حلو بالعجينة المورقة

[ام منصف]

هذا نوع من انواع الحلويات اللي ممكن نقدموها مع الشاي في سهراتنا
وخاصة ونحن على اعتاب الشهر الفضيل
- اللهم بلغنا رمضان -

العجينة
العجينة المورقة اي وصفة موالفة تستعمليها

المقادير
شيكولا حبات
معجون مشماش
بياض بيضة
زيت للقلي

طريقة التحضير
- حلي العجينة بسمك 1 ملم وقطعيها دوائر بقطر 7 الى 8 سم او حسب رغبتك وادهني الحواشي بالبياض
- حطي حبة الشيكولا في الوسط واغلقي عليها بشكل نجمة خماسية *الصورة توضح*
- بواسطة مقص المطبخ قصي اطراف النجمة الخمس
- اطوي كل طرف على نفسو واستعيني بالبياض باش ما يتفتحوش
- اضغطي في وسط كل حبة شوية برك
- اقليهم في زيت سخون
وكي يبردوا زيني بالمعجون
-اختصرت الخطوات في صورة واحدة-

وهذو لي بالميي كنت عملتهم موضوع من قبل وراح كي راحت اللمة

زوووووووووووووووووووووم

وهذاك الاول شكل فراشة للاسف ما صورتش المراحل نتاع خدمته
- قطعي مربعات وطبقيهم بشكل مثلث
في القاعدة نتاع المثلث اعملي خطين بالسكين في الوسط بلاما تلحقي لراس المثلث
خلي بيناتهم مسافة 1 سم
ادهني ببياض بيضة ولويه على راس المثلث مرتين
مرغديهم في السكر العادي
والى الفرن كي تشوفيهم طابو شعلي النار من فوق شوية برك باش يتحمروا

وشهية طيبة
اتمنى اني نكون وفقت في الشرح واي استفسار انا في الخدمة
​

 

[tistissa dj-tissou]

امممم الطريقة سهلة وباين بنين يهبل مرسي عليك اختي
​

 

[ام خديجة1]

ما شاء الله عليك اختي ام منصف جبتيها متقونة خير من المشرى
بارك الله فيك على الطريقة جاتك تهبل

 

[hadda0425]

ممممم شريفة يهبلو يعطيك الصحة
ملاح في سهرة رمضان صح
تسلميييييي
​

 

[ألاء الرحمـــن]

يعطيك الصحة شوشو على طريقة سهلة وشكلها شباب
ممممممممم شهتيني بصحتكم

​

 

[imane27]

يعطيك الصحة شريفة جاوك هايلين ويشهو

 

[أم ندى]

خرجولك تحفة يا لحرة يعطيك الصحة


ربي يبارك فيك وفي يديواتك

 

[حكيك]

يعطيك الصحة شوشو
تسلم الايادي
​

 

[روز]

يعطيك الصحة يالفحلة خرجولك تحفة
مي عفسة المقص راحت عليا تخيلها كل شي إلا أنها تتخدم بالمقص
يانتي يافنانة
شكرا على الوصفة ومرسي لانك درتيهانا موضوع

 

[SAMIRA25]

يعطيك الصحة ام منصف على الطريقة
خرجو يشهو امممم
بارك الله فيك و جزاك خيرا​

 

[lina-67]

يعطيك الصحة خرجو فوووور جاري التطبيق ان شاء الله

 

[serinee]

مممممممممممممممم حبيبتي جاتك تهبل
يسلمو على الوصفة الرائعة
​

 

[مطبخ الأحلام]

السلام عليكم

يم يم يمي يشهي باينتو هشيش

يعطيك الصحة ختيتي يسلمولي الايادي الذهبيين

بالصحة والهنى ^^

شكرا لكي
​

 

[ام منصف]

شكرا لمروركم
نورتوا الصفحة
​

 

[israa27]

مرسي تشكيلة رائعة
​

 

[anissa 13]

وصفة اكثر من رائعة يعطيك الف صحة شريفة
هاهو تطبيقي

https://www.4algeria.com/forum/t/373817/#post4792468
​

 

[samah06]

يعطيك الصحة شرفوو يهبلو وساهلين انا نحب نديرهم بدون شكلاطة فقط
نرشهم ب السكر وندخلهم للفرن

 

[بنـ MaPa ـت]

يعطيك الصحة ام منصف
خرجو يشهو وبنااان
يسلمو الايادي الحلوين

تحيآتي
​

 

[ام منصف]

شكرا لمروركم
نورتوا الصفحة​

 

[ندى الورود]

يعطيك الصحة يا ام منصف
شكلها رائع
​