مغترب تحت المجهر

سلام عليكم يا مغتربين

بناتا وشباب اليوم راح نحط موضوع للتعرف على المغتربين الموجودين في المنتدى كل على حدى يعني ندعو احد المغتربين وننتظر تلبيته للدعوة ونطرح عليه مجموعة من الاسئلة نتعرف فيها عليه في حياته ككل من مدة الاغتراب طريقة العيش وهكدا سيكون الموضوع متجدد مع كل اسم لدلك اطلب المساعدة من مشرفة القسم في تنسيقه

بانتضار موافقتكم قومو باقتراح اسم لبدء الحوار معه وخليونا نحركو قسمنا شوي ونعملو نشاط للمغتربين باش يتعرفو على بعض بطريقة اكبر وفي نفس الوقت يعرفو الناس الي ماش في الغربة حياة المغترب كيفاش تكون بالعموم

​

 

[SAMIRA25]

بيونة مرحبا بيك اختي تحت المجهر منورة اختي
عندك صديقات و كيفاه تتلمو؟؟؟
حطينا صور من الاماكن لي قراب ليك ادا تقدري طبعا؟؟؟
المعيشة عندكم غالية شوي و لا بزاف ؟؟
​

 

[روعة انثى]

سلام بيونة معرفة خير يا لحبيبة حبيت نسقسيك يا الغالية :
- قريت بلي كنت تخدمي فالبلاد واش كنتي تخدمي ؟
- انتي حبستي الخدمة كي تزوجتي و رحتي للغربة ؟ القرار كان ساهل و لا صعيب ؟
- اهلك ما عارضوش تخلي الخدمة على جال الزواج فالغربة ؟ خلاولك حرية القرار و الاختيار؟
- ندمتي على خدمتك كي خليتيها و لا لا ؟
- واش درتي احالة على الاستداع و لا واش ؟
- واش هي الايجابيات اللي فالغربة مقارنة مع الخدمة فالبلاد ؟
و صحا سحورك تقبلي مروري

 

[ملااااك]

مرحبا بيكم لبنات والله كي نشوفكم نفرح من قلب ربي يخليكم

انا نسقسي ولا مكان له بيونة انا حطلكـ شوية اسئلة منكثرش

انا حبوبة

مانيش شريرة


-واش تعنيلك الغربة ؟؟

- اصعب موقف مريتي فيه في الغربه ؟

- كي تكوني مهمومة ليمن تحكي ؟؟


وشكرا عسولة على رحابة صدركـ

​

 

[byouna]

ــ كيفاش تعرفتي على راجلك ؟زواج تقليدي
ــ زوجك كيفاش يعيط ليماك ؟ربي يحفظها, خالتي
ــ نتي كيفاش تعيطي لعجوزتك و شيخك ؟العجوز naayatlha نانا والشيخ عندو 20 سنة ملي مات
ــ هل زوجك يدخن، لا
ــ هل خاوة زوجك مزوجين ؟و نتي عروسة رقم شحال ؟أنا رقم 4 مازال واحد مشي مزوج
ــ زوجك واش يشتغل ؟يخدم في مخبر داخل المصنع
ــ هل كليتي حاجة ماشي حلال ؟jamais

 

[byouna]

فاه راكي دايرا مع الغة تسلكي روحك؟ naagen شوية بصح نسلكها
راكي نادما لدزوجتي في لغربا ؟ des fois nndem des fois lala
عندك حبابات ولا ناس تعرفيهم يجو وترحي عندهم؟كاين صاحب رجلي جزايري عندو مرتو almanyt يجيو ساعات
كل يوم في دار ولا تخرجي ؟قبل منزيد كنت كل يوم نخرج دوق ياربي ونخرج خطرة في smant
واش هي لتحبيها في راجلك و واش هي لحاجة لتكرهيها فيه يعني طبايع ؟ ميكدبش حنين ،معندوش ل-vise تع نسا ،نضيف bezeef ،بصح yakmi
هل ناويا ترجعي تقراي ؟انشالله تكبير بنتي شوية

 

[byouna]

عندك صديقات و كيفاه تتلمو؟؟؟مكنش gaa
حطينا صور من الاماكن لي قراب ليك ادا تقدري طبعا؟؟؟ أمبعد نسورلك
المعيشة عندكم غالية شوي و لا بزاف ؟؟شوية غالية surtous lkra

​

 

[byouna]

- قريت بلي كنت تخدمي فالبلاد واش كنتي تخدمي ؟ كنت نقري إنجلزيت في تانوي
- انتي حبستي الخدمة كي تزوجتي و رحتي للغربة ؟ القرار كان ساهل و لا صعيب ؟ saaib بصح سلكها ربي
- اهلك ما عارضوش تخلي الخدمة على جال الزواج فالغربة ؟ خلاولك حرية القرار و الاختيار؟القرار كان لي
- ندمتي على خدمتك كي خليتيها و لا لا ؟ lala مندمتش
- واش درتي احالة على الاستداع و لا واش ؟ de poste abondonement
- واش هي الايجابيات اللي فالغربة مقارنة مع الخدمة فالبلاد ؟هنا خير في كلش

 

[byouna]

مرحباً بك أختي ملاك maana

-واش تعنيلك الغربة ؟؟وحدة وملل و-lhna

- اصعب موقف مريتي فيه في الغربه ؟كي زيدت لقيت روحي وحدي

- كي تكوني مهمومة ليمن تحكي ؟؟ نحكي لبنات اللمة ،الأهل منحبش نقلهم

 

[byouna]

zidou isalouni :s

 

[fatouma2012]

سلام بيونة
راكي ترضعي وتصومي ؟
إسم المدينة لي تسكني فيها ف ألمانيا ؟
كاين عائلات من الجزائر في مدينتك ؟
واش هوما المحلات لي يعجبوك ف التسوق ؟
عندكم f3 ولا واش ؟

 

[byouna]

صح رمضانك فطوم

راكي ترضعي وتصومي ؟إيه رني نرضع ونصوم
إسم المدينة لي تسكني

فيها ف ألمانيا ؟اسمها Bottrop
كاين عائلات من الجزائر في مدينتك ؟مكنش gaa العرب كين صاحب راجلي brk جزائري
واش هوما المحلات لي يعجبوك ف التسوق ؟ des fois H m كين Real و- ostermann
عندكم f3 ولا واش ؟للا عندي f2 رنا نشوفو blaakal منا ومنا بالك عام ونبدلو

 

[fatouma2012]

سلام بيونة ، الدعوة راها ميتة والبنات بطلو يسقسو ههه

تصبغي شعرك هنا ف ألمانيا ، ف دار ولا عند الحلاقة ؟

وينتا تروحي للبلاد نشالله ؟

تديري حجاب ؟ ما نوعه ؟

مدارس تعليم اللغة بعاد عليك ؟

وين تسكني كاين تمييز عنصري ؟

درتي علاقات مع جيرانك ؟

 

[أم أمين23]

فاتتني قعدتك بيونة ان شاءا لله نرجع نقرا مليح ونشوف واش مازال ما تسقصاش حبوبة صابريني برك راجعة ان شاء الله لا ماشي العشية غدوة بربي

 

[أم أمين23]

راني قريت واش فات وتشرفت بمعرفتك ومعرفة ياسمين كان في بالي عندك طفل ههه ان شاءا لله الجاي طفل صحة فطورك الا فطرتي وصحة بعد الفطور الا مازالك:
قلتي عشرة ايام في الذزاير وجيتي لالمانيا وين قعدتيهم في داركم والا عند دار الراجل؟
عندك دار في البلاد؟
مدايرين في حسابك الرجعة للبلاد والا الله اعلم؟
راجلك يحب يهبط للبلاد والا عادي؟
شحال عندو من كونجي وقتاش وقداش من يوم هههه؟
كي روحتي روحتي وحدك والا مع المخلوق؟
وكيفاش عقبتيهم الايامات؟

 

[byouna]

سلام فطوم وقيلة لبنات غلبهم رمضان
تصبغي شعرك هنا ف ألمانيا ، ف دار ولا عند الحلاقة ؟عندي 15 يوم ملي sbghtou عند الحلاقة

وينتا تروحي للبلاد نشالله ؟نروح قبل العيد الكبير bsmant عندي عرس ولد سلفي

تديري حجاب ؟ ما نوعه ؟حجاب مودرن ،يعني لكات وسروال

مدارس تعليم اللغة بعاد عليك ؟لزم نحكم بص على خاطر منسكنش في لا ville

وين تسكني كاين تمييز عنصري ؟للا مكنش

درتي علاقات مع جيرانك ؟lala ghir saha saha

 

[**laila**]

سلام فطوم وقيلة لبنات غلبهم رمضان
تصبغي شعرك هنا ف ألمانيا ، ف دار ولا عند الحلاقة ؟عندي 15 يوم ملي sbghtou عند الحلاقة

وينتا تروحي للبلاد نشالله ؟نروح قبل العيد الكبير bsmant عندي عرس ولد سلفي

تديري حجاب ؟ ما نوعه ؟حجاب مودرن ،يعني لكات وسروال

مدارس تعليم اللغة بعاد عليك ؟لزم نحكم بص على خاطر منسكنش في لا ville

وين تسكني كاين تمييز عنصري ؟للا مكنش

درتي علاقات مع جيرانك ؟lala ghir saha saha

السلام عليكم

صح فطوركم كان فطرتو حنا مازال ههههه

بغيت نسقسيكم تاقلمتو مع الغربة؟ و كيفاش كان اول شهر ليكم بعاد ع الاهل:regards01:

 

[byouna]

شكراً أم أمين
قلتي عشرة ايام في الذزاير وجيتي لالمانيا وين قعدتيهم في داركم والا عند دار الراجل؟كادذمفي دار راجلي بت ليلة في دارنا
عندك دار في البلاد؟مازال بصح ناويين نبنيو انشالله
مدايرين في حسابك الرجعة للبلاد والا الله اعلم؟لا رجلي عندو ولدوا من المانيت في عمر8 سنين قال للزم نقعد نصرف عليه
راجلك يحب يهبط للبلاد والا عادي؟عادي
شحال عندو من كونجي وقتاش وقداش من يوم هههه؟عندو 30 يوم يخير هو وقتاش يديهم ولازم ميدهمش على ضربة ،لزم 21 يوم أمبعد سمنت
كي روحتي روحتي وحدك والا مع المخلوق؟رحت معه
وكيفاش عقبتيهم الايامات؟فاتوا يجروا شوية في داري شوية في دارنا
شكراً الى الأسلة وتهلاي في روحك وفي مريم

 

[ام سحر و لؤي]

رد: مغترب تحت المجهر

salam ya jma3a sava ana yasmine men fransa 3jabni lmawdou3 w habit loukan hata ana nchrak w t3asrouni chwiya b les questions rani hata 3la yadi w nassana ya oum amine wal bnat

 

[ام الحلوين]

رد: مغترب تحت المجهر

صباح النور
مرحبا بيك ياس
نبدا انا اول وحدة بالاسئلة و اي سؤال ماتحبيش تجاوبي عليه نتي حرة حبيبتي
و عندي طلب اذا ممكن تقدري تكتبي بالعربية يكون افضل و مشكورة مسبقا
ــ ما اسمك ؟
ــ كم عمرك ؟
ــ عدد الاخوة و الاخوات و ترتيبك بينهم ؟ ربي يحفظكم
ــ شحال عندك متغربة ؟
ــ شحال مدة زواجك ؟
ــ و بعد الزواج شحال بقيتي و رحتي لفرنسا ؟
ــ و عندك اهلك و لا اهل زوجك في فرنسا ؟

هيا جاوبي على هذو و من بعد نزيد نسقسيك

 

[ام سحر و لؤي]

رد: مغترب تحت المجهر

سقسي واش تحبي ختي و راني هنا نجاوبك انا اسمي ياسمين عندي 25 سنة 5 اخوة 2 ولاد و 3 بنات انا الاولى ختي صغيرة عندها 6 سنين عندي عام و 8 شهر مغتربة حاليا راني فالبلاد عنيدي عامين و شهرين زواج بعد زواجي قعدت 6 شهر فالبلاد و زوجي كان معايا نسناو الدفتر العائلي الفرنسي علاخاطر راجلي عندو جنسيةفرنسية عندي دار عمي ماشي بعاد عليا و كاين عايلتو والديه و4 خاوتو