شكرا جزيلا على الموضوع .
اختي هي صراحة من واجب اهل البنت نصيحتها ويورولها الصح من الغلط بصح كاينة حاجة ، ليس بالضرورة انها راح تسمع النصيحة ، كاين ناس نعرفهم والديهم ماشاء الله وهوما خارجين طريق ، باباها وين راح يشوفها ياما بنات يبانو عاقلات وهوما تحت السواهي دواهي ، وكاين لي هي تقوللها نافيGي على روحك باش تجيبي راجل ، يعني الناس معادن ، ولي يخاف يخاف من ربي اما العربي لوكان ينفع ينفع غير روحو ، الانسان اذا كان ربي في قلبو وين يروح يبقى هو بنفس المبادئ ونفس التفكير اما اذا كان يهمو الناس دون رب الناس صدقيني في البيت ولو تسكري عليها الشومبرة بالمفتاح راح تدير لي في راسها ، المهم الغلط متقاسم بينهم خاصة اذا كانت البنت قاصر متعرفش صوالحها ، لازم الانسان يحكم شويا ماشي يحل الباب على مصرعيه ، وفي الوقت هذا الاباء طلقو المسؤولية وحلو الحزام بزاف ورانا نشوفو في النتائج بعينينا ، ونهار يطيح الفاس في الراس نشدو في الاماني ياريت وياريت ، ونعضو على الانامل يوم لا ينفع الندم .
الله يسترنا ويبصرنا بعيوبنا .
