ماذاآ ستطبخين اليوم آنستي _سيدتي الجزء °°29°° تبارك الله ماشالله

[تسنيم الهناء]

السلام عليكم
يا سيدتي صومو تصحو:d اعذري راجلك على خاطر موالف بناس الشاوية الفحالة تجري في الدم و احمدي ربي لي ما تنوضيش على 6 ديري رخسيس لولادك يفطرو بيه من الطاجين سخون

مرة كنت مروحة من سكيكدة حبسنا عند هذوك لي يبيعوا في الطريق رحت نقلب باش نشري طاجين نتاع الطين للكسرة وقفت حذايا وحدة من جماعة لي يقولو ''تسا'' تشري في الفاكهة قالت لراجلها و هي تضحك هاهم المسوقين يشريو في الطواجن، سمعتها ودرت عندها راح نكرازيلها جدها ساع رد عليها راجلها بردلي قلبي و حسيت بالنصر قالها: هاهم الفحلات يشريو الطواجن يطيبو الكسرة موش كيما نتي حرقتينا بالخبز:p

المرة هذي نفتوهالك على خاطر وليداتك انتاعنا المرة الجاية tu vas payé :regards01:

و الله يعطيكم صحتكم كااااااااااااااااااااااااااااامل لبنات
​

 

[samah06]

بسومة حبيبتي حسيتي بيا بلي راني نهدر على لحلاوة
كنت نقول لراجلي وكتاه تشريلي لعوينة ندير طاجين لحلو
جبتيلي تارتولات يهبلو
يعطيك الصحة
صومو متخافيش راني نقسم معاك ههههههههههه

 

[تسنيم الهناء]

بسوم حبيبة يا حسرااااااااااااااااااه راح زين و راحو ايامو راني غير دخلت نعارك داني النيف على ماليا ههه
اكمدجغ ذي لهنا
​

 

[somo_81]

تسنيم الهناء لالا يا لالة و الله غير نود ماشي على 6 مي نود صباح و ندير رخساس يا بنتي راني مسيلية ماشي دزيرية مي قال هكداك على خاطر يدي توجع و طيبتهم ماشي مكسرة اليدين و جامي طيبت و نزيدك من البيت شعر كيما يقولو راجلي اصلو شاوي برك زايد و متربي هنا معندو حاجة لا في مطلوع و لا في شخشوخة و لا في عيش غير انا لي نحب نبين زعما شطارتي
عندهم 3 عرايس قبلي وحدة مدير لي نديرو بورتو انا صغيرة مرت الصغير

 

[ibtesem]

بسوم حبيبة يا حسرااااااااااااااااااه راح زين و راحو ايامو راني غير دخلت نعارك داني النيف على ماليا ههه

اكمدجغ ذي لهنا​

تعرفي انت لغز حابة نفهمك
قلتي سكيكدة امممم واش جزر القمر
لحقت عندكم النات تمى الله ابارك
سمى راكي شاوية مالا فيك رحت باتنة ولا عين لمليلة هههه
احكيكي من تكون تسنيم الورد في الخاص طبعا هههه

 

[samah06]

عشانا كان جلبانة بالجاج ومعاها روز وسلاطة وبنان وزيتون مرقد بالفلفل الحار وماء وسليكتو والبراكة

 

[somo_81]

اواه انا سماح حبيبتي تسنيم حسبتني تاع مامي و بابي و نفطر مربى يوماتي هههههه لا راهي غالطة و انتم شاهدين
وينك يا بسومة :cray02: راهم حقروني (راني نقصر برك لا ديروها حالة)

 

[ibtesem]

هههه سرسورة واش اخصهم الشاوية ونعمى الناش تربيت معاهم وكبرت معاهم ودمنا مخلط بالشاوية
اقرب جيران لينا كانو شاوية
هنا ماذا طبيختي سيدتي سرور وليست مااصلكي​

 

[samah06]

:$:$:$:$

 

[samah06]

صومو بصحتكم

 

[somo_81]

يعطيك الصحة سماح مي و الله كنت نقصر مسكين قالي نجيب ماكلة من برا انا لي طيبت و كنت نقصر برك كبرو الحكاية على والو مالا تبقاو على خير

 

[ibtesem]

خلاص يالبنات راني نشوف خرجنا من مادا تطبخي سيدتي الى الشاوية كل رانا جزايريين
مكان فرق بيناتنا
خلينا في موضوعنا لي يعمل رد راني نحدف

 

[samah06]

يا لبنات نسيت بلي ابتسام مشرفة وتحدف الردود
امالا تصبحو على خير انا رايحا ولو نمسح الغبرا وميتحدفش ردي بااااااااااااااااااااااااااي
غدوا الصباح نحطلكم الصور تاع عشايا راني مديتلكم فكرة عليه

 

[لينا عبد الواحد]

يا خاه كيما قال بورقيبة ربي يرحمو قولنا كلمة عشينا في ظليمة ياو نقصر شاوية خيار ناس و كل بلاد و فيها الصالح و الطالح مي الحمد الله طحت في ناس ملاح كمال لله بصح مليحهم اكثر من مضرتهم الحمد الله على كلش المفيد في الوقت لي كنتو تهدرو على الشاوية انا كنت ندير في البراج تاع ندى الورود خرجو روعة شحال مبسين يعني شية تعذبت معاهم غير نقلبهم حواشي يتفتو مي البنة و لا أروع انا لي عجبني راجلي حطيتهم و درت نجيب الحليب سمعتو يقول يارب ان شاء الله جامي يتغلق هاذا المنتدى ربي يشدلي فيه هههههههههه منكترش عليكم


و هادا الطاجين لي طابو فيه

حبوبتي الشاطرة برافو يعطيك الصحة هايلين البراج نتاعك غادي ندي حبيبة برك نذوق:d

 

[samah06]

صباح النور لبنات واش راكم
سهام حبيبتي وين لقيتي هاد الطاجين
حبيت مثلو للكسرة راهو الحمان اللي يحكمو بالقفال يزيدلها باه تطلع وتجي هشيشة

 

[mimi53]

صباحكم سعيد حبيباتي
جبتلكم باش تشربو القهوة
بقلاوة بالقطايف

 

[ام قصي]

صباح البقلاوة ولقطايف
اقتلتينى يا mimi53​

 

[somo_81]

صباح الخير الفحلات
هند حنونة طبسي قع راهو ليك ميغلاش عليك
سموحة صح كي شريتو زعما علاجال المطلوع المنفوخ مي مصدقليش المطلوع هو يحمر مليح و شريتو منا من دزاير
ميمي53 مممممم على هادوك القطايف يعطيك الصحة و هاداك الصبع إذا كان صبعك راني نعضو هههههههههه
سرور مرحبا واش كاش جديد حنونة و ال جيتي تهمي برك هههه

 

[ام قصي]

راني امع نتواياج انتاع الكوزينة راني حطيت واحد استيس
http://4algeria.com/forum/threads/365891/
والثاني http://4algeria.com/forum/threads/365871/

​

 

[mimi53]

ام قصي تسلميلي حبيبتي ربي يخليك
صومو اواه يزقو
متفهمناش عليها هادي نتاع صبعي خليه مسكين واش دارلك

ههههههههههههههه