الجزء الـســــــ27 ـابع والعشرون من ماذا ستطبخين اليوم

[ibtesem]

السلام عليكم
واش راكم جميعا
برنسيسة اللمة مرحبا زارتنا البراكة كل شئ هايل ربي انجحك اختي
ميمي راكي تغيبي وين تهربي علينا
بصحتكم واش طيبتي
سماح بصحتك اختي
ندود ياعيني على شوارما
سومو وين كنتي غايبة علينا توحشناك
ربي اشافي عجوزتك
تحياتي للجميع الله يحفضكم كلكم

 

[imane27]

اممممممممممممم لبنات صح فطوركم
ميمي بصحتكم كلشى يشهى يعطيك الصحة
ندى بصحتكم شوارما راكى فور فيهم يعطيك الصحة
شهرا اممممممممممم كلشى هايل يعطيك الصحة
حدة حبت جيب ربيع بسيف وانا راحت بعيد حبيت صيف يجى يجرى

 

[nada242008]

يعطيك الصحة ايمان اوملات تشهي مع الحميس اممممممممم
هههههههه الفصول الاربعة خلطناهم :d

 

[shahrazad]

عفووفة وزوزو ربي يحفظكم واالله اطلعو المورال راهي نفعتني القعدة تاع الدار هههه
ايمانوو الله يحفظك ...ماكلتك راهي صيفية 100 بال100 ههه امممم بصحتكم
بسوومة صباح الانوار
رووعيتاا والله صح توحشنااك لحبيبة وييينك
​

 

[ibtesem]

بصحتكم ايمان العشا خفيف ضريف

 

[oumsif]

صباحكم بالخير لبنات وصح غداكم
برنسيسة اطباقك يشهيوا وربي ينجحك في قرايتك
سماح بصحتك العدسون والحوت
ميمي علي سلامتك تسلم ايدك القاطو انتاع الجلجلان جاك تحفة كي نهبط ان شاء الله للبلاد نشري هداك الموال ما نخليهش في قلبي
ام رائد يعطيك الصحة سخفتيني فيه ان شاء الله يكون اعشانا هههههههه قالك عاند وما تحسدش تسلم ايدك اختي
شهرورة لي شوصون جاوك مبطبطين يهبلوا وروز المفلفل لي قاللهم وخروا يعطيك الصحة
لويزة بصحتك لوملات ولحميس
سماح و ام سراج وصوموا علي سلامتكم

 

[mimi53]

سموحتي الزينة ربي يخليك حنونة ويعطيك الصحة

حبوبة قلبي شهرا واش راكي يالزينة توحشتك انا تاني وربي عالم
واطباقك الله الله عليك راكي فووووووووووووووور وهادوك لي شوصون طيحي بالوصفة تشوفي وياريت تحطيه موضوع وصوريلي مم الالة اللي درتي بيها ولا قطعتي بالموس اريد شرحا بالتفصيل الممل ههههههههههه
شهيتيني فيه
زائرة الحلوة ربي يخليك حبيبتي ويعطيكم الصحة عللى ردودكم المشجعة الف شكر

 

[مطبخ الأحلام]

آلسلآم عليكم

أصبحنا وأصبح الملك لله ولآ إله إلا الله
كيف حآل الطبآخآت المآهرآت

رآني كآمل جآميتكم

ومرسي على الي جمآني والله يسلمكم ويبآرك فيكم وفي أيامكم

عفوفة ايمانو شهرزاد ندوش سماح وجميع الامهآت وكل من حط الأكلآت نقلكم مآشآء الله تبارك الرحمآن كلشي يشهي

بالصحة والهنى على قلوبكم ويكثر خير الله

رسومآتي تنآدي (حصري 2013)
​

 

[بوح المشاعر]

سلام يانحلات اللمة
برنسيسة دخلة فور كل شيء هايل و اطباق تشهي
ربي يوفقك حبوبة ويجعل النجاح حليفك
سماح حبوبة بصحتكم لغذآء ولعشآء كل شيء يشهي
ميمي حنونتي على سلامتك توحشناك واطباقك الهايلة
مبروك لبنت خالتك ولعقوبة للي مزالو
كل يء فووور وذوك لقلوووب تحفة تحفة ربي يخليك يازينة
و بصحكم واش تعذيتي
ام اروى صح عذآآك
صومو حبوبة نورتي ان شاء الله تكوني مليحة
و عجوزتك ان شاء الله تكون بخير وربي يشافيها
ام ندوش الفحلة امممم على شاورمآآ تششششششششهي
الا مزال واحد افليكسيهولي منا مانيش بعيدة
شهيتيني حبوبة بصحتكم
شهورررة الزينة ذوك لي شوصون امممم الصورة عبرت
وكفات يهبلوو و الروز ياعيني يشهي بصحتكم يالفحلة
حلـــوة انتي لي منورة الكوزينة بوجودك
و كلامك اللي ينقط عسل
الله لا يحرمنا منك يازينة وبصحتك واش تغذيتي
ابتسآمو حبوبة صباحك ورد ياسكرة نهاركِ طيب مبآرك
ايمآن حنونة ولحمييييص مخلاش فيا يشهي
ولا ذيك الاوملات ياعيني تحفـــة
سمورة يالغالية مسآء الورد وبصحتك حبوبة واش تغذيتي
ان شاء الله منكونش نسيت وحدة
تحية لكل لبنآت ام سرآج ام منصف حاملة المسك عفاف الجزآئرية
ام رحاب رووعة حدة الزينة وخيرة بنت الجسور المعلقة
وميس سوسو وزهور حسنة و نور الرحمان و نور الحبوبة
الكل الكل الكل اللمآويآت الفحلات
=========
انا ليوم درتلهم بطاطا محشية ماصبتش واش ندير
قلت ماتسلكني غير هي
بصحتكم لبنآت الكل
​

 

[mimi53]

ابتسامو حبيبتي والله راني غير هنا غيبت هادي الخطرة كنت معروضة لمعرض نتاع الريف واش نحكيلكم هايل
ايمانو حبيبتي امممممم الاكلة اللي نحبها
هههه
قوليلي انت تحبي كلشي قوليها ومتحشميش هههههههههههه
يعطيك الصحة وتسلم ايدك

سمورة حبيبتي ربي يخليك غير سييه راهو هايل متخلي حتى حاجة في قلبي اخرتها موت هههههههههههههه

 

[nada242008]

صوموا على سلامتك اختي راكي ساكتة غير الخير هههههههههه:d
سمورة الله يسلمك اختي طيبيهم وقلشي سيفو معاك وان شاء الله تكوني ريحتي من المرض على لمرة لي فاتت
بحبوحتنا بصحتك البطاطا لمحشية تسلم ايدك

 

[mimi53]

هادا فطورنا لنهار اليوم

 

[nada242008]

اممممممممممم بصحتك ميمية المطلوع يشهي مع تغميسة في الحميس عذاااب بالصحة والهنا ان شاء الله

 

[ibtesem]

بح بوحة شوفتك من تحت قلت نستنى في التقرير اليومي نحب نقراه
مساءك ورد وفل وعنبر وياسمين يابحبوحتي ربي يحفضك واخليك على اللسان الطيب سبحان الله عمرك ولا نسيتي وحدة فينا
هدا دليل على اصلك الطيب
بصحتكم الدولمة تاع البطاطة تسلم الايادي حبيبتي
ميمي اممم على السلطة عجبتني والصح الاول تاني جعت مغ اني شربت قهيوة
سومو ملي عدتي موف انت سكتي درك نتصل بيهم ارجعوك خضرة باش ترجعي كي بكري تحكي
ام سيراجو على سلامة من الاعجابات بديت تلحقي بينا اقفزي شوية باش تعملي رد ونعجبولك احنا تاني
صح قهوة الجميع
فوفو توحشناها

 

[mimi53]

على قلبك حبيبة قلبي ندوش
وهادا طبق لحميس خص نص ليك حبيبتي منخليهاش في قلبك

 

[shahrazad]

سمرمر الله يحفظك حبيبتي وبصحتكم واش تغديتو
ميس سوسو صباح الانواار الله يحفظك
بحبوحة الله يسلمك الزينة وبصحتكم البطاطا حبيبتي

ميمتاا ياحسرااه ماكان حتى آله وماشقيتش روحي نجيب حاجة نقطع بيها خخخ درت كويرات صغار ونحلهم بالحلال مليح ممبعد نحط الحشو ونسكر بالفرشيطة ...
معنديش صور المراحل باه نحط موضوع ان شاء الله نحطو المره الجاية
مقادير العجينة خفيييفة
كاس ونصف ولا كاسين فرينة
2مغارف كبار مايزينة
حبة بيض
فنجان زيت
3مغارف صغار خميرة خبز
2مغارف صغار سكر
ملح
شوية ماء دافي
تخلطي قاع المقادير وتعجنيها غير بشوية ماء وتخليها تخمر ..الحشو درت بصل وصوص طوماط-زيتون-فروماج.
وبصحتكم المطلوع هاايل مع التغميسة امممممم ولا اروع

​

 

[مطبخ الأحلام]

بوحة وميمي

يعطيكم الصحة

بالهنى إن شآء الله

أنا البآرح نسيت مآصورتش كنت لآهية نرسم

كلينى سبآقيتي :d

بالإدن منكم سأوآفيكم بوصفة لي عودة إن شاء الله


​

 

[mimi53]

ربي يخليك ابتسامو هاهي ليك وربي لا يحرمني من ردودكم المشجعة

 

[nada242008]

والله يا ميمي تمنيت نذوقو صح امممممممممم واحدة ماتقدم هههه
ربي يفرحك اختي

 

[بوح المشاعر]

ام ندى الغالية الله يسلمك من كل سوء يارب
ميمي فطورك يسخف وبصحتكم
راني تشهيت في المطلوووع رووعة هو ولحميص
ابتسآم حبوبة يحبك الخير يارب
صح قهوتك تسلميلي حبوبة وكلامك شهد مصفى
يبارك في عمرك لغلا انتم اهل الاصل والطيب والكرم
ونحن منكم و الله يزيدكم طيب
شهورة الله يزين كل ايامك ويحليها تسلمي حنونتي
ميس سوسو بصحتكم سباقيتي لبارح و بصحتك لغذآء اليوم
​