السلام عليكم
شوفي أختي القناعة راحت من قلوب الناس وحتى عزة النفس راحت
بكري كانت كاينة ناس تموت بالشر ومايقولوش رانا ماتعشيناش ولا ماتغديناش
ناس عندهم نفخة وعزة
لكن في وقتنا هذا راه صاير العكس
ناس تاكل ولاباس بيها ولكن الطمع والعين الفارغة تخليهم مايقنعوش بالشي لي عندهم
وامبعد كي يخرج ابنها عاصي ولا سراق ولا صاحب سوابق يقلك علاه ياربي وش درت ياربي !
ونساو بلي راهم رباوهم على الحرام وكبروهم على أكل حرام وجمعولهم دعاوي الشر
زيد هذا ذنب يقعد يتبع فيهم مش في أولادهم فقط بل ليوم الدين وحتى نهار الحساب
للاسف لما غاب الخوف من الله كثر الباطل
ربي يحسن الحال ويتولنا لعيوبنا
صحيتي اخيتي على الموضوع ان شاءلله الناس تدي منو عبرة
