السلام عليكم
نهاركم مبروك يالمّاويات ، صحا غداكم كامل ويعطيكم الصحة على تشجيعاتكم وكلامكم الطيب، الله ينوّركم
أم علاء الدين الفضل يرجع لسماح يكثر خيرها كي شرحت لصومو قالتلها ديري 2 قرصات غرس و 3 عجين
انت ديري الكيلة تاعك عادي وبدل ماتقسمي لعجين على 2 اقسميه على 3 قريصات
وكمية الغرس اللي موالفة تديريها اقسميها على 2، حبيت نقول ماكالاه تضاعفي الكمية كي عادو زوج طبقات
انا قرصت الغرس بعدما عجنتو بماء زهر حتى رجع طري مليح باه يمشي، حطيت القرصات بجيه
قرصت لعجينة 1 وحطيت فوقها الغرس1
قرصت لعجينة 2 فوق ساشي وقلبتها فوق الغرس1، وحطيت فوقها الغرس 2
قرصت العجينة 3 وحطيتها من فوق
لميت لحواشي وبديت نقرص بيدي وكل مرة نلم لحواشي حتى لحقت للسمك اللي حبيت
نتمنى نكون عرفت نشرح دخلت عليك 2,1,2,1 هههههههه
الله يسلمك شريفة عاودي عاودي انفعي نفسك، تليتلي غراتان كنت كتبتو وحدة المااااااااااااارة، راني صورت باه نديرو موضوه
ميمي هههههه حملة ذات منفعة عامة، كاين لبراج تاع ندى الورود حوسي تلقايه، ديري الريدشوصي وزدي لوحي الدّالة دوزيام ههههههه
نور الحبوبة هذا من ذوقك اختي، تليتلي نخرج ونجي نحطولكم والبراج لوكان تقوي النار يحمارو من برا ومايطيبوش داخل، انا درتها متوسطة وبقيت ندّور ندوّر ماشي نقلّب
مها أهلا بيك انت وأحمد نورتو آآآه نورتي ههههههه كيما قلت انتظري الوصفة بعد الفاصل ونجيبلك الرابط، مضطرة نخرج حنونة
شهرورة الله يسلمك يازين ،هههههه لازم يشاركو كامل لماعن يذوقو الفال
بصحتكم البركوكس والسباقيتي، والقريوش راني اديت حبتي ممممم
شريفة بصحتكم المحجوبة المحبوبة
ميمي الله يبارك على لمسمنات وهوما متصدرات
ام ريهام بصحتكم السباقيتي هي اللي تسلك مع الشغل
الله يسلمك ندوش شهادة اعتز بيها يامولات اللسان لحلو، وبصحتهم التكليحة , قصدي المقرون ,مازينها من يديك
ميس سوسو الكرامال تاع الكوزينة مممممم كوووولشي هايل من يدك والتحلية واو نموت على لمزوّق، واش درتي فيها
لويزة هههههه راكي grave حتى الهدرة ورجعتي تجملي برك، مزية كاين جامات
سارة كويين مرحبا بيك ويعطيك الصحة على الكوزينة تهنيتي منها
بوحة الشاعرة الله يعطيك الصحة على لمحاجب مطرح مايسري يمري
أم علاء ماجيت نكمل الرد ددش ددش زدت لقيت طلبك سامحيني هذي اقصى سرعة ههههههه
يا ربي ترجعي تنورينا
