لكلام لي يخرج à la mode

[magique]

السلام عليكم ورحمة الله تعالى وبركاته
واش راكم تهدرو؟؟؟؟
انا نقولكم واش راني نهدر،،
راني نويت ورايحة نهدر كيما قاتلي حبيبتي مينات الله يذكرها بالخير.
لكلام لي يخرج à la mode.
مانيش متاكدة ادا فهمتو وش نقصد مي رايحة نفهمكم....
علابالكم بلي لهجتنا بزاف شابة وعندها واحد الاختلاف على اللهجات لخرين ويكمن في انها مخلطة بزاف بلفرونسي وايضا انو اللهجات الاخرى تبقى على حالها لكن لهجتنا تتبدل مع الوقت ويخرجو كلمات جدد وغالبا لي جون هوما لي يستعملوهم كيما انا ونتوما:$:$:$
كاينين كلمات نحكيهم مع ماما مبعد تقولي وش معناها؟؟دايما يقولهالي خوك بصح مانفهمهاش..:s:s:s
نزيدكم بلي حنا اون كلاس نحكيو حوايج ويسقسيونا لي بروف وش معناهم..
نتمنى تكونو فهمتو عليا::

الاسئلة هههههههه ماتخافوش ماوش امتحان ):
1-اسكو كاينة هاد الظاهرة عندكم؟؟
2-وش لكلمات لي لاحظتهم خرجو جدد يعني غير كيما وادا ممكن المعنى تاعهم ممكن خرين مايفهموش.
3-وش السبة في هاد الشي ؟؟ماكفاوش لكلمات لي عندنا؟؟

في الاخير نتمنالكم اقامة طيبة على صفحتي وابقاو على اللللف خير واتهلاو في رواحكم:up::up:
​

 

[حفيد هواري بومدين]

وافقت على الموضوع

 

[أم راضية ~_]

السلام عليكم
موضوع فوووور بزاااااف ’ عجبني :up:
مع الوقت كلش يتبدل على خاطر يدخلو للحياة امور ماكانوش بكري واتوماتيكمون يولو يستعملوهم في هدرتهم
وبالمناسبة ماناش غير حنا الدزيريين الي تتبدل هدرتنا
روحي لاي لهجة تلقايها تبدلت
يعني هادي حاجة عادية كي يتبدل اللونgاج تاع البلاد
اما علينا حنا الدزيرين معروفين ربما زيادة على لوخرين بلي عندنا موهبة الاشتقاق من أي لغة و نصرفو الكلمات الفرنسية على الطريقة العربية
انا نبوجي / بوجيت ( نتحرك / تحركت )
نتا بوجيت / بوجي
نتي بوجيتي ..... الخ
و نعطيك امتلة :
بكري وقت كانو الطونوبيلات قلال كانو يقولو : واحد حابس وممبعد في وقت آخر ولاو يقولو واحد مفريني جاية من المكابح تاع الطونوبيل بالعربية
و اليوم ولاو يقولو حاجات عندها علاقات بالانترنت و الفيس بووك و غيرها
متلا داك النهار كنا انا وخويا نحكو مع ماما و هيا ما سمعتش واش قالها ألوغ قالي بارطاجي وانا قتلو اسناها تدير جام
هيا ما فهمت والو مي ممبعد حلبناها فالعفسة كيما قال هو هههههه
موضوع ملييح tnx​

 

[magique]

وافقت على الموضوع

لك جزيل الشكرا
​

 

[magique]

السلام عليكم
موضوع فوووور بزاااااف ’ عجبني :up:

هدا من ذوقك حبيبتي

مع الوقت كلش يتبدل على خاطر يدخلو للحياة امور ماكانوش بكري واتوماتيكمون يولو يستعملوهم في هدرتهم
وبالمناسبة ماناش غير حنا الدزيريين الي تتبدل هدرتنا
روحي لاي لهجة تلقايها تبدلت
يعني هادي حاجة عادية كي يتبدل اللونgاج تاع البلاد
اما علينا حنا الدزيرين معروفين ربما زيادة على لوخرين بلي عندنا موهبة الاشتقاق من أي لغة و نصرفو الكلمات الفرنسية على الطريقة العربية

انا نبوجي / بوجيت ( نتحرك / تحركت )
نتا بوجيت / بوجي
نتي بوجيتي ..... الخ

انا تبانلي les verbes كامل نستعملوهم في بلاصة العربية فرونسي
كيما اتوندي.روgــاردي.pــارتيسيــpــي .فارمي .ديسكـuـــتي.شونجي.دوموندي.ريــpــوندي.اvــونسي يعني تقريبا كلش

بكري وقت كانو الطونوبيلات قلال كانو يقولو : واحد حابس وممبعد في وقت آخر ولاو يقولو واحد مفريني جاية من المكابح تاع الطونوبيل بالعربية

مثال هااااايل عندك الحق

و اليوم ولاو يقولو حاجات عندها علاقات بالانترنت و الفيس بووك و غيرها
متلا داك النهار كنا انا وخويا نحكو مع ماما و هيا ما سمعتش واش قالها ألوغ قالي بارطاجي وانا قتلو اسناها تدير جام
هيا ما فهمت والو مي ممبعد حلبناها فالعفسة كيما قال هو هههههه

ههههههههه 444
المهم فهمت حتى ماما هكداك
موضوع ملييح tnx​

شكرا حبيبتي يلديز طلتك مميزة
​

 

[ماكانش]

أهلا بيك بنت ويلايتي
يعطيك الصحة على الموضوع الباهي
البارح كي كنت نقري فلاكلاصة مع ولاد الليسي جبتلهم على الظاهرة هاذي .... ( عندك لا راكي تقراي عندي ههههه)
سمعت طفل قال لواحد حلاب ولا ال***** ولا مانعرف قلتلهم حنا الباتنية مخلوعين فهدرات الناس ونجيبو الجديد
هاذ الكلمة تاع ال***** كلمة ماهيش تاعنا الباتنية وخرجت جديدة وانتاشرت عجب
وزدتلهم مثال بكلمة " نعرشلو" قلتلهم كلمة ظهرت عندها عام عندنا فباتنة وهيا كلمة يقولولها الدزيرية بممعنى نعيط عليه
يعني ماكانش شخصية عندنا
نحكمو هدراتنا وفقط


يعطيك الصحة بنت ويلايتي على الموضوع الباهي

​

 

[مايا الجزائرية]

شكرا على الموضوع الباهي كيفك
-اسكو كاينة هاد الظاهرة عندكم؟؟
وي كاينة هادي الظاهرة بزااااااااااف وانا من هادو لي نخرج كلايم جدد هههه
2-وش لكلمات لي لاحظتهم خرجو جدد يعني غير كيما وادا ممكن المعنى تاعهم ممكن خرين مايفهموش.
شكا مانيش متفكرتهم كيما امبوحال و تباهديلاسيون هههه
3-وش السبة في هاد الشي ؟؟ماكفاوش لكلمات لي عندنا؟؟
نحبو نكون و مختلفين سيرتو حنا ليجان ههه نحبو الجديد لول
تقبلي مروري

 

[لاجودان شاف]

ههههههه كاينة منها
ليامات هادو ثاني راهي دور بزاف جملة هتلر
انا لا استطيع احتلال شعب ههههه
لي مايجبوش الحال في حاجة يديرهالك في جملة مفيدة
شكرا
​

 

[EL General]

هههههه و الله صح كلمات جدد آم يخرجوا حرنا فيهم :d انا نحكي بيهم و ساعات نحير في روحي
بصح هوما يجيو كي شغل ستيل هكا حلوين في النطق و يوصلو المعنى خير من تحكي حكاية طويلة :-h
شكرا ليك على الموضوع راو top :up:
​

 

[magique]

أهلا بيك بنت ويلايتي

وبيك يعيشك

يعطيك الصحة على الموضوع الباهي

هدا من ذوقك

البارح كي كنت نقري فلاكلاصة مع ولاد الليسي جبتلهم على الظاهرة هاذي .... ( عندك لا راكي تقراي عندي ههههه)

ههههههه بلاك ،لي الشرف وراح نزيدك احترام اكثر اكثر مادامك استاذ ماكنتش علابالي

سمعت طفل قال لواحد حلاب ولا ال***** ولا مانعرف

توجور يقولوها ايه
قلتلهم حنا الباتنية مخلوعين فهدرات الناس ونجيبو الجديد
هاذ الكلمة تاع ال***** كلمة ماهيش تاعنا الباتنية وخرجت جديدة وانتاشرت عجب​

ايه صح مكانتش عندنا غير كيما دخلت لينا حنا نجيبو من لهدرة تاع الدزيرية والوهراني بوكو بليس

وزدتلهم مثال بكلمة " نعرشلو" قلتلهم كلمة ظهرت عندها عام عندنا فباتنة وهيا كلمة يقولولها الدزيرية بممعنى نعيط عليه
يعني ماكانش شخصية عندنا
نحكمو هدراتنا وفقط

ايه صح هوما مايجيبوش معندنا بويسك هدرتنا ماتوصلهمش لكن حنا نجيبو معندهم
بالرغم من ذلك رانا فيبلاد وحدة وعادي التبادل هذا لكن الشي لي ماوش مليح نجيبو كلمات مشي ملاح ونستعنلوهم بلا مانعرفو معناهم

يعطيك الصحة بنت ويلايتي على الموضوع الباهي

[/QUOTE]

شكرا ليك مرورك اسعدني
​

 

[magique]

شكرا على الموضوع الباهي كيفك

نتي الباهية حبيبتي مايا

-اسكو كاينة هاد الظاهرة عندكم؟؟
وي كاينة هادي الظاهرة بزااااااااااف وانا من هادو لي نخرج كلايم جدد هههه
2-وش لكلمات لي لاحظتهم خرجو جدد يعني غير كيما وادا ممكن المعنى تاعهم ممكن خرين مايفهموش.
شكا مانيش متفكرتهم كيما امبوحال و تباهديلاسيون هههه

مليحة هدي تباهديلاسيون ههههههه

-وش السبة في هاد الشي ؟؟ماكفاوش لكلمات لي عندنا؟؟
نحبو نكون و مختلفين سيرتو حنا ليجان ههه نحبو الجديد لول
تقبلي مروري

شكرا لمرورك عزيزتي توجور متميزة
​

 

[magique]

ههههههه كاينة منها
ليامات هادو ثاني راهي دور بزاف جملة هتلر
انا لا استطيع احتلال شعب ههههه
لي مايجبوش الحال في حاجة يديرهالك في جملة مفيدة
شكرا
​

هههههههههههههه ايه صح رانا كيف كيف باتنة باتنة شكرا لمرورك يعطيك الصحة
​

 

[magique]

هههههه و الله صح كلمات جدد آم يخرجوا حرنا فيهم :d انا نحكي بيهم و ساعات نحير في روحي
بصح هوما يجيو كي شغل ستيل هكا حلوين في النطق و يوصلو المعنى خير من تحكي حكاية طويلة :-h
شكرا ليك على الموضوع راو top :up:
​

مارسي بزاف جنرال مام انا ساعات نحكي بيهم كي نعيا وش نقول:-o:-oهههههههه
​

 

[chahd alworod]

انا لا علاقة بالتطور حضاري هذا بصح انا نشوف انو الانسان كي يهدر يبان مستواه الثقافي يعنى لازم الواحد يعس على فمو واش راهو يحكي :-hوزادا ثقافة الفيس بوك دايرة حالة ومن الصطلحات الفيسبوكيية انوش و مسطاشة وما نحلبكش ............الخ
وشكرا على الموضوع الباهي كيما ملاتو:up:

 

[magique]

انا لا علاقة بالتطور حضاري هذا بصح انا نشوف انو الانسان كي يهدر يبان مستواه الثقافي يعنى لازم الواحد يعس على فمو واش راهو يحكي :-hوزادا ثقافة الفيس بوك دايرة حالة ومن الصطلحات الفيسبوكيية انوش و مسطاشة وما نحلبكش ............الخ
وشكرا على الموضوع الباهي كيما ملاتو:up:

كيفاش تقولي راكي لاعلاقة وهاد الكلمات وشكون قالهملك ههههه نقصر معاك وايه صح كيما قلتي لازم نعرفو وكت نستعملوهم
​

 

[chahd alworod]

والله الكلمات هذوم نسعمهم صح بصح نقولهم لالا عندي خواتاتي يحبولي في الجديد انا الصراحة ما نقدرش نقول كلمة انوش قدام بابا ولا يما والله تجيني عيب ههههههههههههه
صحيني كي رديتي

 

[بنت الـ25]

تعجبيني تاخدي الراي ههههههههه
كاين بزاف هدرات كيما لي حكيتي عليهم
انا ماما ولات تستعملهم معايا خخخ
كيما كلمة ترستني معناها حكمني ولا طاراني كي فهمتها ولات تقولها
نرجعلك ندير تعديل الرد هنا او سجلت مرور برك خخخخخ
​

 

[magique]

والله الكلمات هذوم نسعمهم صح بصح نقولهم لالا عندي خواتاتي يحبولي في الجديد انا الصراحة ما نقدرش نقول كلمة انوش قدام بابا ولا يما والله تجيني عيب ههههههههههههه
صحيني كي رديتي

ايه صح عندك الحق الواحد لازم يراقب كلامو :-h:-h
يعطيك الف عافية
​

 

[magique]

تعجبيني تاخدي الراي ههههههههه

مارسي ماما هههههههههه

كاين بزاف هدرات كيما لي حكيتي عليهم
انا ماما ولات تستعملهم معايا خخخ

خليها باش اوموان تفهم وشراو صاير

كيما كلمة ترستني معناها حكمني ولا طاراني كي فهمتها ولات تقولها

حنا كلمة ترسني معناها بخصني وقديمة كامل يقولوها بلاك هادا وين لحقت ليكم هههه

نرجعلك ندير تعديل الرد هنا او سجلت مرور برك خخخخخ

علابالك بلي مرحب بيك في كل وقت ...باي حبيبتي الغالية
​