المرا الخدامة متعوبة

[nanoche]

باختصار المرا العاملة تستحق التقدير

:regards01:​

فعلا يا حبيبتي المرأة ككل تستحق التقدير و المرأة العامله أكثر لأنها تعمل مجهود مضاعف غير باش تقدر تسير هاذاك العش الزوجي
نورتي الموضوع يا نينة

​

 

[nanoche]

يعطيك الصحة نانوش والله يكون في عونك وموضوعك مليح وعليه نرد :d
الرجل يعاون زوجتو في بعض امور البيت علاش لا وذلك اقتداء بالنبي صلى الله عليه سلم (سنة حسنة) حيث كان يخدم اهله ونفسه يخصف نعله ويخيط ثوبه.... انا فرونشمون يما وختي الصغيرة على شغل الدار وما لحقوش تلقايهم بار فوا يدومونديو منا الرونفور :d

مي انا نقلك أمون افي شغل الرجل نخلوه للرجل خير ... وشغل المراة للمراة احسن (الزوجة راعية في بيت زوجها و ولده و هي مسؤولة عنهم و والله لا اجرها وخيرها اكبر واكبر في امومتها وفي تربية جيلها الصالح).... اما الحياة فراهي متكاملة بيناتهم المراة تقول للرجل ما عليك غير تحضرلي برك وخاطيك الشغل :d

شكرا أخي على الرد
هو أنا قصدت التعاون بيناتهم ماشي أنو يروح يطبخ أو يكنس لالا أنا قصدي ما يرميش عليها كامل المسؤولية مادامها عاملة كيفها كيفو و مادامها قاسمة معاه هم الزمان لأنو خدام الشهرية في وقتنا ما يلحقش حتى و لو عندو 2 اولاد و رانا نشوفو كيفاش الحكومة تزيد للعامل باليمنى و تاخذ الضعف باليسرى
نورتني بردك أخي
​

 

[nanoche]

كيما جا في رد بعض الاخوة الا المرا ممكن راجلها اوفرها الامكانيات وماكانش حاجة لشغلها علاش عليها هاد التعب وحجة انو الخدمة حماية للزمان ما عندها حتى معنى قادرة تبقى تخدم وهي متزوجة ويكتبلها ربي وتصرى حاجة وما تكونش خدامة يعني الله ما يضيع عبادو وفي ميزي المرا الي تخون راجلها وتقول نخدم مايدريش العبد واش يكون غدوة راهي تكون عايشة في ستراس اكثر يعني بين الخدمة والدار وزيد قلة الامان
اسمحيلي الا خرجت على مساق الموضوع بصح جات وجات على السيرة
مشكورة على الطرج طيعا

اهلا بك أختي أم أمين
في الحقيقة كل واحد و ظروفو وما شكيتش كاينة واحدة متوفرلها كل شي و ما تقعدتش تربي اولادها و تمدلهم حنانها طول الوقت و تزيد على روحها التعب
وما فهمتش علاش سميتيها خيانة كي المرا ما تامنش الزمان أنا نعرف ناس كانو عايشين في العلالي و جا عليهم نهار وين خسرو كلشي و رجعو عايشين في حالة غير ربي اللي عالم بيها بعد ما تعرض الزوج لحادث و تسببلو في اعاقة حركية 100% و اضطرت المرا باش تخرج تحوس على خدمة مي فاتها لاج لأنها في سن 40 سنة وراهي فام دوميناج تخلص 9000 دينار وهي جامعية يا أم أمين مي بالاك لوكان كانت خدامة من الأول لوكان على الأقل راهو عندها راتب شهري قريب 3 اضعاف هاذ الدخل اللي ما نسميهش شهرية خاطرش كاين ناس يحطوه على عرضة ديال فطور او عشا و هي راهي تصرف بيه على 5 اولاد و زوج معاق
شكرا على المداخلة اختي
​

 

[nanoche]

اهليــــــــــــــــــــــن بيـــــــــــــــــك حبيبتي نانــــــــ،،،ـــــــــو نتمنى تكوني مليحة،،
- ايه عندك لحق حنونـــــــــــــــة لمرا مسكينة كلش يجي في راسها ،،
وكي ادير غلطة صغيرة تولي مهيش مليحة وتتعاير،،
ولمرا لخدامة احنا منهدروش عليها راها في cas spéciale،،
وش تشوف لمغبونة من التعاب والستراس لي يحكمها،،
كي تكون فالدار راها تفكر فالخدمة وكي ترجع للخدمة كابوس الدار تلقايه ملاحقها ،،
تبقى غير تخمم لمسكينة مخها يتشلفط من التخمام والتعب ههههههههه،،
لافيريتي الدنيا هدي صعيبة بزاف تخدم لمرا ورجلها اولادها ويربي يلحقوا ههههه
يعني الدنيا دوارة واحد جامي قال عندي مشها راح ادور بيا كيما شي رجال قالوا لنساهم متخدموش وبطلوهم ملخدمة ومبعد جات وقت الشدة وخصوا ، انا منيش ضد لمرا لي تخدم ايدا لقات روحها مع الدار ولخدمة نورمال وعلاش متخدمش ،،ولايزعف منها رجلها كي تخدم ،، نورمالموا يتعاونوا في كلش فلمليحة ولقبيحة سيرتوا فالوقت هدا صعيب بزاف،، مي ايدا كانت لمرا ملحقتش على شغل الدار وكتروا عليها ليشوز مش اوبليجي عليها تخدم تبقى لاتية بدارها اولى من كلش ،، باسكوا انا راني مع لمرا لخدامة وضدها في نفس الوقت ،، يعني انا ضد هدومكا لي يحوسوا غير يخدموا على جال لخرجة وكي تروحي لدارها تلقايها كارتة متحوس عليها متحوس على رجلها متحوس على ولاده ومبعد يصراولها دي بروبلام كبار وعلاه كيما هك نهني روحي فالدار ولا ايدا بغيت لخدمة ومنيش قادرة على مسؤولية الدار وراجلي وولادي غير نهني روحي منتزوجش نبقى مع لخدمة ونحكم فرد حاجة نربح فيها وخلاه علاه التعاب هدا كامل ونضيع حياة ناس معايا...
مي ايدا كانت قادرة على كلش وعلاش لا يريحوا بعضاهم هي تعاونوا في مصروف الدار وهو يعاونها في شغل لبيت يعني مقلناش يدير كلش مي مهما كان ميضغطش عليها هدي اقل حاجة يديرها ،، وكاين حوايج خفاف يقدر يعاون بيهم مرتوا كي يكون فارغ شغل يعني مقلناش يخلي خدمتوا ويعاونها هدا ميصلحش كل حاجة وبلاصتها نحكي كي يكون يتفرج ولا يروح يدور لبرا بلا فايدة وهو معندوا حتى خدمة ،، والله مليحة كي راجل ومرتوا يتعانوا في كلش مكانش كيفها هوما بعد يزيدوا يحبوا بعضاهم ويعتامدوا على بعضاهم وهكداك حاجة متخصهم اكيد راح يتهناو من كل النواحي ،، مي كاين شي رجال ربي يهديهم قالك منعاونش مرتي خدمة النساء للنساء وعلاه ياك واحد مايطل عليك ويعايرك كي تعاون مرتك هدي حاجة نورمال ،، وش تحبي كل واحد وعقليتوا وكل واحد وش عطالوا ربي هدي هي الدنيا رانا غير نهدروا كي ميبغيش ربي يعطيك حاجة ميعطيهلكش ..وش نقولوا ربي يهدينا ويفرج ويسهل علينا برك ..
-- ومشكورة حنونتي على الموضوع الباهي واسمحيلي ايدا طولت عليك--



​

أهلا بأمونتي الغالية و ما تتحيريش غير طولي وزيدي هههههه نقرا ردك كلمة بكلمة و عندك الحق اذا فكرت المرأة في العمل لازملها تكون قادرة على شقاها و توفق بين الدار و الخدمة و خصوصا ما تقصرش من ناحية واجباتها نحو زوجها باش ما يوقعوش المشاكل
وان شاء الله تتزوجي و تخدمي و توفقي بينالتنين يا الزينة ههههههههه
​

 

[־●ـ‗غمــــوض ــالــورد_ـ●־]

أهلا بأمونتي الغالية
--اهلا بيك حنونة انت ليغالية ياغالية
و ما تتحيريش غير طولي وزيدي هههههه
--هههه معليش راني نشتي نكتب ونفرغ قلبي لي في قلبي على لساني اروزموا متعبتيش من لقراية ههههههه
نقرا ردك كلمة بكلمة و عندك الحق اذا فكرت المرأة في العمل لازملها تكون قادرة على شقاها و توفق بين الدار و الخدمة و خصوصا ما تقصرش من ناحية واجباتها نحو زوجها باش ما يوقعوش المشاكل
-- ايه هديك هيا لازم وحدة قبل ماادير حاجة وتقررها تشوف لقدراتها ومسؤوليتها اسكوا تخرجها وتنفعها لاشوز لي ادير فيها ولا لا خير ماتتعب مبعد وتضيع حوايج غالين باطل.
وان شاء الله تتزوجي و تخدمي و توفقي بينالتنين يا الزينة ههههههههه
-- انشاء الله حنونـــتي لعزيـــــزة ربي يخليك ومام انت انشاءالله تتهناي وتفرحي في حياتك وربي يعطيك ماتتمناي
​

-- ومرســــــــــــــــــــي اختي على التقييم فرحتيني بزاااف، ربي يحفظك ويخليك لينا انشاءالله
تحياتي لك..
​

 

[nanoche]

[QUOTE=Amani Nokati;4745465]

-- ومرســــــــــــــــــــي اختي على التقييم فرحتيني بزاااف، ربي يحفظك ويخليك لينا انشاءالله
تحياتي لك..
​

[/QUOTE]

منوراني ديما يا أماني و التقييم تستاهليه على عقلك الرزين

​

 

[anis 4ever]

موضوع رائع مشكور اخي

 

[TeNtOuNa]

شكرا اختي على هذا الطرح المتميز و السرد الجميل
بصح انا من وجهة نضري مادام راجلها خدام و عندو كروسة يعني لاباس بيه
مالا هي علاه تخدم هي حبت كيما هك
و اذا كان الراجل قادر على تحمل مصاريف بيته لوحده نورمال علاه راهي تخدم هي
​

يتحمل مصاريف الدار زي ومصاريف اللبسة والمكياج ولي ساك والصبابط والذهب زي