ماذا ستطبخين اليوم سيدتي انستي الجزء 32

[أم ندى]

السلام عليكم

جبتلكم هذي الامسية ليبينيي الاسبانية تشربو بيهم القهوة بالصحة ولهنا



وهذا رابط الموضوع لمن يريد الوصفة

http://4algeria.com/forum/threads/372892/

 

[ام منصف]

somo_81 بصحتكم الاطباق الحولة سهام ههههههه :p كل شيء هايل
tasnim55 بالشفاليك تسنيمو طمنينا عليك
حاملـة المسك وانا نقول واش بيه ردي يسيركيلي في الصفحة هذي :-o
الله يسلمك رغووووود بصح علاه ما خليتيش بصمتك لهيه :s
nada242008 بصحتكم السباقيتي امممممم والدلاع المستف راهو داير حالة هذه الايام
hadda0425 راني شفتهم اليوم رضات عليا نجمة ههههههه بصحتك ولعقوبة للعام الجاي
أم ندى نعود نقولوا ام ندى الgaورية وام ندى العربية باش نبينو على من نهدروا
بصحتك البينيي باين خفيف ومفشفش اممممم يعطيك الصحة
**
وللجميع صحى غداواتكم
​

 

[ibtesem]

السلام عليكم احبتي
ندى بصحتك السباقيتي
ام ندى بصحتكم اختي لبيني امممم جزاك الله كل خير على الوصفة
بصحتكم جميعا لغدى
غدايا كان تطبيق تليتلي خيرة
شكرا على الوصفة

سوب البطاطة والبصل تاع كوكو

كاش قهوة يالبنات​

 

[ام منصف]

بسومة بصحتك التليتلي والسوب
تحوسي على قهوة والا على التاي :d
**
اليوم درت كمونية ومعاها بطاطا

​

 

[ibtesem]

بصحتكم شريفة كمونية
اممممم متربعا في نص البطاطة
راهي العاشرة عندي نحب نعاود قهوتي لخاطر
منشربهاش في عقلي مع صباح نبقا لبس هدا نمد لهدا ههههه
تبرد تسماطلي
راني حكيتلك يومي تاع صباح خخخخ

 

[nada242008]

ام ندى بصحتك لي بينيي ومليح كي عرفتي لادراس وجيتي شاركتينا هههه كاين ياسر عضوات جدد يشاركو في المطبخ ومافاقوش بهذا الموضوع
ابتيسو بصحتك التليتلي والسوب
ام منصف كمونية تشهي تسلم الايادي
​

http://4algeria.com/forum/threads/372903/#post4775606

 

[hadda0425]

مساء الخير بصحتكم الغدا يا لحراير
سميرة وسهام وتسنيم وحسنا ام ندوش تسلمو وربي يخليكم وبصحتكم وش طبختو
وبالشفا لـ حسنا وتسنيم
شريفة بصحتك الكمونية
ابتسام بصحتك الغرتان والسوب
والقهوة راك كيفي في شربها لوكان ما نشربهاش في راحتي ما تحلاليش :up:
حبيت نسقسيكم وش يقصدو بالقشطة هي النيسلي ولا لا
وش هي كريمة الجبن
​

 

[nada242008]

الله يسلمك حدة ... القشطة هي قشطة ههه ماهيش نستلي راهي مكتوب في الباطة تاعها قشطة وكاينة في ماركة بوك مثلا تلقاي قشطة تاع بوك وبنتها كيما البوتيسويس تاع لولاد الصغار تقدري تديريه في بلاصتها
وكريمة الجبن تشبه للبيشاميل تتخدم بالنشا ولحليب وبرشا فرماج مرحي تجي كي شغل صوص بيضا خاثرة بالفرامج
​

 

[ندى الورود]

السلام عليكم
مساء الخير عليكم يا لماويات
صحا عشاواتكم تاع البارح وغدواتكم تاع اليوم
ويعطيكم الصحة على اطباقكم
لونا بصحتكم الزفيطي المحرحر مازالني ما حصليش الشرف نتعرف بيه
حدة يعني ماكانش الهربة عشاك عدسون واكيد درتي السبة وكليتي كبة الارز ايا بصحتك
وعيد ميلاد سعيد كل عام وانت بخير بصحتك لابتوب وg لاكسي سامسونغ تستاهلي كل خير
فريدة بصحتكم محاجب الخميرة باينين اممممممم بلاما نشوفهم
لالجيرواز بصحتكم الهبرغر
صومو بصحتكم العدسون والشطيطحة والديار ابو طابقين
تسنيم ربي يشفيك اختي واحن تاني الجو بارد عندنا تقولي جانفي
ام ندووووووووش بصحتكم الدلاع و السباغيتي طليتي على قلبي نحبهم في 2
شكرا على وصفة معجنات البيض من بعد نضرب طلة على الموضوع
ام ندى ببني هايل ويسخف بصحتكم وشكرا على الوصفة من بعد نشوفها
ابتسامو بصحتكم السوب والتليتلي يبان اممممممم
ام منصف بصحتكم الكمونية نموت عليها
والباقيات امسيتكم سعيدة
غدانا بربوشة بالجاج والخضر
صورتلكم صحني راه يبان كبير في الصورة والحقيقة راه صغير زيدو تقولو عليا مكراشة :d

​

 

[prncess fifi]

بصحتكم شريفة كمونية
اممممم متربعا في نص البطاطة
راهي العاشرة عندي نحب نعاود قهوتي لخاطر
منشربهاش في عقلي مع صباح نبقا لبس هدا نمد لهدا ههههه
تبرد تسماطلي
راني حكيتلك يومي تاع صباح خخخخ

انا ما نشربهاش حتى نوصلهم لمسيد ونرجع لدار ونطيبها في غرضي ونشربها سخونة نحسلها كيفاش تحبط ههههه نسمح في لعشا ولفطور وما نسمحش في قهوة حليب خخخ حكيتلك حياتي هههه

 

[أم علاء الدين]

السلام عليكم لبنات كيفكم انشاء الله كاااااااااااااامل بخير ياسلام على الاطبااااااااااااق لي تشهييييييي امممممم والله يعطيكم الصحة كلشي رووووووعة ويفتح النفس مشاء الله على العدرات والفحلالالالالات الله يصونكم يارب القائمة طويلة الله يبارك ومقدرتش نقيم كل وحدة راني مريضة الكحة دارت فيا حالة الجو باااااارد يقتل وراني نسنى في الطبيب
ام ندوش حبيبتي الغالية اسمحيلي على التاخير الوصفة تاع المطلوع من عيوني يازين الوصفة القيتها في منتدى اخر قلت نجرب وطلع روووووعة نشكر بزاف صاحبة الوصفة
في قصعة نديرو السميد مثلا 3كيلات ديري نص كيلة فرينة الزيت 4 ملاعق كبار + وخميرة الخبز الفورية ملعقة كبيرة ونص وحسب الجو اذاكان بارد 2 ملاعق وبتيهم بالماء دافئ و دلكيها جيدا ومن بعد دريها في ساشي مبلل بالماء دافي وخليها حتى تخمر من بعد زيدي اعجنيها مع شوية ملح مذوب في شوية ماء وبعد ضيفي السانوج + ملعقة كبيرة سكر ومترخفيهاش بزاف خطراش السر في البيضة رايحة تضيفيها في لعجين مع لخر وخبطيها بفرشيطة غير شوية و دخليها امليح في لعجين
و بعد ريحة تمرغدي كل وحدة في شوية فرينة او دقيق والباقي معروف
انا نطيبها في طاجين لحديد فوق لكوزينياغ والنار قوية ولما نجي لوح القرصة اندير فيها ثقب بالكوردون وحد 6 ثقب متباعدة باش كي تقلبيها الطيب ظربة وحدة ماتكونش جهة طايبة وجهة ناقصة طياب وانتي حركيها في طاجين كي الطيبي وهذي الكمية 3 قرص متوسطين وبالصحة حبيبتي اي سؤال راني في الخدمة

السلام عليكم أخواتي لعزاز كيف أحوالكم وأحوال واش طيبتو
أختي تسنيم ربي يشافيك ويعافيك يا العزيزة أختي بالنسبة للسعال كنت شفت في منتدى بالأمس وصفة وهي أنك ديري مغرف صغيرة زيت الضرو ومغرف صغيرة زيت الزيتون ومغرف صغيرة عسل نخلطوهم مليح وتشربي مغرف صغيرة كتروحي ترقدي أنا راني نجرب فيها لوليدي الدواء خلاص والسعال مازال ربي يجيبلكم الشفاء يا أختي

 

[hadda0425]

ام ندوش الله يخليك مرسي على الرد علبالك حنا في منطفتنا ما يجبوش بزاف لحوايج هادو لازم نركب الكار ونسهل ههه باه نشري بعد ما جاني مول التشيز كيك بغيت نديرو ما لقيتش المكملات تاعو نجبر حاجة نلقى حاجة مكانش هههههه
ندى الورود الله يسلمك وبصحتك البربوشة والله سخفت ليها راني جيعانة وبغيت حاجة سخونة وحارة ومعرعرة كيما العيش والزفيطي اليوم درنا قليان ناكلو ونترعدو ههههههههههه
​

 

[ام منصف]

بسومة بصحتك القهوة انت وحسينة اللي راهي مقاطعة التصوير :p
حدة وعفوف الله يسلمكم
ندى الورود بصحتك البربوشة اممممم سخفتيني
​

 

[أم ندى]

السلام عليكم احبتي​

ام ندى بصحتكم اختي لبيني امممم جزاك الله كل خير على الوصفة​

كاش قهوة يالبنات​

وعليكم السلام ورحمة الله تعالى وبركاته

الله يسلمك حنونة تعيشي

يم يم وااااو روعه

يعطيك الصحة يا لحرة نتاعنا

 

[أم علاء الدين]

هذا فطورنا ولله الحمد
ومربعات الشفلور للغالية ندى ربي يحفظها أنا فقط درتهم مدورين وقراتان الغالية روعة ربي يجازيها ويسر حملها


قراتان للغالية روعة تاع الفطر هايل ربي يسر حملها

في خاطر أصحاب القهوة اللي راهي حاكمة عليهم كيما أنا ههههههههههههه تفضلو باش تحلو ربي يحلي أيامكم

 

[أم ندى]

بسومة بصحتك التليتلي والسوب​

تحوسي على قهوة والا على التاي :d
**
اليوم درت كمونية ومعاها بطاطا​

سخفتيني بالمشرمله

تهبل يعطيك الصحة ام منصف

 

[أم ندى]

ام ندى بصحتك لي بينيي ومليح كي عرفتي لادراس وجيتي شاركتينا هههه كاين ياسر عضوات جدد يشاركو في المطبخ ومافاقوش بهذا الموضوع​

http://4algeria.com/forum/threads/372903/#post4775606

الله يسلمك حنونة متخافيش عليا قارية ومعاودة هههههه


عرفت من اين تُؤْكل الكتف البيبليسيتي اكل في هذا الموضوع قبالك

بصح نعترفلك :dصراتلي قبل ما نكتشف هذا الموضوع وحطيت موضوعي الاول بعد الموضوع الترحيبي والي كان هذا واحد ما فخرني والحمد لله بعد مرور 24 لقيت الموضوع تملا بالرودود وباه شهدت واستغفرت فكرت باه نعتزل المنتدى بصح فرجها مولاها هذا رابط الموضوع
http://4algeria.com/forum/threads/372739/


وضرك نروح نضرب طلة على موضوعك ونردلك لخبر فيه يعطيك الصحة مسبقا

 

[أم ندى]

هذا فطورنا ولله الحمد
ومربعات الشفلور للغالية ندى ربي يحفظها أنا فقط درتهم مدورين وقراتان الغالية روعة ربي يجازيها ويسر حملها


قراتان للغالية روعة تاع الفطر هايل ربي يسر حملها

في خاطر أصحاب القهوة اللي راهي حاكمة عليهم كيما أنا ههههههههههههه تفضلو باش تحلو ربي يحلي أيامكم

الله يعطيك الصحة والعافية ام علاء الدين خرجولك روعة ربي يبارك

بالصحة ولهنا

 

[أم ندى]

السلام عليكم​

ام ندى ببني هايل ويسخف بصحتكم وشكرا على الوصفة من بعد نشوفها
غدانا بربوشة بالجاج والخضر
صورتلكم صحني راه يبان كبير في الصورة والحقيقة راه صغير زيدو تقولو عليا مكراشة :d
​

وعليكم السلام

الله يسلمك حنونة وشمن بيني

راكي كتلتينا بالبربوشة ما خليتي فينا والو

 

[nada242008]

الله يسلمك حنونة متخافيش عليا قارية ومعاودة هههههه


عرفت من اين تُؤْكل الكتف البيبليسيتي اكل في هذا الموضوع قبالك

بصح نعترفلك :dصراتلي قبل ما نكتشف هذا الموضوع وحطيت موضوعي الاول بعد الموضوع الترحيبي والي كان هذا واحد ما فخرني والحمد لله بعد مرور 24 لقيت الموضوع تملا بالرودود وباه شهدت واستغفرت فكرت باه نعتزل المنتدى بصح فرجها مولاها هذا رابط الموضوع
http://4algeria.com/forum/threads/372739/


وضرك نروح نضرب طلة على موضوعك ونردلك لخبر فيه يعطيك الصحة مسبقا

اااه يا ام ندى راح تعتزلي مرة واحدة علجال الردود .. ماعليش كاين لي ما يتولهش وكاين لي ما يصادفوش الموضوع ... صدقيني كي توالفي بمنتدى اللمة مستحيل تقدري تبعدي عليه وكاين لي جرب ينسحب وبقى زائر وكاين وكاين ... كيما قتلك قبيل ان شاء الله تلقاي راحتك معانا وتنساي غربتك تونسينا ونونسوك .. تفيدينا ونفيدوك ههه عدت نشعر
من فضلك فقط الرجاء عدم اقتباس الصور للحفاظ على تصفح الموضوع وما يتكرروش في الصفحات بارك الله فيك وشكرا على التفهم