وشراكم ناس اللمة ان شاء الله تكونوا انتيك وبشبش
حبيت ليوم نخرج من روتين اعتمد هاد الموضوع وانقل هدا وكاشي هدا واقفل هدا
وقلت ندير موضوع مع انتوما سخفتوني هاد ليامات ربي يبارك
مراناش نلحقو عالخدمة في واش راك تهدر
المهم وبدون إطالة والمقدمات اللي ما تدي ما تجيب
حبيت نحكي على وحد الظاهرة واللي تتعلق بـــ:
ناس يهدرو ومعلابالهمش وش راهم يهدر ولا مش فاهمين وش يهدرو
معلابالهمش بالمعنى تع الهدرة اللي يهدرو فيها
علابالي صدعتكم بالهدرة
وعلى هادي رح نشرحلكم اكثر بأمثلة شفتها فالواقع بعيني وسمعتها بودني
كي كنت نقرا كاميرا ومونتاج كانت طاطا ليليا (الاستاذة اللي تعلمنا) مدهوشة من مستواي احم
احنا بدينا نقراو كاميرا 3 اشهر قبل ما نبداو نقراو مونتاج
فهديك الفترة نظمت مديرية الشباب والرياضة مهرجان السمعي البصري وقالك من كل دار شباب يشاركو 3
هنا طاطا ليليا ما لقاتش شكون اللي ترشح عيطت لواحد قديم قرا عندها لعام
لي فات وزاد تطوع واحد من النادي تعهم خخخخ
(وشمن نادي فيه الجماعة اللي يخدمو لعراس هههههه)
وصلت للتالت وحصلت
،، كي ما لقاتش فيمن تلصق لصقت فيا 
قاتلي انتي تميتريزي لانفورماتيك منخافش عليك نعلمك كيفاش تستعملي
لي لوجيسال تع المونتاج وديرينا حاجة لوكس
انا مع اللول تكاكيت
المهم خدمت روبورتاج على مدينة قسنطينة
(نويت نحطو فاللمة سع مالقيتش السيدي
) وشاركت بيه وعجبهم ... الخ
موراها طاطا ليليا ولات منبهرة بيا خخخخخ وتضل تمدح فيا قدام الزملاء
النهار اللي رح تبدانا فيه اول درس تع المونتاج قالتلهم:
احم احم قبل ما نمبداو الدرس اللول حبيت نقولكم بلي
زميلتكم آمنة كسرت الطابوهات
هي قصدها سبقتكم وفاتتكم بمراحل
تما تكات عليا صحبتي ايمان وقاتلي: الطابوهات مالا؟ هههههه
تبهديلة عالمباشر ،،
انا تلكمتت وخبيت روحي ،،، مع الشعب تاعنا يفهم النقص ،،خلي برك
ووليت هك:
كي خلاصت الحصة رحت ليها قتلها: يا طاطا ليليا حرام عليك لمرة لجاية
افهمي واش راكي تهدري قبل ما تحطينا في مواقف حرجة
ههههههههههههههههههههه
التانية
تحكيلي صحبتي قاتلي دخل واحد للبيرو اللي تخدم فيه قالها:
ختي هدا CBR
(سيبار زعم ... هي فهمت عليه هههههه)
قاتلو: نو علاه وش رح دير ؟
قالها : رح ندير فوطوكوبي على la piste
(هla puceههههههه)
قاتلي وليت نندب في حناكي بالمقلوب هههههههه
موراها جاها واحد: ختي هدا سيبيرات ؟:-o
قاتلو: علاه وش رح دير تاني: قالها رح ندير طلب خطي
هاهاهاهاهاهاهاها نوكل ربي برك
واللخرة لي صرات قدامي هادي وحدة كانت معانا نهار رحت انا ولبنات
نفوتو مقابلة عمل في وحد الشركة
هي فوتت مقابلة باش تخدم بائعة عن طريق الهاتف télé vendeuse
المهم خرجنا كامل مع بعض مالgري واحدة متعرف ختها خخخخخ:p
وبرا قالها باباها وش درتي فيها؟
قاتلو : اييييييييه كون غير مجيتش
قالولي لاكان تخدمي télé venduse باباها قعد يقولها: وشنو؟:s وهي تعاودلو في نفس الكلمة وبنفس الغلطة
يا ودي قريب نطقت ليها وقتلها: وش داك للي خاطيك .. اللي خاطيك يعييك ههههههه
والله ربي عالم بلي القصد من الموضوع مش نضحك فيه على الناس
(الله لا توصلنا )
بصح حبيت نعرف علاه كاين شي ناس ما يتحراوش مصدر الكلمة ومعناها قبل ما يهدروها؟
وعلاه يحطو رواحهم في مواقف وين يضحكو عليهم الناس وهوما في غنى عنها؟
وأسكو انتوما صادفوكم عينات كيما هاد الناس؟
احكيونا عليهم خخخخخ
آخر تعديل بواسطة المشرف:
