نرجعو مرة اخري الى كندا في ضيافة فيفي برنساس

[SAMIRA25]

الله الله عليك يا ندى ما خليتي والو يعطيك الصحة راكي مراة ونص و ما ينخافش عليك
اطباقك كلهم رائعين و يشهي و لي ما خلى فيا والو الغرايف تاع حراير
بارك الله فيك و جزاك خيرا وربي يناولك لي في بالك اختي​

 

[ام شيماء]

وجدو رواحكم دراقولا راه جايكم ههههههههههههه

 

[prncess fifi]

الله الله عليك ياندى الورود كل تبسي ينسي في خوه
عرضة من الكبار يعطيك الصحة حنونة وربي يهنيك​

 

[ام انس الحبيب]

تسلم ايدك يا ندى صح الورد يجيب الورد
ربي يبارك ليك في ذوك اليدين العزاز ماكلة وعليها الكلام
صح كيما يقولو كل تعطيلة فيها خيرة لو كان درينا بلي ماكلتك باهية وبنينة هك كنا نخلوك على راحتك يا لحبيبة
بصحتكم وربي يحفظك
بصح بلاكي تنسي الوصفات سuر تو البغرير

​

 

[ام انس الحبيب]

وجدو رواحكم دراقولا راه جايكم ههههههههههههه

وعلاه يا ام شيماء يا لحبيبة
تخلعي فيا هك غير شفت هذي الصورة قريب قلبي حبس
لمزية الي ما نيش نتوحم
ههههههههههههه
​

 

[nassima 87]

يم يام يعطيك ألف عافية عرضة وعليها لكلام ماعليه ماصبرناش في باطل بصح واش نقلك راني زدت ب5 كيلو
تسلم الأيادي او سمحيلنا على الازعاج

 

[mimi53]

allah alah a3lik koulchi yechahi teslem idek komti bina w bezyada
rabi yekhalik w yahfedh hadouk el yedine
koulchi foooor
ma3andi wacche nahki ghir rabi yekhalik

 

[imane27]

الله الله ياندى كل واش حطيتى هايل ويشهى
معرفت واش نخير بصح كليتهم كامل يعطيك الصحة ياشاطرة
راكى مرة ونص وخمسة وعشرين حموس عليك:regards01:

 

[مطبخ الأحلام]

الله الله ياندى وسلام عليك ياندى ونجيك نزور كل أسبوع ياندى
ونطفي الجوع يا ندى




​

 

[روعة2005]

الله يباااااااااااااااارك ندى الورود ربي يجعلك وردة كيما لي حطيتيلنا

وطيباتك كانو في القمة من الارز للقوارب للغرايف للحميس لسلطة مممممممم للمسكوتشو والسلاد فروي يعني مرا ونص و25 تبااارك الله لحبيبة
=====
لبنات درتو جو هاااايل بصح تصاور الرعب يااااي حرام عليكم
والله يافوطو تاع خيرة هههههههه مالا دبرتها نصيرة ههههههههه يعطيك رحمة ربي​

 

[samah06]

ندوووووش علبالي بلي العطلة تاعك وراها حاجة مبصح مش حوايج يهبلو يعطيك الصحة والله يبارك في يديك اللي يديرو هكا حوايج
ام شيما لبنات كي نقلو صور ضحكونا انت معولا عليا راح تقتليني ديجا راني نداوي على الخلعة واللي زادتها ام انس الحبيب عاودتها
هيا ندووووووش شكون المتورطة اللي من واك ماقلتيش عليها

 

[oumniati]

3ayzine naaakoul ya nada, choufilna wahda jdida nakdhiw 3liha hhhhhhh

 

[ندى الورود]

السلام عليكم

سمورة الله يسلمك ربي يخليك حنونة
أم خديجة تسلمي يا الغالية بزاف عليا توب شاف او حشمتيني والله انا عندي المراة تبقى تتعلم ديما
الطبخ ولا بلامود كي اللبسة ولازم نتعلمو الجديد والقديم طبعا ما نفرطوش فيه
شكرا على الوردة هايلة ربي يجعل ايامك طيبة برائحة الورود
زؤووووووووورة ربي يخليك قريت واش كتبتيلي في صفحة السمعات وانت معزتك عندي اعلى واعلى
ربي يخليك على كلامك العسل و على الدعوة الطيبة ولك بالمثل
رغووووووووود ربي يخليك تعبكم راحة ايه هاذي قواعد اللعبة ولازم نرضو غصبا علينا
قريت لهيه واش كتبتيلي ربي يخليك وشكرا على الدعوة وربي ينوريلك اللي في بالك
سارة السرسورة تسلمي ربي يخليك حنونة بصحتك ومليحة كي مسحتي الصحونة وفرتي علينا غسلها
نور الرحمان تسلمي عزيزتي ربي يخليك ويرزقنا وأياكم إن شاء الله
سميرة 25 ربي تسلمي حنونة ربي يخليك شكرا على الدعوة وربي يناولك انت تاني اللي في بالك
ام شيماء حرام عليك الصورة هاذيك تخلع نباتو نمامو في الكوابيس
برانسيس فيفي تسلمي ربي يخليك ويهنيك اختي
ام انس الحبيب تسلمي هذا من لطفك ربي يخليك والوصفات إن شاء الله نجطهم ما تخافيش حتى البغرير صورت مراحل التحضير
نسيمة تسلمي والله عادي مكان لا إزعاج لا والو بالعكس هاذي الورطة دخلتني في اجواء هايلة وممتعة
ايا بصحتك 5 كيلو قصدي الماكلة
ميمي الزينة تسلمي ربي يخليك او تعرفي تشطحي مليح ههههه
لويزة تسلمي ربي يخليك وانتي ما عندي ما نقول في طيابك هايل هاسيل
والحقيقة كل سيدات وبنات اللمة شاطرات وكل وحدة عندها لمستها الخاصة في الطيباب
سوووووووووستي تسلمي حبيبتي ربي يخليك ويبارك فيك وينويلك الي في بالك
روعة يا روعة تسلمي غاليتي ربي يخليك برك تهلاي في نصيرة وغذيها مليح
سماح تسلمي وربي يخليك وماعليهش خليتك تعسي 3 ايام المهم راني اوفيت حطيت ماشي هربت
امنياتي مرسي حبوبة على اللي كتبتيه في التقييم والله عادي كان لازم تورطي وحدة والدور جا عليا
واستمتعت بكل شي

راكو تستناو في المتورطة الجديدة
بعد قليل سنعلق عن المتورطة انتظرونا


​

 

[ندى الورود]

المتورطة الجديدة تسكن في بلاد عمي مبارك اوباما

​

 

[ibtesem]

الله يستر قلبي عدى 1000 ضربة في الدقيقة خخخخخ
​

 

[ندى الورود]

المتورطة الجديدة عندها وحد الكارانتيكا اممممممم وسلايط سبيسيال تحطلهم الفرماج بالكيلووات
وتشتي تاكل عند عمها اللبناني
نظن عرفتوها خلاص
^
^
^
^
^
^
^
^
imane27 أنت المتورطة الجديدة
بالتوفيق



​

 

[ibtesem]

اووووووووووووووف
​

 

[ندى الورود]

الله يستر قلبي عدى 1000 ضربة في الدقيقة خخخخخ
​

ابتسام يا حرام خلاص اطمني ماشي انت المتورطة يوصل دورك ويورطوك

 

[مطبخ الأحلام]

له له له رايحين عند ايمان يوووه غادي تقتلكم بروكلي:d سلاطة



ولا درتلكم فريت اومليت عرفو بلي 10 بيضات فزوج حبات باطاطا

أه ايمان علابالكم بلي تبدر بزاف كيما قالت ندوش فرماج تكملو غير فنهار

صافي غادي تشبعنا ماااكلة هلمووو


​

 

[nada242008]

ههههههههههههه ارواحي يا لويزة ارواحي ههههههههههههههه ونعمة التوريطة .. يعطيك الصحة ندود والله وعرفتي تورطي:d
​