثم امسكي بيضات يكونو بزيادة تقريبا7 او8 بيضات زيديلهم كيس فرماج مرابي ومعدنوس ملح فلفل ابيض والقليل من خميرة القاطو يجيك هشيش وفرغيهم على الخليط الاول ودخليهم للفور يحمار من فوق ويطيبو البيضات
والف هنا على قلوبكم
احنا في البيت ناكلوه كيما طبختو ياكلوه

 

[أم أمين23]

مشكولاة سماح ولي عودة لقراءة الطريقة مرة اخرى وان شاءا لله نطبقها

 

[كونان الجزائرية]

طرق متعددة و لذيذة

 

[mina-]

شبااااااب انشاء الله نجربو كي تجي ختنتي لعندي تحبووااااااا يعطيييييك الصحة انا نفوروو مليح و نمرسوو و ندير معاااه فرمااج تاااع لكيلواا باش ميتفتتش و نرمدو ففرماج مرااابي نديرااه كوراات و مقليه ولا نديره فالكوشة ونسقيه ب كااس حليب نكون فاقسة فييييه بيضة

 

[أم أمين23]

العفو يا كونان الجزائر
ومشكورة يا مينا على طريقتك
نروتوني بمروكم