حصريا -باتيسري بثلاث نكهات من مطبخي-فاني-فراز-شوكولا

[ندى الورود]

اممممممممم تشهي يعطيك الصحة نينا
​

 

[prncess fifi]

يعطيك الصحة جاتك هايلة
انا نديرها لكن بعجينة البيسكوي غولي
مشكورة حبيبتي على المجهود​

 

[ninafret]

الله يسلمكن اخواتي

 

[*RAHMA]

ya3tik saha 4algeria kemel rahi jeya 3endek
rabi yahafdhek khti

 

[اميرة الساحل]

درس اليوم حبيت نقدمو بصفة خاصة للاخوات اللي يسكنو شوية بعيد على البلاد ومرات يسخفو يشربو قهوة العشية مع شوية باتيسري ومايصيبوهش في المحلات اللي جنبهم وزيد سعرو مرتفع بزاف وممكن توصل الحبة الى 100دج وقادر يكون قديم ولا ماشي خفيف المهم اليوم نقدملكم طريقتي وراح تلقاوها ساهلة ساهلة بزاف وزيد اقتصادية وماتتعبكمش علابالي تحبو الساهل نخليكم مع الدرس وراني عملتهولكم بالتفصيل الممل صورة وصوت قصدي صورة وكتابة هههههههههههههههه​

باتيسري منزلي بثلاث نكهات -فاني...فراز...شوكولا-​

لتحضي الجينواز
في صحن حطي 2بيضات+نصف كاس سكر وقرصة فاني

اشريو نتاع الميزان مافيش احلى منها عن تجربة خبطيهم مليح مليح بالباتور حتى يتضاعف حجمهم ويبياض زيديلهم نصف كاس زيت وزيدي خلطي مليح

وزيدي كاس ونصف فرينة مغربلة مع كيس +قرصة خميرة الحلوى وماننساوش قرصة ملح خلطي بملعقة الخشب تتحصلي على خليط ثقيل

​

زيديلو نصف كاس ماء دافي ماشي بارد وخلطي بملعقة الخشب​

ادهني مول يكون مربع نتاع الفرن العادي بالزبدة ورشيه مليح بالفرينة واتخلصي من باقي الفرينة الزايدة فيه
صبي الخليط وعدليه مليح حتى يجي سطحو متساوي ودخليه للفرن حتى يطيب الفرن يكون ساخن على 200درجة​

خليه يبرد شوية واقلبيه فوق بلاطو نتاع حديد حتى تسهلي العمل بالسكين انزعي 1سم من الجوانب الاربعة لانها تجي شوية يابسة واحتفضي بيها على جنب ثم قيسي المسكوتة اللي تحصلتي عليها وقطعيها الى 3 مستطيلات متساوية من نفس الطول والعرض وخليها على جنب​

عاودي حضري جينواز بنفس الطريقة الاولى لكن انزعي ملعقة فرينة وعوضيها بملعقة كاكاو

​

وكي تطيب قطعيها على 3 بنفس الطريقة الاولى
وفي الوقت اللي تكون تطيب فيه حضري لاكرام باتيسير اللي تتباع في الاكياس سبق ووريتهالكم في درس لابياس موني
انا حضرت 3 نكهات فاني ولا بنان +فراز وللامانة ماكانتش عندي شوكولا قسمت الفاني على 2 وزدت للخليط الثاني شوية شوكولا دايبة
حطيهم في الثلاجة
في هدا الوقت حطي في صحن ثلاث ارباع الكاس حليب بارد جدا جدا حتى يعمل طبقة من الجليد وزيدي معاه 200غ غبرة الشانتيي انا نشري نتاع الميزان

وطلعيهم مليح بالباتور تتحصلي على كريمة ثقيلة جدا​

قسميها على 3
الاولى زيديلها شوية فاني ولا عطر الموز انا عملت الفاني
والثانية زيديلها شوية من لاكرام باتيسيار و من عطر الفراولة​

​

والثالثة زيديلها شوية شوكولا سوداء دايبة

نبداو التشكيل
حطي قطعةمن المسكوتة البيضاء اللي من غير كاكاو وادهنيها بطبقة من الكرام باتيسيار فاني

وحطي فوقها قطعة اخرى من المسكوتة ضميهم فوق بعض حتى يلصقو وخليهم على جنب ​

حطي قطعة من المسكوتة البني اللي فيها الكاكاو وفوقها طبقة من الكرام باتيسيار نتاع الشوكولا

واغلقيها بقطعة من المسكوتة وضميهم حتى يلصقو​

تبقى عندنا قطعة مسكوتة سوداء واخرى بيضاء لاننا كل بلاطو قطعناه على 3
حطي القطعة البيضاء وفوقها طبقة من لاكرام باتيسيار نتاع الفراز

واغلقيها بالقطعة البنية تتحصلي على هاد النتيجة​

حطي فوق نتاع الفاني طبقة من الشانتيي دوق الفاني وعدليها بالسكين
وحطي فوق نتاع الكاكاوطبقة من الشانتيي اللي بالشوكولا
وحطي فوق اللي محشية بلاكرام باتيسيار فراز طبقة من الشانتيي نتاع الفراز​

بالمسطرة قيسي طولهم وقطعيهم بالتساوي الى 6 قطه انا كل قطعة طلعلي فيها 4.5 سم

كي تكمليهم حطي الكرام شانتيي فاني في الكيس الحلواني واعملي وردات صغيرة على جوانب حبات الفاني
كي تكملي حطي الشانتيي اللي بالفراولة في نفس الكيس وزيني حبات الباتيسري دوق الفراز بنفس الطريقة
زيدي ديري في الكيس شانتيي الشوكولا وتبعي نفس الخطوات​

زينيها بالفواكه ولا بالمكسرات ولا بالقوفريط سيجار وماتنسايش تدهني الفواكة بلاجولي وتدري البراق الغدائي انا استعملت الفضي​

فاني​

شوكولا​

فراز​

ومن بعد حطيهم في ليكيسات الكبار نتاع المادلان وقدميهم​

والمسكوتة اللي كنت قطعتها بسمك 1سم من الحواف مارميتهاش في الغد عملت بيها لي كوبلي روايال
خديت قطع منها
اسقيتها ببرتقال معصور

وشوية شانتيي بقاتلي بدوق الفراولة​

وزدت كمية من المسكوتة وزدت سقيتها​

واخيرا طبقة من الشانتيي وزينت بالفواكه وجات روعة روعة وتنفع للمناسبات

​

وفي الاخير راني نستنى تقييماتكم ودعواتكم واكيد تطبيقاتكم واي استفسار راني في الخدمة
ملاحظة
ماشي شرط تعملو كل الكمية اللي عملتها انا لانها عملتلي 18 حبة باتيسري
ممكن تعملو 6 حبات واللي تبقى من المسكوتة اعملوه كوبلي روايال ​

اللي تحب الباتيسري المسقي ممكن تسقيه بسيرو ولا شاربات مخلطة بماء الزهر ولا تسقيه بعصير من اي نوع انا عن نفسي مانحبوش مسقي لانو يجي حلو بزاف نحبو يبقى خفييييييييييييييييف

ممكن تحتفضي بيه في الثلاجة لغاية 5 ايام انا ماجربتش نخبيه اكثر علاهادا مانضمنلكمش ​

يعطيك الصحة اختي شهيتينا انا موالفة نعمل هذا النوع من الحلو مشكورة مزيد من التالق :up:
​

 

[dahbia2009]

يعطيك الصحة اختي​

 

[الورد الأحمر]

امممم يشهّيو وآنآ جيعآنة ...
يعطيك الصحـة جآوك روعـة
بصحتكم ...
سلآمي ’
​

 

[omarwa]

امممم جاتك هايلة نينا يعطيك الصحة

 

[ourida17]

ya3Tik saha khti wbaraka allah fik saaaaaaaaaaaaaah tohfaaaaaaaaaa ya khti

 

[عائشة333]

هايلين يعطيك الصحة

 

[نسايم الربيع2]

روووووووووووووووووووووووووووعة
شهتيني يا عمري أممممممممممممممممممم

 

[حسيبة]

يعطيك الصحة يا الشاطرة

 

[نوال التلمسانية]

ما صبت ما نعلق الله يعطيك الصحة و السلام

 

[joumane]

يعطيك الصحه هايل

 

[أمونة المتألقة]

رووووووووووووووعة يعطيك الصحة يا الفحلة

دمتي مبدعة ووفية للمنتدى

ننتظر الأفضل من جديدك

 

[miss miss]

merci mmmm

 

[daloulou]

الله يحفظك شرح مفصل ماشاء الله و نتيجة روعة
:regards01:

 

[naGam]

WOOOOOOOOOW
يعطيك الصحة اختي جاوك هايلين
​

 

[ام سندس]

رد: حصريا -باتيسري بثلاث نكهات من مطبخي-فاني-فراز-شوكولا

فكرة هايلة بارك الله فيك

 

[om mahmoud]

رد: حصريا -باتيسري بثلاث نكهات من مطبخي-فاني-فراز-شوكولا

يعطيك الصحة اختي يشهي
ممممممممممممم