من لي بلاG نعرفو واش راهو صاري(3) , ألوغ عيش على ظهر الناس

[أم راضية ~_]

السلام عليكم ورحمة الله وبركاته

إن شاء الله لاباس وبخير؟
---
مازلت مع لي بلاg بويسك نموت عليهم و مازالو يخدمولي في مخي وندير عليهم مواضيع
تشفاو على الحلقة الأولى؟​

https://www.4algeria.com/forum/t/356195/​

وعلى الحلقة التانية ؟​

https://www.4algeria.com/forum/t/359831/​

واليوم رانا مع الحلقة التالتة :​

-----
هاي ليكم البلاg :​

هادا واحد سقساوه كيفاش قدرت تدير التاويل؟ قالهم ساهلة
نهار السبت : عدس
نهار الاحد : واش بقى من العدس
نهار الاتنين :زيارة الاهل والاقارب
نهار التلاتاء :لوبيا
نهار الاربعاء : ما تبقى من اللوبيا
نهار الخميس : زيارة الاهل والاقارب
نهار الجمعة : الطعام فالجامع​

هههههههه نظن فهمتوها وفهمتو شوية مقصود الموضوع ؟
البروفيتاج
بلا ما نديرولو تعريف , راكم تعرفوه و sur راكم تعانيو منو , بكل أشكالو وأنواعو..
و راهو ولاّ فن و ولاو يتفننوا باش يبدعوا فيه
*من الحكاية هادي تفكرت واحد الظاهرة شفتها و روماريكتها عندها بزااف , وهي البنات الي يتزوجو يزورو بزاااف دار أهلهم .
يعني يوم يومين تلقاها في دار باباها , قال واش ؟ قالك توحشتهم
سمانة سمانتين راهي جات , خير ما اداها ؟ قالك توحشوها :-r
شهر شهرين من الي راهي قاعدة عندهم في زيارة ولا ضيافة !! :d
أأأو بزااااف صح تتوحشهم , يتوحشوها , مي ماشي هكدا
ممبعد كي درت أبحاثي الخاصة ودرت و خممت مليح وسقسيت و لاحظت فهمت بلي راهي نظام اقتصادي , يعني راجلها هادا راهو مخطط مليح وراهو عاجبو الحال كي هو كالي شارب عند يماه ولا غوpا فغوا كي الزوافرة , وكي هِيا كالية شاربة عايشة في دار باباها وكأنها ما تزوجت ما عندها راجل مسؤول عليها!!!
من الواقع شفتها هادي قدام عينيا :s :-o
يعني يبروفيتيو فالغاشي عيني عينك !!!!
-
وكاين بروفيتاج تاع لي زينيتي , تاع الويفي ( هدرت عليه ديجا ) , كاين فالماكلة كيما "الكساكسية" تاع العراس وين يروحو ياكلو ويعاودو هههههه ...
و البروفيتاج راكم تعرفوه وعلابلكم بيه ما يشقاش نهدر بزاااف
المهم الفكرة وصلت
ونقول برك واش قالو ناس زمان : "المكسي برزق الناس عريان " و صح كاينة ..
و نتوما قولولنا :
* هل نتوما تبروفيتيو في حاجات معينة ؟؟
* نظرتكم و رأيكم فالي يبروفيتي فالناس؟
* وكيفاش تديرو مع هاد الكاليتي تاع الناس؟؟؟
***
اسمحولي ادا غلطت وشكرا على قراءتكم للموضوع :regards01:
---
السلام عليكم
سبحانك اللهم وبحمدك أشهد أن لا إله إلاّ أنت أستغفرك وأتوب إليك
واللهم صل على محمد وعلى آله وصحبه أجمعين
​

 

[ماكانش]

لي رجعة للموضوع الزين

 

[ماكانش]

أنا نحير فالناس ألي تروح للجنايز وتاكل منها بالصح وتطلب الزيادة ههه
يعطيك الصحة يلديز على موضوعك الروعة

 

[أم راضية ~_]

شكرا لاعتماد الموضوع​

 

[أم راضية ~_]

لي رجعة للموضوع الزين

أهلا ​

أنا نحير فالناس ألي تروح للجنايز وتاكل منها بالصح وتطلب الزيادة ههه
يعطيك الصحة يلديز على موضوعك الروعة

إيه مام فالعراس الواحد ادا كان عارف بلي كاين غاشي ومالين العرس ماشي لاحقين مالازمش يبروفيتي ياكل و يدوبلي من ناحية تقدير ظروف الناس
واما فالجنازة مرّgووها نورمالمون هاداك موقف الواحد يطلق تخمامو كيفاش راهي حياتو مي تاوعنا لالا المهم ياكلو !! وممبعد يجو يبكيو زعمة تأثروا سبحان الله الشهية ما تتأثرش
شكرا على المرور والردّ :regards01:​

 

[طائر الخير]

السلام عليكم

البوفيتاج مصيبة كبيرة راه داير حالة في الدنيا كامل.

على روحي البوفيتاج مايقلقنيش على خاطر هادوك العباد نتعامل معاهم بطريقة نتاع ضربة بالفاس و لا عشرة بالقادومة ، اللي نسييه مرة ،زوج.... ونلقاه نتاع بروفيتاج نقولهالو في وجه واذا ماحشمش نعسلو نقولهالو في وسط جماعة ، وهذا هو دواهم اما تبقى تتهرب و تحوس على كذبة تقولها باش ما يبروفيتيش عليك انساها هاد الشي الكل و تلقاه علابالو بلي تكدب عليه و تليكيدي فيه مي ما يحشمش وجهو بارد.

نروحو للحكاية اللي حكيتيها نتاع العرايس و العرسان .... يا ناس اللي مش طاب روحو ما يتزوجش ، انا نعرف اللي يتزوج يبني عايلة مش يبنولو:s، وحاجة اخرى الانسان لازم يخلي روحو عزيز.... تسقسي عليهم ، تروح تريح عندهم عشية كل سمانتين مي ديما.... تمراg ، بصح كي ما تكثرش الناس يجو يحوسو عليك يشدوك من يدك و يعرضوك و تلقاهم فرحانين على خاطر يشوفو انسان يستاهل.

و بصفة عامة الناس اللي كيما هاذو نشوف فيهم حشرات طفيلية (يتغير نوع الحشرة بتغير مقدار البروفيتاج):d

موضوع فور اخت يالديز يعطيك الصحة

تبقاو على خير

:regards01:
​

 

[أم أمين23]

كي العادة والعوايد تجيبيلنا حوايج صارية وتصرى وفي المدة الاخيرة بالاك ولات بصفة اكبر وكاين منها
بزاف ناس عايشة بهاد الطريقة بروفيتاج في بروفيتاج والي يغيض انو الواحدة يغيضها الراجل الي عرفاتو البارح ومايغيضوهاش اماليها وكيما نعرفو ضرك راه اغلب العايلات ولاو قد قد ومادابيهم يزوجو بنتهم باش يتهناو بصح الي راه حاصل انهم يزوجوها وولو هازين همها وهم راجلها وولادها من بعد
ما نعرف وعلاش هاد العباد هكا ماشي قادرين على الزواج ما تتزوجوش ماشي لازم اصبري والا عيشو على قدكم وكيما يقولو ناس بكري كل واحد امد رجليه على قد لحافو
يظهرلي لازم يكون من ضمن شروط الزواج زيارة الاهل بشروط وباوقات ههه

 

[أم عبد الله]

الله الله الموضوع رجع سلسلة وانا لاخبر
اسمحيلنا برك راكي تعرفي الانقطاعات والمعانات ههههههههه
نرجعو للموضوع
بالنسبة لتحليلك للامر عنك الحق والف بالمية راكي جايبتها سورتو لعرايس هههههههههه
مي الله غالب قالك ان لم تستحي افعل ماشئت والغاشي خلاص ولات عندهم عادة يبروفيتو في الناس تحت شعار كلشي عادي

الله يهدي برك
سلامي​

 

[أم راضية ~_]

السلام عليكم

وعليكم السلام ​

البوفيتاج مصيبة كبيرة راه داير حالة في الدنيا كامل.

إييه وفي كل المجالات ​

على روحي البوفيتاج مايقلقنيش على خاطر هادوك العباد نتعامل معاهم بطريقة نتاع ضربة بالفاس و لا عشرة بالقادومة ، اللي نسييه مرة ،زوج.... ونلقاه نتاع بروفيتاج نقولهالو في وجهو

هادي ساهلة نقدرو نديروها (الصراحة راحة )​

و اذا ماحشمش نعسلو نقولهالو في وسط جماعة ، وهذا هو دواهم

هادي ماشي كامل يقدرو يديروها ​

اما تبقى تتهرب و تحوس على كذبة تقولها باش ما يبروفيتيش عليك انساها هاد الشي الكل و تلقاه علابالو بلي تكدب عليه و تليكيدي فيه مي ما يحشمش وجهو بارد.

صح تلقاهم عارفين روحهم ومبخصين بروحهم و غاسلين وجهم !!!!​

نروحو للحكاية اللي حكيتيها نتاع العرايس و العرسان .... يا ناس اللي مش طاب روحو ما يتزوجش ، انا نعرف اللي يتزوج يبني عايلة مش يبنولو:s،

لالا ماشي ماهومش قادرين , قادرين مي يحبو يتكاو على لافامي ويبروفيتيو لوماكسيموم باش يشرو طونوبيل ولا يديرو التاويل
​

وحاجة اخرى الانسان لازم يخلي روحو عزيز.... تسقسي عليهم ، تروح تريح عندهم عشية كل سمانتين مي ديما.... تمراg ، بصح كي ما تكثرش الناس يجو يحوسو عليك يشدوك من يدك و يعرضوك و تلقاهم فرحانين على خاطر يشوفو انسان يستاهل.

هادا هو كيما يقولك المتل : "لاتكتر على الملوك لا يملوك "
​

و بصفة عامة الناس اللي كيما هاذو نشوف فيهم حشرات طفيلية (يتغير نوع الحشرة بتغير مقدار البروفيتاج):d

طفيليات هادا هو الاسم الي يناسبهم :up:​

موضوع فور اخت يالديز يعطيك الصحة

تبقاو على خير

:regards01:
​

شكرا على الرد والمرور :regards01:​

 

[la_safa]

السلآم عليكم و رحمة الله و بركآته

يعطيكـ الصحة اختي يلدز ديمآ تجيبيلنآ موآضيع من الوآقع المعآش
و [ المرير ] ..
اممم رآح نجآوبكـ على أسئلتكـ :

هل نتوما تبروفيتيو في حاجات معينة ؟

الحمد لله يعني مآكآنش حآجة نضطر أني نـpـروفيتي فيهآ
كلشي متوفر و الحمد لله

نظرتكم و رأيكم فالي يبروفيتي فالناس ؟

صرآحة لي يـpـروفيتي مرة زوج نورمآل لأنو ممكن يكون محتآج للحآجة هآذيكـ
و مضطر و و و .. أمآ اذآ كثر هذآ انسآن مآ يحشمش و مآ يقدرش النآس
لي تقدملو هآذ الشي ، و هنآ يلزم تلوحلو كلمآت بآه يفهم روحو مع أني نكره
نلوح معآني تعود تقيس ، بصح يقلكـ اذا زآد الشيء عن حده انقلب الى ضده و هنآ
لآزمة ...... للأسف

وكيفاش تديرو مع هاد الكاليتي تاع الناس ؟

كيمآ خبرتكـ في السؤآل لي قبل رآح تضطري تسمعيه كلآم و لآ نفضل قبل هآذ المرحلة
النصيحة هي الأولى ، تنصحيه و تخبريه بلي هآذ الشي رآهو :down:
و اذآ مآفهمش بآينة وش تديري :d ..

صرآحة الـpـروفيتآج هآذ ليآم و في مجتمعنآ كثر و خآصة في المؤسسآت
و ثآنيآ في الديآر و الشآرع برآ ..

وش رآح نقول ربي يهدي و يستر أمتنآ ،

يعطيكـ الصحة نجمتي تعجبني كي نرد على موآضيعكـ
نحس روحي نحكي مع وحدة فآهمة و وآعية ~

​

 

[أم راضية ~_]

كي العادة والعوايد تجيبيلنا حوايج صارية وتصرى وفي المدة الاخيرة بالاك ولات بصفة اكبر وكاين منها

وكي العادة طاطا دايما تفرحيني بالpاساج تاعك :-r​

بزاف ناس عايشة بهاد الطريقة بروفيتاج في بروفيتاج والي يغيض انو الواحدة يغيضها الراجل الي عرفاتو البارح ومايغيضوهاش اماليها

صح والله هادي الي تقهر ومساكن ماليها تالمون تغيضهم بنتهم ما يقولولها والو
​

وكيما نعرفو ضرك راه اغلب العايلات ولاو قد قد ومادابيهم يزوجو بنتهم باش يتهناو بصح الي راه حاصل انهم يزوجوها وولو هازين همها وهم راجلها وولادها من بعد

صح ولاو يخافو واش يجي مور العرس , هادي زيارة وهادا عيد وهادي مناسبة .. ​

ما نعرف وعلاش هاد العباد هكا ماشي قادرين على الزواج ما تتزوجوش ماشي لازم اصبري والا عيشو على قدكم وكيما يقولو ناس بكري كل واحد امد رجليه على قد لحافو

هاديك هيا عيشو على قدكم , هوما يحبو راقدة وتمونجي , يعني يعيشو لاباس على ظهر الناس .. شحال ما نحملش ناس هكدا
​

يظهرلي لازم يكون من ضمن شروط الزواج زيارة الاهل بشروط وباوقات ههه

هههههههههههههه مام انا هكدا نقول , الزيارة مرة فالعام تدوم لمدة أسبوع فقط و في تاني يوم من العيدين الكبير والصغير و فقط .
من رايي عيب هادا سيغتو في وقتنا اليوم كاين التيليفون كاين الانترنت وعلاش يروحو يخيمو في ديار الناس و يتقلو عليهم و يديرونجيوهم ؟؟؟ ربي يهديهم
شكرا طاطا على المرور والردّ المثلج للصدر ^_^​

 

[أم راضية ~_]

الله الله الموضوع رجع سلسلة وانا لاخبر

امممم رانا نعيشوهم مسرحية وراني دايراتو هنا مسلسل و ترقبوا قريبا في قاعات السينما هههههه
​

اسمحيلنا برك راكي تعرفي الانقطاعات والمعانات ههههههههه

ههههه علابالي معليش راكي مسامحة :-r​

نرجعو للموضوع
بالنسبة لتحليلك للامر عنك الحق والف بالمية راكي جايبتها سورتو لعرايس هههههههههه

ههههههههههه نتي تانيت روماركيتيها ؟ بزاااف يبهدلو تزوجتي احكمي دارك واتلهاي براجلك جاية تزاحمي فينا في كلش ( مانيش على ختي :d خخخ أساسا ماعنديش :p هههه)
وعلابالك مام تتكل على يماها تطيبلها القاطو و تعجبنلها وتدي معاها لراجلها :s
​

مي الله غالب قالك ان لم تستحي افعل ماشئت والغاشي خلاص ولات عندهم عادة يبروفيتو في الناس تحت شعار كلشي عادي

الله يهدي برك
سلامي​

صح ما يحشموش ل
وكان جاو يحشمو يفيقو لروحهم
اللهم آمين
وعليكِ السلام نينا فرحتيني بمرورك وردك :-r :regards01:​

 

[أم راضية ~_]

السلآم عليكم و رحمة الله و بركآته

يعطيكـ الصحة اختي يلدز ديمآ تجيبيلنآ موآضيع من الوآقع المعآش
و [ المرير ] ..

وعليكم السلام ورحمة الله وبركاته
أهلا أهلا بصفصف
وانا دايما نسناك تكوني حاضرة فيهم :-r​

اممم رآح نجآوبكـ على أسئلتكـ :

هل نتوما تبروفيتيو في حاجات معينة ؟

الحمد لله يعني مآكآنش حآجة نضطر أني نـpـروفيتي فيهآ
كلشي متوفر و الحمد لله

الحمد لله
بصح قولي الصح ما تبروفيتيش فاللايكات الي تديهم من قمة القهر ؟ :p ههههههه​

نظرتكم و رأيكم فالي يبروفيتي فالناس ؟

صرآحة لي يـpـروفيتي مرة زوج نورمآل لأنو ممكن يكون محتآج للحآجة هآذيكـ
و مضطر و و و .. أمآ اذآ كثر هذآ انسآن مآ يحشمش و مآ يقدرش النآس
لي تقدملو هآذ الشي ، و هنآ يلزم تلوحلو كلمآت بآه يفهم روحو مع أني نكره
نلوح معآني تعود تقيس ، بصح يقلكـ اذا زآد الشيء عن حده انقلب الى ضده و هنآ
لآزمة ...... للأسف

بصح فرضا لو كان هاد الطفيلي من العائلة وقريب كيما المتال الي اعطيتو فالموضوع ؟ نظن لوكان تهدري تولي ماكيش مليحة و راكي تعرفي الهدرات هادوك و لوكان تسكتي تروح عليك و تطفر فيك انا بصراحة نحصل في مواقف كيما هادي :$​

وكيفاش تديرو مع هاد الكاليتي تاع الناس ؟

كيمآ خبرتكـ في السؤآل لي قبل رآح تضطري تسمعيه كلآم و لآ نفضل قبل هآذ المرحلة
النصيحة هي الأولى ، تنصحيه و تخبريه بلي هآذ الشي رآهو :down:
و اذآ مآفهمش بآينة وش تديري :d ..

صرآحة الـpـروفيتآج هآذ ليآم و في مجتمعنآ كثر و خآصة في المؤسسآت
و ثآنيآ في الديآر و الشآرع برآ ..

ايه راهو بزااف من قبل كانو يبروفيتيو مي لتحت لتحت مي دوكا ولاو عيناني ​

وش رآح نقول ربي يهدي و يستر أمتنآ ،

اللهم آمييين​

يعطيكـ الصحة نجمتي تعجبني كي نرد على موآضيعكـ
نحس روحي نحكي مع وحدة فآهمة و وآعية ~

​

صحيتي ختيتو :$
حتى انا نفرح كي نشوفك تردي على مواضيعي و تعطيني رايك الجميل اللطيف المهذب ربي يخليك ويحفظك أختي :-r
​

 

[magique]

و نتوما قولولنا :
* هل نتوما تبروفيتيو في حاجات معينة ؟؟
البروفيتاج ختي نبعد عليه قد مانقدر بويسك مايخرجش لعبد ادا نتي تبروفيتي على الناس سي ســــuر يجي نهار يبروفيتيو عليك
* نظرتكم و رأيكم فالي يبروفيتي فالناس؟
نظرتي ليه بلي انسان طفيلي وتاع مصلحة صافي يربح على ظهور الناس ومايهمو غير روحو
* وكيفاش تديرو مع هاد الكاليتي تاع الناس؟؟؟
صحيح العبد مايقدرش يتعامل معاهم بويسك كيما يدير يحصل نقولو الله يهديهم
***
اسمحولي ادا غلطت وشكرا على قراءتكم للموضوع :regards01:
لاشكر على واجب موضوعك في الصميم
---

السلام عليكم
سبحانك اللهم وبحمدك أشهد أن لا إله إلاّ أنت أستغفرك وأتوب إليك
واللهم صل على محمد وعلى آله وصحبه أجمعين

السلام عليكم ورحمة الله وبركاته
إن شاء الله لاباس وبخير؟
---
​

شكرا على الموضوع القيم تحاياي لك
​

 

[la_safa]

الحمد لله
بصح قولي الصح ما تبروفيتيش فاللايكات الي تديهم من قمة القهر ؟ :p ههههههه​

ههههههه ستوتة فقتيلي ،
بصح الصح الـpـروفيتآج تآع اللمة بريئ و يزيد المحبة بيننآ :$ ~
بصح فرضا لو كان هاد الطفيلي من العائلة وقريب كيما المتال الي اعطيتو فالموضوع ؟ نظن لوكان تهدري تولي ماكيش مليحة و راكي تعرفي الهدرات هادوك و لوكان تسكتي تروح عليك و تطفر فيك انا بصراحة نحصل في مواقف كيما هادي :$
والله صرآحة كيمآ قتلكـ نكره نقول هذآكـ الكلآم ،
بآه مآ نضطرش نقيس النآس و نولي في هدرة خآطية خلآص و يكسرولي النية
لي كآنت في قلبي
قتلكـ رآح ندير بالنصيحة أولى لأنو اسلوب النصيحة مآ يقيسش
صحيتي ختيتو :$
حتى انا نفرح كي نشوفك تردي على مواضيعي و تعطيني رايك الجميل اللطيف المهذب ربي يخليك ويحفظك أختي :-r
​

و يخليكـ اختي يلدز ، و انآ نتشرف بالرد على موآضيعكـ ~
​

 

[أم راضية ~_]

ماجيك / صفاء
شكرا لكما ..​

 

[بنت الـ25]

اهلا يلدز الموضوع هدا مالمقطوعين يستاهل الكاشي عن جدارة
ويضاف للمواضيع المميزة
قلتي بروفيتاج وسكتي فكرتيني في جحا كي راح للعرس وطلعوه للدوزيام ايطاج ونحاولو السلوم خخخخخخ
هدا ما يليقلهم
انا شابعين فيا منحكيش خير هههههه

و نتوما قولولنا :
* هل نتوما تبروفيتيو في حاجات معينة ؟؟
نبروفيتي في رزق الدولة نورمال ياخي تع البايلك :p خخخخخ
ندحك برك هاو خاطينا البروفيتاج :d
نبروفيتي وقت ليماتش نحكم الميكرو فالدار :d خاطر عاد ميطيرليش

* نظرتكم و رأيكم فالي يبروفيتي فالناس؟
يقولو خاوتنا في سوريا " إذا طلع بإيدك لا تأصّر"
يلقاوها ويقولو لالا :-r ههههه
مي كاين بروفيتاج من بروفيتاج المهم ما تضرش الناس :d

* وكيفاش تديرو مع هاد الكاليتي تاع الناس؟؟؟
يلزم تعرفي تتعاملي مع هاد الناس اللي عالأغلب يكون وجهم صحيح
يلزمك تصحي وجهك معاهم هدا ما يليقلهم
انا منبروفيتيش بصح لي يبروفيتي عليا نقشقشو خخخخ

​

 

[barca.moha]

موضوعك فوووور اختي عجبني ( سيجي شباب )


هل نتوما تبروفيتيو في حاجات معينة ؟
الحمد لله الواحد عندو وجامي بروفيتيت من عند واحد وايلا تقدرت خطرة ولا زوج
نظرتكم و رأيكم فالي يبروفيتي فالناس؟
يبغي يطلع من ظهور الناس مش عقلية كامل خطرة زوج معليش
وكيفاش تديرو مع هاد الكاليتي تاع الناس؟
النشيع ومنحشمش منه يلا كان محشمش من روحو



ســـــــــــلآم ..
​

 

[oceon]

bon !! ana papa safé 3 mois meli twefa lah yer7moo

aya we7d nssa welh l3adim wellh l 3adim yjo lel ftour w lel 3cha 7ata nhar derna sabou3

sa7a hadii golna sada9a 3la papa

mé bech 7naya nebko w neklo fi rwa7na lilet defn l miyett

w tji mra hiya w bnetha gaa3 y7otlha tabla w ana rani nchouf fiha w tekol

apré jat ma couzine gelet chkoun ma7atinelouch t3aam mes7et fomha w gellet hada win jina

zido tabla hnaya

w tziiiid teekolll w tgoul zidoni l mar9aa

welllh l3adim la grave a 5oya galbi darniii

bghiiiit ne7kem hadi lmra w n3eyerha mé nwinaha sad9a

besse7 ana menebghiiiich profitaaj wellh la 7ram 3lihom

w nzideek bara la rjala chadaroo rjeel

ki 7ati twabel taa3 t3aam keyen chii we7diin machefohomch klaaw l7aam w harbo wellh l3adim

w keyen li 5ewno l mgharaf w tbassa

wellh ya 5ouya ila makro fina bel3ani

w nziid ne7kilek derwek 7naya fel mout nekro rjala ytaybo 9ahwa bara

fel gaytouun

aya 3amii jab we7ed ne3erfouh galo teyebli l 9ahwa galo oui b 4000 da

derwek 3ami maya3refch m3a l mossiba w gaa3 medhalo

apré ki sa9ssa galo ytabo l 9ahwa b 1000 da

w keyen chi we7edinn sem3oo dek rejel yehder m3a sa7boo galo sa7bo 3lah kima hak rahom fe ghbina

matprofitich galoo normal 3andhom drahem !!!! ya 5ouya fel 7ozn w profitaw fina rabi wkilhom

hada mangoul yedo jmar nchllah

ééééééééh fetou godemi bzeeeef 7kayat w 3fassi fel mout

déja rani ktebt bzef 5ali l bir b ghtah rabi wkilhom ga3 kima daroo ya 5ouya

mrc 3la sujet et jesper ye9raw hada l commentaire 7ata la fin -________- '' ketert ​

 

[جمالي في حجابي]

هههههههههههههههه موضوع روعة و كاين منو و ظاهرة منتشرة خاصة عندنا