قبل ما تهدر أعرف واش راك تهدر

[شجـ الروح ـون]

منوووووشة ضحكتيني يعطيك الهنا
نروح نجيبلك حاجة ونرجع نديرلك رد باهي ههه
استنايني اني مانطولش​

 

[بنت الـ25]

عندك الحق يا اختي كاين بزاف من هاذا النوع
أهلا ننوشة :regards01:
و فكرتيني بواحد كي كنت الجامعة كان يجي يشوف حبيبته يعيطولو الميgري لما يوصلها قدام لاسيتي عنده جملة مشهورة يقولهالها es ce kou c b1 sour doumain a cinkour راني كتبتها كيما ينطقها باش تفهموها هههههههههههه

ورسك فرانسوا هولاند يبومباردينا ههههههههههههههههههههههه :d

و حضرتني دوكا حاجة أخرى مرة رحت نشري موبايل دخل واحد قاله خويا شحال يدير هاداك البرطابل لكحل ... قاله اللي يبيع وينه راهم presque الكل كحولة قاله لالا هاذاك اللg (يا ربي تقراوها مليح ههههه) قاله واشنو؟؟؟ وين راهو؟؟

مسكين احتار في هاد لاماغك اللي ماسمعهاش في حياته.... قاله هادا ....!!!! تعرفو واشن هي لاماغك؟؟؟؟؟ LG
و قعدنا كل ما نروح لعند هاداك السيد باش نشري نتفكروها و نضحكو
​

يا يما على اللج .. يعطيني وجهو نقابل بيه ونغني بيه في لابغاش هههههههههههه
والله شي ناس يكوديولك الراس
انت متعرفش تهدر؟ اسكت اسكتتتتتتتت
كان واحد يقرا معانا فالليسي سقسيتو انا والطفلة مرة: وش تغديت؟
قالنا: بطاطا مقلية بالعضام
قلنالو: آه فريت أوملات..:-r
قالنا: لالا بطاطا مقلية بالعضام
وتقول فينا بالضحك محبيناش نسكتو ههههههههههههههه
تبا
​

 

[بنت الـ25]

اللي مزالو ممبعد نردلكم منسيتكمش
​

 

[stella.m]

شفتي ؟ انا عندي صحبتي ما تتاكاكاش خلاص تلوحهالك فالوجه كيما جات تجي
واتنشعي ولا اخبطي راسك فالحيط
مي ساعات تقولي نولههم باش ميعاودوهاش قدام ناس اخرين وساعات تتبهدلي وتخافي تحرجيهم
كيما ديري ما تسلكيش
منورة موضوعي نعنوعة :regards01: ربي ما يحرمني منك

​

النور نورك غلاتو
نحشمهم انا خير ما يحشموا مع بزاف ناس يعني باش التبهديلة تاعهم تكون معايا انا برك
وعلى حكاية خويا حمزة وخويا عبدو:$
راني كبرت وولات تتلفلي راكي تعرفي حالة
المســنــين مع الخرف :d


​

 

[شجـ الروح ـون]

تم وبالتحالف مع الحكومة
اضافة الموضوع الى

http://4algeria.com/forum/threads/364565/

كما توج بختم الموضوع المميز:p
واذا ماأمنتيش اضربي طلة هههه
ههه منوشة وقيلة انت ماسمعتيش بالكاليكاتريس:-r
والكاسبوسطال:p هههه والـp اللي تولي b والـb اللي تولي p ياي كاااااااااااااااااارثة عظمى بببففف
تبانلي الا ماتلاقيتيش بيهم خلاص فاتك نص عمرك هههه​

 

[إيمان قلب]

جيت نسركل لقيت موضوع شباب بزاف
والله غي عندك الصح يصراو هاد النشايع بزااف حتى الواحد يصيب الارض تتحفر يدخل تحتها
من طبعي كلمة مانيش متأكدة منها نخاف نقولها نيزانفيتيها هههه قصدي نإيفيتيها قاع من قاموس الهدرة تاعي
وعلى سيرة النشايع واحد المرة فالبيس تلاقيت بصاحبتي قاتلي ماله تليفونك من الصباح نعيطلك نلقاه occobé " تحوسي عليها قاع فالقواميس ماتلقايهاش ",مالقري مانيش انا اللي قلتها دخلتني الحمى الباردة وهداك البيس يطرطق بالضحك
والزاوجة واحد المرة تاني قاتلي نورمال يديرولنا بيس سبيسيال " أبنتي واش اداك " زعما نورمالمو قلتلها اديري من رايي هاذ الكلمات قااع تبعدي عليهم
يعطيك الصحة مينات على الموضوع , وكيما قلتي مش المقصود منه نضحكو على بعضانا وانما الانسان قبل مايهدر يتأكد خير مايبقى قدام الناس يضحكو عليه
تفكرت حاجة اخرى واحد المرة في لاجونس نسمع في واحد يقوللهم obligigatoir ههههه طرطقت بالصح مي كي صديت لقيت روحي غي انا اللي نضحك حتى وسوست نحسب روحي اناا اللي غالطة
سلااام​

 

[عابر سبيل12]

:d
امممم كسرتي جميع الطابوهات ...هاه معليش
:d

راني غير نتمسخر برك هههه
والله موضوعك مليح واكثر من مليح
وهاد الظواهر المذكورين موجودين بكثرة في المجتمع

وهاذا راجع لعدة اسباب طبعا
بحكم عملي ..نختلط بجميع شرائح المجتمع
المثقف والفقير علميا الواعي والجاهل والبسيط والمتعالي والمتكبر وغيرهم
واغلب الناس للاسف ينطقون بمالايعلمون ولايحيطون به علما

اختي كاين اخطاء لغوية يوقع فيها العديد من الناس
كيف صاحبتك مسكينة هههههههه

وكاين اخطاء فهمية كيف خطا الاستاذة اللي قالت كلمة ممكن تكون صحيحة لاكن فهمها كان خطا
والادهى والامر انو كاين اخطاء فكرية

كاين ناس تفكر بطريقة غالطة وهاذا راجع لاننا غير نتبعو ونقلدو من غير مانفهمو
ولا نستوعبوا واش رانا نقولو والا نخممو لحظة في واش رايحين نقولو

الناس غير تقول تقول تقول ..والغالط اكثر من الصحيح
وعندك اكبر مثال ..اضربي دورة في المنتدى وراجعي المواضيع وافكار البعض ومطروحاتهم وشاهدي بام عينك
الاخطاء الفكرية الكارثية اللي راه يحكي عليها البعض وغايص فيها لركبيه وهو مش عارف

المشكل اننا نتفلسفو في امور ماتعنيناش والا تعنينا لاكن مانفهموهاش
ونحاولو دايما نسلكو الطريق الاصعب

يعني صديقتي لو انها فقط حالوت تعبر بالعربي لكان التعبير افضل
:d

حتى بالدارجة العامية وتقول نبيع بار تيليفون ...ارحم من انها تنتهك قوانين لغة اجنبية :d
​

 

[ملكًة الاحسآس]

وعليكم السلآآآم
آ يمى شكون دآرت موضوع ، منوشتي
ومش أي موضوع ، موضوع من لكبآآآر ويبرد القلب
يستآهل الختم عن جدآرة يآآو
هآآ شحآآل من مرة نحكيو فالسوجي هذآآ كمآ حكآية لبونموث :p
تصلح نونو تجي تبرد قلبهآ هنآ ، آو معمر خخخ
والله نآس تعيي صح ، وآحد مآيعرفش يهدر ديكـ الكلمة مآيهدرهآش خير
ولآ يعبر بطريقة اخرى ، سوغثو هدوكـ الي يهدرو زعمه بالفرونسي وهمآ لآ علآقة
كآنت تقرى معيآ وحده كنآ نحكيو مرة على الأعرآس قالتنآ نكره الاعرآس الي يجيو ميكسَث قصدهآ mixte
انآآ عديتهآ قلت بلكـ لسآنهآ تعوج شوي كي جآت تهدرهآ مآشديتهآلهآش ، mais آي كملت ونحب الي يكون
الديكس جوكينغ امرأة :-o تم بلوكيت ايييو مش لهديكـ الدرجة ، وصحبتي يعجبك الحآل تزيد توله فينآ بيآن :-r
تقولهآ صح حتى انا تعجبني كي تكون الديكس جوكينغ امرأة مش يديرونآ الديكس جوكينغ رجل في وسط النسآوين
وحد الضحك بقى يدغدغ فيآ ، بالسيف لقيت سبة نضت ورحت نضحكـ خآطيهآ :d
ووحده زعمه جآهآ عريس ، أول مرة هدرو بآغ تليفون قآلتنآ قآلي اسمعي رآني مآكتيvي في جيزي آو رآيح يخلصلي لآكتيvــآج ، وتآني لآنبوثريكـ آي طايحاتلي خلي لعشية نروح للدآر نسآرجيه ونحكو بيآن :-o
بقينآ دآهشين فالأول قلنآلهآ تكدبي رآكي تزيدي فيهآ ، وهي تحلف وتستحلف كآينة منهآ ، قآلتنآ وتسمعوه كفآه يهدر
وآثق من روحه ومن الكلمآت الي رآه يقول فيهم
اممم هدو أمثلة بسيطة ، مش متفكرة دركـ بويسك مش مركزة مركزة ى فالغذآآ ليتحرقلي :p
آآآه حقآآ نسيت تآني هدي وحده زعمه مخطوبة لوآحد يخدم في فرنسآ ، مآلآ بآش تكونفيرميلنآ بلي خطيبهآ آو في فرنسآ
جبدت الوغطآبل وتعيطلو ، وآقيلآ غلطت فالنميرو مآلgــري نميرو خطيبهآ نورمآلمون مأونرجيستري لآعلينآ
أهيه لقآت امرأة ردت عليهآ ايمآجين كفاه ردت خخخ ، قالتلهآ dsl j'ai tombé ايجي انتي وشدي روحكـ فالدقيقة هديكـ
بهدلت بروحهآآ مع المرأة وقدآمنآآ ، قآآل شو تهدر بالفرونسي يآآو الفرونسي تآعهآ وتآع مآروكو :p
هذآآ وآش تفكرت دركـ ، وبيآآن سير بلآ مآننسى الفريجيدآن الرآعي الرسمي لكآفيه بنآت اللمة بالتعآون مع مآروكو طبعآ
موضوع اكثر من هآآيــل منوشتي ، يعطيك الصحة
والآ كآش ماتفكرت آو نرجع نفيدك شويآآ :d
​

 

[بنت الـ25]

أهلا بيك مينات
بيك يعيشك سفيان
ضحكتينا هههههههههههههههههه
ربي يدومها هههههه
مرة كنت واقف عند خويا فالحانوت دخل واحد قالو خويا اعطيني شوي من هاذ الموسطاش ؟؟؟؟؟
وكان يقصد البيستاش هههههههههههههههههههه
انا خرجت لبرا ومت بالضحك هههههههههههههههههه وخويا خلاه بشعرو وقالو شحال نمدلك من الموسطاش هههههههههه
​

يااااااااااااا على الموسطاش ههههههههه
كيما واحد راح للريسطورون قالو ديرنا كاسطروط سيكلوp
ههههههههههههه
​

 

[بنت الـ25]

هههههههه موضوعك هايل فكرتنيني في وحدة كانت تقريني لعام لي فات ،،هادي وحدة عقلية ومداسرينها بزاف تقولي صاحبتنا،، وحنا عندنا وحد لكلمة يقولوها معناها التقرعيج ولكلمة هادي [التبرgــيــg] مالا كنا اون كلاس والفوضى وش نقولك.... قلقت قاتلنا هايا بزايدو من التبرgــيــg تاعكم ،،انا وصحبتي طرطقنا بالضحك عليها بويسك ماعرفتش وكت تستعملها هي قالتها على اساس بركاو من الحس،،جبناها غير بالضحك وهي تحزر معانا ،،مبعد شوي تازات لينا قاتلناـــ:::حقا الكلمة هديك تاع قبيلة راني قلتها هاكذاك ماعلاباليش وش معناها ههههههههه ثم زدت انا فسخت بالضحك ..الواحد لازم يراقب هدرتو كيما قلتي نتي ادا كشما تفكرت حكاية راني نجي نقولهالك ههههههه
طولت عليك بزاف قريب تقوليلي هزي قشك وبرا ههههههه ابقاي على الللللف خير
​

اهلا بالماجيك
يا ودي معليش انتوما تع بعضاكم كي تهدرو وتغلطو نورمال
مي تقدري تيماجيني واحد يحكي فيها قدام البرانية والمشكل واثق من روحو
فكرتني ميسو في وحد الحكاية
مرة كنت فالطاكسيفون رح نفليكسي :d
جى واحد قالو خويا كاين لفليكساج؟ السيد ضرب هديك التبسيمة وقالو: لفليكسي؟
قالو : لالا لفليكساج ... مصرّ إصرارا ههههه
انا بالسيف حاكمة روحي ومش نضحك عليه ضحكني السيد مول
الطاكسيفون وجهو ولا حمر مالضحك ههههه
​

 

[بنت الـ25]

هههههههههههههههههه
فكرتيني يا منات فواحد فالمونديال 2010
الماتش تاع الكوديفوار والبرازيل
أيا وانا نتفرج فالقهوة ماكانش كارطة جزيرة فالدار
وقعد ورايا واحد عساس تاع البلدية ألي قدام الدار
ويريكلامي ويشرك في فمو " اورجو اروجو ن وين وين ووو" يسب فلالبيتر وليجوار وو
من بعد نطق وقال مانعرف علاه مادخلش إيتو يلعب ههههههههههههههههههه
ياخي متنالو بالضحك فوجهو وخرجناه نورمال من القهوة يخلي بلاصة للناس ألي مالقاتش تقعد ههههههههههه
​

اهلا سفيان مرة اخرى
هههههههههه غريبة كرة القدم حوجي على إيتو ههههههه
وهدا لاه يسب فلاربيتر؟ ياخي البرازيل والكوتديفوار؟ هههه كارثة
فكرتني في وحد لبلاg
قالك في الوقت اللي نضمو لاكوب دافريك في مصر دخلو زوج بنات للصطاد يسيبورتيو
ايا بداو يعيطو: ميدو ، ميدو ،، ميدو
ممبعد ميدو خرجو شحاتة
اللولة قالت لصحبتها: هيا نروحو او خرج ميدو معدنا وش نقعدو نديرو درك
قاتلها التانية: اصبري بالاك يزيد يدخلو
(بالمصرية بيان سيغ)
هههههههههههههههههه
​

 

[بنت الـ25]

منوووووشة ضحكتيني يعطيك الهنا
نروح نجيبلك حاجة ونرجع نديرلك رد باهي ههه
استنايني اني مانطولش​

اهلين سامو
استنيتك حتى بردت القهوة ايا قفلت الباب وطفيت الضو
هههههههههههههههههههههه
​

النور نورك غلاتو
نحشمهم انا خير ما يحشموا مع بزاف ناس يعني باش التبهديلة تاعهم تكون معايا انا برك
وعلى حكاية خويا حمزة وخويا عبدو:$
راني كبرت وولات تتلفلي راكي تعرفي حالة
المســنــين مع الخرف :d


​

اهلين مرة اخرى نعناعة
ربي يخليكي يا الغالية
كبرتي وعواج ظهرك هههههههههههه
:regards01:
​

تم وبالتحالف مع الحكومة
اضافة الموضوع الى

http://4algeria.com/forum/threads/364565/

كما توج بختم الموضوع المميز:p
واذا ماأمنتيش اضربي طلة هههه
ههه منوشة وقيلة انت ماسمعتيش بالكاليكاتريس:-r
والكاسبوسطال:p هههه والـp اللي تولي b والـb اللي تولي p ياي كاااااااااااااااااارثة عظمى بببففف
تبانلي الا ماتلاقيتيش بيهم خلاص فاتك نص عمرك هههه​

امالا عندك لكتاف هنا يا محاينك ههههه
اني شفت الكاشي :$ مي خويا موح البرصا ربي يذكرو بالخير حطو ماللوط
ههههههه معليش المهم الجاست :up:
ربي يخليكي ليا الزينة
قلتيلي : الكاليكاتريس؟ والكاصبوصطال
شوفي تلاقيت بالدوزيام سما فات ربع عمري برك ههههههه
مالا مسنعتيش بالـfotocobi والـbrmi بغض النظر عن الكارطانتيتي
تقول نتيريلهم شابو برك :regards01: هههههههههه
​

 

[بنت الـ25]

جيت نسركل لقيت موضوع شباب بزاف
وانا نقول وش هاد السيركيلاصيون :s هههههه

والله غي عندك الصح يصراو هاد النشايع بزااف حتى الواحد يصيب الارض تتحفر يدخل تحتها
من طبعي كلمة مانيش متأكدة منها نخاف نقولها نيزانفيتيها هههه قصدي نإيفيتيها قاع من قاموس الهدرة تاعي
وعلى سيرة النشايع واحد المرة فالبيس تلاقيت بصاحبتي قاتلي ماله تليفونك من الصباح نعيطلك نلقاه occobé " تحوسي عليها قاع فالقواميس ماتلقايهاش ",مالقري مانيش انا اللي قلتها دخلتني الحمى الباردة وهداك البيس يطرطق بالضحك
والزاوجة واحد المرة تاني قاتلي نورمال يديرولنا بيس سبيسيال " أبنتي واش اداك " زعما نورمالمو قلتلها اديري من رايي هاذ الكلمات قااع تبعدي عليهم
يعطيك الصحة مينات على الموضوع , وكيما قلتي مش المقصود منه نضحكو على بعضانا وانما الانسان قبل مايهدر يتأكد خير مايبقى قدام الناس يضحكو عليه
تفكرت حاجة اخرى واحد المرة في لاجونس نسمع في واحد يقوللهم obligigatoir ههههه طرطقت بالصح مي كي صديت لقيت روحي غي انا اللي نضحك حتى وسوست نحسب روحي اناا اللي غالطة
سلااام​

وي ايمان تصادفيهم بزاف هادو والسبب ممكن يكونو يحبو يعاندو كي يشوفو صحاباتهم يتفرنصو :$
بصح مش عيب انك معربزة :d (تحكي عربي)
بالعكس العيب انك تحاولي تحكي بلغة متفهميهاش
احنا مراناش ديكصيوناغ في les langues مي لازم كل واحد يحكي بالشي لي يعرفو
وش داك اللي خاطيك؟
مرسي امون عطيتينا امثلة انا شخصيا فاتو عليا :d
​

 

[وصال]

صحيتي ميناتو على الموضوع المميز والله رجعتيلي الضربة كنت راح ندير موضوع يحكي على نفس الشئ بصح معليهش من عندك شباب خير .

صح كاين ناس تحب تبين روحها بصح متخرجش عليها يعني تتبهدل و سامبلومو .
كاين واحدة جارت اختي تقول المراد راه هابط تقصد المورال هههههه
كاين لي يقولك رحت عند الديGليساج ، الديGريساج .
كاينة واحدة والله تقتلني من الضحك هي الله غالب مسكينة مقراتش بصح متعرفيش اهدري بالعربية ، تقولك صوندري ، قصدها صونغي ، تقول ديودوغي ، قصدها ديودوغون.
صحيتي مينات .

 

[Sabrina Cne]

السلام عليكم ناس اللمة انشاء الله تكونو بيان
في اللول نتمنى ترحبو بيا راني ضيفة جديدة عندكم :$
وثاني أنا هي المعنية بالحكاية لي قالتهلكم حبوبتي مينة تاع CBR
والله أنا صراحة حبسلي مخي وما لقيت ما نهدر وكيما قالتلكم
وليت نندب في حناكي بالمقلوب
أما كي حكاتلي على Télé venduse
قوتلها نحط راسي في الراية وراكي شاهدة عليا هههههههههههه
المهم أنا وحدة من نفسي كرهت المعاملة مع الشعب وعيينا تاع الصح
​

 

[عطر الندى]

يعطيك الصحة أختي موضوعك هـايـل
أنا عجبتني سورثو طاطاك ليليا مالغري بهدلت بيا (اسمها كيما اسمي هههه )
ليسونسيال واش كتر ربي العباد اللي هكذا سورثو الكلمات الفرنسية
يا بن عمي ماشي متأكد من حاجة متهدرهاش اهدر الكلام اللي قدك
والله ثالمون صراولي بزاف نسيت عليهم
مي اللي طيحت فيــهم بزااآف العام هاذا لي بروف تاعي
زعما هوما مفرنسين بزآااف كي يروحو يشرحولنا هدرة بالعربية يخليوها أون ديري ماشي دي بروف
كيما واحد البروف باش يقولنا الشوارع قالنا الشواعر و يزيد يهدر فيها بكل ثقة ههه
و واحد خلاها قاعد يشرحلنا زعما بالعربية قالنا السفينة تاع سيدنا موسى بدل نوح عليه السلام و يكمل فالحكاية منو صح
و خللي و خللي هاذوك تاع البنات منحكيـش خير
يااو واش رايحة نقول ربي يهدينا
و كيما قلتي نتيا اللي خاطـــــــــــــيك يـاآو يعـــــييك
سلاآآم

​

 

[بنت الـ25]

:d
امممم كسرتي جميع الطابوهات ...هاه معليش
:d
أهلا خويا حسام يعطيك النو ههههههه

راني غير نتمسخر برك هههه
والله موضوعك مليح واكثر من مليح
شكراا هذا من ذوقك :regards01:

وهاد الظواهر المذكورين موجودين بكثرة في المجتمع

وهاذا راجع لعدة اسباب طبعا
بحكم عملي ..نختلط بجميع شرائح المجتمع
المثقف والفقير علميا الواعي والجاهل والبسيط والمتعالي والمتكبر وغيرهم
واغلب الناس للاسف ينطقون بمالايعلمون ولايحيطون به علما

ايه صح كاينة وغالبا ما يصادف هاد الظواهر الشخص اللي يتعامل بزاف مع البيبليك

اختي كاين اخطاء لغوية يوقع فيها العديد من الناس
كيف صاحبتك مسكينة هههههههه

وكاين اخطاء فهمية كيف خطا الاستاذة اللي قالت كلمة ممكن تكون صحيحة لاكن فهمها كان خطا
والادهى والامر انو كاين اخطاء فكرية

كاين ناس تفكر بطريقة غالطة وهاذا راجع لاننا غير نتبعو ونقلدو من غير مانفهمو
ولا نستوعبوا واش رانا نقولو والا نخممو لحظة في واش رايحين نقولو

الناس غير تقول تقول تقول ..والغالط اكثر من الصحيح
وعندك اكبر مثال ..اضربي دورة في المنتدى وراجعي المواضيع وافكار البعض ومطروحاتهم وشاهدي بام عينك
الاخطاء الفكرية الكارثية اللي راه يحكي عليها البعض وغايص فيها لركبيه وهو مش عارف

المشكل اننا نتفلسفو في امور ماتعنيناش والا تعنينا لاكن مانفهموهاش
ونحاولو دايما نسلكو الطريق الاصعب

يعني صديقتي لو انها فقط حالوت تعبر بالعربي لكان التعبير افضل
:d

حتى بالدارجة العامية وتقول نبيع بار تيليفون ...ارحم من انها تنتهك قوانين لغة اجنبية :d
​

معندي وش نزيد نقول على كلامك
بصراحة وبدون مجاملة احطت بالموضوع من كل جانب ودرت تحليلات منطقية :up:
خاصة اللي أشرتلك عليها بالأحمر
الأخطاء الإملائية والمطبعية ولات حاجة روتينية ووالفناها فاللمة
مي انو يحكي معاك عبد ويغلط ويصر إصرارا بلي راهو صحيح هنا انا نقولهم
حطوني فالتاربولة تع angry birds وتيريوني
هههههههههههههه
منور موضوعي اخي حسام :regards01:
​

 

[بنت الـ25]

وعليكم السلآآآم
آ يمى شكون دآرت موضوع ، منوشتي
ومش أي موضوع ، موضوع من لكبآآآر ويبرد القلب
يستآهل الختم عن جدآرة يآآو
اهلا وسهلا ومرحبا بألبوشتي ميسو :up:

هآآ شحآآل من مرة نحكيو فالسوجي هذآآ كمآ حكآية لبونموث :p
تصلح نونو تجي تبرد قلبهآ هنآ ، آو معمر خخخ
هههه فكرتيني دنا كنت ناسية اخص ههههههه

والله نآس تعيي صح ، وآحد مآيعرفش يهدر ديكـ الكلمة مآيهدرهآش خير
ولآ يعبر بطريقة اخرى ، سوغثو هدوكـ الي يهدرو زعمه بالفرونسي وهمآ لآ علآقة
وهادي لي كوداتني :s

كآنت تقرى معيآ وحده كنآ نحكيو مرة على الأعرآس قالتنآ نكره الاعرآس الي يجيو ميكسَث قصدهآ mixte
ههههههههههههههه شومي عالبخص
انآآ عديتهآ قلت بلكـ لسآنهآ تعوج شوي كي جآت تهدرهآ مآشديتهآلهآش ، mais آي كملت ونحب الي يكون
الديكس جوكينغ امرأة :-o تم بلوكيت ايييو مش لهديكـ الدرجة ، وصحبتي يعجبك الحآل تزيد توله فينآ بيآن :-r
تقولهآ صح حتى انا تعجبني كي تكون الديكس جوكينغ امرأة مش يديرونآ الديكس جوكينغ رجل في وسط النسآوين
وحد الضحك بقى يدغدغ فيآ ، بالسيف لقيت سبة نضت ورحت نضحكـ خآطيهآ :d
هادي سير جابت الكلمة من مصدر موثوق سينو متعاودهاش زوج مرات
هههههههههه :p
ووحده زعمه جآهآ عريس ، أول مرة هدرو بآغ تليفون قآلتنآ قآلي اسمعي رآني مآكتيvي في جيزي آو رآيح يخلصلي لآكتيvــآج ، وتآني لآنبوثريكـ آي طايحاتلي خلي لعشية نروح للدآر نسآرجيه ونحكو بيآن :-o
بقينآ دآهشين فالأول قلنآلهآ تكدبي رآكي تزيدي فيهآ ، وهي تحلف وتستحلف كآينة منهآ ، قآلتنآ وتسمعوه كفآه يهدر
وآثق من روحه ومن الكلمآت الي رآه يقول فيهم
كيما حكاية الفليكساج هههههههه
والله ماينة ونسرجي هادي وحدها :d

اممم هدو أمثلة بسيطة ، مش متفكرة دركـ بويسك مش مركزة مركزة ى فالغذآآ ليتحرقلي :p
فحلة ميسو نعرفك شاف :regards01:
آآآه حقآآ نسيت تآني هدي وحده زعمه مخطوبة لوآحد يخدم في فرنسآ ، مآلآ بآش تكونفيرميلنآ بلي خطيبهآ آو في فرنسآ
جبدت الوغطآبل وتعيطلو ، وآقيلآ غلطت فالنميرو مآلgــري نميرو خطيبهآ نورمآلمون مأونرجيستري لآعلينآ
أهيه لقآت امرأة ردت عليهآ ايمآجين كفاه ردت خخخ ، قالتلهآ dsl j'ai tombé ايجي انتي وشدي روحكـ فالدقيقة هديكـ
بهدلت بروحهآآ مع المرأة وقدآمنآآ ، قآآل شو تهدر بالفرونسي يآآو الفرونسي تآعهآ وتآع مآروكو :p
هاهاهاهاهاهاهاهاها نندب حناكي بالقرداش نيوليو خليع
هذآآ وآش تفكرت دركـ ، وبيآآن سير بلآ مآننسى الفريجيدآن الرآعي الرسمي لكآفيه بنآت اللمة بالتعآون مع مآروكو طبعآ
موضوع اكثر من هآآيــل منوشتي ، يعطيك الصحة
والآ كآش ماتفكرت آو نرجع نفيدك شويآآ :d
​

ههههههه ضحكتيني ميسو :d والله شعب يحير
اما حكاية الفريجيدان تقعد هي لمخيرة :up: ههههههه
حييلي ماروكو مالكبااااااااااااااااار :regards01:
نستنى رجوعك حبوبة
​

 

[عابر سبيل12]

حطوني فالتاربولة تع angry birds وتيريوني

angry birds:d:d
هههههههههههه
هاذا انت زميلة في المهنة وانا ماعلى باليش ؟؟

:d

في بالي غير انا ليجايبها مع angry birds
ليل نهار
​

 

[بنت الـ25]

صحيتي ميناتو على الموضوع المميز والله رجعتيلي الضربة كنت راح ندير موضوع يحكي على نفس الشئ بصح معليهش من عندك شباب خير .

اهلا وصال
منطيرلهاكش متخافيش وديجا وحدة بوحدة خخخخخخ
​

صح كاين ناس تحب تبين روحها بصح متخرجش عليها يعني تتبهدل و سامبلومو .
كاين واحدة جارت اختي تقول المراد راه هابط تقصد المورال هههههه

عالم دار؟ :-r هههههههههههه :p
​

كاين لي يقولك رحت عند الديGليساج ، الديGريساج .

معليش هادي متبانش بزاف هههههههههههه

​

كاينة واحدة والله تقتلني من الضحك هي الله غالب مسكينة مقراتش بصح متعرفيش اهدري بالعربية ، تقولك صوندري ، قصدها صونغي ، تقول ديودوغي ، قصدها ديودوغون.
صحيتي مينات .

ههههههههههه شفتي
مي هادي مسكينة معذورة مقراتش وزيد هاد المصطلحات مكانش بالعربية
كيا الديودوغي شكون في بلادنا اللي يقول مزيل العرق هههه حتى واحد
صونغي؟ رح تقولك الرنة؟ مشتحيل ايمالا الرحمة فالصوندري
ههههههههههههه
نورتي الموضوع وصال :regards01:
​