وش رايك في فلانة؟؟؟؟؟؟؟؟؟؟؟؟؟ وش كانت دير بكري؟؟؟

[سلفي والحمد لله]

السلام عليكم ورحمة الله وشراكم خاتي ان شاء الله تكونوا بخير
ليامات هاذو لي فاتو عيطلي واحد صاحبي قالي راني محتاجك في امر ولازم نتلاقاو فحددنا موعد وتلاقينا.
حكينا قصرنا ضحكنا حتى من بعد قالي راني عيطلك باش نسقسيك على وحدة!!!!!!!
قلتلو خير ان شاء الله قالي فلانة تعرفها؟؟؟
قلتلو ايه قرات معايا في الترمينال وفي الجامعة
قالي راني باغي نتقدملها وشرايك فيها؟؟؟
واكره حاجة عندي هاذ الامور تاع الزواج والمسؤوليات لي قادريين يوصلونا لامور مايش مليحة
قتلو يا خويا وش شافت عيني ووش نعرف عليها بلي ناس ملاح وتبان عاقلة قلتلو راني جامي هدرت معاها ولا هدرت معايا بصح تبان جابدة روحها ومايش تاع تخلاط
المهم حكينا في الامر مليح حتى يرجع ويسقسيني على نفس السؤال
الي هو مشات مع واحد ولا جامي؟؟؟؟
قلتلو انا جامي شفتها مع واحد والعلم عند ربي قلتلو راني نهدرلك وش شافت عيني زدنا حكينا زاد سقساني على عام تاع الترمينال يعني حكيا عندها سنوات
زاد قالي وفي اليسي كانت تمشي ولا لا؟؟
قلتلو يا خويا الله اعلم بصح انا ماشفتهاش
فاستغربت انا لهاذ الاسئلة
ومن بعد قالي مستحيل ندي وحدة مشات مع واحد.......!!!!!

اخواني راني حطيت الموضوع هذا منها حكاية ومنها نصيحة لخواتاتي لبنات باش يعرفو الناس على واش راهي تحوس وشكون يخيرو للزواج...
باش ياخذو حذرهم ويعرفو بلي الطفلة اذا خرجت مع واحد راهي راح دير امر قادر ياثر في مستقبلها...
الباقي نكملوه ان شاء الله في الردود
ربي يسترنا ويستر اخواتنا وبناتنا ونساء المؤمنين
​

 

[بنت الـ25]

تم الاعتماد
لي عودة اكيدة ان شاء الله
​

 

[سلفي والحمد لله]

تم الاعتماد
لي عودة اكيدة ان شاء الله
​

بارك الله فيك
الامر الذي راهو محيرني هل صح هاذ الطفلة لي هدرت عليها انا وزكيتها صح جامي مشات ؟؟؟
وهل مازال بنات جامي دارو علاقة؟؟؟؟؟
امر صعيب وصعييييب بزاف...

 

[Ma$Ter]

السلام عليكم ورحمة الله
خويا الحكاية هاذى بالتفصيل صرات معايا انا
صاحبى سقسانى نفس الاسئلة على بنت كان راح يخطبها وانا عندى معلومات عليها
ومن بعد بقا يعاود فى السؤال تاع مشات معا واحد او لا
قلتلو مشات مع واحد 4 سنين فى الليسى وفى الجامعة
والمشكل انو قلبو ما قدرش يتقبل الفكرة هذا هو يحب الطفلة وراح يخطبها لكن قلبو ما تقبلش انها مشات معا واحد
حتى مرض من التخمام فيها
وعيطلها قالها ما الله غالب بقيت موسوس وما قدرتش نثيق فيك
معا ان الطفلة متربية وجميلة وقارية والعلاقة القديمة تاعها كانت غير فى التلفون

درك لازم عليكم تبعو نصيحة الاخ

اخواني راني حطيت الموضوع هذا منها حكاية ومنها نصيحة لخواتاتي لبنات باش يعرفو الناس على واش راهي تحوس وشكون يخيرو للزواج...
باش ياخذو حذرهم ويعرفو بلي الطفلة اذا خرجت مع واحد راهي راح دير امر قادر ياثر في مستقبلها...
الباقي نكملوه ان شاء الله في الردود
ربي يسترنا ويستر اخواتنا وبناتنا ونساء المؤمنين

​

 

[Ma$Ter]

بارك الله فيك
الامر الذي راهو محيرني هل صح هاذ الطفلة لي هدرت عليها انا وزكيتها صح جامي مشات ؟؟؟
وهل مازال بنات جامي دارو علاقة؟؟؟؟؟
امر صعيب وصعييييب بزاف...

من وقت الضهور البورتابل هلكو معضم البنات
​

 

[قلمي سلاحي]

ممكن نفهم واشنو القصد من مشات مع واحد ...!!!​

 

[سمسم السمسومة]

اقتباس

ممكن نفهم واشنو القصد من مشات مع واحد ...!!!​

يعني كانت عندها علاقة عاطفية معاه...........

 

[سمسم السمسومة]

السؤال هذا بالتحديد راهوا داير حالة نهار واحد يحب يخطب وحده.......مي علاه الشخص راه يحوس على الماضي و يحوس على التفاصيل الصغيرة......زعما هو ممشاش مع وحدة قبل و لا عليه حلال يمشي معا أي وحده و يلعب بمشاعرها و كي تعود للزواج يقولك أنا حاب بنت ناس لي جامي مشات مع أي واحد........معليش أنامع فكرة الواحد يسقسي عليها مي مش يبداها معا من مشات فالسيام لليسي للجامعة......

 

[قلمي سلاحي]

يعني كانت عندها علاقة عاطفية معاه...........

ي

عني الحلقة متصلة بحلقة أخرى فرضا لم تكن على علاقة عاطفية مع اي احد وخطبها شاب

وقبل الزواج أصبحت علاقة عاطفية ومن ثم فسخت الخطوبة والعلاقة

هنا ماذا تسمى الفتاة مشات ولا ما مشاتش ​

​

 

[loula2]

والسؤال لاخر لي يحير انو علاه الراجل يحوس على المرأة النظيفة بينما هو يكون مش نظيف؟؟؟؟؟!!!!!!!!!!!!!!!!
كلنا نعرفو ان العقاب والجزاء هو نفسو بالنسبة للراجل وللمرا علاه ديما الراجل يحط نفسو فوق السماء ويبدا يبربش على لمرا
كون انت نظيف ذرك تدي مرا نظيفة
تلقاه يدور من وحدة لوحدة ويخزر في هاذي ويشوف في لخرى ويلعب مع هاذي ويضحك مع لخرا
ومنبعد يجي يحوس على وحدة جامي مشات!!!!!!
ربي قال: (الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ وَالطَّيِّبُونَ لِلطَّيِّبَاتِ)

مش معنى هذا اني نقول معليش ان الطفلة دير علاقات بصح راني نتكلم على العقلية الخاسرة لي عند بعض الرجال

 

[أم راضية ~_]

بارك الله فيك
الامر الذي راهو محيرني هل صح هاذ الطفلة لي هدرت عليها انا وزكيتها صح جامي مشات ؟؟؟
وهل مازال بنات جامي دارو علاقة؟؟؟؟؟
امر صعيب وصعييييب بزاف...

السلام عليكم
نجاوب على هاد السؤال

وهل مازال بنات جامي دارو علاقة؟؟؟؟؟

من واش راني نشوف بدون مبالغة وبدون مزايدة ومانيش نجيب من راسي
على الأقل نعرف وحد 8 بنات قراو معايا مادارو حتى علاقة و ما مشاو ما هدرو فالتيليفونات ما والو محترمات و نِعم البنات هوما ربي يحفظهم .
من ال8 هادو
4 قراو معايا فالبيرمار و السيام , وما قريناش كيف كيف فالليسي بصح قعدنا نتلاقاو و قعدت بيناتنا علاقة صداقة و ال4 لوخرين نعرفهم برك -يعني صديقات لصديقاتي - بصح راني متأكدة من سيرتهم و بلي هوما محترمات
حباباتي هادو كامل عندهم تيليفون , كامل عندهم فيس بووك , كامل قراو في مدارس مختلطة ,
بصح ما غلطوش و مشاو ( يعني الي مربية وتخاف ربي و عندها عقل في راسها ما يهفها لا تليفون لا فيس بووك ولا الاحتكاك بالناس برا )
نعرف أمهاتهن و أخواتهن وحتى آبائهن وعلابالي la situation تاع عايلاتهم كيفاش
حقيقة كاين الي ما مشاتش على خاطر تخاف من باباها و خاوتها الي حالفين فيها
وكاينة الي ما مشاتش على خاطر واعية , فاهمة واش راهو يصرا و ما يهفوهاش
وكاينة الي ما مشاتش على خاطر تربات على الدين وعلابالها واش معنتها هاد الامور فالدين
وكاينة الي ما مشاتش على خاطر ماعندهاش فراغ عاطفي ماليها متهليين فيها وعندها هدف حابة تلحقلو وما عندهاش وقت لامور تافهمة
---
خلاصة القول صح واقعنا مرير و واش رانا نشوفو ما يفرحش وما يخليش الواحد يتفائل بصح مازال الخير و مازال واقفين مادام مازالو الرجال ...
وكنت قلتها ديجا في موضوعك من قبل وهاوليك الرد http://#31
ونعاودو هنا الصح فالرجال لوكان الرجال كامل شرطو فالمواصفات العفة وانو تكون ما مشاتش .. ووو غيرها لوكان رانا شفنا كيفاش لبنات يديرو لاكوغس على هادوك الصفات
لوكان جا الراجل في دارو يحرص على بنتو و يحتويها و يشرف عليها بنفسو
لوكان جا الراجل يتهلى في بنات الناس وكيما ما يرضاش لاختو ما يرضاهاش لبنات الناس
و يحكي مع اختو و يوعيها و ما يخليهاش "مدهوشة "
---
لا للتشاؤم فلو لم تلقى البنت بابا مشقوقا ( الأهل ) و لم تجد مجالا مغريا (الصياد 'لي جون ') لما اقدمت على تلك الافعال

​

 

[la_safa]

السلآم عليكم و رحمة الله و بركـآته ،

خويآ عندكـ حق كآمل ذركـ يحوسو غير على وحدة جآمي مشآت مع وآحد
بصح حبيت ننبه على حآجة بركـ ، أنآ كون يجي وآحد يسقسيني يقولي هآذيكـ مشآت ولآلآ
نقولو و انت جآمي مشيت ولآلآ ؟
كي تكون لآريبونس تآعو جآمي ثمآ يحقلو يحوس على وحدة جآمي مشآت ..
لأنو هو ينسى روحو كي كآن يتلآعب بالبنآت و كي توصل للصح يولي يحوس
على وحدة مآعندهآش سوآبق ..
ردي مآيعنيش اني معآهم بالعكس رآني كونطرهم ، بصح حبيت بركـ نوصل الفكرة
بلي كل وآحد يشوف روحو السع و مبعد يخمم يسقسي على النآس ..

و بآركـ الله فيكـ ~
​

 

[السلطانة]

وعليكم السلام
موضوع مليح
قبل الزواج لازم الخاطب يتأكد من عدة أمور
بعد التأكد من فصل وأصل البنت
شكون والديها والعايلة تاعها...
وأهم شي يسقسي على القضية لي راك تحكي عليها
باه يتأكد من سمعتها بين الناس وهادا من حقو
والهدرة بين الناس أكيد تأثر
هاي واش دارت واش دارت ودرك تزوجت !
وبعدها يسقسيها هي
وربي يسهل
الأمر يرجعلو ليه
وليها
لكن كاين تشهد على بنات الناس بلكدب
ماشافتش عينيهم ويقولو كلام ميركبش خلاه
وكيلهم ربي .
تقبل مروري
سلامي ​

 

[أم أمين23]

بارك الله فيك
الامر الذي راهو محيرني هل صح هاذ الطفلة لي هدرت عليها انا وزكيتها صح جامي مشات ؟؟؟
وهل مازال بنات جامي دارو علاقة؟؟؟؟؟
امر صعيب وصعييييب بزاف...

يعني انا من تجربتي كفتاة نقدر نقولك انو كاين من البنات الي عمرهم ما مشاو والحمد الله كانو على قد ثيقة كل من عرفهم مالا يا خويا كيما كاين الي راهم جربو كلش كاين الي حاكمين سماهم شادين في واش قال الدين

 

[أم أمين23]

نظن انو اغلب الفتياة كانو مستغربات من امر الشباب الي راهم اول ما يحوسو يفهمو عليه مشاة والا ما مامشاة طبعا مادام عندها رجلين راهي تمشي ههههه وطبعا المشكل هنا ما هوش عند الرجال الكل وكاين الي احب يتزوج وما يحوسش يفهم على ماضيها المهم تكون طفلة معروفة بالسيرة الطيبة هي واهلها وما يدققش بزاف في الا كانت عندها علاقات والا لا لان في الغالب الشاب الي فركت ورا الطفلة بزاف واحب يفهم مع من خرجت والا خرجت والا لا بالعادة يكون هو من الناس الي ممكن ما خلى حتى طفلة الا ودار بيها على بيها يكون موسوس ويخاف من انو الي عملو في بنات الناس يطيحو فيه ربي ويطيح في واحدة عاملة كيفو واكثر ممكن على بيها يبقى يحوس من ومن وراسو ما يحبسش من الشك مالا يالبنات ويا شباب لازم تحترمو بنات الناس باش ربي يعطيكم بنت حلال وما تكونش انت حرايمي وتحوسها بنت حلال لخاطر كيما قالت الاخت من قبل الطيبون للطيبات والخبثون للخبيثات

 

[Moha le sage]

السلام عليكم

موضوعك باهي خويا نبيل ...

راح نوليلك و نكتبلك رايي المطول ... كي العادة في اليل خلاص ...


​

 

[وصال]

صح اخي السوفي عندك الحق في واش قلت .

لكن السؤال لي يطرح نفسو ، اسكو هذا لي راه يحوس على بنت الفاميليا هو وليد فاميليا ؟ اسكو هو جامي ما عاكس بنت ناس ؟
اسكو هو جامي مشى مع واحدة ؟
اسكو هو جامي ما تبلى واحدة ؟
اخي الكريم ربي سبحانو عادل في الحكم ودائما صفة التتالي في المؤمنين والمؤمنات ، المسلمين والمسلمات ، القانتين والقانتات ، التائبين والتائبات ......الخ .
وجعل الطيبين للطيبات ، وهذا حكم عادل اخر ، سبحان الله الخبيثون للخبيثات والله هو الذي يخير واختيار الله خير من اختيارنا فالمسلم التقي النقي الطاهر يعلم ان الله لن يظلمه مثقال ذرة ، يمشي ويوكل اموره لله ويعرف انه صادق فالله لن يضيع اجر المحسنين ، وان ابتلاه بشئ يكرهه فكل امر المؤمن له خيران احتسب وشكر فله ذلك وان سخط فله السخط .

انا لا اشك ان الله سيرزقني برجل طيب مادام كنت صائنة لنفسي وهذا والله حسن ظن بربي حتى توارى جثتي القبر .
انا لا اشك انه يوجد من الفتيات العفيفات ، كما يوجد من الرجال .
فالسفيه يعرف بما فيه .
وانا ردي بسبيل الحصر لا التعميم .

شكرا اخي السوفي موضوعك في القمة كما عودتنا دائما .

 

[!≈[سُِـِيٌــِـِفّ اٌڷِخً‘يٌـرُ]≈!]

يا خويا ولله مشكل العصر

في لوقت هذا يا تربي وحدة على يدك

يا تلعبها فايق و دير روحك من ناس بكري و تديها و بعد مدة عندك ما تسمع

المهم ربي يقدر الخير

ممكن نقولو لواحد إذا راه حاب وحدة مكلاه يلعب بنت الناس

شكرااا لك يا خويا
​

 

[ماكانش]

أهلا بيك زاكي
يعطيك الصحة على الموضوع الباهي
انا تبالي ألي يسقسيني واحد على وحدة نحكيلو واش شافت عيني
لاخاطر نتخيلها في روحي انا ألي رحت نسقسي مانحبش يخبيو عليا
بقات هل كاين بنات مامشاوش والهدرات هاذو انا تبالي مازالو النيات والحشامات والله اعلم
وعقليات ثاني
كاين ألي يقبل ويفوت وكاين ألي ما يقبلش زعما ومانعرف ...
​

 

[fugi]

وعليكم السلام خويا

عجبني الموضوع وحبيت نخلي راي تاعي

هادي الحكايات نسمعوها بزاف وصرات حكاية تشبهلها مع واحد من كرطيا كان يسقسي على واحد البنت حب يتزوجها وهي طفلة مليحة الجمال والاخلاق كيما نشوف انا مي كاين الي قالولو عليها راهي كليوم تبات مع واحد راهي ديما برا جامي تبقى في دارهم ؟ حتى بطل عليها الطفل ؟