ماذا ستطبخين سيدتي ...انستي جزء'''31''''

الحالة
مغلق ولا يسمح بالمزيد من الردود.
ابتسام ازووول آآزين الله يسلمك
ميميااا والله يا جخلوطة جاتك تشهي يا حبيبتي كلشي من يديك يتاكل ماتخافيش هههه بصحتكم
بيتزا تع عفوفة والعذاب هيا عذاب وحكايتها اليوم عذاب هههه بصحتكم جات اممممم وبصحت الفريجيدار التدويشة
ولا ديك الشاطرة الي عاوناتك ههههه والله عفسة يا عفاف شوفي كي يقدر يدخل الداخل يشوف كلشي
والله ينقي زييين غير علميه ههههه
لويزة اممممممم عشاك يشهي يا ختي الفريت والسلاطة والحويتات بصحتكم

​
 
لويزة عشاك يشهي يعطيك الصحة
شهرا بصحتك القراتان والبربوشة والقاطوات انا ثاني نشتي السامبل ولبنين ونكره الزرقاطي ولي فيه مكونات ياسر
وعجبتني العفسة لي حطو فيها القاطو .. عجوزتي واحد المرة عرضوها لعرس في دزاير جابتلي بصح القاطوات بح راهم في كروشنا هههههههه مقروظ اللوز وبقلاوة ودزيريات ومخبز
206277713.jpg


اني رايحة نطيب التاي شكون تشرب
​
 
رانى رايحة ندير تقرير بصح كون نقوللكم واش درت تضحكو عليا بما انى مرانى شافيا والو
حليت زوج باجات تاع ماذى تطبخين وحدة ارجعت بيها للورونشوف واش فات ولخرى نكتب تقرير واش رايكم فكرة هههههههه:d
نبدا بعفوفة مسيلية عشاك يشهى وخاصة البوراك نقطة ضعفى بصحتكم وبصحتك القعدة مع لخوتات
نروحو لروعة اممممممممممم شهتينا بالكروكات والله الله على جاجة لمشرية ومصدرة بصحتكم
وننزل لاخ معتر بصحتك مكلة برا بصح متكثرش منها راهى ضر ادخل لمة وخلط منها ههههههه
ونهبط شوية لندى ولخرجة بصحتك راهم طوالو رجليك ولتارتولات راهم امممممممممممم بصحتكم
ونزيد عند فريدة لى راهى مزهية القصعة بالسفة والوانها الله الله لى مايحبوش يكلو بسيف عليه بصحتكم
ونروح عند هاجر ولى زارت شفة انا روحتلها مرة فى حياتى جزنا طريق كى رحنا نزورو مالين راجلى بصحتكم واببون مشفتوش
ونهبط هند صومو بتع اليالى بصحتك واش طيبتى هاد قاع وقلتى منطيبش بصحتكم وحطيتى لنا كامل لقرع لى عندك
ونهود عند نور الرحمان انا شفتو لبارح فليل وطيرلى نوم بصحتكم راكى فووووووور
وليوم صباح زرت رغود والمسفوف راه يشهى بصح انا نحلى غير البطاطا منكلهاش بصحتكم
وزيد دوختنى ام بسومة خبيتهم وكى دخلتى علينا بقوة وحطيتيهم دفعة واحدة هايلين بصحتكم
ونروح ام بواقى عند حدة ونجوز رمضان عندها استناينى رانى جاية بلاكى ترفدى طباسة بصحتكم
وزيد عند ميمى والشخلوطة ديالها ههههههههههه ساعات نديرها نخلط غير من راسى بصحتكم
ونروح عند مولات بيتزا تاع ربع ساعة ولى وصلت بيها حتى لشارع باش كلاتها على جال فريجيدا والله الله على لى يعاون كى نسحقو ابعتيهولى حجة وفرجة وزيد يحوس هههههههههه بصحتكم راها تشهى
وراحت مع شهرا وانا عنى تقلبو غير على لقاتو وين كونتى فلعرس بصحتكم دوختينى
وحبيت نختم بزيزو نوقب واش طيبت هاد ليومين
يلا يا لبنات دورك معندكومش عدر على تقرير ديرو كيما دارت لويزة وشكرونا واجركم على الله
 
قال ام تقوى:
بصحتك اختي العرس وانا ثانيك نقول علاه الفساد وما كاش كيما القاطو التقليدي يتكل وما يتقاسش
إضغط للتوسيع...
ياختى معجبك والو واش نحط من غير لعرس انا لبارح مدحت فى عشاك :p
 
لبنآت بصحتكم شآ طيبتوا يعطيكم الصحة

بسووم تتوحشك العآفية حبيبة مرسي ربي يخليك انآ ثآني توحشتكم

أم ندوووش علآه العذآب وانآ رآني بلآ فطور هههه بصحتكم
ههههههه والله يآ الفحلة نتآعك ربي يبآرك ويزيد هههههههه
الله يسلمك حبيبة ربي يخليك ويحفظك

شهرآ بصحتكم والعمر كلو لختك
مآ خرجوليش لي فوتو بغيت نشوف لي بآركآت :-r
​
 
قال ibtesem:
هههههههههه زيزو لحقتي قريتي جاميتي ولا جاميتي اولا هههه نعرفك تحبي ريحة تاع الحبايب
إضغط للتوسيع...

سلام لموياااات وصح غداواتكم كاااااااامل
==
يا فتاح يا عليم ههههههههه تعلمتي التشحاب ابتيسو:-o
يخي اللي مانقراش يخي ههههه جاميتك في خاطر كلمة التنشنيش:p
بصحتك الستيلو الازرق ههههه زعمة تلونسيتو في 2 :d
==
فوفتي لمسيلية اليوم دالتي امممم...ياااو قلبي كا يبغيييييييك :love01:
==
شريكتي ههههههههه عجبتني تاع أم الزوز السردوك :mad: تسلميلي على السؤال يا الخفاش:p
==
رغودة شهيتينا على الصباح بالمسفوف اممممممم تبارك الله عليك
==
حدودة وريحة رمضان كلش بنين امممممممممم صحتين على قلبك
==
ميمي لبسبوسة بصحتك اللي سميتيها خالوطة تبان هااايلة :up:
==
يا عيني على ام ندوش والبيتزا وحرة الحراير اللي تعاون قلب ورب هههه موااااااح لرؤوود الكعبورة:love01:
==
إيمانو بصحتك الحوت والفريت والسلايط ...لون طيابك سبيسيااااال... كي تجي ابتيسو إن شاء الله ابعثيلي معاها صبيعة من صبيعاتك ههههه:$
هههههههههههه تعبك في الجنة جارتي على نزيد ونزيد ههههههههه ونروح ههه مجهود كبير والله:up:
==
ههههههههههه عاد التقرير تقول pينيسون :sport01:
غدايا تليتلي مع 70 فورة ههههه والقليان اللي معاه + الكوناكسيون :down:...ربي يجيب الخير برك
اللهم أدمها نعمة على الجمييييييييييييييييع وأحفظها من الزوال
​
 
آخر تعديل:
قال imane27:
اسومة وين راكى غاطسة توحشنات يا طفلة وين راكى واصلة رانا نستناو سوربريز تعرفى خوتاتك مهتمين بتقرعيج
إضغط للتوسيع...
ايمآنو غآطسة مع الدنيآ ;)
رآني وآصلة ومش وآصلة هههه قريب نوصل ان شآء الله :p
ههههههه كوني مهنية يوصل الوقت امحدد برك وتعرفوهآ وعلى فكرة
كآين 2 سيربريز وحدة في هآذ اليومين ولخرى يمكن هآذ السمآنة :-h

​
 
حقآآ نقول للحبيبة شوشو تتوحشك الجنة يالعزيزة
والله سآمحينييييييييي لآفوت فيآ من بعد نرسلك ميسآج
توحشت الصوت الحنين والله
​
 
قال ibtesem:
زيزو واش طيبتي خخخخه راني رومبلاصيت لويزة
إضغط للتوسيع...
هههه كنت في حمّة وعرق ابتيسو ههههه عقاب التقرير
هههههههههههه نهبط ونزيد ونروح هههههههههههههههههه يا جارتي قتلتيني والله:d
==
شهرورتي بصحتك الغراتان وبربوشة البارح ...وسنة حلوة لأختك يعقوبة ل100 سنة
وبصحتك العرس وقاطواتو يعقوبة ليك حبيبتي ولكااامل العازبات اللموياااات
​
 
واخيرا تخلصت من الكوزينة وصليت وجيت :d
كنت نحوس وين وصلت البارح كي راحت النت وخلاتني وزت انا طفيت خششش بششش
وصلت عند ناس المسيلة لي تلمو بصحتكم القعدة مع خوتاتك يا عفوفة والحمد لله على سلامة لابراي تاعك واطباق ما عندي مانقول ولاالفلون مممممم بلاك نعاند ونديرو ههههه يعطيك الصحة
روعة بصحتك التقليشة من برا والتارت هاديك تهبل يعطيك الصحة
ندوش الخبز هايل ديما ولي تارتولات ما خلاتش وكملتها البيتزا يعطيك الصحة راك ديما فور
وبصحتك الجريات والقضيات ههههه وربي يخليك ختي بغيتي غير بنتها جيبي حاجة في يدك وارواحي هههههه:p
معتز بصحتك الماكلة تع برا
فريدة ربي يخليك ختي لالا منيش انا لي رحت لدونتيست بنتي و علبالي الكسرة نقطة ضعفك نبعثلك طرف في ايميل ههههه
وبصحتك المسفوف لمزوق ممممممم
هاجر بصحتك الخرجة والتحويسة مممم والله سخفتيني مع الماكلة برا هايل
وانوس راه منور ربي يحفظهولك
سهام طابلة متولة الله الله بصحتكم
نور الرحمان مممم كلش يشهي من السوب للجاج للتحلية للعصير بصحتكم
رغودة بصحتك المسفوف بالتمر ههه حنا ما نديروش فيه التمر
ام بسومة يعطيك الصحة كل طبق احلى من التاني ربي يدومها نعمة
بسوم الله يخليك ونت تاني بدلتي الفيستة كرهتو من لملاية هههههه
بصحتك الخرجة والبيتزا
ميمي الله يسلمك ويخليك ختي وبصحتك الجخليطة انانموت على الجخاليط ههههه
شهورة وينك غاطسة راك غير طلي وتروحي وقيلا كثرو عليك لعراس بصحتك العشا لبنين والحلويات هايلين ومرسي ليك
وعيد سعيد لاختك ربي يكبرها في طاعتو
اسومة يا اسومة تعيشي حبيبتي ليك وحشة كبيرة
لويزة بصحتك العشا تع البارح كلو خفيف في خفيف
زائرة الله يخليك حبيبتي ويخليلنا جاماتك الباهية والحلوة
​
 
يوم أمس, 22:30 nada242008
:: مشرفة ::أقسام الصحة والحياة
منتدى المطبخ الجزائري

star01.gif
star01.gif
star01.gif
star01.gif
star01.gif
star01.gif
star01.gif
star01.gif


فهميني النصف ساعة هادا كيفاه زدتيه هههههههههه
لازم نحطوك في كتاب قينيس للسهرات :p:p:p
 
يااااااااااااااي ندوش واش هادي شطارة ولا قفازة في ساع والحدوتة ديالك يااااااااااااي لوكان جا عندي خويا نمدك ليك
ههههههههه
لوكان يسمعني سي سيد يفجر اللمة عليا
هههههههه

ايمانو بصحتك حبيبتي والتقرير ديالك فور

شهرورة شريكتي
هههههههه
سمعتهم يقولو شريكتي قلت ندلعك مكاش مكاش الي يدلعنا خلي ندلعو رواحتينا
فهمتي شهرا ;)
هههههههههه
:p
عيد ميلاد سعيد لاختك لعقوبة 100 سنة انشاء الله

رورو ( راجية العفو ) واش راكي حبيبتي انشاء الله تكوني بخير
توحشتك معانا هادي غيبة

ابتسام اللوبية حمرا وتشهي مع راس حار ياااااااااااي بصحتكم

 
لويزة دارت تقريير wéééé حتا انا ندير العفسة الي درتيها هههه
زوزو بصحتك التليتلي الزينة ومرسي على الدعوة الي يجي يدعيلنا رانا نغيضو ههههه
حدة راكي تشوفي رانا غير نصفقو فلعراس ربي يفتح وخلاص هههههه

والله ياعجوزتك الي تحبك يا عفاف :up:
ايه شفتي عفايس شابين مزية رحنا انا ويما باه ربحنا فيها زوج طباسا ههههههه
مادام جبتي قلت خلي نجبد انا تاني بالاك كاين الي يدي فكرة
هادو لي دراجي تع لعروسة
do.php


وهادو تاني لي دراجي تع عرس وحدة فاميلتي
do.php


والقاطو دارو فهاد السليلات يهبلو وقعدولنا سوفونير
و وبيان سير حنا مانكتافيوش غير بالسوفونير كاين تعدد في استعمالات وفهمكم كفاية هههههه
do.php




​
 
حدة يعطيك الصحة جبتينا رمضان يجري:) اللهم بلغنا رمضان
ندى بيتزا تاعك الله يبارك خير من تاعي نجيبها العشية كامل وانا ندير فيها يعطيك الصحة و ربي يحفظلك هداك البوبون يديه ما هومش تاع مسيح:)​
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top