كوكب الاعترافات // المشكلة 20 "فتاة فال 25 سنة محتارة وهي تستشيركم ..."

[sahiko hamza]

​

السلام عليكم ورحمة الله تعالى وبركاته

​

مرحبا بكافة مرتادي منتدانا الكرام مثلما عودناكم في ركن:​

° كوكــــب الاعتــــــرافـــات °

​

المشكلة رقم 20 :
" فتاة محتارة وهي تستشيركم "

انا فتاة ف25 تحاول ديما نحسس الغاشي لي نهدر معاهم بلي راني كبيرة عليهم باه نيفيتي الهدرة ةالخوض في علاقات انا في غتى عتهامي المشكل نتاعي انو ماكاش لي يعاقبني ولا كيما يقولو يضربني كي نغلط كلش مبرر ومسموح مي والفت ملي بلغت انا لي نعاقب نفسي و ساعات العقوبة تكون صعيبة بزاف اول غلطة كانت في الليسي وعاقبت نفسي وحرمتها وحبست قرايتي وكل ماتواجهني مشكل نهرب بلا مانواجه مي ضرك راني نحس في روحي مريضة نفسانيا وخاصة انو نحب روحي ديما زعفانة و راني رفضت خطيبي برك لاني متعلقة بشاب هنا في اللمة بلا مايكون هناك اي حب ولا هو مجرد اعجاب و على ذاك الشيء حبيت نستشيركم انا راني لاباس ولا راني مخلخلة والله لوكان نقوللكم العقوبات لي نفرضها ماتصدقونيش راني حاسة روحي ضايعة ومالقيتش لي نحكيلو

​

 

[عاشقة الاسم المفقود]

انا فتاة ف25 تحاول ديما نحسس الغاشي لي نهدر معاهم بلي راني كبيرة عليهم باه نيفيتي الهدرة ةالخوض في علاقات انا في غتى عتها

عجبتني هاذي نعلق عليها ومن بعد نرجع للمشكل نتاعك اختي شوفي عندي اختي عندها نفس تخمامك كاتبة في التعريف نتاعها متزوجة كي سقسيتها قاتلي باه نيفيتي حصص التعارف ههه وراني نشوفك كيفها يعني هي عقلية مليحة في الصح مي يلزم تعرفي وقتاه وليمن تقولي الصح /راني نولي للموضوع

 

[فتاة حساسة]

ههه عجبتني هادي احمزة تاع ...كم اكره لاطراس تاع التعديل ههه

..نوليو للاخت..


اولا اختي ..علاه رفضتي خطيبك على جال واحد فاللمة..وهاد اللي فاللمة تعرفيه !!! تعرفي حياتو كيفاه دايرة ..وبالاك كان يكدب عليك

وبالاك خاطي هو الشخص اللي حاطتيه في بالك..مي اختي والله راكي غالطة 100 بالمية فالشي اللي راكي ديري فيه...

ربي يفك عليك الاحوال..صلي وادعي ربي ..
​

 

[روز]

السلام عليكم
أول خطأ وقعتي فيه هي انك تتقمصي دور مش دورك
هنا في العالم الافتراضي ماكيش ملزومة باش تحكي خصوصياتك ويعرفوها الناس
واذا كان قصدك انك ماتتعرضيش للازعاج فهذا مش حل
يلزم تعرفي كفاش تفرضي احترامك بالغصب على لي حولك ونظن هذا عالم افتراضي يعني ينتهي بضغطة زر
ثانيا عقوبتك لنفسك هذا ظلم في حق نفسك كفاش حتى بطلتي قرايتك على جال خطأ ارتكبتيه
الانسان يرتكب اخطاء وماهوش معصوم
الخطأ هو لما نعرفو انه خطأ ونبقاو نمشو فيه
نظن اختي انتي محتاجة شخص يقويك ومحتاجة دعم كبيرة باش تتعلمي تثقي بنفسك
لان الثقة بالنفس شيء مهم جدا و هي لي رايحة تفرض على الاخر كفاش يتعامل معاك
نتي ماكي مخلخلة ماوالو
نتي حابة تكوني انسانة مليحة لكن ماعرفتيش كفاش وللاسف اتبعتي طريقة خاطئة لما ماواجهتيش نفسك

شيء يلزم تتعلميه انك توقفي حذا الخطأ وماتغلطيش باقتناع مش خوف من نفسك او غيرك هاذي هي الثقة والقوة​

 

[simou11]

السلام عليكم
اختي في مقدمتك قلت انك لا تحبين الحديث مع الناس و هذا في حد ذاته مشكل !!
فالانطواء يسبب العديد من المشاكل النفسية ,,

اختي على حسب فهمي فانت انزعجتي من الحرية المطلقة ..
و لكن اقول ,,
حتى لو غاب الرقيب !
فقيود الله فوق كل القيود
و كفى بربك مراقبا لك !!
فلا حرية مطلقة في الاسلام ...
و اقول لا تعاقبي نفسك
فانت لا تملكين سلطانا عليها !
بل اكتفي بالتوبة و عدم الرجوع الى الخطا

و في راي توقفك عن الدراسة غلطة كبيرة
حاولي تدارك ذلك باي طريقة ..

حبيبتي الا بذكر الله تطمئن القلوب
انصحك بالعودة لكتاب الله
فهو العلاج الامثل للامراض النفسية
و ستلاحظين تقدما باذنه تعالى

اما بشأن خطيبك
فاذا مازال المجال مفتوحا فعودي اليه !
و اذا غلق المجال فتوقفي عن التفكير بالشخص الذي في اللمة حبيبتي
فانت تعلمين انه ليس بحب !
و حتى و لو كان حبا فهو لن يؤدي الى نتيجة
لذلك اخرجيه من قائمة اهتماماتك تماما
فانت لا تعلمين حقيقته !
و تعلمين ان كل الناس تدعى المثالية في المنتديات ..
و تجنبيه قدر الامكان حتى يكون النسيان سهلا

روحي ..
اعلم اني اطلت الحديث كثيرا
لكن اوصيك بكتاب ربك ..
بتامل الاية { و لسوف يعطيك ربك فترضى }
بالتحدث مع الناس اكثر ..
و الكون اكثر مرحا و تفائلا ..

كوني جميلة ترين الوجود جميلا ! ​

 

[simou11]

حبيبتي ..
كيما نقولو بالدارجة لا تآمن لا تخون !
خاصة في مجتمع افتراضي ..
انتي قلتيلي ماعندكش ثقة في الناس

حاجة واضحة من اسمك لي مايدلش عليك
و شخصيتك لي مش حابة تبيناها

حياتو هنا مش كيما برا
تقدري تحكي لاي عبد احاسيسك
وش قادر يديرلك يعني ؟!
نورمال شوفي بنت ترتاحيلها و احكي معاها
فهماها ..
صاحباها
اضحكي معاها .. صدقيني كاين عباد ياسر هنا تقدري توثقي فيهم
و حتى في اسوء الحالات مايقدروش يضروك لانهم مايعرفوكش اصلا !!

عمري يقولو انو الناس المنعزلين عندهم قدرات هائلة
لذلك فجريها ... و خلي تولي قدوة للناس ! و تولي مفخرة للمنتدى كامل

على كل ..
وقت لي تحسي روحك حابة تحكي اني هنا نسمعلك ^^

سلامو

( خخخخ وش نموت على الهدرة !! ) ​

 

[سمسم السمسومة]

لأول مرة أعلم أنني قمت بالرد سيكون ردي قاسيا جدا -فعذرا منك غاليتي- فأنا لا أهوى جرح الأشخاص و لا أهوى لبس الأقنعة....تمنياتي لك بالتوفيق كل التوفيق في مشوارك الأخر و لكن أرجوك فلتعودي الى الواقع فما تعيشين نفسك فيه شيء لا يمكنك الاستمرار فيه للابد لأنك من ستتظرر لا غير و هل الحياة هي.........

 

[جزائرية توب]

​

" و راني رفضت خطيبي برك لاني متعلقة بشاب هنا في اللمة بلا مايكون هناك اي حب ولا هو مجرد اعجاب "
​

نصيحتي لكِ: عودي الى أرض الواقع !​

 

[*Sarah Dz*]

انت اختي راكي حابة تعيشي في حالة انطواء و كآبة
تقدري تخرجي منها ادا انت حبيتي دلك
لازم تعيشي حياتك و 25 عام مازلتي صغيرة و الحياة قدامك
و اكبر خطا انك ترفضي انسان جاك من واقعك اللي راكي تشوفيه
بسبب شخص لا تعرفينه في عالم الافتراض
اختي لا تدعي طيبتك و خوفك يعود عليك بالسلب و لا تعاقبي نفسك بطرق تزيد تغلق عليك اكثر

نتمنالك التوفيق في حياتك
​

 

[::أبرار::]

السلام عليكم
و لكن اقول ,,
حتى لو غاب الرقيب !
فقيود الله فوق كل القيود
و كفى بربك مراقبا لك !!
فلا حرية مطلقة في الاسلام ...
انصحك بالعودة لكتاب الله
فهو العلاج الامثل للامراض النفسية
و ستلاحظين تقدما باذنه تعال ​

و عليكم السلام و رحمة الله تعالى و بركاته

ما قالته الأخت سيمو كافي ختيتي... نوعا ما أحس بك... فربما تشعرين أنك داخل قفص مغلق أو دائرة مغلقة لا تستطيعين الخروج منها..... نصيحتي إبتعدي على عالم النت و لو قليلا و عيشي الواقع مع عائلتك و حباباتك و غيري الجو.... و صللي و أدعي ربي و حافظي على أوقاتك... و إن شاء الله ربي يفك عليك هاذ الغم.... و ترجعي لحياتك الطبيعية

و ربي يثبتك إن شاء الله و يوفقك إلى ما يحبه و يرضاه.... سلامي
​

 

[عاشقة الاسم المفقود]

وليت ليك اختي الكلام لي قالوه لبنات فوقي كافي ووافي مي حبيت نعلق على كلمة انو صديقك لي هنا اصلا يتكلم معاك بالحترام ويقولك اختي الكبرى اتسمى هنا علاقتك بيه عبارة على كذبة نورمال قولي الصح احيانا وماتتخبايش بالمثاليات كامل نغلطو وماتعاقبيش روحك على حاجات ماتستهلش لانك تكوني ظلمتي نفسك وربي مايحبش الظلم

 

[جزائرية توب]

"عن اي واقع تتكلمين ان اعيش في قوقعتي منذ تركت مقاعد الدراسة والنت هو ماعاد لي الحياة التي فقدتها وذالك الشاب اصلا لايعرف اني متعلقة به فكما قلت هو مثل غيره يعتبرني اخته الكبرى بجهل منه لحقيقتي ولكن وقوفه المستمر بجانبي دفعني لتفكير فيه ولست احبه"

اختاه .. اعذريني لنسخ كلماتك فانا لا اعرف من أنتِ .. انا اكلمك عن تجربة فلا أحد منا لم يمر بتلك اللحظات التي احس فيها بأن الانترنت اصبح صديقه الوحيد وانه عالمه الحقيقي .. ولكني كمجربة انصحك بالعودة سريعا الى الارض الواقع لانك ستعودين الى الواقع شئت أم أبيت .. وحرصا عليكِ ولو انني لا اعرفك لا أود ان تغرقي في هذا العالم كثيرا .. الواقع اكثر قساوة من عالم الانترنت لكنك ترضين به مهما كان

وأول خطوة لكِ حاولي ان تشغلي نفسك .. ان تركت مقاعد الدراسة فهذا لا يعني انتهاء حياتك وتقوقعك حول نفسك ومقابلتك شاشة وهمية الى حد العيش بين أحلام ترفعك الى اعلى ثم ترميك بقوة الى ارض الواقع .. هذه هي احلام الانترنت اختي لا تخرجين منها الا ما رحم ربي .. وانت قلتيها لم تعد لي حياة الانترنت شيئا لذلك اعيدي التفكير مليا

ان لم تستطيعي العودة الى مقاعد الدراسة فيمكنك تعلم اشياء جديدة .. حرف يدوية .. او دورات او اي نشاطات يمكنك القيام بها ضمن المعقول .. ابسط الاشياء ان تجربي كل يوم طبخة جديدة على سبيل المثال .. او تدريس الاطفال الصغار جيرانك .. الخ الآن لا تحضرني الاقتراحات كثيرا فهذا يعتمد على مدى توفر ما حولك من امكانيات وظروف عيشك .. الخ

لا تنخدعي بالاشخاص في الانترنت فكل هنا يحاول ابراز محاسنه فانت لم تعاشريه حق المعاشرة .. لا تدرين قد يكون عكس ما تتوقعين تماما وهذا امر وارد ووارد جدا جدا جدا .. احترامك له او مهما كانت مشاعرك يجب الى تخرج عن حدودها .. فتلك المشاعر ( ما توكلش العيش ) .. المشاعر لوحدها لا تكفي فعليك ان تحترمي واقعك كذلك والظروف المحيطة بكِ .. واحذري احذري من الافصاح عما تشعرين به فسوف تستغلين من خلاله وستندمين في يوم ما .. لا تفعلي اشياء تندمين عليها

ارجو ان تجد كلماتي صدى عندك فوالله انصحك لوجه الله ولا اريدك ان تتألمي ..
​

 

[sahiko hamza]

رد صاحبة المشكلة :

شكرا لكن حبيباتي على نصائحكم لي مي ساعات كي تغلق البيبان بيدك صعيب باش تحلهم من بعد وراني ان شاء الله نولي للواقع نتاعي ونخلي النت ترتاح مني شوي نسيت باه نقولك انا ماعنديش اصدقاء في الواقع كيما قلت في التقاييم مانثيقش في البنات الله غالب
​

 

[جزائرية توب]

ما تثيقش في البنات وما تثيقيش في الشباب اكثر واكثر وخصوصا ذئاب الانترنت ... واسألي الله الصحبة الصالحة في صلاتك وفي قيامك .. ستجدين ما لا تتوقعينه فانت تشبهينني في مرحلة ما ولكن الحمد لله .. من الله علي بصحبة صالحة ارجو ان يجمعني الله بهم دنيا وآخرة .. وأخيرا اتمنى لك التوفيق والسداد
تحياتي​