الجزء الـســــــ27 ـابع والعشرون من ماذا ستطبخين اليوم

[حاملـة المسك]

السلام عليكم
صباح النور يا وردات الربيع

صومو متيأسيش كميجيكش التطبيق كما يحب الخاطر تعدمي روحك برك..سل المجرب
في الاخير راح تتكل و تتعاود و تزيد تتعاود
أم أماني أطباق قمة تبارك الله و الحلو ..حلو في حلو
عفاف هداك عصير قرعة تصبيه في مواضيعي و البوريك نصو بطاطا و نصو لحم
و نصو مقلي و النصف الآخر في الفور
عشاك خفيف و هايل.. بصحتكم
بوحة بصحتكم كلش تبارك عليك راك يد يد مع الوالدة في الكوزينة
ربي يجيبلك نفس مومنة و يسعدك حنونة
و البريوش معندو ما خصو طالع ..طايب مليح..شويا برك في الشكل
كما تقول الوالدة المهم مشي ني
بنت ما وبا.. نحن في الانتظار
فلوسة طابلة متنوعة و اطباق شهية
حدودة البيتزا مخلاتش تبارك الله بصح قوليلي سنيوات ديالها وين طحتي بيهم جامي شتهم
للبيـــــــــــــع
و الروز راني حاسة بيه حابط في قرجومتي أرطب مع هديك الصلصة أممممم
أمنيتي متتمسخريش ..صورك كون مجاوش فور ميدخلو في مسابقة..تبارك الرحمن
المووورانغ ديالك.. :up:يزينا من هدرتك
فن التصوير له دخل كبير في إعطاء الطبق قيمة أخرى
شوفي درك كدخل الربيع و ضوات الدنيا موليتش نصور على الطابلة ولاو يجو شهب بزاف من الاضاءة العالية
يكون التصوير مليح يا اما وقت العشرة او في المساء
درك راني على البوتاجي بصح لازم نتحكم في درجة فتح الباب و النافذة
و ديفوا نغطي البوتاجي بتورسيري ...شتي داك التعب لراني فيه
كاين شحال من طبق لغيتو بسبب التصوير معجبنيش..راحتلكم الشوفة هه ..
من بينها بكبوكة مزيا محطيتهاش قدام ديال روعة ديالي تبان مبهدلة
​

نصيحة صباحية:

إحتس كوبا من التوكل
واغلق جميع الابواب.​

 

[samah06]

صباح الخير لبنات ونهاركم مبروك
اطباقكم تشهي يالفحلات يعطيكم الصحة كل واحدة واسمها واش لابسا
صومو بصحتك الموف ولعقوبة للغوز انا وانت
يضهرلي انا راح نطول باه نلبسو مع هاد ليمات حاسا روحي مادرت والو

 

[omarwa]

صباح الخير لبنات بصحتكم واش طيبتو كلشي امممممم

 

[مطبخ الأحلام]

السلآم عليكم وعلى أحبآب أمة محمد الكرآم

oumniati

ميس سوسو غيابك محسوس وحضورك مميز الله يبارك

حشمتيني ختيتو يعيشك وانتي النور غلاتي ويبارك فيك وفي أيامكي


hadda0425

ميس سوسو عودة ميمونة وبيديك معمرين يعطيك الصحة

الله يسلك حبيبتي الحمد لله ويكثر خير الله وربي يرزق كل وآحد يتمنى ويشتهآ يارب امين
والصحة نتمناهآ للجميع يآرب يعيشك يالغالية

بوح المشاعر

ميس سوسو يازينة اهلا بطلتكِ اطباق رآئعة

يآهلآ فيكي والله أنتِ الأروع غالتي شكرآ لكي

بصحتكم كآملين وبالصحة والهنآ على قلوبكم أحبتي

لي ذكرتني ومآرديتش عليهى تسمحلي يمكن عدم التمعن في النظر فقط

تحيآتي للجميع

لي عودة بإذن الله

​

 

[MĺŹǾ žĕĥÔŖ]

زهور يسمى راهي ليا ومن البارح وهما يمشمشو فيها ايا طيرو لاتارت راهي سبيسيال تاعي
الله يخليك زهورتي وقيلا نولي عندكم للكافيي والله تقومو بالضياف ههههههه:p
​

علابالك وشحال غالية علياا يا طاطاتي حدودة
نحطك فوق راسي ارواحي للدار كامل ماشي الكافي بارك:d

مواااااااااااح حبيبتي الغالية
​

 

[somo_81]

زهور يا مخترعة الوحش قريب كلاني وحشك البارح مي خرجتلي عجب راجلي هبل عليها بصح المرة الجاية نقص في المقادير ما نديرش 2 كيسان ندير غير كاس يعطيك الصحة الفلوغة

 

[somo_81]

نحط البيتزا الوحش و البريوش تاع عفوفة ربي يحفظها


درتلها فرماج موتزريلا و شيدار و روج

 

[somo_81]

البريوش المديفورمي
الاولى

بعد دقيقة فقط

الثانية

الثالثة

 

[روعة2005]

صباح الخير ياغاليات
خيرة الزينة واش نتمتع بقراية المقرر تاعك ههههه تعرفي تليقي تلخصي الدروس تاع الطلاب هههه تنفعيهم:up:
حاملة المسك اهلا ولا وقيلة عداتك خيرة خخخخخ تعرفي مالا انا عكسك كوزينتي مافيهاش تاقة :down: والله كيما ندير مايجوش الصور ملاح حتى ساعات نكره من التصوار ونقول دزي برك ههههه هاتي شوي ضو وشمس ونعطيك الظل عندي غير هو
صومو مبروك الموف وتاك ممممم والله يبارك البيتزا حجم عائلي خخخخ والبريوش باين فيه يشهي
كل البنات صحاا الغدوات
انا جات العين بعد غياب طويل وتعرفو وقيلة غناية جاء الماء نوض تعمرررر ههههه والله من الصباح وانا مقطعة تسياق البيوت غسيل كتان وتعمار المهم لحقت روطار للكوزينة صقدت برك درت مثوم العدس تاع روز ربي يشافيها ودرتلهم تارت تفاح السهههههههلة للاخت العزيزة اسمهان ربي يفرجها عليها والله رغم اني نسيت علبة الياغورت في المقادير بصح جات تشهي وهذه المرة السابعة ولا الثامنة لي نديرها تجي هااايلة الخفة والبنة مقسمتهاش راح ندوها معانا عدنا خرجة ربيعية مبعد مممم

​

 

[somo_81]

بصحتك روعة لاتارت تهبل ممممم قوليلي وين رايحين غاصرو ولا معافة ولا غوفي و لا وين قولي برك :d

 

[shahrazad]

صباح الانواار
ان شاء الله تكونو صبحتو بخير يالبنات
والله ماقيتش منين نبداا اسمحولي
ميمي البقلاوة ياسلااااام يامعلم خرجتلك هااايلة وباينة البنة تقرمشش اممم والشكل مانحكيش تسلم اييدك حبيبتي
بوحة البريوش خرجلك روووعة فالشكل والبنة اكييد فوور باينة والقريوش امممم بصحتكم الفحلة
فلوسة ماكلتك تششهي تسلم ايدك
حدودة ديك البيتزااا يميييي هااايلة والروز والبريوش الله الله ربي بيارك ويزيد بصحتكم
فووفة هادوك لفطاير داااو مني النص امممم هاتي ولو عضة برك هايلين اعطينا برك الوصفة
والكيكة تع التفااح شكلها يشهييي اممم بصحتكم الخرجة زييين عليك
خيرة بصحتكم اللوبيا والكسرة امممم تعرفيلها
صومو مبروووك الموف راكي تهبلي ههه يا سيدي راكي تنحي على روحك العين برك البيتزا خرجتلم فووور والبريوش تاني بصحتكم
عشانا تع البارح بيري بالجاج واليوم الفطور مقرونة

​

 

[روعة2005]

صومو خخخخخخخ لاذي ولا ذي ولاذيك البلايص لي ذكرتيهم يحبو نبكرولهم شوي وانا زرت غوفي هايلة بصح تعبببببببببب حرفي رايحين للعلب برك هههه فيه زغبة حشيش و10 وردات هههههه والله على وجه الصغار برك
=
شهرة ممممممم يسلمو مجايبك البيري حسيت روحي ذقتو مممممممم مع الجاج والمقرونة ثاني هايلة ربي يحميك لشبابك حبيبيتي
الوصفة ساااهلة تاع الفطاير لعشية نكتبهالكم نروح نصلي ونوجد روحي ​

 

[somo_81]

شهرورة الزينة لالا البيتزا تشهي تشهيتكم معايا كنت نهدر على عجينة و الله خفيفة بزاف تهبل مي خلعني حجمها لي قعد غير يزيد
ممممم ماكلة تشهي بصحتكم و راني جيعانا زدتي جوعتيني واع واع واع

 

[حاملـة المسك]

صومو خخخخخخخ لاذي ولا ذي ولاذيك البلايص لي ذكرتيهم يحبو نبكرولهم شوي وانا زرت غوفي هايلة بصح تعبببببببببب حرفي رايحين للعلب برك هههه فيه زغبة حشيش و10 وردات هههههه والله على وجه الصغار برك
=

​

:-o:-oعندك يـg ـلعوهم ..حلي عويناتك بيااا :p

بصحتكم لغداوات​

 

[shahrazad]

فوفة ربي يتقبل وان شاء الله جوزو وقت شباب حبيبتي
صومو ايه هيا تطلع بلخف لازم تحليها رقييييقة قد ماتقدري وجي اممممم
رغوود صحا غداكم نتوما زادا حبيبتي
​

 

[nada242008]

السلام عليكم
يا ربي يا ربي منين نبدا راكم جيش قريش ههههههههههه الله يبارك ويزيد :d
نبدا من لبارح الوقت هذا هههه عفوفتي المسيلية روز يشهي مصدر مع هذاك اللحم والخضرا وطبسي الفلفل امممممممم لقمة من ولقمة منهيه بصحتكم
شهرا الفحلة طاجين الزيتون روعة ولي شوصون باينين خفاف ولابيري تاع ليوم اممممممممم ماخلاش فيا بصحتكم
ابتيسو اللزانيا تشهي امممممممممم والافوكا يسخف حتى المشيان ههه راني جاية نزاحم كشما بقا في الفريجيدار هههههههههه
لويزة بيتزا اكستر اكسترا تشييييييييز اممممممممم بصحتك لولاد وجيش التحرير الوطني :d
صومو يا بنتي بيتزا تشهي واش خصها راني نتفرج ونعاود جاتك تهبل .. مام لبريوش ثاني هايل حمرتيه شوي برك ههههه
بوحة سوسو تطبيق ممتاز والله جاك هايل بصحتكم
رغود اطباق جميلة سيرتو البيتزا تسلم الايادي
فلوسة يعطيك الصحة كلش هايل
حديدة الجويدة امممممم بيتزا رووعة والروز فارك حبة حبة مع الكريمة الله الله نيهاو نيهاو هههه
فوفة راني نتفرج ونعاود في الفطاير اممممممممممممم ااااااااااااااااااااه هههه والله يسخفو والكيكة هايلة بصحتك التحويسة
----
انا درت نص دجاجة و حمرتها وبيتزا كوفارت للغائبة ام انس الحبيب ربي يذكرها بخير
وبراج

​

 

[imane27]

يعطيكم الصحة لبنات صح فطوركم
روعة كيكة هايلة بصحتكم تحويسة جبيلنا تقرير اليومى
صومو بيتزا جاتك هايلة وبريوش تانى بصحتكم
شهرا شهتنى فى فطوركم ربيعى بصحتكم
لويزة البيتزا تاعك سبيسيال، قوليلي تحليها بالسميد؟ تشهي
خيرة ايه نحلها بسميد ولا كورن ميل الله يسلمك
ندى وينك مراكيش تطيبي هاد اليومين اوقراف

 

[nada242008]

اااه يا لويزة نسيتي مسيو عدسون تاع لبارح ههههههه راني كل يوم نبوانتي على الواحدة :-h

 

[imane27]

ندى الله الله عمرك طويلة هدا وين كتبت راكى اوقراف وحتى طلتى بخير كبير بصحتكم ويعطيك الصحة

 

[hadda0425]

صباح الاكل والهم هم على شيفات المطبخ اللماوي :d:p


روعة مرسي ليك حنونتي والفطاير المحشية تسخف انا نحب الكاسكروط كي العسكري ههههه يا ختي المرة الجاية ما تنساينيش
وبصحتم لاتارت والخرجة الربيعية ماتنسايش الصور هههههه
وصفة البريوش درتها موضوع على جالك مكنتش حنحطو هههههههه غلبت
الرابط
بريوش الوردة من مطبخي

خيرة ربي يخليك يا جميلتي وبصحتكم الفرابتشينو ايا سي بون كي عجبكم لوكان ما شتوش مليح ما نريسكيش بيكم هههههههه نخسركم في نيسكافي :p انا تاني نعاودو عجبهم ولحسوالكيسان كيما قلتي
الروز دك نعطيهولك
رغود ربي عيشك حنونتي
السنيوة تع جارتي شتي والله طيب علكيف جبتها درت فيها بريوش عجبتني زت حكمتها درت فيها بيتزا جات البتزا تاعها علكيف
تع امها تع بكري قاتلي منين تحتاجيها ارواحي اديها :d
ميس سوسو ربي يفرحك ختي تعرفي صباح حليت اللمة من البورطابل ما يقراش الحروف تاع اسمك يقرا غير so ههههه
زهورتي يا زهورتي كلك كرم وذوق ربي يخليك مرة على مرة اني نطل عليكم وعلى حكايات البنوتات
صومو البتزا تاعك جات هايلة وش خصها لاباس عليها
والبريوش جا محني تقول محني برويال الله يبارك يعطيك الصحة دوقة دوقة وانت وليتي طباخة اللمة :p
شهورة مرسي ليك وبصحتك لابيري والله تقول مخدومة بالماشينة ربي يبارك تسخف
​