الجزء الـســــــ27 ـابع والعشرون من ماذا ستطبخين اليوم

[ام منصف]

ميمي كل شيء هايل بالصحة
شهرورة سلامة نظرك هذيك لوبيا والا اثرت فيك حكاية العدس عدتي تشوفي كل شيء عدس راني غير نضحك مع اختي
سوسو راكي مدايرة حفلة نتاع الصح بندير وقيتارة والشطيح زهيتي الحالة
ربي يزهي ايامكم كامل ويخلينا دايما مجمولين
​

 

[om siraje]

ام سيراج يااااعمري على هاداك البوبون ماشاء الله خموس عليه ربي يحفظهولك وكل عام وهو بالف خير
راكي درتيلو حفلة كبيرة ومعرضتيناش صحا فيك هههه ربي يكبرو في طاعتو وتشوفيه من احسن الناس​

وانت بخير يا بو دم خفيف لعقوبه ليوم فرحك شهوره حنونتي:$​

 

[ام منصف]

نرجعوا للمطبخ والا تغضب علينا الادارة

البارح طبقت مسمنات مغربية لام ندى من الدورة جاو ولا احلى امممم مع رشفات تاي منعنع
ولكم ان تتخيلوا الذوق والبنة

​

 

[مطبخ الأحلام]

ههههههههههههههه ربي يخلي الضحكة ديما مرسومة على وجوهكم

أيآ نقسمو القاطو ومن بعد نكملو رقيص :d

ربك مانخليوش الموضوع كدردشة راهم يجريو ورانا

واش نقلكم عيد ميلآد سعيد لصمو وأم سيراج

كل سنة وأنتم بألف خير وعافية

بوسة لهداك البنبون

أنا نقلكم ليلة سعيدة وتصبحو بخير

وجمعة مبآركة بإذن الله

الى الملتقى ان شاء الله

في رعاية الله وححفظه
​

 

[om siraje]

عيد ميلاد سعيد ياسروج
الله ابارك كل شئ هايل ربي يحفضهولك واخليك ليه
لعقوبة الى مئة عام وتشوفيه من الناجحين

الله يسلمك بسومه وخليلك ولادك نشاءالله يا غاليه​

 

[مطبخ الأحلام]

آمين

قبل مآنروح

خليتي بطني يزقزق أأأمممممم على هذآك لآتآي ولمسمن يآمآمي

يعطيك الصحة شآطرة من بكري

فن وديكور
​

 

[imane27]

ام سيراج مشاء الله درتيلو حفلة من مجاميعو يعطيك الصحة ولعقوبة لحفلة عرسو
نجى نزهيلك الحالة حجة وفرجة

 

[ام منصف]

سوسو وين رايحة وهاربة ياو مازال الحال مازال العشاء والسهرة
​

 

[imane27]

امممممممممممممم شريفة كثرى لعسل رانى جاية يعطيك الصحة

 

[shahrazad]

ياااخااه ههههه شريفة انا شايفة اللوبيا وكتب لعدس
المهم حبيبتي ماطرح مايسري يمري وبصحتكم المسمنات امممم
انا راه عاجبيني برك هادوك الكتاكيت فالصورة سورتو بو لخدايد ماشاء الله عليهم ربي يحفظهملك
​

 

[nada242008]

والله يا شريفة غير تقولي دخلتي لقلبي .. كنت راح نقولك خاصنا التاي اتاريكي جبتي السينية بالتاي المنعنع الطازة بالحلو يعطيك الصحة وربي يدوم هذي القعدة الزينة ويحمينا من عينين الحساد ويبعد علينا كل شر

​

 

[ام منصف]

لويزة كاين غير العسل ارواحي برك وماعليكي
شهرورة العتبة على الكتابة امالا هههههههههه ربي يخليك اختي العزيزة ويرزقك انت ثاني عاجلا غير اجل ونديروا فرح كيما نتاع اليوم بقيادة المايسترو سوسو لعقوبة لكل العزابيات يا رب
ام ندوش عندي تلقاي غير التاي وليت مدمنة من الصباح وكاس التاي متبعني وين نروح يروح معايا ويعطيك الصحة على هذوك المسمنات جاو خفاف اممممم ويقرمشوا
​

 

[ibtesem]

الله الله ياشريفو على هداك التاي اممممممممم مخلاش فيا مع النعنات تاع سوافة صح صح :love01:

 

[imane27]

والله يا شريفة غير تقولي دخلتي لقلبي .. كنت راح نقولك خاصنا التاي اتاريكي جبتي السينية بالتاي المنعنع الطازة بالحلو يعطيك الصحة وربي يدوم هذي القعدة الزينة ويحمينا من عينين الحساد ويبعد علينا كل شر​

روحى عيطى لعفوفة جيب لبخور ديالها راه قاطع:p

 

[ندى الورود]

مساء الخير عليكم
يعطيكم الصحة كامل يا فحلات لمتنا على طياباتكم البنينة
كل وحدة باسمها

​

 

[nada242008]

رحبوا بوردة اللمة الندية حبيبتنا ندى الورود .. ان شاء الله تشاركينا دايما بيومياتك في المطبخ

 

[MĺŹǾ žĕĥÔŖ]

السلااام عليكم

عيد ميلاد سعيد لسيراجو

ربي يحفظوا ويخليهلك وتشوفيه عريس إن شاء الله

يكبر في طاعة الله حبيبتي

ربي يفرحك بيه

ولعقوووووووبة ل 100 سنة

​

 

[ibtesem]

‏ندى الورودزارتنا الباركة يوي يوي نهار اليوم الله ابارك ربي دومو ديما هكا تفضلي تاي والمسمن من عند شريفة

 

[ندى الورود]

ان شاء الله يا ام ندووووووووش ربي يخليك
اليوم دخلت على غفلة عندكم ان شاء الله نكون خفيفة عليكم
​

 

[imane27]

مساء الخير عليكم
يعطيكم الصحة كامل يا فحلات لمتنا على طياباتكم البنينة
كل وحدة باسمها
الله الله شكون طلت عليها نعرف غير قاتو ديالك مشاء الله
بصح دورك طامعة فى اطباقك الرئسية نشوفهم

​