ماذا ستطبخين سيدتي ...انستي جزء'''31''''

[oumsif]

مساكم بالخير لبنات وصح غداكم
حدودة بصحتك الشنوي والعربي (قصدي البركوكس)
بسومة ام شخشوخة واعليها لكلام بصحتك
زائرة بصحتك الروطي ادلع ياكيدهم
شهرورة تسلم ايدك اطباقك يشهوا
لويزتي بصحتك الشربة والسلاطة مزلتي في حملة البوخفيف
روعتي امممممممم كلشي هايل يعطيك الصحة
نور الرحمان بصحتك لغرتانانتاع البيدنجال باين بنين
فيفي انا ندي الصحن انتاع لزورسان اممممم يسخفوا راني ناكل ونلدي بصحتي
فريدة ربي يشفيك وخيتي
حدودة راني دخلت بيديا معمرين خافت نترفض في الدخلة ونولي نجيب في ولي امري ههههههه
البارح درت بمفور

واليوم درت غداء خفيف

 

[زائــــــــرة حلوة]

زيزو وقيلا داند راه 100 دج عندكم درتو بيه حالا هوا ولفراز

ههههههههه لا لا جارتي يمدّوا فيه بلاش:d كان حبيتي نصدّرلك شوية:p
==
الله يسلمك أختي سمورة ....بصحتك الخفوفي والبومفور اممممممممم هذاك غراامي:$
مطرح مايسري يمري غاليتي
==
صح قهيوتكم ياحراير
​

 

[حاملـة المسك]

بون سواغ على الجميع
حساب الشوفة أم ندى غايبة

دنك

قررت

نغازل أطباقكم في بلاصتها :yahoo01:

ربي يقدرني راني منيش قد غزلها

يا عمري على صبيعيات روعة وحدة تسكت لخرى و لا السوب البيضا امممم كون زدتيلها فليفلة تتفردي بحصرية الطبق :d:p
ايمان وين كنت... أطباق تاع معازيم
و لا كروكات البطاطا ديال شهرورة يحمرو الوجه
:-o هيه يا حدة 2 طباسا للغسيل ...اللهم لا حسد ..بصحتكم العيش
شخشوخة و عليها الكلام بتيسو بالصحة و الهنا
سمورة بومفور مزركط على الكيف

هاه يا حلوة غزلي معدووول و لا نخلوه حلوووو فقط

سلامي للجميع بلا استثناء​

 

[حاملـة المسك]

على قول أم إسحاق الله يذكرها بالخير
نسيت بلي النت ديالي راهو في العالم الثالث

الاعجابات راهي تلحقكم دب النملة دب الفار ​

 

[روعة2005]

الله يباارك 10/10
حدة ماكلة الشناوة مكان مكان خخخخخخ خاصة من حكالي راجلي عليهم ربي يحفضنا اما عيشك صح نبصم ب10 باين يشهي مع قرن فلفل حاار تسلم دياتك
شهرا السوب مممممم مع اللمسة ذيك والكروكات بالفرماج السااايح ولااحلى
لويزة ممممم الشريبة مع السلاطة المنعنشة مممم صحة وهنا
سمورة البومفور هااايل والغداء مخلااش يشهي بصحتكم
رغوودة اهلا والله مالا خصني الفلفل ههههههههههههه
عفوفة وينك اليوم ان شاء الله بخير

 

[زائــــــــرة حلوة]

بون سواغ على الجميع
حساب الشوفة أم ندى غايبة

دنك

قررت

نغازل أطباقكم في بلاصتها :yahoo01:

ربي يقدرني راني منيش قد غزلها

هاه يا حلوة غزلي معدووول و لا نخلوه حلوووو فقط

​

هههههههه في زوج:$:$ \\ مااااااينة ههههه:d
شكون اللي علّم أم ندوش رغودة
أهئ أهئ واقيلة ديت التقاعد قدامك يا معلم:surrender01:
بصحتك واش تغديتي رغودتي........ ماتحرميناش من طلتك يا بهيةهههه:p
​

 

[shahrazad]

حدة راهي الكوزينة شنوية اليوم يعطيك الصحة حلبتينا شوية ههههه بصحتكم
سمورة حاطت ماكلتها ياسلام هههه كلشي هايل حبيبتي بصحتكم
رغوود راكي :up:فالغزل كملي
عفوفة اليوم مابانتش غير الخير
سهام توحشنا حسك
صح قهيوتكم
​

 

[روعة2005]

ميس مرام ضرك نكوبيلك الوصفة
بسومتي شخشوخة ممممممممم هااايلة هااايلة هااايلة تستاهل قعدة وتشميرة ع الذرعين بصحتك حبيبتي والله نستعرف بيك فحلة

 

[روعة2005]

تفضلي ميس مرام للامانة نقلتها بقلم صاحبتها
اليوم جبتلكم طريقتي في اعداد الدويدة البيضاء ...
ذوقها منقولكمش اممممممم ولا اروع
نبداو باسم الله
انا استعملت نصف صدر دجاج...وزدت قسمتو على زوج ,جهة لعضم درت بيها مرق ابيض :
في مرميطة درت ملعقة زيت,2 ملاعق زبدة,قطعة الدجاج الي جهة العضم,ملح,فلفل لسود,نعناع يابس ومرحي
ونخليوها تتقلى على نار هادية ,,نخليوها تتقلى مليح مليح
بعد ما يتقلى الدجاج نضيفو بصل مرحي { كمية صغيرة} وسنات ثوم { كمية لباس بيها} ونخليوهم يتقلاو مليح مليح


بعدها نمرقوها ونخلوها طيب

من جهة اخرى
نرحيو الدجاج الي بقا ونضيفولو ثوم مرحي,معدنوس مقطع,شوي نعناع يابس مرحي,ملح,فلفل لسود,حبة بطاطا صغيرة نية و مرابية
نخلط المزيج مع بعض ,,نشكل كرات ,,نرمدهم في الفرينة ,,ثم نقليهم في شوي زيت








بعد ما تخثار المرقة شوي نلوحو كريات الدجاج ونخليو المرق حتى يخثار
بعدها نضيفو الفارميسال
نقدموها بالمعدنوس والقارص

 

[روعة2005]

حقة شهراااا تعرفي فكرتيني بذاك الخبز كان دااايما حاضر معانا في الجامعة ممممممم الجوع وقلة المصرووف والتفنين والخبز البايت غير هو خخخخخخ من العشوة نروح انا وصاحبتي لفواايي نشرو بيضات واحنا مفوتين احلى قهوة عصرونة
والله ايييام
وعلى فكرة حتى في دار بابا نديروه ومزال نديرو يعطيك الصحة والله يجي يهبببببببببل

 

[ميس مرام]

يعطيك الصحة أختي والشكر موصول لصاحبة الوصفة، طريقة جديدة عليا،أكيد نجربها،للأسف كان عندي صدر رحيتو درت بيه جواز خرشف أبيض, بوركتي حنونة

 

[hadda0425]

مساء القهوة والتاي
بسومتي اكسكيز مي ما شفتش علبالي يو لوف مي ههه:d
زائرة الغزل وصلني ودغدغلي وذني مرسي وبصحتك الروطي يا بنتي انا نخدم بالصور مانخدمش بالكلام ههههههه
لويزة والله شطحنا معاه دوقة دوقة
سمورة هاديك دشيشة
وبصحتك البوخفيف رغم اليوم تع العيش ولغرايف البرد
رغود تسلمي على الغزل
روعة والله كاين لي يتكل وكاين لي ما يتكلش ههههه
باينة راجلك طاح غير في لي ما يتكلش :d:d
ميس مرام الشربة هادي تع دويدة تقدري دريها بلا لي بولات المرحية يعني بلا كفتة ديري غير اللحم برك ونديروها تاني في لغدا تع لعروسة
وتقدري ديريها حمرا
ام ندى غايبة ان شاء الله تكون بخير
​

 

[زائــــــــرة حلوة]

زائرة الغزل وصلني ودغدغلي وذني مرسي وبصحتك الروطي يا بنتي انا نخدم بالصور مانخدمش بالكلام ههههههه
​

ولوووو حدودة ...الله يسلمك أختي

واللّي ما يطول العِنَبْ حامضا عَنَّهْ يقول هههههه
\\ تهلاي أنطقيها خليجي حدودةههههههههههه:p

​

 

[روعة2005]

لالا حدة راجلي راح غير ليزوتااال الله الله وكلش حلال بصح كي دار فيها قال انو شوارعهم (منتنه) عفوا على التعبيير من كثرة الغرائب والعجائب لي يطيبوها لاحول ولا قوة الا بالله
لذلك صراحة انا نعافهم يعني الشعب الوحيد لي ياكل الحشرات والجران والقطط والكلاب حتى البيض شفت فيديو يغلوها عفانا الله بالبول تاعهم يعني صراحة مخك يحبس
اكيد راجلك مدامو دائم المرواااح راه يعرف وين يروح وين ياكل انا قصدتهم كاشعب بصفة عااامة

 

[lina-67]

البارح عاودت البراج
اكيد توحشتوا كاس التاي المكشكش من عند ام منصف وندوشة

وهذيك الوردة لوردات اللمة
وخص نص بنات وسيدات الكوزينة

​

السلام عليكم اختي ام منصف عجبووني لبراج تاعك يشهوو ماذا بيك تعطيني لاغوسات راني نتوحم
​

 

[ibtesem]

: 40 (20 عضو و 20 ضيف)

 

[ibtesem]

بصحتكم بومفور سمورة
امممممممم على البوخفيف

 

[hadda0425]

زائرة تستاهلي ختي غير الجامات والغزلات هههههه
وراني نطقتها شينوي مش خليجي هههههه
روعة انا ما شفتش في الصين ليزوتال يديرو فيهم لحلا ل شهرين وحنا تم يسمى فاتو علينا يجي 5 ولا 6 اوتالات يديرو ماكلتهم ما يحسبوش حساب المسلم مش كيما هنا يديرو لحوايج تع الغير مسلم
وا ذا نحبو ناكلو الاكل الاسلامي كاين مطاعم اسلامية برك
بالنسبة للحطة ما عندي ما نقول هايلة بصح الشعب انا ما عجبنيش
​

 

[ميس مرام]

الله يخليك أختي حدة، ايه نعرفها حمراء وبيضا، برك الطريقة مغايرة تماما لشربتي، نجربو لجديد باه نهفّو شوية الغاشي:d

 

[بوح المشاعر]

السلام عليكم لبنآت الكل
واشكم صافا ؟
بصحتكم يالغاليآآت على قلبي الكل واش طيبتوا
كل وحدة بأسمهآ مأكول الهنآء مطرح مايسري يمري
امممم ليام هاذوم ميش نشارك راهي تحرقتلي لكارط
ميموآآر تاعي لي ندخل بيها الصور مزال ماشريتش
بصح ندخل لهنآ و نشوف اطباقكم اللذيذة الشهية
و نجاميكم الكل ياحبوبآآت وان شاء الله نرجع كيما موالفة
في اقرب وقت
بصحتكم الكل واش طيبتوا احنا اليوم درنآآ
شكشوكة و مرقآز مقلي وسلاطة
و لعشآء راح ندير بيري ودجاج مقلي و الحمد لله
​