الجزء الـســــــ27 ـابع والعشرون من ماذا ستطبخين اليوم

[nada242008]

صومو بصحتك الدوبارة امممممم ما بنها كي تلقايها واجدة والرشتة انا مولاتها ههههه

 

[زائــــــــرة حلوة]

أم سيراج تعيشي أختي بلامزية ,كي مانتفكرش ام سيراج شكون اللي نتفكرو مالا:$ راهو مقامك عندي عالي غاليتي وربي يجيبك على خير لأهلك
إيمانو ربي يخليك كلامك فوق راسي:regards01: , إن شاء الله نتلاقاو في الأفراح ونجاحات الأولاد يارب
ام منصف عندك الحق لومي وعاودي أوااااااااه واه عندك شك ماعجبتنيش , الحاجة البنينة مافيهش نقاااااااااااش بصح حقك عليا شكيت حمزت برك مابيّاش ههههههه:d
صومو بصحتك الدوبارة شفتي البساكرة واش حنان هههههههه:p وبصحتك الرشتة مسبقا
​

 

[somo_81]

حدة بصحتكم الجاج المسبك يشهي تسلم يداك
شريفة يا شريفة مخلاتش فيا والو محجوبة ديالك على الاقل كنت تبعتيلي مورصو خير ماراهم ريوقي يسيلو عليهم
ياااااااا ام ندي على هاداك الروز و الجاج ارحمونا شوية :d بصحتكم حنونة
بوح المشاعر الله الله على خبز الدار و يا يما على السردين راه في قلبي عندو شحال لازم نديرو لا نولي انا سردينة بصحتكم اختي
شهرزاد يا تفاحة قلبي بصحتكم التغميسة مي حنا تاني نعيطولها تشكشوكة مي خاطرك نولي نعيطلها تغميسة :p
لويزة مممم على روز و هاداك الجاج اااه يا المعدة ديالي يا مسكينة جاك الجاج محمر على الكيف كيما تقول عجوزتي
ابتسام حنونة يا يما هادوك اليدين لي خرج من تحتهم هاد الفن قاع يا مايكل انجلو الطياب ربي يحفظك لا ندربك بعين
زائرة حلوة انا صح راح يحكمني السكر قبل ما نشوف ماكلتك على خاطر سور تكون حلوة كي لسانك
و قبل ما نكمل لويزة مبروك الغوز راهو بهاك كثر ما كنتي باهية

 

[somo_81]

ام سيراج على سلامتك حنونة هادي غيبة و لا انا لي راهي تالفتلي
زائرة حلوة ماتبعطينيش وين راهي حلاوتك يا الحلوة :p

 

[زائــــــــرة حلوة]

هههههههههه ام ندوش وحدك , أضحك الله سنك سخصرتي فيا البيسطازة:p
ايمانو مبروك عليك الإشراف اللي تستاهليه يعقوبة ليا هههههههه مشرفة الهرف والمراقبة هيهيهيهيه :d
صومو ههههههههه عجوزتك راهي تنوب عليا هيهيهيهيهيه:p

 

[imane27]

ايمان 27 الف مبرووووووووووووك الغوب الغوز زادت فيك النص ههه قريب ماعرفتكش لعقوبة لونسومبل لخضر ولصفر ههه
مرسي ندودة اه من كلامك الحلو حتى كى شفت روحى تخلعت قولت او وقيلا غالطين فيا هههههههههه
صومو بصحتك دوبارة راه كاين بغرير تاع مكسيور لا عجوزتك لا يحزنون دريه فى رمشة عين

 

[imane27]

الله يسلمكم لبنات والله فرحتونى انتوما اكثر من الغوز

 

[somo_81]

ام ندي و الله قبل متكتبي كنت راه نقولك يعطيك الصحة من الصباح و انا نحوس في المنتدى على وحدة جمرت الرشتة في المرقة ديالها و صبتها عندك على خاطر انا كنت نسقيها برك و التليتلي نديرلو مام صوص كي الرشتتة و يتجمر في مرقتو يجي بنين على هاديك قلت بالاك تاني الرشتة تتجمر حتى صبتها عندك يعطيك الصحة اختي تعيشي و تشوفي ندى عروسة ان شاء الله

 

[حاملـة المسك]

بالفال علينا صور البراعم في موضوعنا..رانا غير في الترقيات و التشريفات
لاغوب بلونش ايمان و زادوك الغوز..تبارك الله عليك

جانا الكعك ماشاء الله عليك بوحة :up: مع البيستاش و لتاي لعندو 5 د ملي طاب
كلشي سوسوا.. ربي يطرح البراكة.

و تولموند يعطيكم الصحة.

روعة بردتلي قلبي بهداك لغلقتيه اليوم كان مخرجلي قلبي ​

 

[somo_81]

صح لويزة بغرير لي ديرو عجوزتي تاني في الروبو مي معرفتش المقادير انا يما ربي يحفظها علمتني لي تدلكيه :sport01:حتى يطيحو كتافك باش تبداي تطلقيه بالماء و انا قاتلني التفنيين:$ حبيت الساهل و المقادير ما عنديش ادا عندك لويزة تعيشي اختي بعتيهملي بلاك غدوة نديرهم ادا مصبتش كاش واحدة تزيد تفطرني عندها :d

 

[نور الحبوبة]

مساء الخير على حلوات وفحلات وجميلات اللمة كل وحدة باسمها يعطيكم الصحة على طيابكم وبصحتكم غداواتكم وعشاواتكم راكم غير اتسخفوني بطبخاتكم كل شي اشهي انا راني غير نتفرج من بعيد هبلتوني بطيابكم كنت نعرف غير انجامي زادو نحاوها وتعليقات منعلقش بزاف والله ماعندي الوقت معتز الصغرونا راه امهبلني نحالي الادمان انتاع الانترنات خرجهم مني كيما اقولو راني تعلمت بزاف احويج منكم وطبقت بزاف اكلات يعطيكم الصحة وربي اوفقني كي يكبر معتز راني نتلهى مليح ونتعلم انحط الصور

 

[نور الحبوبة]

حبيت انسقسيكم علاه نحاو الاعجبات

 

[ام منصف]

لويزة مبروك الكوستيما الوردي جاتك تهبل بصحتك الاشراف بالتوفيق
سهام بصحتك الدوبارة والرشتة ما تنسايش الصور فيما بعد والمحجوبة لو كان جيتي حذايا راني بعثتلك قرصة ماشي مورصو ربي يحفظك
زائرة حلوة يا حلوة كنت نضحك مع اختي برك يعطيك الصحة وان شاء الله عن قريب تحني علينا وتشاركينا اطباقك الائعة اكيد
​

 

[بوح المشاعر]

ثحيتو ثحيتو يازينات
حلوة ياحلوة انتي الفحلة ياعسل وبصحتك ماشي خسارة
فيك مطرح مايسري يمري
ام سرآج خيتو اهلا بيك و بصحتك واش تغذيتي
ام منصف حبوبة مساء الخيرات معقوول محجوبتاك متعجبنآآش يالفحلة
الله يسلمك يازينة وبصحتك انتي تاني
ايمآآن مبرووووووووك مبرووك حبوبة
تستاهلي كل خير ياحنونة و خرج عليك الغوز فوور
ولا نقولك انتي لي زدت فيه النص يالزينة
اييه راني قلتلكم جيبو لقهوة ولا لتاي
ايا ميش خسارة دوك نجيبلكم التاي
سٌمو يالغلا الله يسلمك حبوبة وانتي تاني بصحتك الدوبارة
و السردين كلو ميغلاش عليك حبوبة بصحتك
ندوش الغالية تسلميلي حبوبة عيونك الحلوة لي شفاتو هايل
حاملة المسك يافٌلة تسلميلي وربي يبارك فيك وآآمين يارب
ايمالا جا لتاي هاتيلي كويس منعنع كيما يحب الخاطر
تحية مسآآئية لكل اللماويآـت الفحلات
النحلات على قولة روعة
وتحية لزوآآر 30 زآآئرة
اتفضلو معانا نحو لعجآر متحشموش
جوزوا جزوزا الدار داركم

​

 

[نور الحبوبة]

صح لويزة بغرير لي ديرو عجوزتي تاني في الروبو مي معرفتش المقادير انا يما ربي يحفظها علمتني لي تدلكيه :sport01:حتى يطيحو كتافك باش تبداي تطلقيه بالماء و انا قاتلني التفنيين:$ حبيت الساهل و المقادير ما عنديش ادا عندك لويزة تعيشي اختي بعتيهملي بلاك غدوة نديرهم ادا مصبتش كاش واحدة تزيد تفطرني عندها :d

مساء الخير عندي طريقة رائعة وديما انديرهاوهي المقادير وهي شكارة حليب 3بيضات 3كيسان فرينة كاس دقيق نصف باكي خميرة القاطو وملعقة كبيرة خميرة الخبز تخلطي كلش على بعضاه ما تدلكي ماوالو وكي تخلصي صفيه في الكسكاس اختي ادير 2 كيسان فرينة برك تقولي باه اجيو خفاف مي انا اندير 3 وان شاء الله اتجربيهم راهم خفاف وساهلين كي ادريهم رديلي بلخبر

 

[حاملـة المسك]

حاملة المسك يافٌلة تسلميلي وربي يبارك فيك وآآمين يارب
ايمالا جا لتاي هاتيلي كويس منعنع كيما يحب الخاطر


​

غالي و الطلب رخيص.. اتفضلي

 

[samah06]

السلام عليكم لبنات واش راكم
راكم مخليتوش فيا بلعقل عليا حباباتي
راني شكيتلكم وقلتلكم مانعرفش نطبخ
الله يعطيكم الصحة ويبارك في عماركم ويدوم النعم في بيوتكم
انتضروني مع طبيخي راني نلملكم فيهم

 

[somo_81]

تعيشي نور الحبوبة بصح حنا البغرير نديروه بالدقيق ماشي الفرينة هادي طريقة جديدة مي يعطيك الصحة حنونة

 

[nada242008]

حالياً الأعضاء النشيطين الذين يشاهدون هذا الموضوع : 46 (17 عضو و 29 ضيف) ‏nada242008, ‏ŚσÚмĨÁ.Ďz, ‏ميس مرام, ‏ام نسيبة, ‏اسيرة+, ‏بنت الجسور المعلقة+, ‏fatima der, ‏حاملـة المسك, ‏mimi53+, ‏om mima, ‏om siraje, ‏سيرتا, ‏samah06, ‏SaRa QuEeN+, ‏shahrazad, ‏somo_81, ‏عفاف الجزائرية+

يا لالة اللمة حني علينا برد :$ توحشنا طيابك
صومو ربي يحفظك اختي ويحفظلك ايلينا الزينة

 

[زائــــــــرة حلوة]

بصحتك حاملة المسك تاي تاع الصح:up: قفزت بيه انا مع البيسطازة كون غير صورتيلي إسمي ثما حبيت نشوفو مليح:p