صديقتي الحميمة أصبحت غريبة

[بنت الـ25]

انا لحد ضكا مازال ما صارحتهاش بلي نجرحت من تصرفاتها وما قدرتش نحكي والسبب انا راني عارفاتو مي مانيش متاكدة شاكى غايرة مني لا خاطرش طلبني شخص يخدم في الادارة مستشار وهي تعرفت عليه بعدي وصارو اخوة كي شغل مي انا رفضت علاقتي بيه نرومالمو راكي فاهمة واش راني قاصدة،وهيا قاتلي لياه وما نعرف وجرحتيه
المهم ما يحس بالجمرة غير لي تكويه
شكرا على مرورك منورة اختي

ايه مالا ديرو فيها قعدة تع الصح ووضحيلها سوء التفاهم
متخليش الأمور عالقة بينكم
قهميها وجهة نظرك واسنمعي وجهة نظرها مليح مش تع عقب عقب
وإذا شاف ربي فيها خير رح تتحل بينكم وإلا انتي عملتي اللي عليك
والأحسن تبعدي عليها لانو لبنات لي عندهم غير هاد لحكايات ما تستنايش منهم الخير
هادي اللي تناكفك على جالة واحد :down:
تحياتي
​

 

[مايا الجزائرية]

mat9el9ich rohek
khti
koul chi b yed rabi

mrc khtito

 

[مايا الجزائرية]

ايه مالا ديرو فيها قعدة تع الصح ووضحيلها سوء التفاهم
متخليش الأمور عالقة بينكم
قهميها وجهة نظرك واسنمعي وجهة نظرها مليح مش تع عقب عقب
وإذا شاف ربي فيها خير رح تتحل بينكم وإلا انتي عملتي اللي عليك
والأحسن تبعدي عليها لانو لبنات لي عندهم غير هاد لحكايات ما تستنايش منهم الخير
هادي اللي تناكفك على جالة واحد :down:
تحياتي
​

نعم شكرا على المرور معطرة الموضوع حبيبتي

 

[Adam Sevani]

https://www.facebook.com/ous.sama.3386?ref=tn_tnmn

 

[عابر سبيل12]

نقولك الصح
من الخطا انك تقولي على انسان تعارفتي عليه من مدة قصيرة جدا واللي هي عام 1 فقط
انو صديقك المفضل

المشكل اختي راك مازلتي صغيرة ..وكامل مازلتو صغار ..ومن اول فرصة صداقة
او من اول صديق تتعرفو بيه ..والا اي انسان تعرفوه تقولو هادا صديقي المفضل

وماعلى بالكمش بلي الصداقة هادي امر كبير واكبر مما تتصورو
واصعب حاجة انك تقول هاذا صديقي .

نقولك حاجة هادي لاهي صداقة ..ولا هاد البنت صديقتك صح ..ولا اللي بينكم صداقة متينة وحقيقية
معريفة عام واش راح تبينلك من الناس ؟؟ ماراح تعرفي عليها والو

الانسان احيانا يحتاج لسنوات وسنوات طويلة باه يقولك هادا صديقي ..صاحبي صح .
مش حكاية عام كيف تقولي انت والدليل انو بالعشرة بانت العقلية وظهرت العيوب والقبيح من الناس

اله يوفق ان شاء الله والافضل انك تركزي على دراستك ومستقبلك وحياتك
من انك تركزي على حكايات لا تقدم ولاتاخر لاتفيد ولاتستفيد كيف هادي

اما وانت صراتلك هاد الحكاية وانتهى الامر
نصيحتي ليك انك تغيري مكانك
على خاطر مش مفروض عليك تجلسي معاها دايما ولا تكلميها كل يوم

خليك بعيدة احسن ..والانسان ماعندو الا كرامتو
اذا طاحت والا تكسرت ماتزيدش ترجع ابدا
​

 

[lee yong]

اختي حتى انا حكايتي كيما حكايتك
كنا 3 صحابات الناس يحيروا في الصداقة نتاعمن
مي كي طلعما للثانوية وحدة راحت علمي واحنا بقينا 2 رحنا اداب
تامني بدات تقلنا انا خير منكم نتوما طايحين في الادااب واحنا نسكتو ونخلوها
فاتو ليام ولشهور مي والله ما لقات كيما حنا ورجعت لينا
اختى خاي الوقت هو اللي يحكم على الانسان...

 

[مايا الجزائرية]

نقولك الصح
من الخطا انك تقولي على انسان تعارفتي عليه من مدة قصيرة جدا واللي هي عام 1 فقط
انو صديقك المفضل
:s:s:s

المشكل اختي راك مازلتي صغيرة ..وكامل مازلتو صغار ..ومن اول فرصة صداقة
او من اول صديق تتعرفو بيه ..والا اي انسان تعرفوه تقولو هادا صديقي المفضل
المشكل ماهوش اول فرصة ولا اخر فرصة
وحنا ما راحش نتهربو من الحياة وما نكونوش علاقات في جال خيانة الى آخرة لازم الواحد يستمر في حياتو ويعيش حياتو عادي
خطا انك تحكم على نفسك وعلى غيرك
قادر تعرف انسان في مدة يوم وقادر في مدة اسبوع وقادر في مدة عام
شي عادي


وماعلى بالكمش بلي الصداقة هادي امر كبير امر كبير في حدود واكبر مما تتصورو
واصعب حاجة انك تقول هاذا صديقي .
الاصعب مش تقول هذا صديقي

نقولك حاجة هادي لاهي صداقة ..ولا هاد البنت صديقتك صح ..ولا اللي بينكم صداقة متينة وحقيقية
معريفة عام واش راح تبينلك من الناس ؟؟ ماراح تعرفي عليها والو
تعرف وتكدب على روحك هاكدا دكا رانا نمشيو باسلوب الغباء نشوفو ونقولو ما شفناش نسمعو ونقولو ما سمعناش

الانسان احيانا يحتاج لسنوات وسنوات طويلة
كاين عباد ما تعرفهمش ولطيبتهم ولايمانهم وقربهم من ربي يديرولك معروف جامي تنساه في هادي الحالة ما تقدرش تقول عليه صديق
باه يقولك هادا صديقي ..صاحبي صح .
مش حكاية عام كيف تقولي انت والدليل انو بالعشرة بانت العقلية وظهرت العيوب والقبيح من الناس
هادي هيا سنة الحياة تتعرف على الشخص باش تعرفو سلبياتو وايجابياتو وظروفو

اله يوفق ان شاء الله ان شاء الله والافضل انك تركزي على دراستك ومستقبلك وحياتك
من انك تركزي على حكايات لا تقدم ولاتاخر لاتفيد ولاتستفيد كيف هادي
آسفة بصح نعارضك هادي الحكايات تقدم وتؤخر بويسك راني نتحدث على صديقة عزيزة في مقام اختي وانا اختي راح تاثر فيا مانيش نحكي على من والا ونكسر في راسي


اما وانت صراتلك هاد الحكاية وانتهى الامر
نصيحتي ليك انك تغيري مكانك
على خاطر مش مفروض عليك تجلسي معاها دايما ولا تكلميها كل يوم
الواحد يكون قلبو بيض ويمشي بنيتو الطيبة مش الفاسدة ويتوكل على ربي

خليك بعيدة احسن ..والانسان ماعندو الا كرامتو
والكرامة اهم شي ياطيك الصحاا
اذا طاحت والا تكسرت ماتزيدش ترجع ابدا

​

شكرا على المرور العطر

 

[مايا الجزائرية]

اختي حتى انا حكايتي كيما حكايتك
كنا 3 صحابات الناس يحيروا في الصداقة نتاعمن
مي كي طلعما للثانوية وحدة راحت علمي واحنا بقينا 2 رحنا اداب
تامني بدات تقلنا انا خير منكم نتوما طايحين في الادااب واحنا نسكتو ونخلوها
فاتو ليام ولشهور مي والله ما لقات كيما حنا ورجعت لينا
اختى خاي الوقت هو اللي يحكم على الانسان...

ايه الوقت هو عامل جيد في اكتشاف معاد الناس

شكرا على المرور العطر

 

[عابر سبيل12]

المشكل ماهوش اول فرصة ولا اخر فرصة
وحنا ما راحش نتهربو من الحياة وما نكونوش علاقات في جال خيانة الى آخرة لازم الواحد يستمر في حياتو ويعيش حياتو عادي
خطا انك تحكم على نفسك وعلى غيرك
قادر تعرف انسان في مدة يوم وقادر في مدة اسبوع وقادر في مدة عام
شي عادي
شيء عادي ؟؟
واضح انو شيء عادي .
والدليل انك عرفتي صديقتك ... وكنت متاكدة من انها توام روحك
وهاذا خلال عام كامل مش يوم او اسبوع
وفي الاخير ظهر مابطن وبان ماخفي وتجلا ماكان متوارا
مادمتي قادرة على معرفة الاشخاص خلال يوم
كيف تفسرين انك لم تتوقعي هاذا الانقلاب المفاجئ من اعز صديقة في حياتك ؟؟
امرك غريب صراحة
وامورك مازالت متناقضة
تقولي بلي راكي تقدري تعرفي الانسان خلال يوم
وانت صديقتك المفضلة واللي عشتي معاها سنة كاملة بحالها وحوالها اكثر من 360 يوم
ماقدرتيش تتوقعي انها راح تدور عليك هاك ؟؟
ممكن تفسير علمي لهاد الحالة انا صراحة تعقدت من هاد الفكرة
:-o
تعرف وتكدب على روحك هاكدا دكا رانا نمشيو باسلوب الغباء نشوفو ونقولو ما شفناش نسمعو ونقولو ما سمعناش
لا انا مانيش من الناس اللي تكذب على رواحها اختي ..بكل تواضع
انا انسان نحط لكل شيء قيمة ...ولكل قيمة معيار ...وحياتي تتحكم فيها معايير
السيء والجيد والحسن والاحسن
انا مانقولش صديقي ولا هادا صاحبي على منوالا
على هاذا ماصراتش انو يتقلب عليا اي اسنان ..قلت راهو صاحبي


كاين عباد ما تعرفهمش ولطيبتهم ولايمانهم وقربهم من ربي يديرولك معروف جامي تنساه في هادي الحالة ما تقدرش تقول عليه صديق
ماصادفش انو قدملي انسان معروف
لاني بكل صراحة مانقبلش المعروف ..ولا المساعدة ..منن اي انسان
هادا تصرف احترازي فقط ..
وحتى اذا صرات في يوم من الايام ..ماراحش نقول عليه صديقي لا ابدا
مفهوم الصديق ..مش الي يدير ليك معروف والا يساعدك على حاجة يولي صديق
الصديق صديق ..لمجرد انو صديق
وعندها معاني اخرى مازالت غايبة عليك للاسف

هادي هيا سنة الحياة تتعرف على الشخص باش تعرفو سلبياتو وايجابياتو وظروفو
آسفة بصح نعارضك هادي الحكايات تقدم وتؤخر بويسك راني نتحدث على صديقة عزيزة في مقام اختي وانا اختي راح تاثر فيا مانيش نحكي على من والا ونكسر في راسي
ام اكيد
واضح جدا انها صديقة واخت ..من خلال تصرفاتها
اخهتي الا الحالة كيف هاك
انا من رايي انا نسمعو الطرف الاخر ايضا
نشوفو صديقتك واش راهي تقول عليك بالمقابل
ممكن يكون الخلل فيك انت
سالتي نفسك هادا السؤال والا لا ؟؟
ممكن المشكل بدا منك انت ..او الغلطة كانت منك انت
مادامت صديقتك ملاك للدرجة هادي نضن انك اذنبتي في حقها لدرجة انها تخلات عليك
والا ماكانش تفسير اخر لانو اختك تتخلى عليك بهاد الطريقة
كانك لم تكوني ..او انك ماتعنيش ليها اي شيء
كانكم ....وراح نقتبس عيارتك هنا
شيء عادي .... وماهوش مهم
ونحنا لكل نعرفو انو الانسان يقدر يتخلا عن الاشياء العادية لاكن المهمة مستحيل طبعا
راح يكون متمسك بيها ديامات ويحافض عليها في كل الضروف


الواحد يكون قلبو بيض ويمشي بنيتو الطيبة مش الفاسدة ويتوكل على ربي
صح النية امر رائع في الانسان لاكن
يقال
ان القانون لايحمي المغفلين
يعني انو الانسان يتمشا بالنية والصفا مع الناس لكل ..واللي يجي ينقص منو ويروح ؟؟
لا الحياة ليست على هاذا المنوال
الانسان لازم يعرف وين يحط رجلو ديما

:regards01:
في الاخير نتمنا انك تراجعي معلوماتك ومفاهيمك على الصداقة
وتحاولي تصححي الخطا في معلوماتك والا راح تتعبي في حياتك

​

 

[مايا الجزائرية]

شيء عادي ؟؟
واضح انو شيء عادي .

والدليل انك عرفتي صديقتك ... وكنت متاكدة من انها توام روحك
ولحد هلا وهي توام روحي
وهاذا خلال عام كامل مش يوم او اسبوع
وفي الاخير ظهر مابطن وبان ماخفي وتجلا ماكان متوارا
صحا كي نرجعو للصح حتى خوك من ماماك وباباك تعرفو مع العشرة
:p
مادمتي قادرة على معرفة الاشخاص خلال يوم
كيف تفسرين انك لم تتوقعي هناك ما يدعى بالظروف
هاذا الانقلاب المفاجئ من اعز صديقة في حياتك ؟؟
توقعت كل شيء
امرك غريب صراحة
:d
وامورك مازالت متناقضة
بطبيعة الحال متناقضة في حالتك
تقولي بلي راكي تقدري تعرفي الانسان خلال يوم
وانت صديقتك المفضلة واللي عشتي معاها سنة كاملة بحالها وحوالها اكثر من 360 يوم
ماقدرتيش تتوقعي انها راح تدور عليك هاك ؟؟
توقعت مين قال ما توقعت!!!
ممكن تفسير علمي لهاد الحالة انا صراحة تعقدت من هاد الفكرة
لما الانسان يخلي انسان قريب منو ويشاركو حياتو ويكونو ضد البقية
والحل مش في تفسير علمي
الحل تفسير حياتي وتعامل
كانت صديقة من ثم صارت اشياء مش في صالحها رجعت تغير منك
:s:s

لا انا مانيش من الناس اللي تكذب على رواحها اختي ..بكل تواضع
ولا انا راح نكذب على روحي
انا انسان نحط لكل شيء قيمة ...ولكل قيمة معيار ...وحياتي تتحكم فيها معايير
السيء والجيد والحسن والاحسن
انا مانقولش صديقي ولا هادا صاحبي على منوالا
باينة بلي ما تقولش على من والا بلي حيبيبك
بناءا على معايير باش تقرر اذا يكون صديقك او لا
على هاذا ماصراتش انو يتقلب عليا اي اسنان ..قلت راهو صاحبي



كاين عباد ما تعرفهمش ولطيبتهم ولايمانهم وقربهم من ربي يديرولك معروف جامي تنساه في هادي الحالة ما تقدرش تقول عليه صديق قتلك بلي ما تقدرش تقول عليه صديييييق
ماصادفش انو قدملي انسان معروف
لاني بكل صراحة مانقبلش المعروف ..ولا المساعدة ..منن اي انسان
هادا تصرف احترازي فقط ..
وحتى اذا صرات في يوم من الايام ..ماراحش نقول عليه صديقي لا ابدا
مفهوم الصديق ..مش الي يدير ليك معروف
مش صديقك لي يديرلك معروف الصديق لي تحتاجو وقت الضيق وفي وقت الشدة ويوقف معاك على حق ولا على باطل
والا يساعدك على حاجة يولي صديق
الصديق صديق ..لمجرد انو صديق
الصديق لي ترتاح معاه
وعندها معاني اخرى مازالت غايبة عليك للاسف
مش أنا لي تكون غايبة عليا مفاهيم الصداقة
:regards01:
هادي هيا سنة الحياة تتعرف على الشخص باش تعرفو سلبياتو وايجابياتو وظروفو
آسفة بصح نعارضك هادي الحكايات تقدم وتؤخر بويسك راني نتحدث على صديقة عزيزة في مقام اختي وانا اختي راح تاثر فيا مانيش نحكي على من والا ونكسر في راسي
ام اكيد
واضح جدا انها صديقة واخت ..من خلال تصرفاتها
اخهتي الا الحالة كيف هاك
انا من رايي انا نسمعو الطرف الاخر ايضا
نشوفو صديقتك واش راهي تقول عليك بالمقابل
ممكن يكون الخلل فيك انت
ممكن لما لا
سالتي نفسك هادا السؤال والا لا ؟؟ اكيد
ممكن المشكل بدا منك انت

الواحد يكون قلبو بيض ويمشي بنيتو الطيبة مش الفاسدة ويتوكل على ربي
صح النية امر رائع في الانسان لاكن
يقال
ان القانون لايحمي المغفلين
يعني انو الانسان يتمشا بالنية والصفا مع الناس لكل ..واللي يجي ينقص منو ويروح ؟؟
لا الحياة ليست على هاذا المنوال
الانسان لازم يعرف وين يحط رجلو ديما

:regards01:
في الاخير نتمنا انك تراجعي معلوماتك ومفاهيمك على الصداقة
وتحاولي تصححي الخطا في معلوماتك والا راح تتعبي في حياتك
ان لم اكن اعرف ما معنى الصداقة كيف لي ان اكتب موضوعي هذا
لو لم اكن اعلم معنى الصداقة لما قلت اناه صديقة بل قلت غير ذلك
​

انا في اي لحظة قادرة نتخلى على هادي الصديقة في حالة كانت تسببلي تكسار راس :-r
تحياتي:d

 

[عابر سبيل12]

انا في اي لحظة قادرة نتخلى على هادي الصديقة في حالة كانت تسببلي تكسار راس :-r
تحياتي:d

نظن انو بعد جهد وعناء
فسرنا بعض الماء بالماء
:s

سلام عليكم
​

 

[عاشقة الاسم المفقود]

حبيت نرد عليك مي لقيت السيد hou 85 حاورك بالمنطق وماستوعبتيش كلامو اتسمى ماعندي مانزيد على واش قال ربي يجيب الخير برك وصداقة المراهقة هي لي تكثر العثرات املا احذري ممن تقولين عليهم انهم اصدقائك​

 

[قلمي سلاحي]

يُوجَدُ حَلْقَةُ مَفْقُودَةُ فِي الْوَسَطِ

الْقِصَّةُ عَادِيَّةَ جِدَا عَلاَّقَةَ وَقَدْ أُصَابُهَا دَاءَ الْمَلَلِ كَانَتْ قَبْلُ ذَلِكَ تَنْتَعِشُ بِذُهُولِ نَظْرَاتٍ زملائكم حَوْلَ الرَّابِطَةِ الَّتِي تَجَمُّعَكُمْ

فَوْرُ تَعَوُّدُهُمْ وَتَعُودُكُمَا عَلَى رُوتِينِ هَذِهِ الْعَلاَّقَةِ حَلُّ الْمَلَلِ لِيَجْعَلُ مِنْ تَصَرُّفَاتِكُمَا تُتَغَيَّرُ حِيَالَ بَعْضُكُنَّ الْبَعْضَ

لَا أَسْتَبْعِدُ أَنْكِ أَوَّلَ مِنْ تُغَيَّرُ فِي تَعَامُلِهِ مَعَهَا ذَلِكَ لَنْ يَتَأَكَّدَ إلّا بِسَمَاعِ الطَّرَفِ الثَّانِي وَهِي صديقتكِ

تَقَبُّلُي صراحتي رُبَّما تُكْتَشَفِينَ الْعِلَّةَ فِي الْمَوْضُوعِ

تَحِيَّاتُي لكِ​

 

[مايا الجزائرية]

نظن انو بعد جهد وعناء
فسرنا بعض الماء بالماء
:s

سلام عليكم
​

سلام اخي منور الموضوع

 

[مايا الجزائرية]

حبيت نرد عليك مي لقيت السيد hou 85 حاورك بالمنطق وماستوعبتيش كلامو اتسمى ماعندي مانزيد على واش قال ربي يجيب الخير برك وصداقة المراهقة هي لي تكثر العثرات املا احذري ممن تقولين عليهم انهم اصدقائك​

شكرا على النصيحة
بارك الله فيك
شكرا على المرور العطر

 

[مايا الجزائرية]

يُوجَدُ حَلْقَةُ مَفْقُودَةُ فِي الْوَسَطِ

الْقِصَّةُ عَادِيَّةَ جِدَا عَلاَّقَةَ وَقَدْ أُصَابُهَا دَاءَ الْمَلَلِ كَانَتْ قَبْلُ ذَلِكَ تَنْتَعِشُ بِذُهُولِ نَظْرَاتٍ زملائكم حَوْلَ الرَّابِطَةِ الَّتِي تَجَمُّعَكُمْ

فَوْرُ تَعَوُّدُهُمْ وَتَعُودُكُمَا عَلَى رُوتِينِ هَذِهِ الْعَلاَّقَةِ حَلُّ الْمَلَلِ لِيَجْعَلُ مِنْ تَصَرُّفَاتِكُمَا تُتَغَيَّرُ حِيَالَ بَعْضُكُنَّ الْبَعْضَ

لَا أَسْتَبْعِدُ أَنْكِ أَوَّلَ مِنْ تُغَيَّرُ فِي تَعَامُلِهِ مَعَهَا ذَلِكَ لَنْ يَتَأَكَّدَ إلّا بِسَمَاعِ الطَّرَفِ الثَّانِي وَهِي صديقتكِ

تَقَبُّلُي صراحتي رُبَّما تُكْتَشَفِينَ الْعِلَّةَ فِي الْمَوْضُوعِ

تَحِيَّاتُي لكِ​

ربما الملل كما تقولين
وربما وربما كل شيء جائز
شكرا على الرمرو بارك الله فيك

 

[الابتسامة تحتاج الى تضحية]

للأسف يمكن لتغير الزمان او لتغير الشخصية مجال للتدخل
تقبلي مروري

 

[مايا الجزائرية]

شكرا على المرور

 

[رتيبة عبدو]

خلي الزمن هو اللي يحلها بينكم انا صرالي كيفك لكن هي اللي غلطت في حقي لاني كنت في مشاكل وكي ربي فرجها عليا تبدلت من جيهتي وحسيتها مافرحتليش لانو كانت تقول للناس اسراري ودايمن مشنفى عليا كي جبدت روحها جبدت انا تانيك وماندمتش على خاطر ربي شافلي فيها خير الصديقة تفرح لصديقتها وما تكشفش اسرار بيتها للناس كي عرفت بلي سمعت واش قالتو للناس جات تهدر معايا قلتلها وكيلك ربي وخليتها من بعد ربي كشف حقيقتها جيهتي تحاول تخلقلي المشاكل في العمل من بعيد وتضخمها وعمري ما واجهتها لاني ماقدرتش نخزر في وجهها وربي يسهل كل شيء ودايما تخرج هي صاحبة المشاكل المهم بدلت مقر عملي باش نقرب من داري وفي يوم رحت للمقر القديم وسلمت على زميلاتي وكانت هي معاهم سلمت عليها ومن دلك اليوم رانا زميلات فقط والحمد لله على كل حال

 

[مايا الجزائرية]

خلي الزمن هو اللي يحلها بينكم انا صرالي كيفك لكن هي اللي غلطت في حقي لاني كنت في مشاكل وكي ربي فرجها عليا تبدلت من جيهتي وحسيتها مافرحتليش لانو كانت تقول للناس اسراري ودايمن مشنفى عليا كي جبدت روحها جبدت انا تانيك وماندمتش على خاطر ربي شافلي فيها خير الصديقة تفرح لصديقتها وما تكشفش اسرار بيتها للناس كي عرفت بلي سمعت واش قالتو للناس جات تهدر معايا قلتلها وكيلك ربي وخليتها من بعد ربي كشف حقيقتها جيهتي تحاول تخلقلي المشاكل في العمل من بعيد وتضخمها وعمري ما واجهتها لاني ماقدرتش نخزر في وجهها وربي يسهل كل شيء ودايما تخرج هي صاحبة المشاكل المهم بدلت مقر عملي باش نقرب من داري وفي يوم رحت للمقر القديم وسلمت على زميلاتي وكانت هي معاهم سلمت عليها ومن دلك اليوم رانا زميلات فقط والحمد لله على كل حال

شكرا على قصتك الموجزة
وان شاء الله ربي يفرج على كل واحد
منورة