ماذا ستطبخين اليوم سيدتي انستي الجزء 32

[بنت الجسور المعلقة]

 

[serinee]

صباح الانوار عليكم
جمعة مباركة
ربي يفتح عليكم كل بيبانو في هدا اليوم
مممممممممم ميمي اخيتي الطعام راهو يشهي
و حبيبتي على وصفة المعمول عملت وصفة ام نيفين ممبعد نحوسلك على الرابط و نعتيهولك
بنت الجسور المعلقة بومهراس ادا مخنتنيش الداكرة راهو يبان رائع بصحتكم

​

 

[أم ندى]

السلام عليكم ​

صباح الورود على الوردات الغاليات كل وحدة باسمها ​

جمعة مباركة عليكم كامل ​

الاخت ام لقمان نورتي الكوزينة ريحي وتربعي معانا ولينا الشرف حنونة ​

الاخت ايمان هذي غيبة على سلامتك ​

الغالية دوما ام منصف يعطيك الصحة على لاروسات ربي يخليك لينا يا رب​

الحلوة سيرين يعطيك الصحة يا لحرة على التطبيق الممتاز خرجلك روعة ربي يبارك​

والسينية وفناجلها وكامل تاويلها يعطيك لصحة والعافية يا رب​

ومبروك عليك البورتابل تستعمليه بالصحة والراحة يا رب​

ام لقمان تطبيق سريع للكرام ربي يبارك خرجلك ما شاء الله واهلا بك مجددا في مطبخنا الرائع ​

انا راني رايحة نشري لاكرام شونتيي ولفلون يخصوني وغدوة ن شاء الله نجيبلكم التجربة نتاعي هههههه​

الغالية رنيم الصمت تعيشي ربي يخليك حنونة احرجتني بكرم مدحك اللهم لا تؤاخذني بما يقولون واجعلني خيرا مما يظنون ي رب​

ميمي منورة الكوزينة بتعليقاتك وكلامك الي يشرح النفس للجلوس في المطبخ تعيشي يا رب​

 

[أم ندى]

ميمي البربوشة شكلها يشهي يعطيك الصحة​

والي مخلاش فيا عقل البو مهراس نتاع بنت قسنطينة هبلني بشوي برك علينا منين نجيب المهراس نديرو بالتايموم ولا كيفاه​

أنا اليوم درت غريف الاخت ام سامي وخرجلي روعه يعطيها الصحة وربي يباركلها في رزقها يا رب







​

 

[serinee]

مممممممممممممم يا طاطا ام ندى الغرايف و لا البغرير كيما نقولولو حنا خرجلك روعة
سلمت يداكي حبيبتي
مام انا وقيلا درك نروح نديرهم
​

 

[أم ندى]

مممممممممممممم يا طاطا ام ندى الغرايف و لا البغرير كيما نقولولو حنا خرجلك روعة

سلمت يداكي حبيبتي
مام انا وقيلا درك نروح نديرهم​

تعيشي حنونة ربي يخليك

لكان حبيتي نمدلك رابط لاروسات نتاع ام سامي راه ميتعبش طول وبلاما تخمريه ديراكت تبداي اطيبي vيت vيت​

 

[serinee]

تعيشي حنونة ربي يخليك

لكان حبيتي نمدلك رابط لاروسات نتاع ام سامي راه ميتعبش طول وبلاما تخمريه ديراكت تبداي اطيبي vيت vيت​

منقولش لالا مدابيا مشكورة عزيزتي ربي يسهلك كلشي يا طيوبة
​

 

[serinee]

ميمي هاكي وصفة المعمول السلام عليكم و رحمة الله و بركاته
عيد مبارك لجميع ناس اللمة

هذا المعمول درتو فالعيد و جا يهبل كامل عجبهم


أولا خدمت العجينة:
* 250غ زبدة فلوريال+100غ سكر قلاسي و نخدمو مليح بالباتور حتى تصبح كريمة+قشور ليمون+2 بيضات+ 1 م ص خميرة القاطو+ 550 غ فرينة و نلايمو العجينة بلا ما نعجنو

الحشو:
100غ لوز محمص و مرحي+ 100غ بيستاش *فستق* محمص و مرحي+ 75غ سكر عادي+ نبلو بماء الزهر ماشي بزاف حق ما يشمخو شوية برك

و ضرك نبداو نشكلو المعمول نتاعنا
نشكل العجينة بحجم جوزة ثم نعمل ثقبة في الوسط و نضع كمية من الحشوة و نغلق العجينة ثم ندخلها في طابع المعمول و نضغط جيدا ثم نخبطو المول فوق طرشونة حتى تخرج الحبة
بعد ذلك نحطوهم في صينية و نرشق من فوق نص حبة فستق
و نطيبوهم على نار هادئة حتى يصبح ذهبي اللون من تحت فقط و نتركه أبيضا من فوق
تفضلي اختي وصفة المعمل لاختي ام نيفين
و فعلا جاني روعة يدوب فالفم
و ان شاء الله تجربيه و ينجحلك

​

 

[s_luna]

السلام عليكم
نهاركم زين و جمعتكم مباركة
توحشتكم بلبوكو يا فنّانات وينكم بانو الكوزينة رجعت موحشة وااااع

بصحتكم واش درتو و يا بنت قسنطينة واش راكي ادّيري فينا امممم شهّيتيني و أنا صايمة :scared01:
و الله الله على أم ندى و الغرايف التحفة دياولها
يعطيكم الصحّة

فطورهم سردين و فريت و سلاطة أنا مازااااااال :tongue02:

سلامي للكلّ :regards01:
​

 

[أم ندى]

منقولش لالا مدابيا مشكورة عزيزتي ربي يسهلك كلشي يا طيوبة​

تفضلي​

http://4algeria.com/forum/threads/360922/

 

[أم ندى]

لونا نورتي الكوزينة يا لقمر نتاعنا وينك وش الغيبة هذي طولتيها بزاف

اهلا بيك وبصحتكم لغدا​

 

[mimi53]

sabahkoum sa3id banat w djomo3a mobaraka a3likoum
oum nada merci habibeti tesselamili ya ghalia
reghayef ffffffooooooooor
serine ma cherie merci alf merci 3la wassefa
mizou 3ache men chafek habibeti djamatek rahi wesseletni merci bk w rana metwahchinek m3ana
bent el djossour el mo3alaka mmmm chahitini fiha ya3tik assaha w tesselem idek

 

[ŚσÚмĨÁ.Ďz]

masaa el khiir 3likom ,, enchallah el djami3 b5ir
jmou3a mobaraka 3la elkol
wallah liikom we7chaa kbiira kbiira rani mtab3etkem dayma
rabi ydawmha ne3ma w tbarek allah 3likom
sa7iiiitooo
w lya rej3a nchlh fi a9rab wa9et momkin
w nchallah tkonou mansitoniiich
:d
​

 

[راضية حامدة]

ام ندى البغرير جاك هايل
يعطيك الصحة و بصحتكم

 

[ibtesem]

السلام عليكم واش راكم
نهاركم طيب اجمعين
جمعتكم مباركة ربي يتقبل من الجميع
بصحتكم كامل واش طيبتو
ام لقمان مرحبا بيك معاك
تطبيق هايل للايسكريم
ام ندي بصحتك البغرير اممممممممم جاك هايل
ميمي بصحتكم طعام
لي نسيتها تسمحلي لاني مرجعتش :d
تحية مسائية للماكثات تحت مع الزائرات
​

24 (12 عضو و 12 ضيف)‏ibtesem, ‏ام التوام, ‏ام الحلوين, ‏ام بسومة+, ‏ام سيرا, ‏بنت الجسور المعلقة, ‏fatima der, ‏om siraje, ‏oumniati, ‏SAMIRA25+, ‏s_luna, ‏zoubidab

​

 

[ibtesem]

هدا غدانا

​

 

[oumniati]

نهاركم طيب ياطيبين خخخخخخ، في خاطر حسينة ساك هههههه:p
يسعد صباحكم ومساكم يا زينات اللمة يا أرنوبات راكم بديتو تجريو شوية واصلو هههههه:up:
ان شاء الله تكونو بخير وعلى خير

سيرين الله يبارك راكي قايمة بيها كلشي من يدك حنين يامولات الحنة''واشمن مناسبة درتيها؟:d هيهيهي توحشنا تقرعيج''
ماكلتكم تشهي وماعنكم هايلين وبصحتك البورتابل يا زينة

سمية سمسومة أهلا بيك كيفاه ننساوك يا بت ، هيا رانا نستناو

بنت قسنطينة الله الله تصويرة بالزوووووم ادّخل للحبس يعطيك ألف عافية، نعرف جماعة اليوم عينيهم يدخلو في ليكرون هههههه(( bassoum))

أم ندى اممممممم و امممممممم وآه من الاممممممممم على هذاك لغرايف مثقوب دوبل فاص يعطيك الصحة نتخيل فيه مع كاس حليب وقهوة براس ، ويلي

لونة لونة ويااااالوووونة، وين غطستي يا طفلة توحشنا الروج ، وعلاه ما تاكليش معاهم؟ ارواحي عندي طاجين زيتون اذا تاكليه، ولا راكي ريجيم هههههه

ذهبية الزينة ليك وحشة، يابنتي تدخلي وتخرجي ما نشبعوش منك، قوليلي راكي في دارك تكافحي ولا مازلتي تتقلشي في داركم ههههه

ميمي الوفية للكوزينة من صاب طعامك قدامي ممممم ان شاء الله تكوني بخير حنونة،، كاش ما جبدت الصنارة راهم بداو لعراسات ،أكتيفي ههههه

ساندريلتي فيك الخير حنونة ، خليتي الروح في الكوزينة بأطباقك ربي يباركلك ياسكرة

أم بسومة الله الله بصحتك الحلوى ومبروك على المتخرجين، لعقوبة لوليداتك

شريفة يعطيك الصحة على الطبق والوصفة بصحتهم منصف و ندود، وانت بصحتك لاتاي خخخخخخخ:d

تمنيت نعلق على كل وحدة منكم، خلاصلي ليصونص هههههه

جبتلكم تصويرتي فيها تطبيقاتي للوردة تاعنا ندى الورود يعطيك الصحة الروز جات فيه بنة البايلا ممممم وسلاطة الكورنيشو منعشة
والاخر مثوم أحمر----باين أحمر-----خخخخخ:-r

المهم في نفس الوقت باه نصور ماعني اللي شريت:$ فال رمضان كي العادة : plats de services 2 و2 مغارف باه نسربي وقوجة طاس هههههه وبراس تاع قهوة واكسسوارات اخرين ماصورتهمش

اللهم بلغنا رمضان

والبارح درت خبيزات بفرينة القمح صورتهم في خاطر ندوش ورغود الخبازات تاعنا بالاك يشمو الريحة يطلو:$:$

هذا هو وهذي هي راني ساعة وانا نكتب قريب نشيان ههههههه

ماتنساوش تصومو الأيام البيض من السبت للإثنين واغتنموا واش بقى من شعبان ماتغفلوش، ربي يباركلكم كاااااااامل الحاضرات والغايبات المتربعات في القلب

رغود،ندوش، بسوم، لويزة، فريدة، سمورة، ليلى، حفيظة، ياسمين، روز، حنان فلوسة، حنان نانوس،اسمهان، رقية، سرور، فوفة، شريفة، السيدة حكيك، نسرين، سميرة 25، حدودة، سهام، أنيسة ، واللي نسيتها تسمحلي
ورائدات الكوزينة كااااامل كااااااامل أحبكن في الله


موعدي معاكم الجمعة الجاية إن شاء الله:regards01:

 

[ibtesem]

اممممممممممممممم خيرورة كيفاش جاك محفر من الداخل
راني ميتة يخرجلي كيما هكا​

 

[oumniati]

وأنا عارفه ؟؟؟؟؟؟ ههههههه
ممكن خطراش درتو شوية جاري
ممكن خطراش مارققتوش بزاف كي قرصتو
ممكن كي خليتو خمر مليييييييييح
ممكن كي طيبتو على الحجرة تاع البيتزا( ايه تفكرت شريت وحدة ههههه)
ممكن للأسباب الأربعة مع بعض خخخخخخ
بصحتكم الروز بسوم:-h

 

[oumniati]

أم سيراج عالسلامة واش راكي واش راه سروجة، مللي جيتي للبلاد تفنينتي ، آوااااااه مانزيدوش نبعثوك ماخرجتش عليك هههههه إن شاء الله تكوني بخير أختي ، يخي علابالك غير نقصر:d



السلام عليكم ورحمة الله وبركاته:regards01: