الأستاذ والنقاط ؟؟

[مايا الجزائرية]

السلام عليكم ورحمة الله وبركاته
واش راكم خاوتي؟ان شاء الله لاباس
أنا برك حبيت نطرح هذا الموضوع باش نعرف آرائكم
طلاب كيفي ومادابيا رأي أساتذة خاصة
راني في مستوى سنة ثانية ثانوي وهذا العام التالي لي تولي النقاط تلعب دور في المستوى الثانوي
المهم لاحظت في أساتذتي جميعهم أنهم ياكلولك حقك mais ما فهمتش علاش ،،تقريني استاذة تاع شرعية والمادة لي هيا اسهل مادة عندي تمدلك المراقبة 11 علاش يا ترى؟؟اني حابة نفهم علاش الاساتذة تمثلهم النقاطي حاجة عزيزة ولا ما نعرف :s
واش هيا العلاقة كون يمد المراقبة 15 واش راح يخسر
وعندنا تان وحد الاستاذ تاع فرنسية الطالب المليح يمدلو 12 لياه ؟؟
انا نخليكم مع عودتي لاحقا وشكرا
سلام

 

[بنت الـ25]

اهلا مايا
صح هاد الظاهرة لاحظناها كي كنا نقراو وكنا نتساءلو كيفك
بون .. سقسيتلك ختي هي كانت في سلك التعليم
قاتلي في المراقبة المستمرة ناخد بعين الاعتبار السلوك داخل القسم والمشاركة تاني
ونشوف التلاميذ اللي حضرو الدروس فالمنزل من خلال الأسئلة اللي نطرحهم كل يوم
:-r
انا معاك انو النقاط مش بالدراهم ومش يمدو فيهم من جيبهم
لكن وش معناها يـgونفلي الأستاذ النقطة للتلميذ ومبعد نهار الرسمي (امتحان البكالوريا)
كي يدي نقاط متدنية يتشوكا :-o؟

هذا رأيي وفي انتظار آراء الأستاذة
​

 

[مايا الجزائرية]

mais le prblmأنو جميع الي ذكرتها اختك متوفرة يعني حضورا ومشاركة إلى آخره ،شكرا على مرورك اختي في انتظار المزيد من الآراء

 

[السلطانة]

وعليكم السلام

بالنسبة لنقطة التقويم
5 على السلوك/5 على المشاركة والحضور/ 5 على الواجبات 5/على الكراس

هكا نخدم
نجمعهم وفي البيلتا نحطهم مع نقطة الفرض والاختبار
+نشوف مع نقطة الاختبار خاصة للتلميد النجيب منحبش نهلكو


اما كي كنت نقرا في الليسي نقطة التقويم كانت هابطة
اعلى نقطة 15 ولي بروف يمدولنا بين 12 13
ويوافقو بين نقطة الاختبار
​

 

[ماكانش]

أهلا بيك مايا
كاين أساتذة ضعاف الشخصية يحبو يمكرو فالتلميذ ويصعبولهم في الإمتحانات باه تبان المادة تاعهم مهمة وصعيبة ويبان النيvو تاعو عالي
وكاين أساتذة عادي يعطيك حقك ومايعاونكش وهذو ما يتلاموش
وكاين ألي يعاونو
يعني التعميم ماوش صواب
بقات نقاط التقييم من المفروض يعاون بيها التلاميذ ولكن ألي يستاهلو برك
انا أستاذ مستخلف وكاين بعض التلاميذ راح نعطيهم 5 على عشرين لنهم قليلي التربية ...
​

 

[هبة الرحمان2]

سؤال محير فعلا اتمنى ان اتعرفة على الاجابة من الاساتذة.

 

[youyousra20]

مدلوك11 ههههه واقيلا راك مشوش في القسم
المهم أنا في رايي مليح كي ما يمدوش 15 لاخاطرش يغلطوك بالنقاط المليحة

 

[السلطانة]

+دديرو في حسابكم تضخيم المعدل تاع القسم
راه يسبب مشكلة للأستاد قدام المدير
ويتحاسب على أنو يضخم النقاط
لازم يكون توافق
بين نقطة التقويم والامتحان
كل واحد يدي حقو موحال الجميع يديو كل 20 في التقويمات لأنو ماش الجميع يستاهل
سيرتو صحاب الفوضى
​

 

[مايا الجزائرية]

وعليكم السلام

بالنسبة لنقطة التقويم
5 على السلوك/5 على المشاركة والحضور/ 5 على الواجبات 5/على الكراس

هكا نخدم
نجمعهم وفي البيلتا نحطهم مع نقطة الفرض والاختبار
+نشوف مع نقطة الاختبار خاصة للتلميد النجيب منحبش نهلكو


اما كي كنت نقرا في الليسي نقطة التقويم كانت هابطة
اعلى نقطة 15 ولي بروف يمدولنا بين 12 13
ويوافقو بين نقطة الاختبار
​

اوك شكرا على التوضيح

 

[مايا الجزائرية]

أهلا بيك مايا
كاين أساتذة ضعاف الشخصية يحبو يمكرو فالتلميذ ويصعبولهم في الإمتحانات باه تبان المادة تاعهم مهمة وصعيبة ويبان النيvو تاعو عالي
وكاين أساتذة عادي يعطيك حقك ومايعاونكش وهذو ما يتلاموش
وكاين ألي يعاونو
يعني التعميم ماوش صواب
بقات نقاط التقييم من المفروض يعاون بيها التلاميذ ولكن ألي يستاهلو برك
انا أستاذ مستخلف وكاين بعض التلاميذ راح نعطيهم 5 على عشرين لنهم قليلي التربية ...
​

بيك أهلا وشكرا على فكرتك

 

[Mr Brahim]

هذه واحدة من معضلات التعليم في العالم الثالث و التي اصبحت مرض مزمن في الجزائر تحديدا
و كاش نهار على بالي نقتل واحد من الاساتذه ( انا امزح فقط ) هههههههههههههه
​

 

[مايا الجزائرية]

مدلوك11 ههههه واقيلا راك مشوش في القسم
المهم أنا في رايي مليح كي ما يمدوش 15 لاخاطرش يغلطوك بالنقاط المليحة

مش مشوشة أبدا

 

[مايا الجزائرية]

+دديرو في حسابكم تضخيم المعدل تاع القسم
راه يسبب مشكلة للأستاد قدام المدير
ويتحاسب على أنو يضخم النقاط
لازم يكون توافق
بين نقطة التقويم والامتحان
كل واحد يدي حقو موحال الجميع يديو كل 20 في التقويمات لأنو ماش الجميع يستاهل
سيرتو صحاب الفوضى
​

اكيد موحال يدو 20 بس المطلوب الحق الواحد عام كومبلي وهو يحضر ويقوم بجميع الواجبات الى اخره وفي التالي 9 ولا 11 لياه؟؟ هادا هو السؤال المطروح

 

[مايا الجزائرية]

سؤال محير فعلا اتمنى ان اتعرفة على الاجابة من الاساتذة.

شكرا على مرورك

 

[مايا الجزائرية]

هذه واحدة من معضلات التعليم في العالم الثالث و التي اصبحت مرض مزمن في الجزائر تحديدا
و كاش نهار على بالي نقتل واحد من الاساتذه ( انا امزح فقط ) هههههههههههههه
​

ههههه شكرا على المرور

 

[طائر الخير]

حقيقة اختي مايا ما لحقتش بوقت التقويم المستمر و مازال مافهمتش فكرتو خلاص
في بالي لوكان ينحيوهولكم تتهناو منو وخلاص.

اسف لعدم تقديم اي مساعدة

الى اللقاء

:regards01:
​

 

[مايا الجزائرية]

شكرا على المرور

 

[نريمان المسيلية]

نتاع الفرنسين قاع هكاك
انا ديت في الفرض الاول18 والفرض الثاني ديت 19.5
وحطلي في التقويم 13 مع اني نشارك ونحل الواجبات
وكي سقسيتو قتلو علاه قلي التقويم ميهمش المهم النقطة

 

[فتاة حساسة]

هلا وسهلا بيك ختي..ايه ختي انا تاني حرت فيهم..وكاين شي اساتدة البنات مدايرن حلا في الكلاصا بالهدرة وقلة التربي ومع اللخر يحطلها 116 . 17..حاجا تحير والله .ربي يهدينا​

 

[مايا الجزائرية]

نتاع الفرنسين قاع هكاك
انا ديت في الفرض الاول18 والفرض الثاني ديت 19.5
وحطلي في التقويم 13 مع اني نشارك ونحل الواجبات
وكي سقسيتو قتلو علاه قلي التقويم ميهمش المهم النقطة

شكرا نريمان على الإفادة أختي والله يهديهم لاني نحسهم ياكلولك في حقك