ماذا ستطبخين سيدتي ...انستي جزء'''31''''

الحالة
مغلق ولا يسمح بالمزيد من الردود.

شهورة مممممم فطور يشهي بيتزا راح تنطق
عفوفة مرحبا بيك وبليداتك والمسيو على العين والراس :regards01: راه قريب صيف ديري زيارة للعاصمة
لويزة بصحتك عشا يشهي :pكاش حمرة وخضرة لغدوى؟ اااااااااه خص عميمر باب الواد راهي زاهية
سومو أرواحي برك ونشبعك حوت من كل انواعه ولا مكفاش نحبطو نصيدو البحر من الاطيراس يبان :d
واش نغطي يا بسوم راه سردين برك وطالع شانو هههههههه اخطيك من رجيم يا مخلوقة راكي مليحة :up:
شوشو الله لا يغيبك يا الغالية راني بخير الحمد لله في دارنا وبصحتك لاسوب وليpetit pain جوعتيني حرام عليك :(




​
 
هذيك هي عفوفة ماتجي تلحق هنا تولي سومتها دوبل وتريبل قلت نشوف هذاك الحانوت اللي في حارة الشاوية مداير الصولد راهو مداير سوكسي كبير هنا في بسكرة كاش نهار نضربلو طلة بالاك نلقى عندو
امالا عجبك الطويل السلوقي ههههههه على حساب لاطاي حشيتهم بالدجاج والجريوات مرابيين وزدتلهم عفسة جديدة نتاع الفارميسال لقيتها في منتدى مغربي قلت نجربها ماكثرتش بصح جات بنينة
**
سهام الله يسلمك توحمي وزيدي توحمي
​
 

السلام عليكم

وشراكم لبنات
كلشي ماشاء الله من يديكم تبارك الله
البارح تحرك شويا برد قالولي دريلنا حسوة قلتلهم م كاين فول و لا لفت
قالولي البراكة في الزيتون

لحقت لتاجرتي عجبتنيييي نصور منصورش بقات هدرت ابتيسو ترن في ودني
/ مبيكتش التصوار بيك باش تحمصيني/
نصور منصورش
يا ربي كفاش نعمل و التاجرة عاجبتنييييي
ايا كنت قصارة مع ندوش قاتلي راني نغغغغـ عرفت الغدا ما هنا ما هنا
دنك قررتنصورو لندووووش دوق معايا

do.php
​
 

خويا معتز بلاك دير الخميرة غير شويا
او دير الما سخون بزاااف
الما لازم يكون متاذذ..خلط و خليها تطلع منبعد أبسطها
و زينها كما تحب طيبها على نار قاوية
تجي طرية و مقرمشة.
ان شاء الله تنجح معاك هد الخطرة.​
 
امممممممممممم يا رغود والله قضيتي عليا صح .. نقطة ضعفي الحسوة وفي هذيك التاجرة تفكرني في دارنا واع واع هههههههه
​
 
قال oumniati:
رغود ههههه لعبتي بمشاعر بتسام على الصباح ههههه، ضرك تلوح راسها في لفريزر كاشما ينوب ربي
إضغط للتوسيع...
ههههههههههههههههههههههههههههههههههههههههههههههههههههههههه
 
سامحوني اااجماعة راني ماشاريار كيما قالت ندوش، أعذروني على التعليقات نجاميكم بصمت، كنت برّا غير كيما دخلت زعما نلقى حدة مافرات عشا مافرات غدا:(
المهم بصحتكم كووووولشي واش طيبتو، أنا راني داخلة ضرك نشقى على ضربة نطيب واش كاين ونتهنى
سلامي للجميع:-h
 
لحقت لتاجرتي عجبتنيييي نصور منصورش بقات هدرت ابتيسو ترن في ودني
/ مبيكتش التصوار بيك باش تحمصيني/
نصور منصورش
يا ربي كفاش نعمل و التاجرة عاجبتنييييي
:::::::::::::::::::::
ياربي عولتي عليا رغود
معليش بصح نخليها للويكاند ان شاء الله بصح
الفلفل المرقد منين نجيبو مع الزيتونات

​
 
قال oumniati:
رغود ههههه لعبتي بمشاعر بتسام على الصباح ههههه، ضرك تلوح راسها في لفريزر كاشما ينوب ربي
إضغط للتوسيع...

متخميش ديما الـGـشرات على الجنب
اتوقعي تاجرة منا على نص ساعة
ضبطو سوايعكم :d

831805.gif
831805.gif
831805.gif
831805.gif
831805.gif



و لالجيري بلادي ديما ساكنة في قلبي

​
 
حاملة مسك على حساب الهدرة تاع دوك راهم يعيطولك رغود
املا رغود بصحتك الحسوة راكي شهيتيني واع واع واع حابة نديرها وحدي بصح مع يدي منقدرش مي البارح صبت بيترا 2 كلغ نسيت الماركة تاعها ب 12000 دج قلت نزير السنتورة و نشريه كيما هو ماركة كانوود صبتو ب 23000 دج مي لي راني نهدر عليه سابل غير بيترا مافيه لاكسسوار لوخرين
بسومة انا نرقد الفلفل تاعي تحبي نوريلك كيفاه راني نوريلك
 
هااااااااااااي كيراكم علابالي توحشتوني :$ هههههههههههه
بصحتكم كلش اللي طيتو :up: بصح علاش ماتحلوش عدد جديد ولا قررتو تقعدو غي هنا ؟
شفت فوطو تاع زكزوك ابو المشاكل ربي يحفظو هههههه فكرني براجلي
واحد النهار من ليام اللي فاتو كان قاعد قدامي نتفرج دبي جا الاشهار تاع هداك الولد اللي يدخل موسخ وامو تقولو ايش كنت بتمشي على يدك ؟
راجلي قالي تخيلي ولدك يدخل هاك للدار واسم تديريلو ؟ قتلو على هاد الوسخة ياكل قتلة ماشي غي طريحة
قالي يابن عمي مافيكمش الرحمة قالي الراجل احن من المرأة بصح مانيش عارف علاه يقولو الام حنينة :s ههههههه
سمحولي حكيت حياتي ههههه


واحد الاخت سقسات على شي صوالح راكم جاوبتوها برك حبيت نفيدها بالنسبة للنباج عندي وصفة يعني يلا حبت تعملو فالدار انا ماجربتهاش بصح احتفظت بيها من النت هاهي المقادير

1 لتر ماء
نضيفولو 250 غ سكر عادي
ونضيفولهم قطعة صغيرة من قشرة الليمون
نحط الكل فوق النار حتى ياخدو اللون الذهبي ويعقد الخليط
راح ينقص حجم الماء بالنصف تقريبا
ضعيع فقارورة واحتفظي بيه فالثلاجة
​
 

راني جيت من جديد وبلاكو تحرقكم مزالها سخونة :d
:$هدي في خاطر الي طلبوها ويسمحولي طولت عليهم وميهونش عليا نخليها في خاطرهم
وحدة تتبرع وتجيب كاس قهوة :up:

do.php


do.php

​
 


ممممممممممممم رغود هدا وين انتبهت يا بنتي تديري رد وتهربي هههههه وعديتي خيرورة درت خطفة للكوزينة جيتو وهربتو ان شاء الله راكم بخير
انوسة على سلامتك ان شاء الله ريحتي.... نقولك ميهنيكش قلبك تضربي وقلب الأم حنينة فيها لسان برك توصل للضرب يغيضك وربي يكملك حملك

​
 
ندى بصحتكم البايت وعاود ليوم وهاداك راه بسباس وانا لى عقلى راه مودر :d
ام اية الرحمان رانى نقصر برك علبالى عادى ياخى تعرفينى
شريفة بصحتكم سوب كرهت منها حبيت غير لخبز لمحشي
رغود قصعة تولو بصحتكم راكى فور مع لبساكرة
ياسمينو بصحتكم فطور خفيف امممممممممم شهانى غير سردين
لويزة بصحتك عشا يشهي :pكاش حمرة وخضرة لغدوى؟ اااااااااه خص عميمر باب الواد راهي زاهية
ههههههههههه راه يحلف فينا رانى خايفة يخسرو ويدور علينا ياحنا يا مولودية:d
 

ههههههه قتلتيني بالضحك لويزة
اليوم الرياال وغدوة المولودية ربي يستر
انا أقترح ندير تارت باللون الاحمر والخضر خفت نديرها ونخسرو وتبقى ذكرة منسهاش ههه
​
 
الحالة
مغلق ولا يسمح بالمزيد من الردود.
لإعلاناتكم وإشهاراتكم عبر صفحات منتدى اللمة الجزائرية، ولمزيد من التفاصيل ... تواصلوا معنا
العودة
Top