هل مازالت أو زالت عندكم..؟

[حكيك]

وعليكم السلام
مزال راهي عندنا رغود عندي زوج ونقوللها قبببة
مشكورة على الموضوع

 

[ŘǻŇǾŬČĥ ŘǻČĥǻ]

حنا نسيميوها السطلة
هههه
اسمها مضحك
​

 

[أم أمين23]

احنا نقولولها بدون تاع البن نشرو فيها البن فقط والا الحليب

 

[ام منصف]

راهي جات سوpيرتي حنا بالشاوية نقولولها
* هسوpيرث *
شكون الشاطر فيكم اللي يقراها
وراني صورتلك نتاعي ونتاع يما
باينين الصغيرة نتاعي والكبيرة نتاع دارنا
وهنا في بسكرة يسموها * البيبوطة *
اكثر شيء نجيبو فيها الدوبارة والا نبعثو الذواقة

يسلمو رغود على الموضوع
احياء للتراث اللي راح يندثر
​

 

[حاملـة المسك]

موضوع عجبني بزاف يا رغودة هنا في وهران عندها عدة اسامي القبيبة و الوصالة و السوبيرة كل واحد و كيفاش يسميها
انا نقوللها القبيبة و نديروا فيها البركوكس ولا لي سوب ولا ماكلة متل العدس ولا اللوبيا باش تمدي لجارتك ولا لحبيبتك تدوقيها طيابك
انا في داري معنديش بصح امي عندها ديما نجيب في تاع امي
راكي درتيهالي في راسي درك نشري وحدة ليا
الف شكر رغودة

عجبني تسميت/ الوصالة/ وصالة خير للاحباب
لازملك وحدة كوتر ديما ديما الواحد حاجتو خير
ألف شكر لاثراءك موضوع / القبيبة/​

 

[عفاف الجزائرية]

ايه مازال عندنا رغود ونسموها البوطوني وكيما قالو البنات نجيبو فيها الحليب ولا اللبين ولا الدوبارة نشورها ولا في الاعراس نجيبو فيها العشاء ولا نديرو المرقة نتاع الشخشوخة ولا البربوشة
ربي يرحم ايام زمان كل حاججة عندها ريحة خاصة بيها
​

 

[حاملـة المسك]

اي مؤنث شبيكي انتي :s هههههههههه
شوفي آخر مرة شفتها نهار راح خويا الصغير فهاد كالوقت في عمرو 13 سنة
بعثتو ماما يشريلها لبن راح جابو في شكارة :-o
معرف السيد مول لبن سرقلو الدلوة ولا هو ودرها ولا قعد يلعب برا ونساها فالطريق جى واحد داها :d
هههههههههه الله اعلم :-r
بصح او مقابلني لبان دركا ندبر من عندو وحدة كبييرة تاني :p
هههههههههه​

دلولة يا دلولة هههه :p لا تاني تحطيني في موضوع روز

أممممم قصة دلوتكم قصة .. لازملكم المحقق توقوموري :-h
أخلفوها و لو انو الاصلية متتخلفش خصوصا إلا راهي من وقت فرانسا
و بالصحة عليكم.​

 

[حاملـة المسك]

وعليكم السلام
مزال راهي عندنا رغود عندي زوج ونقوللها قبببة
مشكورة على الموضوع

مليح سما مزلتي محافظة على التراث
شكرا لمرورك الطيب ختي حكيك​

 

[حاملـة المسك]

حنا نسيميوها السطلة
هههه
اسمها مضحك
​

حاشا خويا مكان ما يضحك .. تمنيت لو أنك دكرت الولاية
سطلة اسم تاني لاكلة مشهورة و تسمية لبدون الحديد ليسخنو فيه الما

بورك فيك أخي.​

 

[حاملـة المسك]

احنا نقولولها بدون تاع البن نشرو فيها البن فقط والا الحليب

اممم سما مستعملة عندكم اللبن و فقط ...و التسمية خير دليل

بوركت أم أمين.
​

 

[السلطانة]

وعليكم السلام

حنا نسميوها الدّلوة
ومازال عندنا لدرك بابا يشري فيها اللبن

​

 

[حاملـة المسك]

راهي جات سوpيرتي حنا بالشاوية نقولولها
* هسوpيرث *
شكون الشاطر فيكم اللي يقراها
وراني صورتلك نتاعي ونتاع يما
باينين الصغيرة نتاعي والكبيرة نتاع دارنا
وهنا في بسكرة يسموها * البيبوطة *
اكثر شيء نجيبو فيها الدوبارة والا نبعثو الذواقة

يسلمو رغود على الموضوع
احياء للتراث اللي راح يندثر
​

يعطيك رحمة ربي بقيت نقرا و نعاود منبعد تفكرت بلي راكي شاوية
بصح نطقتها كما نتم نعرف لنغمة لهجتكم :-r
اوووهوووه ديال داركم من التراث الاصيل ديالك زديلها 50 سنة و ست شهر باش تصنف من التراث ههه
بصح في بسكرة عندها تسمية أخرى نورتينا بيها انا لنعرفها غير
مكرو ناس بسكرة محبوش يردو نزيد شويا لا مبينوش رواحهم ندكر التسمية لعندي
و تسلملي حداgتك على الحقوق :up::regards01:​

 

[حاملـة المسك]

ايه مازال عندنا رغود ونسموها البوطوني وكيما قالو البنات نجيبو فيها الحليب ولا اللبين ولا الدوبارة نشورها ولا في الاعراس نجيبو فيها العشاء ولا نديرو المرقة نتاع الشخشوخة ولا البربوشة
ربي يرحم ايام زمان كل حاججة عندها ريحة خاصة بيها
​

يا سيدي تبارك الله تعددت التسميات/بوطوني/ المسيلة

ايه تع الصح كل وقت و ريحتو في الاعراس .. لحق حتى ليومنا هادا يستفو البوطونيات قدام البرم و يعمروهم
و يمدوهم لدراري لفلانة و لفلانة ... اااه أيقظتي المشاعر عفاف .

ألف شكر لمرورك يا عزيزة.​

 

[حاملـة المسك]

وعليكم السلام

حنا نسميوها الدّلوة
ومازال عندنا لدرك بابا يشري فيها اللبن

​

تقصدي / الدلوة/ ربي يحفظ الوالد و يبارك فيه
ألف شكر لمرورك ساندي.​

 

[NICHA03]

وي مازالهاا كاينة يشرواا فيها اللبن و الحليب راكيي تعرفيي
​

 

[ام منصف]

يعطيك رحمة ربي بقيت نقرا و نعاود منبعد تفكرت بلي راكي شاوية
بصح نطقتها كما نتم نعرف لنغمة لهجتكم :-r
نعرفك قافزة وما يتخافش عليك الله يبارك

اوووهوووه ديال داركم من التراث الاصيل ديالك زديلها 50 سنة و ست شهر باش تصنف من التراث ههه
ههههههههه يامن عاش رغووووووود

بصح في بسكرة عندها تسمية أخرى نورتينا بيها انا لنعرفها غير
مكرو ناس بسكرة محبوش يردو نزيد شويا لا مبينوش رواحهم ندكر التسمية لعندي
و تسلملي حداgتك على الحقوق :up::regards01:​

ممكن رغود دار شيخي هكذا يقولولها
نورينا بالمعرف الثاني لهذا الارث التاريخي اللي مازال يدور في بعض الديار
​

 

[ام ريهام]

السلام عليكم

يا حصراااااااااااااااه على القصديرة عندي واحد صغيرة بصح مانستعملعاش ولكن غدا مادام يوم الجمعة نهار تاع المسفوف اكيد راح نشري فيها البن باذن الله..........

 

[sheherazed]

mazaaaaaaaaaaaaaaaaalet 3andna:dhadik hia lbaraka



hna nsemiwha l9biba:-r

 

[hadda0425]

يعطيك رحمة على الموضوع حاجة صغيرة درتي منها موضوع هايل هههه
تقول درتي فيلم مريكاني في طاكسي فون هههههه
يا سيدي جنا نسموها الg ميلة ماشي الجميلة هههههه
بالشاوية نقولولها ثg ميلت
بارك الله فيك رغود
هيا شريفة هجيها ههههه
​

 

[ام منصف]

هههههههههه
اوراسك ماهجيتها حدودة
حنا هذيك ثg ميلت نقولوها للكاسرونة
​