راني حاسة بضيق يقتلني .............

[lakhdar29]

الله معك​

 

[lakhdar29]

 

[قناص الغرام]

الله غالب اختي حال البشر
حسبي اللو و نعم الوكيل
هاذا ما تقولي و كيما قالو ناس بكري الي باعك بالفول تصدقي بيه
​

 

[جمال التلمساني]

وكلي أمرك لله فهو حسبك
ومن يتق الله يجعل له مخرجا

 

[ام أمينة]

اختي صلي و ادعي ربي هو يحل الامور

​

 

[أميرة زمانـے‎]

أهـلا خيتي العزيزة

يا حي عليك ، والله كان نقلك ق راه يصرا فيا كما هكذا واكثر ومام انا نجرحت من عند لقريب لعزيز لي جامي توقعتو يجرحني بصح جرحني وانتهى الأمر المرة لولا صح تشوكيت كي سمعت لهدرة مي قلت نديgـوتي على جال عباد متستاهلش impossible
ننصحك خيتي ؟؟
شوفي حاولي تنساي أجبري نفسك باه تنساي ، قولي في نفسك كفاه انا لي جابتني ماما تحطمني هدرة في نص نهار ! هذي متصراش كاااامل [ انا درتها ونجحت وضرك كي نشوف الفلان لي جرحني والله كأني مشفتو متعرفت عليه م والو ] ~
والحمد لله رايحة وقلبي هاني مدامهم الوالدين راضيين الباقي يروحو لبعيد يهملوا يموتو معندو محيرني فيهم !!
وربي يعينك و يرزقك الصبر ♥
​

 

[somo_81]

السلام عليكم
و الله يا اختي راني حاسة بيك و بضيق لي في قلبك راني كيما انتي تغدرت و تشكيت بالموس في ظهري من ناس مظنيتش في حياتي بلي تاع غدرة لأنومعندهم حتى مصلحة في هاديك الخيانة بلاك محتوى موضوع لي قلقك يختلف عن محتوى موضوع لي قلقني بصح خيانة و الغدر من ناس متسنيهاش منهم يبقى هو هو صح تغيضك و تجعلك تحاولي تكحلي قلبك بصح كيما قالولك انا منبدلش طبعي على خاطر ناس مايستاهلوش يتسمى زادو غلبوني لالا نقعد نمشي بنيتي و نيتك راهي تخرج فيهم و ربي يبين الحق و الحقيقة متخافيش يمهل و لا يهمل امي ربي يحفظهالي دايما تقولي ديري النية يا بنتي الناوي كي الجمل الحاوي متخليش الطالح يغلب الصالح احكي خرجي حكايتك من قلبك ترتاحي انا جربتها و الله ترتاحي و ربي يفرج عليك و بعد كل عاصفة يأتي الصفاء و مع الايام تنساي مي لانك مادرتي والو مي هوما لي جامي ينساو
ربي معاك و يهون عليك اختي العزيزة

 

[ألمـاس]

بدون كثرة كلام
فهمت من ردودك انو هذ الشخص شاب مش فتاة وصرا لي صرا بسكو خالطتيه او درتيه صديق
تفكري قوله تعالى : فلا تخضعن بالقول فيطمع الذي في قلبه مرض
يعني لما تحكي مع شخص وتعطيه مساحة مش ليه أصلا وتخضعين له بالقول رايح اولا يطمع فيك والطمع هذا انواع ممكن يطمع في علاقة معاك او شيء فيك او عندك ممكن يتمادى في تصرفو معاك ولا يجرحك
يعني من الاخير اخطيك من مخالطة الشباب
وحتى البنات خالطي بالمقدار لي يخليك محترمة في عينيهم فقط
وهذي هي الدنيا تجارب ورانا نتعلمو باش التجربة هاذي تعطيك درس باش ماتعادويش الغلطة
اليوم تبكي وغدوة رايحة تضحكي وتبتسمي لانك خرجتي بتجربة ملحية تنورلك طريقك للقدام

 

[هبة نور]

وكلي ربي عليه وصبرا اختي
فإن بعد العسر يسر

 

[rahaf setif]

kabri albak kheti khoulchi fayat

kabri albak kheti khoulchi fayat

 

[امونة الشاوية]

ربي يكون في العون

 

[rahaf setif]

ربي يكون معاك اختي ماتقلقيش روحك مادام كاين ربي كلش يهون.

 

[زهور الشوق]

يا لعزيزة صح اللي صرالك صعيب بزاف وما يحس بيه غير اللي جاز عليه
وانا حسيت بيك لانو جاتني طعنة من انسانة عايشة معايا و سنين وانا حاطتها فوق راسي ...درتها كي ختي و والله عاملتها كي الملكة
ما كانت خاصتها حتى حاجة ....كانو اشياء ف نفسها هي تحتقرهم مي انا وباقتناع عاملتها على اساس مافيهاش دوك الحاجات وهي كانت تبان تستهل ....مي مادريتش بلي كاين ناس يستصنعو الحياء ولعقل والتقل سنين بلا ما يتكشفو وبلا ما يعياو
والله عمري ما ظنيتها هكداك ...ولوكان جات اهل الخير كانت برك تتفكر لمقام اللي كنت دايرتها فيه وتستحي من روحي وما تقابلش الخير بفعايل ما يتغفروش
مي كي طعنتني ف ظهري وف وجهي لاعبتهالي ملاحة نهار كشفها ربي مالغري جرحتني بزااف وزعفت بزااف مي ماطيحت عليها حتى دمعة لانها ماتستهلش نبكي عليها...و درتلها تصرف كرهتلها حياتها بيه ...تجاهلتها يا لعزيزة بعد ما عليتها فوق في لحظة هبطتها تحت
وعلمتها درس عمرها ما تنساه ....انا اللي يعزني نعزو وفوق الراس نحطو...واللي يذلني نذلو و ناري تحرقو
وهاد التجربة علمتني بزااف حوايج....تعلمت ما نعطيش ثقتي بالساهل...تعلمت بلي الناس اجناس بعد ماكنت نظن بلي كامل الناس حنان ونوايا وقلبهم صافي..تعلمت بلي كاين ناس يستهلو معزتنا وناس مايشرفناش نتعرفو بيهم اصلا
صح طولت عليك...مي فكرتيني ف تجربة كانت صدمة كبيرة ليا مي الحمد لله عرفت كيفاش نخرج منها بفوائد
لدا يا لعزيزة اللي باعك عمرك ما تحوسي عليه ...وما تندميش على طيبتك لانو يجي نهار وتلقاي اللي يعرفو قيمتك وما غير ربي ووالديك ما طيحي دمعتك على حتى واحد
اسمحلي كي طولت
واتهلاي ف روحك
سلآمي واحترامي غاليتي​

 

[سفيرة الماضي]

سلام اختي علبالي راكي مغبونة و راني حاسة بيك مي ما عندك ما تديري وكلي ربي و صاي باسكو هاد الدنيا غي دالات و كما جرحك يجي لي يجرحوا و ما يلقاش لي يداويه و تم سيتخوتاغ فات الوقت و ديري حاجة في بالك اللي خرج من حياتك بارادته ما يرجع ليها غي بارادتك سمحيلي طولت عليك حنونة .:-r:-r:-r:-r:-r:-r:-r:-r:-r:-r

 

[M3TaZ eLLMa]

رد: راني حاسة بضيق يقتلني .............

السلام عليكم

أخت الطيبة وصااال

أولا حبيت نعتذر لأني ما شفت هذا الموضوع في وقتوا

ربما كنت مشغوول لأني كنت غايب شوي على المنتدى

وربما انو الازمة هذا الموضوع وجرحها يكون قد راح وزااال

وما نحبش نفكرك في المواجع يا طيبة انت عن غنى عنها

لكن ما عليش نطرق إلى نقطة برك

أولا مع قرائتي للموضوعك وعلى حسب فهمي وتجربتي أني فهمت الموضوع وأساس الموضوع ونقطة لي خلاتك

تكرهين الدنيا لأنها غير موجودة فيك ...

أولا هذا الشخص علاه قااال عليك هذا الكلام ورغم انو يعرفك جيدا لأنو إنساان ناااقص وما يقدرش العشرة والملح

وتصرفوا هذا بين على نوايااه الخبيثة اتجاهك ولماذا قالك ذلك الكلام القاسي الذي انت حينها ارتعشتي لسماعه لأنه صاعقة

وكلام كبير جدا .. فهذا الشخص هنا بين لك انو انسان خبيث داخليا وما يقدرش العشرة فلجاء إلى هذا الاسلوب لكي ينتقم لا غير وهو يعرف بأنك برئية من كل كلام قاله لكنه تعمدى ذلك حتى يجرحك ويغرس السكين في قلبك أو وراء ظهرك ..

اتعلمين أنها سلالة الذائاب البشرية التي لا تعرف التعامل ابدا .

لهذا نقلك ابشري يا طيبة لأنو هذا الانسان ظلمك وانت وكلتي عليه ربي سبحانوا وحقك هنا لا يضيع ابدا ابدا ابدا

مختصر الحديث

أعلم انو الجرح عميق لأكنه تجربة تعلمتيها أنو تتحكمي في اعصابك لأي سبب كااان

ومدامك فرغتي قلبك هنا فهو دلالة على قلبك الطيب انك لا تردين الاذى لهذا الذئب البشري

نشكرك على تحكمك في اعصابك في وقت الموقف

ونتمنى انو الالم زااال واصبح ذكرى لا تعودين إليها ان شاء الله

وما عندي ما نقووول غير نتمنى ليك الخير وربي يوفقك ويعطيك ما تتمني

ومرة أخرى سامحيني والله اني رجعتلك للماضي ..

تقبلي شكري وتقديري إليك

موفقة​

 

[Sigli]

رد: راني حاسة بضيق يقتلني .............

والله غير شوكيتيني اختي

كامل اللي حكيتيه كاين منه اللي تقيمه وتعزه يخرجلك خرجة ما تسواش

حكايتك قاستني ونعاهدك نولي ونفرغ قلبي في الموضوع ديالك غدوة ان شاء الله حتى انا راني مغموم وغادي نولي كي كامل الناس
ممبعد سمعي همي ماشي غير انتي
​