ماذا ستطبخين سيدتي ...انستي جزء'''31''''

[imane27]

الله الله يابنت قسنطينة شهتينا فالشخشوخة بصحتكم

 

[كوثر الوهرانية]

lمساء الخيرات
نانوسيتا خبز هاااااااايل و لبيري نتاع جيهان سخفتني بصحتكم و هداك الجاري باين نتاع بنت بلاد فحلة
شهرورة الزينة بورررررررررررررراك رائع سيلي ريقي بصحتكم اختي
بحبوحة و الكلام المعسل بصحتك الجلبانة و السفة مرسي حبيبتي على كلامك الزين كيفك
رقية اهلا بيك اختي مشاء الله على هديك الشخشوخة امم راهي تغير
ام شيماء الله يجعلها صدقة مقبولة و بصحتكم شا طيبتي و اللوبيا نتاع اليوم راه هدا وقتها
لويزة واش نويتي على الغداء اليوم
سموا طلي علينا يا اختي
سماح سمورة وين راكم غاب حسكم
بيسوا وين غبتي
زوزو كاش محاجب اليوم ولا قلييان
العشاء درت ضولم نتاع الكرمال (حوت)بالجلبانة

 

[M3TaZ eLLMa]

السلام عليكم يأهل اللمة وخاصة نسائنا الفاظلات والطيبات التي أتمنى لكم التوفيق يارب

بنت الجسور المعلقة, ‏ام ريهام, ‏عفاف الجزائرية, ‏ibtesem, ‏ام شيماء, ‏hadda0425, ‏nono_02, ‏NaNouS, ‏ام تقى الدىن, ‏Djazaire-El-Ghalia, ‏hasna23, ‏faloussa, ‏رلندا, ‏fatima der, ‏زينة سلمة

تحية طيبة أزفها إليكم جميعا يا طيبين


اليوم تعشيت : عيـــــــــــــــــــــــش

وربي يقبل عليكم ياغاليين​

 

[كوثر الوهرانية]

بصحتك البركوكس اخي معتز الله يدومها نعمة
هاني جبتلكم اللي متعشتش تمد يدها دولمة بالجلبان جات اممممممممممممممممم الطبسي لحسناه

[/url][/IMG]

 

[ميس مرام]

بصحتكم أم كوثر، أطباقك رائعة، ياريت تصغري الصور فقط، ماراهمش يطلعو للأسف

 

[عفاف الجزائرية]

واش عشيتو يا لبنيااات
هاهم شوي تصيورات نسجل فيهم لابسونس نتاعي لايامات جاية باسكو صوراتي رح يدوهالي سمانة ولا 10 ايام وتجي رح تحوس وتصورلي شوي بلايص عند بيت عمي الخليج وتجي
المهم هاهم شوي صلاطة وشوي رولي بالدرسة حار وحامض وشوي كفتة بالروز ولاصوص طوماط وهريسة وفلفل حميص وربي ورحمتوهيا تبقاو بخير
زيزو مش حتنازل عنك ابدا مهما يكووووون

كتبت على زيزو ونسيت لبنيات الاخريات والله يا جماعة الخير حبكم في قلبي كرابع كرابع من ربي نحبكم كامل من الشرق للغرب ومن الشمال للجنوب وادوها حتان من وراء البحر اللي معانا واللي دايرين الحايك يتفرجو فينا من بعيد هاو راني نجوتاميكم ياهااااااااااو
:p:p
​

 

[كوثر الوهرانية]

ميس مرام الصور راني نصغرهم اصغر حجم عندي راني نديرهة 12,5 . منعرف وينه المشكل من اللي درت وينداوز 7 ولاو يطلعوا كبار
اصبري عليهم شويا تصاغر في صفحتك
اخي معتز مرحبا بيك في كوزينك خويا اكبر شيفان العالم رجال و مدابيك تصورلنا واش راكي تطيب باش كاش ما ندوا افكار من عندك

 

[زائــــــــرة حلوة]

زوزو كاش محاجب اليوم ولا قلييان
هاني جبتلم اللي متعشتش تمد يدها دولة بالجلبان جات اممممممممممممممممم الطبسي لحسناه

كوصر الغالية لا هذي ولاهذي طيبت برابش امممممممممممم ....غدوة بربي عاند ولا تحسد
ههههههههه حرااام عليك تعرضي فينا والطبسي لحستوه:p
جاك هاااااايل طاجين الجلبانة و من لونو يهبلللللل ربي يبارك............ مأكول الهناء غاليتي :up:
==
ليكيب اللي من تحت كااااااااااامل صح عشاواتكم وسهرة ممتعة
​

 

[ميس مرام]

ماشاء الله أختي عفاف، طيابك مميز، اذا ممكن طريقة الرولي شهاني:$

 

[كوثر الوهرانية]

يااااااااااااااااااااااااااااي يا عفاف طيابك كي نشوفة نبغي نطير على ليكروا
الله يعطيك الصحة يا الفحلة

 

[كوثر الوهرانية]

زوز راه كاين خير ربي غير اروحي ختك تطيب مرميطة كبيرة منعرفش نطيب غير شوية
كي عرضتكم راني عافة روحي نقومكم اها بيك اختي في داري

 

[زائــــــــرة حلوة]

زيزو مش حتنازل عنك ابدا مهما يكووووون
​

ربي لا يحرمني منك قطيطتي:$:$
وانا ماعنديش منك 10 عندي غير نتيا :love01:\\ ألحان وشباب اللمة هههههههههه
وعلى حساب التصويرااات هذوك راني لمدت كابتي وحاكمة الطريق ....نذوق ونتمتع هههه صورة وصوت اممممممممممم
ربي يحفظلك هذوك اليدين اللويز عفوفتي
==
كوصر الغالية ربي يجبر بخاطرك يا مولات الكرم:regards01:
​

 

[M3TaZ eLLMa]

والله أخت الطيبة نحب صفحتكم ودائما أتعلم منكم فنون الطبخ وهذا ليس عيب وجهزت موضوع لكي انزله هنا نات ضعيف شوي تحميلها صعيب لكن الاخت ميس مرام الله يحفظها طيحتلي مورال ونضن عندهها الحق هي راهي دافع على صفحتها وأنا وأعوذ بالله من كلمة أنا دخيل من الجنس رجالي ..

ما عليش ضرك نزلها في المنتدى وإن شاء الله يعجبك طبخي أخت الطيبة وحبيت نقول كلمة لأخت ميس مرام الله غالب عليا ما عنديش أم لي طيبلي يا طيبة محتم عليا نطيب وحدي ونعمل كلش وحدي ولكل إنسان ظروفوا

ربي يفرحك أخت كوثر وإن شاء الله يعجبك طبخي ..

أخت الطيبة ميس مرام المقصود من كلمتي المساوة بين الرجل والمرأة في اللمة ليس كما فهمتيه يا طيبة بل له معنى أخر وراني منزعفش نهائيا بل عطيتك الحق الصفحة صفحتكم وعندكم الحق ونتمنالك كل خير من عند خوك لكبير

ربي يوفقكم​

 

[كوثر الوهرانية]

يا اخي معتز ان شاء الله متكونش زعفت و الكوزينة راهي كوزينتك مرحبا بيك اخي معنا في كل وقت و ان شاء الله تتعلم منا و نتعلوا منك
انا بالنسبة ليا معنديش مشكل في انك تشاركنا في هدا اركن و نضن انه المنتدى راه منتدى الجميع
في انتضار موضوعك عن الطبخ
ربي يرحم ميمتك و تكون من اهل الجنة
رانا خوتاتك في الله

 

[عفاف الجزائرية]

والله أخت الطيبة نحب صفحتكم ودائما أتعلم منكم فنون الطبخ وهذا ليس عيب وجهزت موضوع لكي انزله هنا نات ضعيف شوي تحميلها صعيب لكن الاخت ميس مرام الله يحفظها طيحتلي مورال ونضن عندهها الحق هي راهي دافع على صفحتها وأنا وأعوذ بالله من كلمة أنا دخيل من الجنس رجالي ..

ما عليش ضرك نزلها في المنتدى وإن شاء الله يعجبك طبخي أخت الطيبة وحبيت نقول كلمة لأخت ميس مرام الله غالب عليا ما عنديش أم لي طيبلي يا طيبة محتم عليا نطيب وحدي ونعمل كلش وحدي ولكل إنسان ظروفوا

ربي يفرحك أخت كوثر وإن شاء الله يعجبك طبخي ..

أخت الطيبة ميس مرام المقصود من كلمتي المساوة بين الرجل والمرأة في اللمة ليس كما فهمتيه يا طيبة بل له معنى أخر وراني منزعفش نهائيا بل عطيتك الحق الصفحة صفحتكم وعندكم الحق ونتمنالك كل خير من عند خوك لكبير

ربي يوفقكم​

اخ معتز اللمة الطبخ والمطبخ لا يشتمل علىا لمراة وفقط
لانه اكبر طباخين العالم هم رجال
لنا الشرف انه نشوفو اخ معانا يشجعنا ويحمسنا ويعطينا دافع اننا نتشاورو ونشوفو واش طيبنا مع بعض
على هذا مرحبا بيك في اي وقت وهنا كامل اخوة واخوات
منتدى المطبخ ليس محجوب ولا يختص بالعنصر النسوي فقط مثل عالم المراة بل هو مفتوح لكل جنس
موفق اخي ونحن بإنتظار موضوعك
حفظك الله وحفط لك الوالدة
​

 

[زائــــــــرة حلوة]

حباباتي عفوفتي وكوصر راني معاكم في الخط ..........رانا كامل نتعلمو من بعضانا
ويخي حنا النساء ديما نطالبو بالمساواة جات غير في المطبخ........
لازم نزهيكم شوية هههههههه إلبسو خماراتكم وخلاص \\ راني نقصر برك هههه
​

 

[ibtesem]

هدا منتدى مختلط ليس نسائي

​

 

[أم انس عبد الله]

السلام عليكم ورحمة الله وبركاته
ان شاء الله تكونو بخير وعافية
راني عدت معاكم من جديد وان شاء الله نشارك معاكم ببعض الاطباق

 

[كوثر الوهرانية]

مع كامل احترماتي لكي اختي
هدا المنتدى مختلط و ملك للجميع
يعني اي من كان عضو في اللمة له الحق ان يشارك في اي موضوع مكتوب فيه
من قال ان ركن مادا ستطبخين اليوم هو ركن للمرة فقط لا يا اختي اعاكسكي الراي
الرجل هو ايضا طباخا ماهرا و يشرفني ان اتشارك معه الوصفات و الافكار
انا ابي طبخا و طبخه لا يعلى عليه
جات في خونا معتز و حبسوا الطباخين
راعي شعوره يا اختي

 

[كوثر الوهرانية]

اهلاااااااااااااااااا باخنا السلفية واش راكي اختي كنتي ديما في بالي واش اخبارك كاش ما تعلمتي طياب عاصمي
واش راه المزيود نتاعك وليد ولا بنية