حدودة يعطيك الصحة لمبرجة تاعك تهبل، متحوفة عالكيف :up::up:
كي شفت موضوعك نضت نتحيرر انا ثاني:$
درت مبرجة انا ندير 3 بواحد، والحاجة الزايدة هي قشور حبة تشينة تعطيها بننننننة مممممم
وثاني ماشفتكش درتي السميد فوق القرصة تاعك، اذا نسيتي ماذكرتيهش ماعليش، واذا ماديريهش نقولك عليه، هو سميد احرش مبسس بزيادة ديريه على الجيهتين كي تكوني تقرصي راني صورتو
درت ثاني رفيس التونسي
والقرصة تاع الربيع لااااازم تحضر عندي، هي كسرة مبسسة نزوقوها ونطيبوها وغير تخرج من الطاجين تدهنيها بصفار البيض بخفة وهي ترمز للشمس
ضرك عادو مايديروهاش، يديرو قرصة بعجينة لكروكي ويزوقوها بالشكولة ملونة
انا بقيت شادة في الكسرة وزوقتها بالشكولة شكون يسالني ههههههه:sport02:،من المفروض القرصة ندربيوها في لحشيش، يعني نلعبو بيها ومبعد ناكلوها:yahoo01:، لكن انا مللي نشفا كنا نلعبو بيها في الدار
، ولا نهزوها في طلاعة:bravo01:
بكري كانت الطلاعة تتباع عند لمزابي:regards02: كل الالوان، كل صغير بطلاعتو فيها القرصة ومبرجة ورفيس وحبة تشينة تاع الدم هههههه - هذيك اللي كانت في الربيع حاااااامضة شبببب هههههه - واللي شوية مرفه يزيد حلوة في طلاعتو:d
ونخرجو بيهم نشحلطو هههههه اللي فهمها يرفع ايدو:p
للاسف ناس بزاف مايديرو والو، ماهيش سنة ماهيش فرض ، بصح تخلق جو من الفرحة نظن كامل محتاجينها، انا ماقطعوهاش عليا، وانا ان شاء الله مانقطعهاش على اولادي حتى نموت
وللاضافة، احنا في جوايهنا نديو الربيع للعروسة المخطوبة، ولبنتنا المتزوجة، واللي عزيز علينا من الاولاد يالوكان ولد الجيران نديرولو قرصة:love01:
ولعقوبة للعام الجاي ان شاء الله
