سلسلة عوايد و فوايد : لوكان غير جيت بنت فقير

[nanoche]

السلام عليكم و رحمة الله و بركاته
واش راكم يا خاوتي ان شاء الله كلكم بخير و مرتاحين
هاذا أول موضوع ليا في هاذ السلسلة و يا ربي يعجبكم
حبيت نحكي على واحدة تلاقيتها من شي يومين
هادي شابة عندها 25 سنة ،جميلة، مؤدبة و قارية ومن فوق هادوما من عايلة معروفة بالغنى الفاحش
عندها سيارة وحساب في البنك و اذا جاها النصيب باباها بانيلها vيلا في أرقى مكان في العاصمة وهي وحيدة والديها:-h
اللي يشوفها يقول يا سعدها حاجة ما تخصها ... حتى كاين اللي يقول يا حسراه ليمن تصح هاديك اللي يجي يخزر فيها لازملو رونديvو مي اللي يتقرب منها يلقاها بحر مليان هموم و احزان
باباها تشوفه مرة او مرتين في الشهر لانه تقريبا ديما مسافر و يماها فام دافاغ لاتية غير بالpروجيات ما يتلاقاو لا على طاولة الفطور و لا الغدا و لا حتى العشا عايشة وحدانية غير مع حبيبتها الوحيدة و الخدم اللي دايرين بيها
الpاسpور في يدها وين تحب تروح ووقت ما تحب كل شي ساهل والصعب يسهل دراع مي هي ماشي راضية وقاتلي لوكان غير جيت بنت فقير على الأقل كاين عفايس نتمناهم و ما نلحقش ليهم وهاكذا على الأقل يكون عندي هدف في هاذ الدنيا
من هاذ الحكاية انا خذيت بزاف عبر ..... وانتوما واش تشوفو؟؟؟؟
​

 

[حفيد هواري بومدين]

لا معنى للحياة في ظل التسيب العائلي:up:
وافقت على الموضوع

 

[أم راضية ~_]

السلام عليكم
يعطيك الصحة اختي على هاد الحكاية
وهاد الشي الي مازال ما فهموهش العباد تاعنا وسيغتو الرجال
ربي يهديهم
الفوائد:
الغنى غنى العقل لا المال
ماكانش حاجة تعوض الاسرة و اجتماعها
​

 

[nanoche]

السلام عليكم
يعطيك الصحة اختي على هاد الحكاية
وهاد الشي الي مازال ما فهموهش العباد تاعنا وسيغتو الرجال
ربي يهديهم
الفوائد:
الغنى غنى العقل لا المال
ماكانش حاجة تعوض الاسرة و اجتماعها
​

وعليكم السلام حبيبتي
وعندك الحق الغنى غنى العقل و القلب وكيما يقولو ناس زمان الهنا غلب الغنى
​

 

[عطر الندى]

يعطيك الصحة أختي على الموضوع
والله لحكاية فيها بزاف عبر منها
الأولى/ انو المـال جامي يجيب السعادة
و هاذي شفتها عند بزآف ناس
والثانية/ مكان حتى حاجة تعوض الدفىء العائلي
لازم كل أفراد العائلة يكونو كالجسد الواحد
ماشي كل واحد في بلاصة
والثالثةّ/ مكان حتى انسان فالدنيا هاذي راضي بحياتو
بويـسك سبحان الله ربي يعطي من جهة و ينحي من جهة

​

 

[nanoche]

يعطيك الصحة أختي على الموضوع
والله لحكاية فيها بزاف عبر منها
الأولى/ انو المـال جامي يجيب السعادة
و هاذي شفتها عند بزآف ناس
والثانية/ مكان حتى حاجة تعوض الدفىء العائلي
لازم كل أفراد العائلة يكونو كالجسد الواحد
ماشي كل واحد في بلاصة
والثالثةّ/ مكان حتى انسان فالدنيا هاذي راضي بحياتو
بويـسك سبحان الله ربي يعطي من جهة و ينحي من جهة

​

شكرا حبيبتي و انا معاك في واش راكي تقولي مي كاينة حاجة تانيك لازم تعمليها في بالك باش ما تقوليش ربي يعطي من جهة و ينحي من جهة بل العكس
قال الغزالي رحمه الله :
إذا رأيت الله يحبس عنك الدنيا ويكثر عليك الشدائد والبلوى ..
فاعلم أنك عزيز عنده .. وأنك عنده بمكان ..
وأنه يسلك بك طريق أوليائه وأصفيائه .. وأنه .. يراك ..
أما تسمع قوله تعالى .. (( واصبر لحكم ربك فإنك بأعيننا ))

عطرتيني بردك يا عطر الندى بوركت
​

 

[ماكانش]

ماتخطبيهاناش هاذي ؟؟؟ هههههههههههههههه

 

[آستثنآء]

موضوع فور بزاف و من وراه كاين بزاف فوايد منها أن المال مش كل شي
و كيما قالت الأخت الغني غني العقل مش غني المال
صحيتي أختي بارك الله فيك
​

 

[nanoche]

ماتخطبيهاناش هاذي ؟؟؟ هههههههههههههههه

هههههههههه الله يغفرلك يا خويا والله لضحكتني
واذا ربي كتبهالك علاش لالا
ربي يرزقك الزوجة الصالحة
​

 

[nanoche]

موضوع فور بزاف و من وراه كاين بزاف فوايد منها أن المال مش كل شي
و كيما قالت الأخت الغني غني العقل مش غني المال
صحيتي أختي بارك الله فيك
​

وفيك بركة حبيبتي
شكرا على المرور العطر
​

 

[بنت الـ25]

أهلا ننوش
بالسيف شفنا موضوعك في سلسلة عوايد وفوايد
مشكوووورة على المشاركة
هادي هي الدنيا يا ختي ،، ربي يمد لناس ويحرم ناس
العبرة اللي خديتها من هاد القصة
انو الرضى بما قسم الله هو أساس السعادة الأبدية
والحاجة الثانية انو المال والجاه مش كلشي
وراحة البال وحنان الوالدين ما تتشراش بالمال

هاد الطفلة ماش راضية باللي قسملها ربي
وعلى العكس تشقاي واحد يقلك انا كون جاو عندي دراهم ما نسمع بحتى واحد
باختصار السعادة يصبح اسمها سعادة كي تتارشكيها مع الأحباب
وهي لقات كلشي قدامها بصح ما لقاتش معامن تتشاركها وملت من الوحدة

الحاجة الأخرى : انو وحتى في ظل هاد الظروف كانت قادرة تحط هدف آخر في حياتها مش شرط برك يكون هدف مادي
وعلاه ما خممتش تعمر وقتها بأمور خيرية ومفيدة
علاه ما تنضمش لجمعيات خيرية؟ علاه ما ديرش مشروع كيما ماماها وتتلهى بيه؟
الأفكار كاينة العقل لي يخمم هو لي مكانش
ربي يثبت علينا العقل والدين

​

 

[EL General]

يقولك ربي يمد اللحم لي معندوش السنين

 

[عطر الندى]

شكرا حبيبتي و انا معاك في واش راكي تقولي مي كاينة حاجة تانيك لازم تعمليها في بالك باش ما تقوليش ربي يعطي من جهة و ينحي من جهة بل العكس
قال الغزالي رحمه الله :
إذا رأيت الله يحبس عنك الدنيا ويكثر عليك الشدائد والبلوى ..
فاعلم أنك عزيز عنده .. وأنك عنده بمكان ..
وأنه يسلك بك طريق أوليائه وأصفيائه .. وأنه .. يراك ..
أما تسمع قوله تعالى .. (( واصبر لحكم ربك فإنك بأعيننا ))

عطرتيني بردك يا عطر الندى بوركت
​

هاذي حاجة باينة
بويسك ربي سبحانو مايدير حتى حاجة الا لحكمة معينة
مكانش قصدي بكلامي حاجة أخرى
ياخي اذا أحب الله عبدا ابتلاه
تقبلي مروري ننوش :regards01:
تحياتي
​

 

[nanoche]

أهلا ننوش
بالسيف شفنا موضوعك في سلسلة عوايد وفوايد
مشكوووورة على المشاركة
هادي هي الدنيا يا ختي ،، ربي يمد لناس ويحرم ناس
العبرة اللي خديتها من هاد القصة
انو الرضى بما قسم الله هو أساس السعادة الأبدية
والحاجة الثانية انو المال والجاه مش كلشي
وراحة البال وحنان الوالدين ما تتشراش بالمال

هاد الطفلة ماش راضية باللي قسملها ربي
وعلى العكس تشقاي واحد يقلك انا كون جاو عندي دراهم ما نسمع بحتى واحد
باختصار السعادة يصبح اسمها سعادة كي تتارشكيها مع الأحباب
وهي لقات كلشي قدامها بصح ما لقاتش معامن تتشاركها وملت من الوحدة

الحاجة الأخرى : انو وحتى في ظل هاد الظروف كانت قادرة تحط هدف آخر في حياتها مش شرط برك يكون هدف مادي
وعلاه ما خممتش تعمر وقتها بأمور خيرية ومفيدة
علاه ما تنضمش لجمعيات خيرية؟ علاه ما ديرش مشروع كيما ماماها وتتلهى بيه؟
الأفكار كاينة العقل لي يخمم هو لي مكانش
ربي يثبت علينا العقل والدين

​

أهلا بيك حبيبتي وديري في بالك حتى ويلا ما كتبتش أكيييد راني نتابع في كل ما يكتب في هاذ السلسلة اللي هي كيما العادة رائعة
وهادي هي الدنيا كل واحد عنده همْ وماكانش اللي راهو فيها مهني
وعلى حساب ظني العايلة لما تكون ملمومة خير من الدنيا وما فيها ماكان حتى حاجة تعوض الدفء الأسري
أنا كنت قلتلها اشغلي وقتك في حاجات تنفعك و تنفعي بيها غيرك مي بلاما نpريسيزيلها و بارك الله فيك نبهتيني للجمعيات الخيرية و نوعدك في أول لقاء أو مكالمة بيناتنا راح نقترح عليها الموضوع
دمتي ديمة منورة
​

 

[nanoche]

يقولك ربي يمد اللحم لي معندوش السنين

هههههههه ان شاء الله يركب طاقم اسنان باش ياكله المرة الماجية
الدنيا قسمات
​

 

[nanoche]

هاذي حاجة باينة
بويسك ربي سبحانو مايدير حتى حاجة الا لحكمة معينة
مكانش قصدي بكلامي حاجة أخرى
ياخي اذا أحب الله عبدا ابتلاه
تقبلي مروري ننوش :regards01:
تحياتي
​

مرحبا بيك يا الفحلة في أي وقت
نورتيني
​

 

[serinee]

اهلا اختي
للاسف هده هي الحياة لي فقير يقول يا ريتني غني
و لي غني يقول يا ريتني جيت فقير
مكانش انسان كامل الكمال لله صبحانو
ربي يعطيك حاجة مي ينحيلك حاجة اخرى
ربي اعطاها المال و .... و..... الخ
و لكن نحالها العائلة
اي لكان جاو يفهمو برك باباها و يماها بلي هدي الدنيا فانية
و واش راهم لاتيين يجمعو فيه راهو جاي نهار و تقووول ببببحح
الاسرة و دفاها و حنان الام و الاب يغني عن كل الامواااال
شكرا لكي للموضوع الرائع
​

 

[nanoche]

اهلا اختي
للاسف هده هي الحياة لي فقير يقول يا ريتني غني
و لي غني يقول يا ريتني جيت فقير
مكانش انسان كامل الكمال لله صبحانو
ربي يعطيك حاجة مي ينحيلك حاجة اخرى
ربي اعطاها المال و .... و..... الخ
و لكن نحالها العائلة
اي لكان جاو يفهمو برك باباها و يماها بلي هدي الدنيا فانية
و واش راهم لاتيين يجمعو فيه راهو جاي نهار و تقووول ببببحح
الاسرة و دفاها و حنان الام و الاب يغني عن كل الامواااال
شكرا لكي للموضوع الرائع
​

شكرا لك انت حبيبتي على المرور
و كيما قلتي الإنسان ديما يطلب المزيد و ما يرضاش بواش عنده بصح بيني و بينك يا اختي الحمد لله ما عندناش و ما خصناش و من ناحية الدفء العائلي حاجة ما تعوضه و لا حتى مال قارون
​