نرجعو مرة اخري الى كندا في ضيافة فيفي برنساس

[ام منصف]

السلام عليكم ورحمة الله تعالى وبـــــركاته
إقــــــــامة طيبة للجميع دون أستثنــــــــــاء
هــو القــــدر من حتم عليا زيـــارة هذا القسم
ولكن اليــــوم الزيارة،،، كانت مميــــــــــــزة
لأجل منصف البرصـــــــــاوي وحده لاغيــــر :d :bravo01: :yahoo01: :thumb_up02:

تحية ليكم كامل وربي يهنيكم ومن حسن إلى أحسن وأروع

- وشحال ضحكت كي خرجتو ولا لقب-
​

اهلا اهلا بالكتالوني
حماتك بتحبك كيما يقولوا
- وانا ضحكت كي خسرتو 8 -0 ذهابا وايابا -

:p:down:
​

 

[السلطانة]

اعطيوني هادا وخليوني نشوفو نهبل
وسيرتو كي راه من يدين شوشو الشاوية
الله يبارك عرضة وعليها لكلام
يعطيك الصحة كلش يشهي
ربي يدوم هاد المحبة واللمة الزينة

​

 

[ibtesem]

الله الله ياشريفتي والله اللهحسيت روحي صح راني عندك الحمد الله سبقلي
زرت اريس ناس الخير والكرم ويفرحو بالضيف تاع الفجا
كل شي كان هايل والله حاجة ما تتخير علي روخرا مشاالله سامحينا تعبناك
معانا ربي يتقبل منك راني ديت المحرمة الزرقة والبيضا عجبتني
ربي يحفض لوليدات ان شالله دخولنا الي دارك بالبراكة والخير
ههه اعملت محاضرة

 

[rahaf setif]

 

[ام منصف]

ساندريلا زماني
شوفوا شكون زارنا الساندريلا
اهلا بيك هزي الخير قدامك اختي العزيزة وان شاء الله كي اليوم بالاك نتلاقاو ونديرهولك تستاهلي
​

 

[ام منصف]

الله الله ياشريفتي والله اللهحسيت روحي صح راني عندك الحمد الله سبقلي
زرت اريس ناس الخير والكرم ويفرحو بالضيف تاع الفجا
كل شي كان هايل والله حاجة ما تتخير علي روخرا مشاالله سامحينا تعبناك
معانا ربي يتقبل منك راني ديت المحرمة الزرقة والبيضا عجبتني
ربي يحفض لوليدات ان شالله دخولنا الي دارك بالبراكة والخير
ههه اعملت محاضرة

بسومة وينها المحرمة الزرقا والبيضا
هذاك كتان وماحطيتش لون خلاص بالازرق
سلامة نظرك بسومة هههه:-h
​

 

[روز]

يابنتي عيـيتيني عييت نضرب في النح بصح كل شي تحفة الله يبارك وكل شي حبيت نذوق منو مغرف مغرف
امممم فكرتيني في عزومة رغودة حتى هي تحفة
البريوش خرجلك لونو يشهي وكل شي
وذيك السلاطة ولي خدمتيهم بلابات فايتي تاني هايلين
ولاتاي ووش نحكي ولا وش نقول

ربي يحفظ ذوك اليدين ويخليلك عائلتك ان شاءلله​

 

[ألاء الرحمـــن]

وراسك قلت لراجلي ما نرقد حتى ندي حقي من العرضة من يديدات شوشو هههههههه
الله الله فحلة ونص يعطيك الصحة شوشو على العرضة بالطبع :up:
ما عندي ما نقول سوا للاطباق ولا سلاطة ولا الحوليات ولا التحليات ممممم
جعت راهي 12 نتاع ليل هههههه ربي يستر نبات نحلم :s
​

 

[قلمي سلاحي]

ماشاء الله جوعتيني في نص الليل :d
بالصحة ليكم أم منصف ​

 

[prncess fifi]

شريفة يبارك فيك على العرضة اطباقك كامل تحفونة والحلويات نقطة ضعفي امممم
ربي يحفظلك وليداتك ويخليهملك واسمحينا بزاف على التعب ختي​

 

[SAMIRA25]

امممم يا ام منصف يعطيك الصحة و العافية
ما خليتي فيا والو راه كل شيء رائع و متحوف
باين عليك حرة الله يبارك عليك و يحفظك
ربي يجازيك و يعطيك كل خير
و وليداتك الله يبارك عليهم ربي يحفظهم و يفرحك بيهم
​

 

[حاملـة المسك]

السلام عليكم

سبحان الله كل أخت كفاش تخرجلنا بخرجة تبارك الله عليكم
و كأننا نعمل بـ مقولة// لا نقلد نبدع ف التقليد يقتل الابداع//

أبدعتي أم منصف عرضة و عليها الكلام عجبتني أنك أدخلتي أطباق تقليدية
و كانت سندرلا في أحد تدخلاتها شددت على الاكلات الشعبية
.....السلطة و المقبلات و الحلويات كلها ماشاء الله
و حياة عينيا الحلو لي بالعجينة المورقة جاك هايل سرتو الشكل الاول يا ريت تحطيه موضوع
ديت القماش الاكحل و سرقت تبسيمة ندى و منصف ربي يبقي عليهم الستر و يحفظهم
أسمحيلنا في تعبك أم منصف
تحية متابدلة ..ربي يلاقينا في ساعة الخير

جمعة مباركة على الجميع .. لا تنسو قراءة سورة الكهف. ​

 

[ابن سينا]

اااااااااااااااممممممممممم
السلام عليكم
اسمحولي خاوتي نبدا بالسلاطة ثم الدولمة
الهدرة في وسط الماكلة ماشي مليح اصبروا
لا نزيد الدولمة اممممممم بارك الله فيك
اطيني نصلي نريح شوي ونشرب الشاي
ياك على بالكم الشاي عد الاكل مباشرة مضر
يؤكسد الاكل القاطو حقي نديه معايا
الله يسلم هادوك اليدين ويخليلك الاولاد ويجعلهم
ممن تقر بهم الاعين دنيا واخرى آمين
عندي طلب وحشمت ؟؟؟؟؟؟؟؟؟؟؟؟؟؟؟؟؟؟؟؟؟
​

 

[s_luna]

السلام عليكم ،، جمعة مباركة للجميع
كنت حجزت مكاني في الدّرجة الأولى بصح أمّ منصف قالت ما تردّوش حتّ نكمّل و بهذا رجعت الأخيرة وعععع

أمّ منصف ربّي يبارك في يدّياتك كلشي بالطّبع و الدّوبارة ادّاتلي عقلي امممم
ربّي يقوّي الخير و يحفظلك وليداتك

سلامي للجميع
:regards01:
​

 

[ام خديجة1]

الله الله على نسيبتي :p واش حطت لينا ما خلات والو في الدار بارك الله فيك وفي وليداتك ربي يخليهملك :-r
ما شاء الله من المالح للحلو كل شيئ يهبل
اسمحيلنا عدبناك معانا

 

[imane27]

الله يبارك شريفة قومتى بينا كيما يحب الخاطر
يعطيك الصحة من عصير حتى لطراف صابون ولقماش راكى بنت الكرم والجود
والله يخليلك دوك الكتاكيت لى معمرين عليك الدار

 

[ام منصف]

اااااااااااااااممممممممممم
السلام عليكم
اسمحولي خاوتي نبدا بالسلاطة ثم الدولمة
الهدرة في وسط الماكلة ماشي مليح اصبروا
لا نزيد الدولمة اممممممم بارك الله فيك
اطيني نصلي نريح شوي ونشرب الشاي
ياك على بالكم الشاي عد الاكل مباشرة مضر
يؤكسد الاكل القاطو حقي نديه معايا
الله يسلم هادوك اليدين ويخليلك الاولاد ويجعلهم
ممن تقر بهم الاعين دنيا واخرى آمين
عندي طلب وحشمت ؟؟؟؟؟؟؟؟؟؟؟؟؟؟؟؟؟؟؟؟؟
​

اهلا بيك اخي
وشكرا على كلامك الطيب
تفضل بطلبك ماكان حتى مشكل ؟

​

 

[ام منصف]

روز
اهلين وسهلين ومرحبتين روزيتا العزيزة
نورتي الموضوع بطلتك علينا
الله يخليك ويخليلك اولادك
وساعة على ساعة عودي طلي علينا تريحي راسك من النقاشات والحوارات :d
​

 

[بوح المشاعر]

جمعة مباركة على الجميع
وربي ينور طريقكم ويفتحلكم ابواب الخير يارب
==========
رااني رووطآر بزاااف سبقوني الفحلات
بصحتك الكل تستاهلو
ام منصف حبوبة الله الله واش هذا الخير
اولا اموآآآح اموآآآح للكتاكيت الزينين
الفراشة ندوشة و العصفور منصف
ربي يجعل ايامها كلها افراح وينور وجوههم بانوآر النبي
بواش نبدا ذاك الزيراوي دالي عقلي يشهي
راهي طارت بيه سندريلا بصح قالتلي نخليلك النص
ولا سنية القهوة و الصابلي و لكورنيات يشهو
الكوزينة اللي منور بمنصف راني انا لي قعدت لتم سارة روحي لهيه
بلاصتي هنا امممممممم الدوبارة يادوبارة حارة محرحرة
ماتتشبعش ولوردافر تحفة
البطاطا المشوية تسخف انا من صحاب الريجيم ومن صحاب الهم الهم
ههههههههه
البريووش اللون رووعة والشكل اروع
و الحلو روووووعة و تحفة خرجلك هايل
ولاتاي منعنع ومكشكش ياعيني هكاك نحبو انا
ويكون ماشي حلو بزااااف امممممممم
نشرب ونعاود
الحق الحق كل شيء كان في القمة يعطيك الصحة حنونة
قمتي بينا وتاع الصح حسنا رواحنا رانا عندك صح صح
ربي يخليك ويحفظلك ذوك العصافير اللي منور حياتكم
ويسلم ذياتك يارب
دامت لمتنا لمة الخير والبركة وربي يلاقيني غير في الخير يارب
​

 

[ام منصف]

ألاء الرحمـــن ضحكتيني ياسو امالا سهرتي وماراحلكش العشاء بالصحة على قلبك
الله يسلمك اختي العزيزة
قلمي سلاحي اهلا بيك معانا والله يسلمك اختي
prncess fifi مرورك هو التحفون حسينة ربي يخليك
SAMIRA25 شكرا ليك سميرة ربي يحفظك ويحفظ اولادك هذا من ذوقك
حاملـة المسك رغووود كلامك درر حبيت ناكد على اطباقنا التقليدية والشعبية اللي قريب تندثر مع موجة الاطباق الحديثة والخفيفة والجاهزة ومع ذلك ما حطيتش للاسف غير الزيراوي برك ماعليش نعوضوها في ورطات اخرى ومع متورطات اخريات
ما قلتيليش عجبك ماء الشعيبة
الحلو ان شاء الله نحطو موضوع اذا حب ربي
s_luna:-o ماتقوليليش سجعتي سجعتي ورقدتي بلا عشاء دارتها بيا نجمة ورحتي في الرجلين هههههه شكرا لكلامك الطيب يا طيوبة
ام خديجة1 تعبكم راحة ام خديجة بصح وينهي صورة العروس اوااااه كلحتيني :p
imane27 الله يخليك لويزة تستاهلوا اكثروشكرا لكلامك الجميل
​