زهرة تحب الدراهم .....

[ليليا مرام]

رد: زهرة تحب الدراهم .....

ياودي علاه رحتي للزوااج والصحة وغيرها ابسط حااجة وهي القراية نتاعك لوكان ما يتوفرلكش حق البوليات برك تكره حيااة حيااتك
شحال من مرة تمنيت نشري كتب مليح في الدومان نتاعي مي دايما نلقاه من مليون وروح لهيه وراكم عارفين الوااحد مازالو ما وقفش على رجليه بعد زيد حق السفر حق الاكل ومصاريف الجاامعة والله ساعات ما يبقالي والو في جيبي نعرف يمة الدراهم بكري صح كيما كانت ماكان لا قراية لا والو ما الطب ومكانش المراة تولد بدون عملية نتاع 10 ملاين والراجل يخم برك على جال كرشو ما يخممش لا في سيارة لا تأمين لا في كرااء منزل يعيشو في الريف نورمال مي في وقتنا الحالي كيما يقول ابي المال هو اللسان لمن اراد فصاحة وهو السلاح لمن اراد قتالا
مام في المجاميع نتاع الناس لوكان ما ترفدش في جيبك دراهم مكانش اللي يشوف فيك طوول
في الجامعة لوكان ما تلبسش مليح الاساتذة ما يشوفوش فيك طوول يحكيلي صاحبي قالي وحد النهار وهو اخ يعني بولحية
قالي كي كنت نقرى بالقميص مكانوش الاساتذة يشوفو فيا مام ليزاجون كي يدخل يشكو فيه راكم عارفين التوسويس
ايا قالي وحد النهار قالي ضربت في كوستيم بحقو وحذاء راني نقلك آخر صيحة مام الكرطابل وبدلو قالي من الباب نتاع الجامعة اول اجون قالو صباح الخير استاذ يحسب فيه استاذ ههه زيد قالي كي دخلت قالي الاستاذ نتاعي جامي ضحك معايا نهار شافني قالي سقساني على حيتي كاامل هيه خيتي الدراهم لازم في الحياة مام الطفلة اللي تحبها لوكان ما عندكش الدراهم تضربك عرض الحائط هذا اذا ما رجعتكش حيط من الحيوطة يغلط عليك اللي يقلك ما نحبش الدرااهم ياو الدرااهم هي اللي تخليك تعيش على الاقل باش تكمل السنوات اللي عاطيهملك ربي وزيد النبي شحال من مرة يقول اعوذ بك يالله من الكفر والفقر وتخيلو يجمع بين الكفر اللي هو ترك الدين والايمان بالله
وزيد مع الفقر ما نقولوش اواحد يكون غني ولا ثري من الاثريااء لكن على الاقل يكون قايم بروحو ميرسي ليليا ..​

السلام عليكم خويا حكيم
اهلا وسهلا انا علاه رحت لانو ماكانش اكبر من الصحة القراية تستنى وكل شي يستنى كاين المرض والذراري صغار امورهم ما تستناش لانو الكبير يتحمل عليها بديت بالمرض نرجعو لدرك راك عايش ومعايش الوضع وعارف انو الدراهم خاصة لمحتاجهم ضروريين الاخ سكر افندي قالك الدراهم مش هوما كل شي وي هناك لما الناس تكسب الدراهم وتتكبر على صحابها وجيرانها يشري كل شي بدراهمو الا لو خسر قلبو والناس ما راح يشري بدراهمو والو اما اللي محتاج يقرا ويداوي ويوكل ولادو ويداوي مريض انا نقول اكيد مهمين ويشرو يشرو دوا ويشرو كرسي متحرك والجامعي يقرا ممكن فالخارج ويحسن مستواه علاه لالا ما يقولوش الدراهم مش ضرورين ضرورين ويسلم فم باباك ربي يحفظو راهم الكبار يعرفو خير منا
شفت السيد راه جربهم خسر كوستيم وصباط وكرطاب غاشي كامل يشيتلو هنا اكبر دليل انو عندي الحق لانو كلنا نشوفو فيها
واش نقولو الله يرزقنا برك قيس حياتنا لا اكثر ولا اقل اللي مريض يداوي والقاري يكمل قرايتو والذراري ياكلو ويلبسو ويقراو حالهم حال ولاد المرفهين
شكرا لك

 

[ليليا مرام]

رد: زهرة تحب الدراهم .....

شكون قالك الدراهم ماشي ملاح ولا مايديروا والو
قال الله تعالى بعد بسم الله الرحمان الرحيم (المال والبنون زينة الحياة الدنيا )
وليوم كيما يقول المثل عندك دورو تسوا دورو نقطة انتهى .
​

السلام عليكم اهلا وسهلا نورت الموضوع
اييه انا عجبتني فالتالي نقطة انتهى اييه معذورة الباك بلون الله ينجحكم يا رب
اكيد المال ضروري والاهم يستغلو الواحد فإرضاء الله
شكرا لك