ماذا ستطبخين سيدتي ...انستي جزء'''31''''

[oumniati]

nharkoum mabrouk
rani nakteb brl 3arbia, rani jaya:d

 

[زائــــــــرة حلوة]

زوزو واش احوالك كيفاش الجو اليوم عندكم

أهلا ااا بالغالية... الجو ربيعي عندنا راح البرد والنو
وبصحتك العرس والشطيح ههه ...والحمد لله كي ريّحتي كوصر خانم \\ كون ماندلعكش ماتحلاليش:$
​

 

[ام شيماء]

السلام عليكم يا لبنات ومصحتكم كامل واش طيبتو فريدة مصحتك العرس الجو راه ربيعي مش كيما تاع امس شتا فطوري كان الطعام كالعادة وتمر ولبن راني نوجد البغرير للقهوة تاع العشية

 

[السلطانة]

يعطيكم الصحة كل وحدة باسمها
عندي بزاف مجيتش للكوزينة
وكوزينة دارنا توحشتها
اليوم دخلت طيبت البطاطا تاع ميمي :d
في الفور وجات هايلة

نعاود نرجعلكم كاش نهار
بعد منخلص الخدمة
سلامي
​

 

[hadda0425]

حسينة راك عايشة القصة هههههه
ام امنة بصحتك الغدا
سمورة بصحت التليتلي
نانوس روطي خاصاتو قرعة ايفري تع ليمون ههههه
ابتسام نصلت جدو من برنوسو هههه
بيانسير راهو في بطني :p
زائرة الله يسلمك والله الفرماس زاد فيه النص هههه قصدي زاد فيه البنة تع الحموضة والحرارة وارواح نجيك ناكل ونستريح هههههههه
ام شيما بصحتك البربوشة
فريدة الله يسلمك حكايتي ما تتعاودش :p
خيرة رانا نسناو العربية هي الفور :d
ساندي بصحتك غراتان البطاطا ممممم سخفتيني فيه
​

 

[somo_81]

علابالي راني روطار كنت نع البيني ان شاء الله يخرجو برك على خاطر عندي مشكل مع العفايس تاع الخميرة كيما تقول يما بصلتي محروقة منصبرش حتى تخمر هههههه
هدا غدايا و انتم شبحو بالبيض وحدكم نسيتو :p

 

[hadda0425]

نكملكم شي لي بقا
هذا حمص دوبل زيت


وهادو محاجب



وهادي بيتزا ملكية زعمة :p







وهادي عادي :d



كي تبدلوا لكوزينة ما تخليوش اطباقي وحدهم ام يخافو ههه
​

 

[nada242008]

السلام عليكم يالفحلات يلي منورين المطبخ
ليوم يا سيدي جاتني اعز صديقة وانتيمتي و حبيبتي مريم من ام لبواقي
نضت وعينيا مغمضين نسيق وخليت الجماعة راقدة ومن بعد بديت نكعبر في كفتة تاع صدر الدجاج

درت جاري فريك ههه ماكنتش عارفة بلي جايتني ضيفة طيبتو لبارح وعاودتو ليوم
ودرت زوج مجامع للرجالة ولينا انا وياها ولولاد
صورت طبسي من كل حاجة وانتوما تخيلو الصحن الثاني هههه

وخبز فريدة يحمر الوجه ربي يعطيها ما تتمنى

كفتة دجاج بالشومبينيون

سلاطة

ميني بيتزا

سالاد دو فروي حاكمها الصفير ههههههههههههههه

ههه شافتني نصور قبل ما نحط وصورتها وهي تشرب في التاي هههه تعرف العقلية:d

وهذا الكاس في خاطر روعة ساااك سااك لا من معاك :$

وجابتلي مريومة هذا المول :-h // الهدايا لي تجيني كل ماعن :d

--
بصحتكم كامل واش طيبتو لي عودة للتجميم والتعليق


​

 

[كوثر الوهرانية]

زوزو خانم تابريني حبيبتي يا عسل معسل بعسل الشهدة المقطر من الخلية الي فةق الشجرة:d
سندريلا القرتان يشهي وين ركي يا طفلة عودي مرة على مرة طليعلينا اشتقالك يا حلوة
ام شيماء بصحتك الطعام و البغرير انا تاني راه يخمر سخفت عليه

 

[somo_81]

حدودة بصحتك بصح ابعثي لحنونتك موصو من البيتزا الملكية تشهي تشهي و راكو قتلتوني بزفيطي و الباطوط و كي العادة راني نقلب في الفيستة الزفيطي تاعنا و باطوط تاع البساكرة و باتنية انا ندي من عند الشاف تاعي بسومة قوليلي ععلى التوابل على خاطر يما دير الزفيطي بلا توابل نجرب الباطوط عجوزتي غلقت كتاب الطبخ لي كانت حالتهولي هههههههه هيا بسومة راني نستنا فيك و بلاك تنساينس كيما تشيز كيك راني نروح عند كربوعة تاعي توريلي ولا حدودة توريلي زفاطوط :p:p:p

 

[oumniati]

بعد مسلسل حدة والزفاطوط، نتابع معا المسلسل المدبلج خيرة والباطوط
:dهذا ياسيدي في حملة الباطوط السميد ماكانش، وكي السميد صايمة ونستنى الجمعة بفارغ الصبر:-r
نضت بكري خملت وفرزت لقيتها 8، نروح نديرو ضرك:s؟ أواه مزال الحال:$
هبطت ماعن البيبيوتاك مسحتهم ورديتهم، لقيتها 9، نديرو:s؟ أواه مزال
هبطت ماعن لارجونتري مسحتهم ورديتهم، لقيتها 10، نديرو:s؟ أستنى نضرب طلة على اللمة ونشوف
أهاااااه نلقى الزفاطوط:-o:sport01::scared01:، ونسكّر اللمة وفريييييرة للكوزينة حطيت الطاجين يسخن سع وبديت ليا ليك

وها النتيجة :up::up:
إيوا كيجاتكم؟

 

[oumniati]

سهام كيفاش الغدا مكانش راهي 2:30 وععععععععع​

شتي ياعفاف الكوزينة لازملها بطل ههه قصدي بطلة ومخرج ومنتج وخاصة المنتج هئهئهئهئهئ​

البطل كاين والبطلة كاينة:d:p

 

[somo_81]

امنياتي ضحكت حتى دمعو عنيا يعطيك رحمة ربي على الاسعافات الاولية وحدك اكثر من حدة
ام ندوش اعطيني وصفة طبسي تاع الكفتة لي بشونبنيو و الجاج المحمر شهيتيني و تسلم الايادي اه يا من يجعلني في بلاصة مريم صاحبتك اه نفرجك في هاديك الطابلة و تاي معليش نخليه لحنونتي روعة

 

[oumniati]

الله



الله على العرضة يا ندوش، من صابني معاكوووم، بصحتكم وبصحتك الكادو، شاف ندوش واش حبيتي يجيبولك؟ أنا كون نجيك نجيبلك كسرونة ههههه
مسفوف تاع البارح
وشاورما تاع اليوم 7تاع الصباح ههههه كانو عندي خبزات عربيات في الفريييييزر وعمايل لفريزر ههههه مايفيدش معاه سد الحنك هههههه

 

[ام منة]

شكرًا فريدة. لعجبك البطوط. ديالي. أنا. كسرة. بها بلا. صوص. نمررها في الروبو دورتين. مع نزيدلوا ألما ء السخون خلاص. هذا. بطوط عصر السرعة.

 

[ibtesem]

اعلان


من اجل تخلص من الاسعافات الاولي عليكي بمعدة حديد :d

نواصل الان برنامجنا اليومي
جعت جعت فتشت مالقيتش واش ناكل جاتني فكرة تاع الروز المشخشخ هههه

شلو عينيكم مليح

نكمل من بعد

 

[ندى الورود]

السلام عليكم
جمعة مباركة عليكم يا لماويات

يعطيكم الصحة على طياباتكم كامل الله يبارك كل وحدة عندها لمستها الخاصة في الطياب
وتحية كبيرة كبيرة لللي طيبو المقرونات
صحا غدواتكم كامل كل وحدة بإسمها
روعة خبز الهامبرغر جاك روعة بصحتكم
ورغود بصحتكم الهامبرغر بصح كون غير صورتينا نشوفوه
ام ندى بصحتك الكادو والله نموت على الماعين
اليوم غدانا شخشوخة السيار

​

 

[بنت الجسور المعلقة]

للقهوة تارتولات الليمون

 

[ام منة]

بصح تكم. كل. واش طيبتوا. الله يبارك.
ما شاء. عليك ام ندى أطباق. في القمة. لمسات جميلة. جداً. بصح تكم. ربي يديمها عليك. نعمة.
أمنياتي. بصحنك الباطوط. جاك هايل. و الطعام. كذالك.

 

[oumniati]

السيدة ملعقة ههههه بسوم والجوع غير أرواحي معايا للصومال خخخخخخخ، أنا قلت أكيد ليسطومة مغلفة من داخل هههههه بصحتك لمشخشخ
أم منة الله يسلمك، طيابك هااااايل، راطيتك لوكان جربت في الروبو حتى انا
بنت قسنطينة ممممم نقطة ضعفي، يعطيك الصحة على ليتارتولات
ندى الوردة شخشوختك ادخّل للحبس، نعشقها تاع السيار يعطيك الصحة
صومو هههه يابنتي الحار تاعي قبيييييح نعرف طبيعتي وطبيعتو هههه لازم نستعد