اذا كان هذا واش يصرا في العزاء....روح انتحر يا الوفاء

[zagane]

السلام عليكم ورحمة الله تعالى وبركاته

واش راكم يا ناس اللمة ان شاء الله تكونوا ملاح
على بالي كي تشوفوا اسمي رايحين تنخلعوا وتقولوا واش بيها هذي مع صباح ربي جاية تحكي تحب الهدرة ؟
وي هرافة الله غالب نموت على الهدرة
(طبعا اذا اعتمدوا الموضوع:d)
اليوم جيت نحكيلكم على وحد الجاست صرات
يا سيدي ويا ستي هذا وحد النهار وفي جنازة تاع وحدة ( ربي يرحم كامل موتى المسلمين ويرزقهم الجنة)
وبعد ما عينين الزوج تاعها والاولاد امها وكامل اقاربها
تنفخوا من كثر البكي:cray02:
جا الوقت الي لازم فيه يدفنوها وتروح لمثواها الاخير
(اللهم احسن خاتمتنا يا رب واجعل قبورنا روضة من رياض الجنة)
راح الموكب الجنائزي ودفنو هذيك المخلوقة وجا الوقت الي يعظموا الاجر للاقارب تاعها ، وعلى حساب فهامتي (بعد ما يدفنوا وفي المقبرة يعظموا الاجر ومن بعد يرجع الموكب وكل واحد يروح لبيتهم )
هذا وحد السيد وهو يعظم في الاجر قال وبكل وقاحة لزوج تاع المرحومة
قالو مرتك راهي واجدة غير ما تقلقش روحك
قسما بالله غير سمعت الكلمة تشوكيت كامل
كيفاش يا ناس هذا وصلت بيه الوقاحة ويقولها في الجنازة ؟
ما نقولوش ترابها مازال ما نشفش
دمها مازال سخون وقالو هذي الكلمة
وين الوفاء وين الحب وين العشرة وين ووين
ايه الحزن ثلاثة ايام بصح هذا راهو من اليوم لول قالو كيما
هذا عندو قلب عندو مشاعر ماشكيتش
املا اذا كان هذا واش يصرا في العزاء غير روح اشنق روحك يا الوفاء

ملاحظة: كتبت كيما هاك العنوان
باش تجي القافية موزونة
والمعاني على راس مينات:p
​

السلام عليكم
كاش بنت بايراعندو حب يليكيديها باش كان

 

[stella.m]

صحيتي نعناعة راكي منورة احم خموس عليك :up:
الله يسلمك يا لحبيبة الخمسة تاوعك ما دارو والو مع الناس القافزة غبت شي اسبوعين :d
ياو وش ديري ناس معندهاش زوء كيما يقولو:down:
يا سيدي انت محشمتش :$؟ ما خفتش منو يسناولك كف يهرللك سنانك مثلا؟
يا ريت مدلو ذاك الكف كان بردلي قلبي فيه
شي عيباد تحيري وش من مادة مخدوم مخهم :s بالحلوى بالاك
الورق يا لحبيبة الحلوى بنينة مرات ةتعجبك
ما احترم الميتة ما احترم مشاعر راجلها واهلها ...اقسم بالله يستاهل طريحة
قتــلــة
انا عندي خالي توفات مرتو في 2002 وهو مزالو صغير بصغرو ولحد الآن ما خممش يتزوج
بزاف نسا طمعو فيه وبزاف ناس دبرو عليه يتزوج
وهو داخلة منا خارجة منهيه قال منهملش ولادي :-r
ودوكا الحمدلله زوّج وليدو وزوج 2 بناتو وقال حتى نكملهم كامل ولا نموت قبلهم
يؤبرني الوفي :regards01:
ربي يهنيه ان شاء الله يا هيك الوفاء يا بلا
ربي يحفظو من العين
نعناعة والتنويه توجوغ خخخخخخ:d
:p:p:p
​

يا يما على السجع شحال جى باهي فالعينوان :up:
وصل المعنى حبيبة وتستاهليه لعقوبة للثالث :d
[/CENTER]

ليليليش لعقوبة لثالث ان شاء الله
من بؤك لبواب السما
نورتِ يا الحبيبة :regards01:
​

 

[stella.m]

السلام عليكم
كاش بنت بايراعندو حب يليكيديها باش كان

هذا من الاحتمالات الواردة خويا
الله يهدي ما خلق ان شاء الله
نورت :regards01:
​

 

[SETIF étudiant]

كان مرة سيد توفات زوجتو يامات عطاها للمسجد وسكن ثم يبكي ويبكي كي شافوه على حالتو هاديك ايا اهلو حبو يعينولو امراة و يزوجوهالو ثم ثم ناض سيد يفرح شغل مين دو ريان ماكان والو هوما عمبالهم بلي كان سيد كان يبكي عليها وهو كان يبكي على روحو خاف لا يكملها اعزب ههههههههههههههههههههه تاع روحو برك

في الشرع ما يمنعكش بدليل فعل الصحابة وأبو حنيفة
يذكر أن ابو حنيفة رضي الله عنه وقيل عبد الله بن مسعود ـ تزوج مباشرة بعد وفاة زوجته فسئل في ذلك فأجاب: كرهت أن أموت هذه الليلة فألقى الله عازبا.

لكن علي قلتيه تاني في حقك و كاين حتى انسان تزوج مامبا بايام معدودة بعد وفاة زوجته مباشرة وفي عرفنا نورمالمون يراعي المشاعر تاع الاهل سورتو الاولاد زايد تاني يصبر شوي اكراما لزوجته التي كانت تخدمه وتصونه وتستره سبحان الله انتظر طين قبرها حتى ينشف واه ما تستاهلش يحزن على جالها ولا عايش بلا قلب هادا ولا ولا هو يا بعد كان يستنى فيها تموت ويزيد يقول لولادو لمباعد الله لا يسامح مكم كانت معيشتنيي عيشة كحلة ولا حول ولا قوة الا بالله
وكما يقول واحد المثل الناس في هم وانت في عيد سعيد

ياو كاين حتى لي يخون فيها وهي حية والله كي نسمع ولا نشوف مواقف كيما هادي نتمنى نطيح نموت وما نسمعش الاشياء التي لا تدخل العقل
ونعود نردد وحدي وحدي واحد المقطع شعري هكدا
حافظو غصبا عني وعن ظهر قلبي

الا موت يباع فاشتريه فهذا العيش ما لا خيرفيه
ألا موت لذيذ الطعم يأتي يخلصني من العيشِ الكريه
إذا ابصرت قبرا من بعيد وددت لو أنني مما يليــــــه

 

[chahd alworod]

هذه هي طبيعة الرجال في مجتمعاتنا و هذا هو تفكيرهم بصح العكس تماما عند المرا مسكينة تبدى غير تخمم في وليداتها منين راح تصرف عليهم و كيفاه راح تكون ليهم ام و اب في نفس الوقت
عذرا طبعا للرجال و لكن اغلبية الرجال يخمموا كيما صاحبنا الي تحكي عليه
وشكراااااااااااااااا:-r

 

[chahd alworod]

هذه هي طبيعة الرجال في مجتمعاتنا و هذا هو تفكيرهم بصح العكس تماما عند المرا مسكينة تبدى غير تخمم في وليداتها منين راح تصرف عليهم و كيفاه راح تكون ليهم ام و اب في نفس الوقت
عذرا طبعا للرجال و لكن اغلبية الرجال يخمموا كيما صاحبنا الي تحكي عليه
وشكرااااااااااااااا:-r

 

[stella.m]

كان مرة سيد توفات زوجتو يامات عطاها للمسجد وسكن ثم يبكي ويبكي كي شافوه على حالتو هاديك ايا اهلو حبو يعينولو امراة و يزوجوهالو ثم ثم ناض سيد يفرح شغل مين دو ريان ماكان والو هوما عمبالهم بلي كان سيد كان يبكي عليها وهو كان يبكي على روحو خاف لا يكملها اعزب ههههههههههههههههههههه تاع روحو برك

في الشرع ما يمنعكش بدليل فعل الصحابة وأبو حنيفة
يذكر أن ابو حنيفة رضي الله عنه وقيل عبد الله بن مسعود ـ تزوج مباشرة بعد وفاة زوجته فسئل في ذلك فأجاب: كرهت أن أموت هذه الليلة فألقى الله عازبا.

لكن علي قلتيه تاني في حقك و كاين حتى انسان تزوج مامبا بايام معدودة بعد وفاة زوجته مباشرة وفي عرفنا نورمالمون يراعي المشاعر تاع الاهل سورتو الاولاد زايد تاني يصبر شوي اكراما لزوجته التي كانت تخدمه وتصونه وتستره

يعطيك الصحة خويا هذاك هو الصح لذوي القلوب الرحيمة طبعا
​

سبحان الله انتظر طين قبرها حتى ينشف واه ما تستاهلش يحزن على جالها ولا عايش بلا قلب هادا ولا ولا هو يا بعد كان يستنى فيها تموت ويزيد يقول لولادو لمباعد الله لا يسامح مكم كانت معيشتنيي عيشة كحلة ولا حول ولا قوة الا بالله
وكما يقول واحد المثل الناس في هم وانت في عيد سعيد

ياو كاين حتى لي يخون فيها وهي حية والله كي نسمع ولا نشوف مواقف كيما هادي نتمنى نطيح نموت وما نسمعش الاشياء التي لا تدخل العقل

هذو اشباه البشر ما نحكوش عليهم خلاص
​

ونعود نردد وحدي وحدي واحد المقطع شعري هكدا
حافظو غصبا عني وعن ظهر قلبي

الا موت يباع فاشتريه فهذا العيش ما لا خيرفيه
ألا موت لذيذ الطعم يأتي يخلصني من العيشِ الكريه
إذا ابصرت قبرا من بعيد وددت لو أنني مما يليــــــه

صح لسانك خويا
مرسي على المرور الباهي نورتنا :regards01:
​

 

[stella.m]

هذه هي طبيعة الرجال في مجتمعاتنا و هذا هو تفكيرهم بصح العكس تماما عند المرا مسكينة تبدى غير تخمم في وليداتها منين راح تصرف عليهم و كيفاه راح تكون ليهم ام و اب في نفس الوقت
عذرا طبعا للرجال و لكن اغلبية الرجال يخمموا كيما صاحبنا الي تحكي عليه
وشكراااااااااااااااا:-r

ايــــه المرا مسكينة
حتان تموت وهي تخمم على عيالها
ربي يكون في عون النسا
نورتِ:regards01:
​

 

[ام انس الحبيب]

اولا بارك الله فيك اختي على الموضوع
او تالمو تشوكيت والله ما لقيت تعبير
الناس هبلت او ما عادتش تحس و تقدر
​

 

[stella.m]

اولا بارك الله فيك اختي على الموضوع
او تالمو تشوكيت والله ما لقيت تعبير
الناس هبلت او ما عادتش تحس و تقدر
​

وفيك بارك الرحمان اختي
ايه ماتت المشاعر خلاص
وولات الناس كي الوحوس لا احساس ولا هم يحزنون
نورتِ:regards01:






​