أدخلوا تشوفو الكادو تاعي تاع البيام

[ميس مرام]

من بكري يقولو اعطوهلي فاهم ولا جعلو قرا
لفهامة ماهيش بالعمر ولا بمستوى التعليم، كاين وكاين
كاين صغيرة وراتبة ورزينة وحاطة بالها للدار والشغل وتعرف للمسؤولية
كاين صغيرة مزالت تلعب بالبوبية وماتعرفش حتى تعتني بنظافتها الشخصية
كاين كبيرة وقارية وفاهمة ومتمكنة من شغلها وحياتها الاجتماعية
كاين كبيرة وقارية و~فاهمة~ و جايحة تستنى يماها تحط الطابلة وما تعرفش تقود حوار ذو معنى مع الناس
باختصار الطفلة باه نحكمو عليها اذا تاع زواج أولا نشوفو معايير مغاااااايرة تماما عن معايير قبولها في وظيفة
أما نجاح الزواج من عدمه يرجع للمكتوب، وإلا ما تطلقت الطبيبة وووووو
مجرد مرور
ميرسي على الموضوع كاترين

 

[فجري لا وربي]

ياخااااااااااااااااااااااااااااااااااا...نندب..لاكان نخلي قرايتي ونتزوج...واش زادها عليا هبلت........صار 10 سنين وانا نقرا ...واني نسنى وكتاه نوصل للباك باه نعقبو ونتهى ونولي نقرا فالجامعة ويولي عندي شهادات ونولي تخدم ونرد لوالديا شوي من الشي اللي داروه على جالى ..نروح نتزوج ..اخاااااااا ...كل حاجة في زقتها مليحا (غير انا نليحا في كل الاوقات :p :p تبا كم انا متواضعة)..
بون اللي يخليو قرايتهم على جال الزواج انا هادا نسميه هبالللللللللللل ...في هبااااال ...
والدنيا كل شي بالمتكتوب ..وماعرف ...شكرا على الميوضوععع ..تقبلي مروري ...ناج
​

صحيتي يا الفحلة صحيتي كملي قرايتك حتى للدكتوراه و كي تخلصي تلقاي العنوسة لاسقة فيك وتندمي على النهار لي قلت فيه نكمل قرايتي ، ما عليش الطفلة تقرا بالصح لا جاها مكتوبها من عند انسان ترضى دينو و خلقو من الأحسن تقبل و مام تحبس القراية ، ربي يعطينا التفكير السليم

 

[بنت الـ25]

يغلق الموضوع لانحراف النقاش عن مساره
+ يمنع التعمق الديني فله منتداه الخاص به
جاري تصفية الردود ...
بعدها يفتح الموضوع من جديد
واي رد استفزازي يتم تبليغ الإدارة
​

. انتهى
​

 

[بنت الـ25]

تم حذف الردود المخالفة التي خرجت عن الموضوع
وكذا الردود الاستفزازية والمقتبسة لها
والردود المخالفة لقوانين منتدى واش راك تهدر
يرجى الالتزام بالقوانين
وأي مشاركة مخالفة تحذف
​

 

[فتاة حساسة]

صحيتي يا الفحلة صحيتي كملي قرايتك حتى للدكتوراه و كي تخلصي تلقاي العنوسة لاسقة فيك وتندمي على النهار لي قلت فيه نكمل قرايتي ، ما عليش الطفلة تقرا بالصح لا جاها مكتوبها من عند انسان ترضى دينو و خلقو من الأحسن تقبل و مام تحبس القراية ، ربي يعطينا التفكير السليم

هههههههههههههه لالا ياخويا ..نكمل قرايتي ساع ..ونرع لواديا شوي من اللي داروه ..ومبعد الزواج او ساهل ..وزيد هاد نخططات مستقبيلة فقط..خاطرش انا اريد ..والله يفعل ما يريد..من لغدوة ماعلابلناش واش راح يصرا ..وادا شافلي ربي الزاج فيه الخير نتزوج ..رب الخير لا يأتي الا بالخير مي ..انا ماحاطاش الواج في باللي ..القرايا ساع ..ومبعد ساهل الحال..:d..شكرا فجري :-r
​

 

[بنـ MaPa ـت]

وعليكم السلآم

هي راهي باغية وتخليها تتزوج؟؟
وين راهي مسؤولية الآباء والامهات
كيفاش يقدرو يزوجو ولادهم صغار
الزواج ماشي لعبة راه مسؤولية كبيرة
يطبعوهم على ريسانهم ومبعد يباصو بيهم ويقولو يا ريتنا ما عمالنا
الاحسن يربو ولادهم ويكبروهم ومبعد كل شي في وقتو ساهل
خطرة رحت لطبيب العيون لقيت وحد الجماعة جبدو فيها على الزواج وما زواج
تحكي وحدة قاتلهم انا بنت خويا تزوجت 16 وحبست لقراية
خلعتني جيت نقولها انا 19 سنة واقيلا وليت بايرة خخخ
يا ختي الصح الطفلة ماتنفعها غير قرايتها
والزواج يجي يجي وتشبع منو

ميغسي
​

 

[NASRO DZ]

اولا ميرسي على موضوع كاترين
اولا بالنسبة لي الزواج المبكر ليس جيدا ابدا
انا نقلك من الاحسن ونصيحة من عند الاخ نصرو ليك انتي وللجميع الي في سنك
الزواج المبكر ليس جيدا لانه راح ينتج عليه مشاكل

عليك فقط التفكير في درستك فقط ومباعد توصلي الباك خمي في الزواج :up:

لا يخدعكن اي احد ويقول لكم الزواج المبكر جيد
لا والف لا
اولا لان الطفلة ستكون لا تعرف شيء ان تزوجت وهي صغيرة
لن تكون امراة راشدة ان تزوجت في تلك السن المبكر راح توجه مصاعب كبيرة لا يعلمها الا الله

لهاذا انصحك الا تكترثي بهذو النساء اللذين يقلن انتي نخطبك لوليدي ومانيش عارف هه

لازم الطفلة تخمم في قريتها وكي تلحق الباك وتشوف روحها قادرة على تحمل المسؤلية تتزوج

وربي يكون في عون كامل بنات بلادي ويرزقهم بالشاب الحلال ويقدر المسؤلية

وشكر على الموضوع الحساس جدا

سلام .......:regards01:

 

[NASRO DZ]

هذا هو الكلام الصحيح شكرا اختي بنـ MaPa ـت
الزواج ماشي لعبة راه مسؤولية كبيرة
يطبعوهم على ريسانهم ومبعد يباصو بيهم ويقولو يا ريتنا ما عمالنا
الاحسن يربو ولادهم ويكبروهم ومبعد كل شي في وقتو ساهل

 

[زهور الشوق]

ههههههههههههههه
يا خاه خلعتيني قلت نتي بالاك راح تتزوجي
ايا سلامات كي ما جاتش فيك ههههههههه
بون نجاوب على اسئلتك
1- واش رايكم ف الزواج المبكر ؟
نظن الزواج المبكر ماشي ف صالح الطفلة ....خاصة الجيل تاع درك...لوكان تحب حاجة وما يشريهالهاش تدير جلبة بلبكا....يعني من جهة ماهيش اهل للمسؤولية ومن جهة اخرى قرايتها سبق
2- واش رايكم ف الطفلة اللي تفضل الزواج على القراية و أيهما احسن بالنسبة ليها ؟
ف رأيي الطفلة اللي تخلي قرايتها علاجال الزواج ما راهيش تخمم بعقلها مليح...لانو هاد الزمان غدار والناس ف هاد الوقت قلال اللي يتامنو وقلال ولاد الفاميليا...ولازم تخمم الطفلة بلي حتى تأمن مستقبلها باش تتفرغ للزواج ....شكون درا بالاك تضيع قرايتها وتزوج منبعد يجي نهار ويتخلى عليها زوجها وداك الوقت سي تروتار وياما سمعنا حكايات كيما هادو
وكي تتطفر ماكان لا دار باباها لا دار خوها ....وتوليلها ندامة ولوكان قرات ماتحلل حتى واحد الشهادة ف يدها تحوس خدمة وتستر روحها وولادها
ولقراية مليحة باش حتى ولو زوجتي وزوجك قايم بيك راح تفيدي بالعلم اللي خديتيه ولادك وتربيهم على الدين وعلوم الدنيا

ايا خلعتينا ف الديبو مي معليش الشارم كامل تماك ههههههههه
صحيت ختيتو
سلآمي​

 

[souhila_95]

هههههههههههههههههههه موضوع هايل ختي دخلت نشوف الكادو:d..انا ضد الزواج المبكر لانو قليل ماينجح ..ايا لمزية مازوجوكش:-r هههه سلام