القيمة نتاع الشخص على اللبسة و الدراهم

[EL General]

سلآم ليزاولاد = salam les awléd

واشكم شويا ؟ نشاله الكل لاباس

علابالي على اول ما قريتو عنوان الموضوع راكم تخلعتو هههه :d و قلتو
sur الجينيرال اصبح مجنونا :-r
رح نحكيلكم على واحد ليسطوار صرات بيني و بين صحابي ،
واحد النهار كنت قاعد مع صحابي انا و 4 صحابي ، نحكيو هادي تدي و هادي
تجيب و نديو في اطراف الحديث ، و مبعد مانعرف كيفاه حتان واحد من صحابي
ماتفاهمش مع صاحبنا قاعد معانا ، تهاوشو و تعاركو شوي بالهدرة
ولى واحد يقول للآخر : احسبلي قداش لابس في روحك
قالوا شوف انا لابس في رجلي نايك اير ماكس بـ 3000 دج
و لابس قمجة بـ : 2000 ، و لابس لابس لابس لابس .....:s
و قالوا نتا راك جبري على روحك و انا راني مقعدك معايا و نحكي معاك :-o
قالوا شوف الجماعة كامل لابسة الماركا غير نتا :down:
على فكرة هو انسان فقير شوي يعني على قد الحال
كي شفتهم هكاك ، قتلو يا وسمك يزي من العراك هدا نتاع الذري
كيفاه تقولوا وش لابس وش ماكش لابس ، علاه نتا تقيم فيه علاجال لبستو ؟
قالي حسني ماتتدخلش بارسكو هو جبري و مايعرفش يحكي :-o
قريب شوي نتعارك معاه انا ، قتلو يكفي ا بن عمي
قتلوا ياودي القيمة نتع الواحد ماهيش في لبستو و لا في دراهمو ، ياو شوف
لحوايج بعيدة غير اللبسة و الدراهم ، قتلو مشفتيش انت واحد مايلبسش مليح
و معندوش الدراهم بصح تلقاه قايم بالدار نتاعهم و هو لي يصرف ،
قتلوا مشفتيش لي يضار يخدم الليل مع النهار علاجال خاوتو و لا أمو ميتة
هدا كامل يجيبو فيه دراهم باش ينفقوا parce que زواولة على قد الحال
قتلوا علاه تظلم في صاحبنا علاجال لبسة ، و الله ماتحشم و من اليوم
ماراك صاحبي ماراني صاحبك انساني ، العقليات هادي متخرجش عليا
وليت هزيت معايا صاحبي هداك و dimarina

------------

راكم تشوفوا وين وصلت العقليات ، malgré رانا صحاب و بسبب خلاف بسيط و لا سوء فهم من بعضاهم ، وين وصلت لحكاااية :down:

واش رايكم ؟ اليكم الخط ، أريد دواءا لهؤلاء الناس

سلآلآمو .
​

 

[بنت الـ25]

اهلا حسني
للأسف الماديون والماديات اللي تخلعهم المظاهر دوكا ولاو كي الوباء وين تروح تلقاهم
كيان عيباد ديفوا تقلهم وش رايك فهاد اللبسة مليحة ؟ ميقولكش رايو حتى يسقسيك عالسعر تعها
لاكان غالية (لا شتا باشعة) يقولك أوو حطة والعكس
بصراحة انا ناس كيما صاحبك الحقار نعتبرهم اناس سطحيين وتع مظاهر وبالعقلية هادي ميبعدوش بعيد
انا نعرف بلي الراجل اللي يدير الدراهم مش الدراهم لي تصنع الرجال
مكانش دوا لهاد الكاليتي غير اننا نرخسوهم في كل محضر كشما يستخزاو رواحهم
انا كون جيت في بلاصة صديقك المحقور نقول لهداك الحقار ( والله ما قالك مداح في قصيدة :d)
سلامي
​

 

[لؤلؤة قسنطينة]

موضوع مهم.في الحقيقة معظم الناس ولات تمشي على المظاهر وتنسى الاخلاق والقيم وباقي الصفات الاخرى .خاطر في النهاية الدراهم يروحو ويجيو قادر اليوم غني غدوة تولي فقير والعكس صحيح لكن الانسان لي مليح في اخلاقو .اخلاقو تبقا معاه طول حياتو حتى اخر نهار.على كل حال هاد الناس لي يمشيو بالمظاهر نقولهم ربي يهديكم ان شاء الله
شكرا على الموضوع الراائع

 

[ماكانش]

أهلا بيك خونا مارادونا
يعطيك الصحة على موضوعك الباهي
الله غالب درك هكذا ولاو يقيمو على حساب اللبسة والمظاهر
قزمونا الغرب ريسانا وعقولنا ولينا نلتاو بالتفاهات ومانحكموش على لعقل
---
ثم صاحبك هذا هوا الجبري لابس نايك ب 300 ألف ويفوخ بيه ؟؟ هههههههههه
الناس راهي تلبس تاع زوج ملاين وطلع
​

 

[ام اسحاق]

للاسف اخي الجنرال ..العقلية هادي كاينة
وكون جا صاحبك هاذا لابس من الشيفون ..يسمى كلو على بعضاه ما يسواش 100 الف ؟؟؟؟؟؟؟؟؟؟؟
عقلية فاسدة للاسف وسطحية و سائدة بكل اسف ....
هذا ما يمنعش انو الانسان يكون انيق و نظيف و الاسعار ما عندها حتى دخل
ممكن يكون لابس الملاين و على طريقة الموضة و المنgوشة
و انا في عيني ما يسواش دورو ...........
​

 

[stella.m]

يعطيك الصحة على الموضوع الباهي خويا
للاسف الشــــديد هذي العقلية في وقتنا
لابس مليح يقيموك مشومر وحوايجك خاطية الماركا يحقروك
عقلية هلكتنا في هذا الزمان
الدوا والله ما تسعى غير دعوة من القلب ربي يهديهم
تحياتي :regards01:
​

 

[stella.m]

أهلا بيك خونا مارادونا
يعطيك الصحة على موضوعك الباهي
الله غالب درك هكذا ولاو يقيمو على حساب اللبسة والمظاهر
قزمونا الغرب ريسانا وعقولنا ولينا نلتاو بالتفاهات ومانحكموش على لعقل
---
ثم صاحبك هذا هوا الجبري لابس نايك ب 300 ألف ويفوخ بيه ؟؟ هههههههههه
الناس راهي تلبس تاع زوج ملاين وطلع
​

:-o
هـــــا خويا سفيان
درت اعجاب على كلامك لول
اما على تعليقك لخونا الي لابس تاع 300 الف ما عجبنيش خلاص
اصلا الجبري الي سقسى على السومة ماشي الي قال الحق
وزيد راه قالك المسكين زوالي معناتها لازمو يكذب ولا واش؟
:regards01:
​

 

[بنت الـ25]

أهلا بيك خونا مارادونا
يعطيك الصحة على موضوعك الباهي
الله غالب درك هكذا ولاو يقيمو على حساب اللبسة والمظاهر
قزمونا الغرب ريسانا وعقولنا ولينا نلتاو بالتفاهات ومانحكموش على لعقل
---
ثم صاحبك هذا هوا الجبري لابس نايك ب 300 ألف ويفوخ بيه ؟؟ هههههههههه
الناس راهي تلبس تاع زوج ملاين وطلع
​

الله غالب؟
الله سبحانو غالب مي احنا اللي بيدينا نبدلو هاد الشي لوكان كل واحد فينا يبدا التغيير من نفسو
ربي يقول "إن الله لا يغير ما بقوم حتى يغيروا ما بأنفسهم"
الرسول عليه الصلاة والسلام ملبسش نايك تع مليون :-r ولا قمجة تع 700 :-r
ولا كوستيم تع 4 ملاين وهو أعظم الرجال وسيد الخلق والأعلى درجة فالجنة
حقيقة لا يختلف عليها اثنان
احنا يطلع علينا النهار اليوم لي يبدا فيه الشعب يخمم مورا خشمو
ملاحظة برك: مازلتو تستعملو مصطلح الجبري والجبورة خخخخ
ياخي زعما ترومبلاصات بمصطلح الكاvي والقديم والحابس :-r
تبااااا
​

 

[أم أمين23]

اولا مشكور على الموضوع
وثانيا الله غالب هادي العقلية ماشي جديدة ليجون كامل بنات ودراري الي يعجبهم البري ماشي اللبسة ويقيمو العبد على واش لابس ماشي على العقلية للاسف كاين بزاف ناس راهي عايشة بالهف تلقاه حتى الخدمة ما عندوش ويلزم على دارهم يشري خير تاع الماركة باش ما يبانش قدام صحابو اقل منهم وما على بالوش بلي الرجولية انك انت تجيب الدورو وتصرفو ماشي تجي تزوغ وتقيم الناس على شكليات فارغة

 

[SETIF étudiant]

انا اون فوا طفلة قالت لي وهي تهز خشمها سون بيتي الا عندك ابيزا نحكي معاك ما عندكش ما نحكيش ههههههههههههههههه ........على هاد الشي قتلها سي بورسان قعدتي بايرة..... التكبر والطمع

نقول عليهم ناس تحب تمشي بالمظاهر فقط ..... الدهر يرفعهم والنفوس تضعهم
على قول الشاعر


فترى خسيس القوم يترك عرضه دنسا ويمسح نعله وشراكها

سي كونتر او ليكم قول مليح فقال: يا أمير المؤمنين إن العباءة لا تكلمك إنما يكلمك من فيها.

قال رسول الله صلى الله عليه وسلم (ان الله لا ينظر الى صوركم واموالكم ولكن ينظر الى قلوبكم واعمالكم) سبحان الله هل يوجد ابلغ من هذا الكلام

السلام عليكم

 

[ملكًة الاحسآس]

وعليكم السلآم
عجبني موضوعكـ ، جيت نشد بلآصة
ونعآود نولي امبعد :d
سلآمي​

 

[nanoche]

السلام عليكم
اولا صحيتي اختي مينات وضحتيلي واش معناتها الجبري ههههههه و منكم نستفيد
نرجع لموضوعك يا خويا
جابلي ربي الرجلة عمرها ماكانت تتقاس باللبسة وماشي مهم انها تكون ملابس غالية باش تكون محترم المهم في الانسان انه يكون نظيف و مرتب و يكون رزين ماشي لابس 4 ملايين و عقليته 0
من كثر ما شاع عندنا واحد المفهوم يقول عندك عشرة تسوى عشرة ما عندكش دونك ما تسواس هاذ المفهوم اللي خلانا غير نتوخرو و نزيدو
أكيد الشكل مهم بصح ماشي لدرجة اني نحكم على الشخص من خلال مظهره و نقول هذا لابس مليح دونك هذا مثقف او العكس
هاذي هي سياسة فرنسا اللي خلاتها موراها و راهي في تطور مستمر
رجعنا للخلف بالزيادة .... الله يهدينا يا ناس كاين ناس راهم عايشين على قد الحال قد اللقمة و يا ربي و كاين ناس زادو و مغيرفة عسل في افامهم ... كي فتح عينيه لقى سيارة و vيلا و للقدام و كاين اللي من نهار انزاد و هو في الهم و الميزيرية طيبوه و ما بقى فيه ما يتلم
شكرا اخي على الموضوع الشباب و شكرا لأنك دافعت على هاذاك الانسان الفقير ربي يعاونه و يغنيه بالإيمان خير من الفاني اللي يجيه يوم وين يفنى

​

 

[::أبرار::]

و عليكم السلام و رحمة الله تعالى و بركاته

مشكور خويا على الموضوع

و الله حقيقة الناس الكل عادت تقيم الشخص على القيمة المادية ضرباً بالخائط كل الأخلاق و القيم و المبادئ
كانو في وقت فات يقولو للي عندو مليون يسوا مليون و للي عندو دورو يسوا دورو حتى عادت صح و عادت الناس تمشي بمبدأ منحط كما هذا

الله يهدي ما خلق و الله يهدينا و إياكم أجمعين

تحياتي
​

 

[مايا الجزائرية]

صباح الخير
والله حكاية عجيبة
الناس رهي تقدر الشخص بلسبتو ودراهمو :s
ايه كاينة المجتمع ديالنا طاح لهادي القيمة:down:
مي واش تحب ربي يهدي ما خلق

 

[شاهيندا]

خسارة عقلية فاسدة في زمان العجب.
يعطيك الصحة على الموضوع الرائع، اللي هو موضوع الساعةّ.
يرحم والديك.

 

[عطر الندى]

والله يا خويا وحد الزمان و صلنا ليه يا لطيف
الناس عايشة غير بالكذب و الخرطي و المظاهر
كاين بزاف نـــاس تشوفهم الحطة كيفاش مي كي تجي تشوفهم كيفاش عايشين والله بطنهم ميشبعوهاش
مي كاين تاني ناس مالغري الخير اللي عندهم ميبانش عليهم سامبل بزاف ( مالغري قلال بزاف )
وهاذي الطبيعة تاع تقيم العبد على حساب لبستو تلقاها بزاف عند البنات
بويسك كاين بنات متديرش صاحبتها حتى تشوفها كيفاش تلبس و واش من ماركا ......
الانسان يتقيم من أخلاقو و من تصرفاتو الدراهم و اللبسة يجيو و يروحو مي الأخلاق تاع الصح جامي تروح و impossible تتشرى حتى و كون بمال الدنيا
ربي يهدينا هذا ما كان
يعطيك الصحة على الموضوع

​

 

[sabounimanal0]

صح ولات الحطة تاع العبد هي اللي تخلي الناس يقيموه
بصح دركة الغشي بكل او يلبس مليح
و ماهيش فارية.ربي يهديهم برك
و شكرا على الطرح

 

[subainaz]

يا خوتي انا عندبالي العقلية هادي غير عندنا
قراااااااااااااااااااف
واللي تقتلك مام في القراية وعند الاساتدة كاينة
بمعني ادا شاف الطالب لابس مليح و خاصة حوايجو غاليين
يعاملوا كي الامير
مي ادا شافو على قد الحال مام با مايقيموش

 

[فتاة حساسة]

اهلا بيك خويا حسني يعطيك الصحة على الميضةع الباهي




ياة المشكل تلقاه لابض مليحا والا لابسا كليح وكي تهدر تعييط بالهدرة نتاعها .


اي ماجاتش فللبسة ولا بقداه اي جات فالعقليا كيفاه دايرة .بارك الله فيك​