الجزء الـثــــ28 ـامن والعشرون من ماذا ستطبخين اليوم

[ام ريهام]

صباح الخير الفحلات
يا يما على هادي الببونة ربي يحفظها حتى الاسم ما شاء الله ميرال حتى انا راني حابة نعضها و هكدا ما يبقى والو منها هههه
ميمي يا ميمي بصحتكم الطعام و هاديك الزلابية قوليلي خدمتيها ولا شريتيها و كلش من تحت دياتك روعة اختي ميمي
ام ريهام من نهار شريتي الطونوبيل مزدناش شفناك واش راكي تحرثي في الطريق بيها ههههه هكمي الدار شوية ههههه:d توحشناك

السلام اختي لالا والله والو راني كل يوم هنا شوية تحواس شوية شوية قعاد في الدار راكي تعرفي مع الدراري

 

[ام ريهام]

الله يعطيك الصحة حنونة جاوك روعة عندك الحق تتعلمي على خاطرش حتى واحد ما نزاد متعلم ربي يسهلك ان شاء الله
​

بصحتكم اختي يمكن وصفة البتي فور وشكرا

 

[SaRa QuEeN]

‏arsalane, ‏azadde, ‏لينا عبد الواحد, ‏منتهى الجنة, ‏نور الرحمان, ‏ندى الأيام, ‏ام هيثم م, ‏ام اسراءواسحاق, ‏ام بسومة, ‏ام صلاح, ‏dahbito, ‏faloussa, ‏imane27, ‏mimi53+, ‏om leith, ‏prncess fifi, ‏samah06, ‏SaRa QuEeN, ‏sarah11, ‏s_luna, ‏wassila21

مساء الخير على المتواجدات الآن والغائبات
يعطيكم الصحة يا الفحلات
SaRa QuEeN حلوياتك ماشاء الله روعة يعطيك الصحة


​

ربي يخليك أختي ندى راني نتعلم منك والله وصفاتك كامل ناجحين يعطيك الصحة

 

[SaRa QuEeN]

بصحتكم اختي يمكن وصفة البتي فور وشكرا

هههههه أنا مولات البتي فور :d:d
اصبري عليا يامات برك و نحطلك الوصفة الصراحة الاجندة عند صحبتي كي تجيبهالي نحطلك الوصفة من عيوني :up:

 

[oumniati]

tfadhlou hna labnet


http://4algeria.com/forum/threads/364604/#post4629731

 

[mimi53]

salam lebnat
ngolelkoum ya3tikoum alf saha
wneraheb oum salah edin azidad wngolelhoum marehba bikoum ya wdjouh el khir djitou w djebtou m3akoum meriam hassi. .safinaz .whabibeti nada el worod walah rani ferehana eli redje3at elama ki zeman werabi yehafedena w yekhalina dima melmoumin 3al khir ya rab

 

[mimi53]

sarah queen -chahroura-nour rahman ya3tikoum saha atebak techahi wela chahra w khobz dyalek chahitini
3adjebetni la photo eli sawartiha teswira men galb hadath matratich hhhhhhhhhhhhhhhhhhh walah ghir kheradjelek yechahi gheyertini

 

[omarwa]

اختي سارة كوين حلويات هايلين بصحتكم
نور الرحمان امممم خرجة هايلة في الصحرا غيرتيني
صومو الشورما جاتك فور
شهورة بصحتكم الشاورما امممم

 

[ibtesem]

عشانا خضار في الفرن
شوفتها في النات عجبتني قلت نجربها

ميمي مرحبا واش راكي
بصحتكم عشاواتكم يالبنات

 

[ibtesem]

وينو لعشا يالبنات ولا مكانش اليوم

 

[زائــــــــرة حلوة]

وينو لعشا يالبنات ولا مكانش اليوم

ابتيسو راهم ريجيم واقيلة:p

 

[SaRa QuEeN]

ابتسام بصحتك وش طيبتي حنونة ممممم يعطيك الصحة:up::up:
أنا أنا جبت لعشا
درنا شوية سباقيتي هادا ماكان . مازالت ماراحتش الخلعة تاع الزنزلة تاع الصباح :-o متنا غير بالخوف
ربي يبقي الستر

 

[ibtesem]

بصحتكم اختي سارة
الحمد لله كي جاتكم سلامات
زيزو قلهم يقرصوني انا تاني كشما نحشم نعمل رجيم ههه راني :-o

 

[نور الرحمان]

صومو مرحبى بيك عندي في اي وقت غير الصيف ردي بالك تجني لا خرجة لاتحواس هههه
ابتسام بكل شرف ندير لك تاي لاكثر من تاي بصحتكم لعشاء
مريم حاسي على سلامتك ربي يفك كربك ويفرج عليك
بوح ربي يعيشك اختي
ميمي هدي غيبة اختي
ام اروى الله يسلمك اختي
ايمانو ربي يخليك اختي
سارة يعطيك الصحة اختي

 

[somo_81]

يا بنتي انا لي لازم ماشي غير يقرصوها لازم يكووها انا راني راح نترتق درت ريجيم نحيت 9 كلغ جاني هادا لقواتر رجعت 5 كلغ راني مورالي يتكركر كي نشوف روحي سمينة و كي يهبط المورال ناكل :d ارواحي انتي و فريها :s كيفاه نشيان

 

[ziassia]

يعطيكم الصحـــــــة

 

[prncess fifi]

السلام عليكم راني جبتلكم عشايا باش تتسحرو
طاجين الشفلور بالطريقة القديمة تاع زمان والخبز العربي تاع ندوشة لي كل ما نديرو ندعليها
عملت الشلاظة ونسيت باش نصورها النسيان كي العادة والعوايد

 

[حاملـة المسك]

السلام عليكم

أمنيتي هادي هي الدنيا البقاء لله *جلا جلاله*
يارب كنتفرقو ختامها ذكريات جميلة
نكملو بيهم وش بقى في العمر

و عليكم السلام .. مريم حاسي
تأكدي ختي بلي راكي دايما في البال
حضورك غاب لكن أثرك الطيب بقى في القلوب

جزيتم خيرا بنات اللمة.. نهاركم طيب.​

موعظة صباحية


ولرب نازلة يضيق بها الفتــــى ذرعا وعند الله منها المخرج
ضاقت فلما استحكمت حلقاتها فرجت وكان يظنها لا تفــرج
سهرت أعين ونامت عــيون في شؤون تكون أو لا تكون
فدع الهم ما استطعت فحمــــلانك الهمـــوم جنـــــــون
إن ربا كفاك ما كان بالأمــــس سيكفيك في غد ما يكون
دع المقادير تجرى ف أعنتها ولا تنامن إلا خالي البال
ما بين غمضــة وانتباهتــها يغير الله من حال إلى حال​

الإمام الشافعي​

 

[samah06]

صباح الخير عليكم يالبنات واش راكم
قولولي فحلات خير منك
راني جيت وجبتلكم اطباقي هي
اولا البربوشة تاع عشاء يوم الجمعة كي ما درتهاش للغدا خلفتها في لعشاء
ولخرين غداء وعشاء يوم السبت

 

[samah06]

شفتو اعتمدت المشاركة ومحطيتش الصور