ماذا ستطبخين اليوم سيدتي انستي الجزء 32

[samah06]

السلام عليكم لبنات واش راكم
راني توحشتكم بزاف بزاف علبالكم راني مع الدار فوت مرحلة علبالكم بيها
اما على طيباتكم اممممممممم هبلتوني يا خوتاتي بشويا عليا
راني مع السبغة وسماطة السباغ نهار يجيني و10 لالا راني قريب نهبل
البارح برك كمل راني مع لغسيل تاع الدنيا
لمزيا غسلت في ليستاع بقالي تسياق الارض كملتها ونرد لحوايج لبلايصهم
يعطيكم الصحة على طيابكم
ونتلقاو في رمضان
ديرو كوزينة واش طبختي لفطورك وسحورك هكا تخرج مع رمضان

 

[SAMIRA25]

السلام عليكم لبنات
ما شاء الله طيابات و عليها الكلام ربي يدوم النعمة و يحفظلكم صحتكم
لبنات حبيت نسال على الترتولات بالفواكه واش ديرو للفواكه باه ما يدبلوش و ما يكحالوش
و ربي يجازيكم كل خير​

 

[nada242008]

السلام عليكم
الله الله على الكوزينة لي كانت تلgف وعاودت حيات ههههه ما شاء الله على النشاط
لالجيرواز مرحبا بيك هذي غيبة واطباقك تحفة تسلم الايادي
دهبيتو اهلا وسهلا بيك نورتي المطبخ توحشناك يعطيك الصحة كلش يشهي والتطبيقات روعة
فرح قاطوات هايلين يعطيك الصحة
شهرا يا عيني على الحلويات اممممممممممممم الله يبارك كلش يسخف سيرتو الخفاف والمشلوش امممممممم
سميرة 25 الفواكه لي تعمري بيها التارتولات ادهنيهم بالناباج راهو يتباع في محلات الحلويات ولا اخدميه في الدار كيما الشاربات ما وسكر وقطرات ليمون وخليه حتان يخثار وكي يبرد يزيد يخثار كثر وكثر .. حطيه في قرعة في الفريجيدار وكل ماتحتاجي اجبديه وادهني بالبانسو .. يمنع تاكسد الفواكه وتحافظ على لونها
حدة نهارك سعيـــــــــــــــــد فريد :d
ابتيسو صباح الخيرات مازلتي تحت الغطا خرجي راسك ههههه
لبارح درت حسوة ماجاتش كالاصلية .. غير تقليد برك

وليوم تغدى عندي شيخي درت رشتة

صحا غداكم

 

[SAMIRA25]

يعطيك الصحة ام ندى جزاك الله كل خير
و هداك الخير ربي يقويه ما لقيت واش نعبر
و بصحته شيخك هديك الرشتة المتولة رايحة تنطق اكيد راه ياكل و يبكي :p

 

[ibtesem]

ابتيسو صباح الخيرات مازلتي تحت الغطا خرجي راسك ههههه
================
كلاني ضهري قلت كاش واحد راهو اعيطلي خخخخخخخخخخخ
اممممممممممممم جايبة معاك الحسوة مليح مجتيش فارغة
بصحتكم وبصحت شيخك
مساء الخيرات على الحلوين
لالجرواز الله الله كل شئ هايل واشهي تسلمي على سلمتك
شهرور ايه دا كولة هدا اقارب مالا البراني واش تحطولو
دهبيتو مزالكي مرنخة في داركم اقعدي حتان اخرجوك هوما
تسلمي عيد ميلاد سعيد

غدانا كان مقرون بالتونة شوفتها في النات ايا قلت نجربها

بصحتكم جميعا

​

 

[shahrazad]

عفوفة بصحتكم الحسوة اممممم وديك الرشتة شهيتيني فيها ياسعدو شيخك بيك عروسة فحلة ونص و75 هههه
داك الدلاع ياسلام حمر ينطق حنا هاد العام بالاك ماعدناش الزهر فيه الي نجيبوها سامطة ههههه
ابتسام اممم بصحتكم المقرونة تبان خرجتلك بنينة
صح فطوركم لبنات
انا درت حاجة خفيفة بادنجان بالصوص طوماط وفريت والله عييت من البارح

 

[imane27]

سلام لبنات
الله الله عليكم على النشاط راكم شاطرين يعطيكم الصحة
ندى رانى نستنا كاش ما يروح عليا تفنين وندخل
الجرواز رانى هنا مين داك نطل وكى ما نصيب والو نهرب
وين راهى زيزو توحشتها احتج مرجع لنشاطى حتى نشوفها دخلت بلغوها ولا راهى طل نت التاقة تقرا ردى جارتى

 

[لينا عبد الواحد]

http://4algeria.com/forum/threads/374868/
هذا الرابط
الطريقة في التعاليق
نحشيه بالكراميل نطيب النستلي ولا نشريه طايب
و شكولاطة فانوراز
و مكسرات مدقدقة

مرسي حبوبة تسلميلي يا عسولة

 

[l'algeroise]

shahrazad
مممممممممممممممم واش هاد الخير كامل من صابنا ضياف عندكم
dahbito nada242008 ibtesem
بصحتكم كل شي يشهي
حدة كنا مع لفريز و النفيض و لعراس ورمضان جابنا نجرو الحمدلله كي رجعت الكوزينة حيات بعدما كانت تلقف :up:

 

[somo_81]

مممممممممممم شهيتوني
وعلاه يا ام ندوش هبلتيني بالحسوة المسقية بتشيشة مرمز تاع داكم خليتيني هبلت راجلي حتى جابلي الرقاق و كي راحت النفحة عاودتي فطنتيها اليوم الحمد الله لي راه الرقاق في الكونجيلاتور نروح ندك راسي نجبدو و منخليهاش في قلبي بصحتك حنونة و بصحتو شيخك الرشتة بانة تشهي من صابني ساكنة بحداك
شهرورة اللوزة سخفتيني بفطورك الخفيف نروح نديرو عشا و خلاص بصحتكم
دهبيتو واش هاد الخير قع بصحتكم اختي العزيزة و كل عام و خوك الصغير بالف عافية لعقوبة نهار يولي كبير ههههههههه
ابتيسو الزينة بصحتك حنونتي اعطيني وصفة المقرون بالتونة نحب التون

 

[كوثر الوهرانية]

مساء معطر بالمس و العنبر
ليكم وحشة كبييييييييييييييرة يا حبايب قلبي

 

[samah06]

لبنات راني جبتلكم تهوتيرة وحدة اخرى من تهوتير الحاج
قالي ديريلي شخشوخة ايا اليوم شخشختها

 

[samah06]

ومع الغداء ثقيل في نهار الصيف نعسنا
جبدنا لمخاد واتكينا لقيناه جابلنا تارت قلاسي
هيا نحيو شيطة الشخشوخة
التارت راهي اكريم كامل ومع غداء اليوم اتعينلي نبدا الصيام
والا نخرج نسركل ياربي نحرق الحريرات اللي لحتهم لجسمي

 

[s_luna]

مولات الاحمر سهام توحشتك راكي غير توقبي و تروحي ها اغلطي بكليمة يا العزيزة
لي رجعة تكمل البقية

راهي جات مولات لحمر هيهيهي :p ،، واشراكي سهامووو إن شاء الله راكي مليحة ،، ربّي يقوّيك و يسهّلك

--

السلام عليكم
إن شاء الله راكم كامل بخير و يعطيكم الصحة راكم رج+عتو الزهو للكوزينة بعد ما كانت مغبونة :-o

--

تحية خاصّة للعسل لي راهي هجرتنا و رحلت علينا و خلاّتنا هاكداك نشتاقولها
و الله يرجّع كلّ غايبة :regards01:
​

 

[أم علاء الدين]

جاو البارح الضياف عدنا للقهوة لافامي وهدا ماحطينا

مساء الأنوار على الغاليات كيف أحوالكم اليوم تغديت عند دارنا رشتة متولة وهايلة من يدين ميمتي لعزيزة ربي يحفظها
أختي شهرة كلشي هايل ربي يحفظك ياري وصفة الطبق اللي تحت لصابلي راه يبالي مسمن مقطع بالطول راني نستنى يا أختي الوصفة ربي يجازيك كل خير

 

[mimi53]

هدا لفطور ولعشا تاع البارح
لفطور عملت قوارب محشية لninafert
حطيتهم مع مرقة تع جلبانة
ولعشا جاج فالفور مع الخضر وسلاطو وبوراك وميني بيتزا رانا نوجدو كروشنا لرمضان خخخخ

[/CENTER][/QUOTE]


chahera harame a3lik ih da hada eli tehabini za3ma khalitini hata ssoumete w raki tehati f khayerate hadou kamel
makheloufetelek asseberi 3liya berk

chahera hada wache yessamouh w bache makhdoum w win nessibou w kifache yendar hhhhhhhhhhhhh
tahekik al mofateche koulombo azerbi rani nessena hhhhhhhhhh
walah rani haba nedirou fi khetana nta3 welid khoya inchalah f remedhane yak ahkitelek
nidaaaaaaaaaaaaaaaa ila kafate lebnate kache 3afessa chaba kache djedid kache kache yetasselou b hissa rani nessana rani haba 3fayess chabine
w eli te3aweni adjeroha 3la alah w boussa mel foooook bache matgolouche mechehaha hhhhhhhhh

 

[mimi53]

slllllllllm lebnat twahachetkoum barcha barcha
inchalah tkounou labasse
ibetissou- raw3ati- kawterou-soumou-chahroura ssetouta eli keteleteni m3a dekhela- nadouche- smoura- samouha-zizou- ibtissem- dahbitou-algeroise- imenou-hadoud -oum khadidja- fifi w kamel lebnat weli nessiteha tessemahli rakoum kamel f kalb w nahbkoum mouuuuuuuuuuut

 

[nina usma]

قلييييييييييييييت طرشي
+
شلادة طوماطيش و بصل
+
تشكشوكة بصل وطوماطيش​

 

[mimi53]

 

[ام نوسه]

, ‏بنت الجسور المعلقة, ‏hasna23, ‏imane27, ‏JONON89, ‏mimi53, ‏oumniati, ‏sarah11, ‏somo_81, ‏كوثر الوهرانية
السلام عليكن
الكوزينه راهي منوره ربي يجعلها دايما منوره ببنات اللمه
كلشي يشهي ربي يعطيكم الصحة كلشي يشهي