كيفاش اطيبو الكمونية

[أم أمين23]

اليوم راح نحط الكمونية هادي مدة وانا صاخفة عليها مالا وصيت المخلوق جابلي شوي كبدة ولحم مخلطين مقصوصين رقيق
لخاطر كاين كمونية الكبدة وحدها وكاين كمونية اللحم وحدو وكاين كمونية بيهم في زوج انا عملت تاعهم في زوج

مالا حكمت البصل قصيتو رقيق جدا وقليتو في الزيت وزدت عليه طماطم كيف كيف مرابية والا مقصوصة مليح خليهم يتقلو مليح ومن بعد ارمي اللحم والكبدة تاعك وزيدي عليهم الماء حبر ما يغطي اللحم تاعك خليها تغلي مليح والا حبيتي ممكن تزيدي مغرف طماطم مصبرة وخليها حتى اطيب اللحم تاعك وفي الاخير جيبي الثوم دقدقيه والكمون وزيديهم خليها تغلي خمس دقائق وطفي وهاي ليكم

بانتضار طريقتكم

​

 

[هبة الرحمان2]

شكراااااااااااااااااااااااااااااااااااااااااااااا

 

[أم أمين23]

عفوااااااااااااااااااا بصح ما قلتيليش الا اديروها هكا والا لا ؟؟؟؟؟

 

[samah06]

مشكووووورة اختي
انا الكمونية نديرها بالكبدة وخصوصا تاع الداند او الجاج ونكون شوحتهم في الزيت بلا مايتقلاو بزاف ونضيفهم للمرق يطيبو ومنكثثرش المرق بزاف
واما نطيب اللحم لوحدو هذيك نسموها كباب ونديرو كيما ذكرتي الطريقة
اما اني نخلطهم ماسبقليش ودرتها
وانا مانحبش نخلط اذاتخلطت البنة عليا نكره الطبخة

 

[أم أمين23]

هنايا يبيعوهم مخلطين الجزار هو الي يعرف اللحم الي يجي مع الكبدة ويعطي طعم هايل مع الكبدة جربي اطلبيها من الجزار واجدة وجلابيها ومن بعد قوليلي على الطعم
اهلا نورتيني

 

[hasna23]

هيلة يعطيك الصحة

طريقتنا مختلفة شوية

نحط الكبدة المقلاة تنشف من الماء ونقليها في شوية زيت ومبعد نضيف لها زوج حبات طماطم وهريسة وسنينات ثوم وملح وفلفل اسود وبابريكا وكمون وتوابل مشكلة نخليها تخثاار لاصوص ونزيدلها معدنوس وصحتين

 

[أم أمين23]

مشكورة حسناء على الطريقة والمرور منورة

 

[ضياء07]

اليوم راح نحط الكمونية هادي مدة وانا صاخفة عليها مالا وصيت المخلوق جابلي شوي كبدة ولحم مخلطين مقصوصين رقيق
لخاطر كاين كمونية الكبدة وحدها وكاين كمونية اللحم وحدو وكاين كمونية بيهم في زوج انا عملت تاعهم في زوج

مالا حكمت البصل قصيتو رقيق جدا وقليتو في الزيت وزدت عليه طماطم كيف كيف مرابية والا مقصوصة مليح خليهم يتقلو مليح ومن بعد ارمي اللحم والكبدة تاعك وزيدي عليهم الماء حبر ما يغطي اللحم تاعك خليها تغلي مليح والا حبيتي ممكن تزيدي مغرف طماطم مصبرة وخليها حتى اطيب اللحم تاعك وفي الاخير جيبي الثوم دقدقيه والكمون وزيديهم خليها تغلي خمس دقائق وطفي وهاي ليكم

بانتضار طريقتكم

​

يعطيك الصحة على هذه الوصفة المغرية بحق تبدو لذيذة سأجربها و كلي اطمئنان بانها ستنجح

 

[أم أمين23]

ان شاء الله تحربيها ومستنيا رأيك بعد التجريب منورة بمرورك

 

[joumane]

هايله وانا نعشقها للكمونيه مي تاع الكبده برك
واااااع والله ماحقك حتفسديلي الريجييييم

 

[أم أمين23]

اهلا جوجو منورة حنونة اعمليها في النهار المفتوح يخي هاد الريجيم فيه يوم تاكلي واش تحبي والاكلة ما اظن فيها حريرات بزاف بالعكس صحية

 

[نوال التلمسانية]

الله يعطيك الصحة عجبتني فكرة ااخت نتاع كبدة الدجاج نجربها

 

[نور الرحمان]

طريقة هايلة اول مرة نسمع بيها يعطيك الصحة يام امين ربي يحفضك

 

[أم أمين23]

ان شاء الله يا نوال ومرحبا يا نور وبلا مزية

 

[ام اية الرحمان]

يعطيك الصحة

 

[أم أمين23]

بلا مزية ام ايه الرحمان منورة بمرورك

 

[somo_81]

مممممم ام امين شهيتيني بصح انا اول مرة نسمع على الكمونية راح نجربها اكيد تسلم الايادي يا الغالية

 

[أم أمين23]

اهلا سومو وجربيها وماش راح تندمي على ضمانتي خصوصا الا كنت من محبات الكبدة

 

[كافيري]

هايلة رايحة نجربها نشاء الله

 

[أم أمين23]

ان شاء الله اخيتي وما تنسايش تقوليلنا رايك