باه شربتي قهوتك اليوم

[بنت الجسور المعلقة]

شربيتو بصابلي هه
بصحتكم

 

[ام ريهام]

اخت سماح راكي درتي ركن امادرتيش القاطو انت راني نستنى في الرشراش والصابلي وين الصور راني دمنديتك غير في الصور ماشي باش ناكل .....................

 

[samah06]

ام رهام حنونة عندك الحق طولت والسبب انو غبت الاولى علبالك وجاوني ضياف ثانيا راني باه نصور ماصورتهمش
وصب الرشراش خلص باذن الله نعاودو راه تاع الاستقلال كيما تقول اختي قديم بزاااااااااااااااااااااااااااااف من ايام الثورة وهو كاين مستحيل اذا متعرفيهش
ومستحيل يكون كاين اللي ما يحبوش ويموت عليه خاصة في الفطور بالحليب

 

[قلمي سلاحي]

 

[ام ريهام]

ام رهام حنونة عندك الحق طولت والسبب انو غبت الاولى علبالك وجاوني ضياف ثانيا راني باه نصور ماصورتهمش
وصب الرشراش خلص باذن الله نعاودو راه تاع الاستقلال كيما تقول اختي قديم بزاااااااااااااااااااااااااااااف من ايام الثورة وهو كاين مستحيل اذا متعرفيهش
ومستحيل يكون كاين اللي ما يحبوش ويموت عليه خاصة في الفطور بالحليب

àç

والله اختي منعرفوش هذا الرشراش يمكن اكون عندو اسم واحد اخر اذا امكن صورتو باه نعرفو يمكن

راني غير نهدر برك ما تزعفيش مني حبيبتي راني نستنى في صور الرشراش برك باه نعرف برك

 

[samah06]

ام ريهام صب الرشراش يقولولو ثاني لمدربل
هوعبارة على قاطو تقرصيه اولا ومن بعد تحطي المعجون ومنبعد ترحي باقي لعجين فوقو وبعد الطياب ترشيه بالماء زهر والسكر لرطب برك
بالاك تقولي بخيلة متنعتلناش والله العظيم ننسا دايما نصور وخصوصاتاع الناس ومانيش من اللي عندهم الخدمة بزاف ساعهات تجيني رزقة والحمد لله
وداري محسوب مانديرش منحبش لحلاوة بطبعي والاولاد نشريلهم من برا يجوزو حليبهم
درك راني قلتلهم جيبو باكي قاطو تشربو حليبكم
تصقي بالله غير منشربش لحليب وثاني قهوتي مرة
اسمحولي
ودرك حتى وليت نخيط وين ما نقعدش خلاص راني مت بالغلبة ساعات نقول واش دارهالي لاباس عليا ونتبع في التعب
لكن واش تقولي للهاوي هواياته تناديه

 

[ام ريهام]

ربي يكون في العون حبيبتي وربي يعطيك الصحة مليح الواحدة تكون عندها صنعة في يديها ادا ما خدمتش بيها درك يمكن تصيبها من بعد هذي دنيا دوارة واحدة ما تعرف واش يصرا من بعد ربي يجيب الخير .

انا راجلي ما خلانيش نخدم قالي كي تخصك حاجة اهدري على الخدمة ولكن الحمد الله اجرته مليحة ربي يدومها نعمة

 

[samah06]

ربي يهنيك ام ريهام ويعطيك ما تتمناي
وانا ما خصني وابلو مع راجلي
لكن حب في التفتيف والخدمة برك
والفت في دار بابا كنا اكل بنات ونتعاندو باه نخدمو حاجة مليحة وبقات معايا
بصحتك كل شيء ام رهام ويعطيك الصحة

 

[samah06]

مساء الخير يا القهوجيات راني جيت جبت معايا قريصات فطاير او سفنج هيا للي تحبو تتفضل معايا

 

[ibtesem]

اه سموحة اليوم ناشفة قهوتي واع مكان والو معاها
زيد فوق هدا مرة هههههههههه

 

[nassima 87]

*قاطو او مسمن

 

[samah06]

بصحتك نسيمة ربي يخليك
ما تقطعيش الركن

 

[samah06]

اه سموحة اليوم ناشفة قهوتي واع مكان والو معاها
زيد فوق هدا مرة هههههههههه

بسومة راني نستنا في قهوتك لابسا صباطها طول حفيانة
والفنجال المر خليهولي ليا انا قهوتي هكا وانت ديري السكر

 

[مايا الجزائرية]

حبيبتي سماح راني وليت بالكروكي

مقرمش هههه

​

سلام اختي
دبري راسك جيبيلي لاغوسات تاع الكروكي هادا باش نديرو :p
وشكرا راه يشهي

 

[مايا الجزائرية]

وااااااااااي يغير هذا القاطو
ماعليش الوصفة صحا اختي :$

 

[مايا الجزائرية]

انا مازال ما شربتش قهوتي كي نشربها نقولكم مازال ما رحتش للكوزينة هههه:d
تقبلي مروري الاخت صاحبة الموضوع

 

[nassima 87]

بصحتك نسيمة ربي يخليك
ما تقطعيش الركن

اله يسلمك حنونة :d

 

[nassima 87]

او اليوم

تفضلو تحاسبكم :p

 

[samah06]

يعطيك الصحة نسيمة
كي التارت كي القاطو يهبلو من تحت يديك حنونة

 

[samah06]

حباباتي راني جبتلكم صينية القهوة تاع البارح لعشية تاع الاولاد اولادي واولاد سلفتي
ام رهام اللي مع الميلفاي هو صب الرشراش