ماذاآ ستطبخين اليوم آنستي _سيدتي الجزء °°29°° تبارك الله ماشالله

[MĺŹǾ žĕĥÔŖ]

زهور ممممم على البثبوثة هههه تهبل ربي يبارك بصحتك

​

الله يثلمك حبوبة هههههههههههههههههههههههههههه
يبااااااااااااااارك في عمرك
ربي يهنيك الزينة ديالي
​

زهور بصحتك البسبوسة جاتك تهبل

عيوووووووووووونك الزينة حبوبة
​

 

[ندى الورود]

ام ندى ربي يخليك ما صورتش الطريقة صورت الشكل النهائي برك
هاذو الغرايف المعجونيين ماشي تاع الروبو لازم نعاود نديرهم ونصورهم بالتفصيل
ميمي تفضلي ام ليك كامل مازلوا بزاف اني درت جبل مستفين فوق بعضاهم
سميرة اممممممم على الرشتة تشهي تهبل وكل شي حطيتيه يشهي بصحتكم
ايمان الله يسلمك بصحتك واش رايحة تفطري
سوستي الحلوة وينك اليوم ما بنتيش
​

 

[yasmine mimina]

مساء الخير عليكم
الحاضرات والغائبات صحا غدواتكم كامل كل وحدة باسمها
يعطيكم الصحة على طياباتكم كل شي هايل
من الغراتان تاع ميمي53 للبسبوسة تاع زهور لي تليتلي تاع la safa
لي كرات الأرز المحشية والغراتان البطاطا لام ندوووش
لا بيري تع ايمان اممممم تشهي خرجو عينيا
اليوم درت غرايف وجبتلكم ذوقوهم

​

امممممممممممم يشهي يدي لعقللللللللللللللللللللللل
ممكن الوصفة ربي يعيشك

 

[SAMIRA25]

يعطيكم الصحة لبنات على التشجيعات انتما تاني طياباتكم روعة ربي يباركلكم و يزيدكم

 

[nada242008]

بريوش ام حنين والله جا خفيف قطن يعطيها الصحة على الوصفة الناجحة
وهذاك لازم يلوح صبعو هههه مايقدرش يتفرج برك :d

​

 

[shahrazad]

مساء الانوار والورد والياسميييين
توحشتكم موووت يالحباب
وشراكم
مبروك الدار جديدة او رحلتو بكري هاد المرة عفوفتي الكوزينة راهي تشعل بصح كملتي قاع الجافيل وشبيك ههه
الله الله على هادوك الاطباق مع الدخلة سواسوا يشهو يشهو يسلم ايدك يالحنينة تاعنا
ام ندوشة ياعمري والله حتا انا توحشتكم يعطيك الصحة على السوال كنت مشغولة شوي نطل عليكم ونبوسكم غير بالجامات:love01:
الله يعطيك الصحة هداك الفيلي دو صول والروز يشهو اممممموكرات الرز لونهم يسخف
والبطاطا مانحكيش :up:جععععت
تطبيق ممتااااز للبريوش والله يبان مشفش اممم وهاداك الصبع العسول زاد فالصورة النص تقول دوك نعضو :d
سوسو الزينة اطباق ولا ارووع يمي ييمييي بصحتكم حبيبتي
سارة شهيتيني تع الصح امممم من كلشي البراج لي شوصون اوملات راكي :up: ربي يحفظك
رغود بصحتك التعريسة هيييه والله توحشتهم لعراس :bravo01:ههه وبصحتكم القاطو اممم زعمة باش داروه باللوز :d
نانوس اممممم البيتزا عندي بزاف ماكليتهاش بصحتكم حنونة
فيفي وشنو هاادا ياالحنونة اطباق هايلة ربي يحفظك والكاب كيك جا يهبل راكي تعرفي تماكيي :up:
زهزوهتي يايما على البسبوسة تشهي وحلوة كي مولاتها ربي يخليك حبيبتي
لاصافا ياسلام على التليتلي روعة والسفنج يشهي بصراحة جامي شفتو هكا بصحتكم
ميميتا حبوبتي الزينة الغراتان وش نقولك يشهي يشهي اممممم والقاطو ماخلاش تسلم ايدك ياقطة
لويزة ديك لابيري والمرقاز تحفة فالشكل والبنة اكييييد بصحتكم وتسلم ايدك
ندى داك البغرير الله يباارك ماشاء الله شفتهم كامل ثقبة ثقبة ههه بصحتكم ماطرح مايسري يمري
سميرة حنونة كلشي هايل سورتو الرشتة نموت عليها وجات امممم بصحتكم
ابتسام حبيبتي وشراكي


​

 

[ibtesem]

مساء الخير عليكم الحالة كبير علية المهم نحاول نذكر
ندى بصحتك البطاطة وتطبيقات اليوم
ندى الورود امممم غرايف وعليهم الكلام اشهو بصحتكم
لابوري امممم تقول عليه فلان بالكراميل هههه بصحتكم لويزة
سميرة بصحواش طيبتي وقيل رشتة بانتلي
بصحت الجميع
غدايا اليوم كسرة وتشيشة مرمز بالفول واللفت

 

[ندى الورود]

امممممممممممم يشهي يدي لعقللللللللللللللللللللللل
ممكن الوصفة ربي يعيشك

ربي يخليك اختي ياسمين
شوفي اختي هاذو الغرايف معجونيين ماشي تاع الروبو
المهم ضرك نشرحلك كيفاش درتهم
المهم تاخدي كمية من السميد كيما انا حطيت تقريبا حوالي 3 كلغ سميد حطيتلهم 2 مغارف كبار خميرة فورية + ملح + 2 مغارف كبار زيت وخلطتهم و بليتهم بالماء الدافئ حتى تولي عجينة متماسكة نغطيها ونخليها ترتاح تقريبا نصف ساعة بعدها نعجنها لحوالي 10 دقائق ما نعجنوهش بزاف ثم نبداو نزيدو الماء الدافئ بشوي بشوي في المرحلة اللي تبدا العجينة تجرا شوي تقريبا كيما تاع الخبز ناخد العجينة ونحاول نلمها وفي نفس الوقت العجينة نخبطها فوق القصعة حتى تتلم وتولي عجينة وحدة نكملو نضيفو الماء الدافء بشوي بشوي مع العجن بالتقطاع يعني نقطع العجينة كي تبدا تجرا العجينة شوي نحاولو نلمو يدينا كي شغل دبزة ماشي باش نضربو هههههه نبقاو بيدينا نحكو في العجينة اللي جارية شوي في كل الإتجاهات باش تطلق ونضيفو شوي ماء حتى تولي جارية والقوام اللي نحبوه ضرك ندخلوا على الكراتي هههههههه بحركات كيما تاع الكراتي نبدا نقطع في السائل وندخل عليه بالكراتي بزوج يدين في كل الإتجاهات باش ما يديروش تكتلات في العجينة بعدما نخلصو نحطو العجينة تاعنا في طنجرة ونغطوها ونخلوها ترتاح تقريبا نصف ساعة بعدها ناخد 4 حبات بيض نضربهم ونضيفهم للعجينة ونخلط بعدها نسخنو طاجين الطين المسرح ماشي تاع الكسرة لازم طاجين الطين خير يطيبو مليح نأخد القليل من البيض نضيف له القليل جدا من الماء نضربو شوي ناخد قطعة قماش نغطسها في البيض ونمسح بيها الطاجين هنا البيض ما يخليوش الغرايف يلصقو كي نطيبوهم ناخد لوش من العجينة ونصبوه في وسط الطاجين وبحركة دائرية بلالوش نمدد العجينة ونخلو الغرايق تاعنا يطيبو و هكذا حتى نخلصو كامل الكمية ومرة على مرة نذهن الطاجين بخليط البيض والماء وتحبي ديريهم صغار ولاكبار كيما درت انا درت الصغار والكبار ان شاء الله وصلت الفكرة

 

[ibtesem]

هدو تاع الايام لي فاتو

بيتزا والمثلث تاعي :d

بيتزا بالبذنجال والفلفل والطماطم

حمص مشري :d

بصحت الجميع صح عشاواتكم يالبنات

 

[ندى الورود]

ام ندى يشهي البريوش بصحتكم وبصحة رائد اللي ما قدرش يصبر
شهرزاد مساء النور والسرور مالا شفتيهم ثقبة ثقبة ايا كم عدد الثقبات ياخي قلتيلي شفتهم كامل
الله يسلمك ابتسام اطباقك تشهي بصحتك الكسرة الدشيشة مرمز اممممممم سخفتينا

​

 

[روعة2005]

مساء الخيرات على كل الغاليات على قلبي
فرحت بزاااف بتواجد الاخت ندى الورود والله مرااااااااااحب بيك اختي كنت دايما نتسال بيني وبين نفسي انو الله يبارك حلوياتك 10/10 كان غير تشاركنا طيابها يبدوانو امنيتي تحققت مرحبا بيك مرة ثانية اختي​

 

[nada242008]

يااااااا روعة دخلت :-o وهل يخفى القمر لي ساكن ومتربع في القلوب :$
شهرا يا دي النور يا دي النور توحشت طلتك الزينة ربي يحفظك يالحبيبة بصح جيتي يديك فارغين مش عوايدك :p
بيسو الله الله يا وعد الله على التشيشة اممممممممم علم الجزائر حمرا وخضرا وبيضا كيما تقول ميمتي :d والبيتزات يسخفو والدليفري اممممممممممممم ديكور تاع نيوجرزي ولا خلي :-h
​

 

[روعة2005]

سميرة منورتنا حبيبتي بطيابك اليمي يمي ومبروك الاشراف تستاهلي كل خير:up:
ههههههه ربي يعيشك عفوفتي والله ليكم وحششششششششششششة راني زائرة من دار اهلي برك :p

 

[ibtesem]

مرحب مرحب فوفو توحشناك
ههههه ندا ضحكتيني

 

[imane27]

اممممممممممم ندى البريوش يسخف والله حبيت نجربو وعجزت يعطيك الصحة
بسومة كلشى رائع بصحتكم وحمص مخلاش
روعة مرحبا بيك توحشنا اطباقك وطلتك علينا
شهرا وقيلا مطيبتوش ليوم جيتى فارغة

 

[SAMIRA25]

ربي يخليك اختي ياسمين
شوفي اختي هاذو الغرايف معجونيين ماشي تاع الروبو
المهم ضرك نشرحلك كيفاش درتهم
المهم تاخدي كمية من السميد كيما انا حطيت تقريبا حوالي 3 كلغ سميد حطيتلهم 2 مغارف كبار خميرة فورية + ملح + 2 مغارف كبار زيت وخلطتهم و بليتهم بالماء الدافئ حتى تولي عجينة متماسكة نغطيها ونخليها ترتاح تقريبا نصف ساعة بعدها نعجنها لحوالي 10 دقائق ما نعجنوهش بزاف ثم نبداو نزيدو الماء الدافئ بشوي بشوي في المرحلة اللي تبدا العجينة تجرا شوي تقريبا كيما تاع الخبز ناخد العجينة ونحاول نلمها وفي نفس الوقت العجينة نخبطها فوق القصعة حتى تتلم وتولي عجينة وحدة نكملو نضيفو الماء الدافء بشوي بشوي مع العجن بالتقطاع يعني نقطع العجينة كي تبدا تجرا العجينة شوي نحاولو نلمو يدينا كي شغل دبزة ماشي باش نضربو هههههه نبقاو بيدينا نحكو في العجينة اللي جارية شوي في كل الإتجاهات باش تطلق ونضيفو شوي ماء حتى تولي جارية والقوام اللي نحبوه ضرك ندخلوا على الكراتي هههههههه بحركات كيما تاع الكراتي نبدا نقطع في السائل وندخل عليه بالكراتي بزوج يدين في كل الإتجاهات باش ما يديروش تكتلات في العجينة بعدما نخلصو نحطو العجينة تاعنا في طنجرة ونغطوها ونخلوها ترتاح تقريبا نصف ساعة بعدها ناخد 4 حبات بيض نضربهم ونضيفهم للعجينة ونخلط بعدها نسخنو طاجين الطين المسرح ماشي تاع الكسرة لازم طاجين الطين خير يطيبو مليح نأخد القليل من البيض نضيف له القليل جدا من الماء نضربو شوي ناخد قطعة قماش نغطسها في البيض ونمسح بيها الطاجين هنا البيض ما يخليوش الغرايف يلصقو كي نطيبوهم ناخد لوش من العجينة ونصبوه في وسط الطاجين وبحركة دائرية بلالوش نمدد العجينة ونخلو الغرايق تاعنا يطيبو و هكذا حتى نخلصو كامل الكمية ومرة على مرة نذهن الطاجين بخليط البيض والماء وتحبي ديريهم صغار ولاكبار كيما درت انا درت الصغار والكبار ان شاء الله وصلت الفكرة

جزاك الله خيرا هدي طريقة ماما في الغرايف بصح تعب بزاف

 

[SAMIRA25]

سميرة منورتنا حبيبتي بطيابك اليمي يمي ومبروك الاشراف تستاهلي كل خير:up:
ههههههه ربي يعيشك عفوفتي والله ليكم وحششششششششششششة راني زائرة من دار اهلي برك :p

جزاك الله يا روعة اختي ان شاء الله تكوني بخير

 

[mimi53]

السلام عليكم لبنات
سمرمر يعطيك الصحة وتسلم ايدك على اطباقك الشهية
ابتسامو امممممممممم اطباق تفتح النفس ولا هداك الحمص كيما قالت ندوش بيضاء وخضرا و 1 2 3 vive a algerie
هههههههههههههههههههه

روعتي يا روعتي كنت فين من زمان ليك وحشة والله
شهرورة الزينة واش راكي راكي مليحة[/COLOR]

 

[hadda0425]

صح عشاكم لبنات
ميمي بصحتك البسباس بلاك غدوا نعاند وما نحسدش هههه
ندوشة يعطيك الصحة على الكريات ديما تسخفي فينا بالكعابر تاعك :p
والبطاطا علبالي راهي بنينة من يديك والبريوش ما خلاش
كس على هاديك اليد هههههههه
لويزة لابيري والمرقاز ممممممم بصح ما خلتهمش في قلبي بصحتك حنونتي
ندى الورود غرايف يهبلو وزتي ستفتيهم كي الوردة هايلييييين وطريقتك كيما طريقتي بالظبط
وش هو انا ما نعجنش نحك بين يديا برك
سميرة بصحتك الرشتة ربي يبارك عليك وكل شي فور
ابتسام بصحتك وش طيبتي الله يبارك عليك وسخفتيني غير في الدشيشة
روعة اهل بيك من نهار التحواس ما بنتيش
​

 

[روعة2005]

بارك الله فيكم ايمان وابتسام وميمي وسميرة ربي يفرحكم ويحميكم
جبتلكم شوي من لي صورتو كي تروح النت يسماط التصوار خخخخخخ
شخشوخة فطير

بربوشة​

عيش

سباقييتي

بيتزا درت تاع ام منصف الغالية دوبل اكسترا تشييز ممممممم ربي يحفظك على الطريقة الروعة في ميزان حسناتك

كسرة مطلوع

سردين

دجاج بطريقة لويزة ممممممممم نموتو عليه

كبدة مشرملة في طاجين سرقها ابو الشباب كااامل هي تغلي وهو وراها هههه قال ريحتها وطعمتها لا تستطيع الانتظار

قاطو درتو لعرس حبيبتي (تطبيقي الالف لحبيبتي ندى الورود):up:

​

​